find my life (Arabic)

chapter 41

Find my life
Chapter 41

جودي كانت واقفة وحاسة ب الانزعاج
جودي بعدت جاستن بهدوء: جاستن انت تعبان ولازم تنام
جاستن بعد عشان يغير هدومه
وكان بيفقد توازنه لكن جودي سندته
قعدته جودي على السرير وغيرتله هدومه
وحركته نيمته على السرير
وشغلت التكييف و غطته و لفت عشان تخرج
جاستن: مش هتنامي
جودي: لا انا افتكرت حاجة هعملها وبعدها اجي
Don't late that I need you
جودي رجعت باسته في دماغه و ابتسمت وخرجت
جودي خرجت نزلت تحت و قعدت على الكنبة وحطت ايديها على دماغها
هووووووو
جودي خدت تليفونها و اتصلت بجينيفر
جودي: ايوه يا جينيفر
جينيفر: ايوه يا جودي في حاجة
جودي: هو انا صحيتك من النوم ولا ايه
جينيفر: لا لسه منمتش بس اتخضيت بتكلميني دلوقتي هو في حاجة
جودي: انا لابسة في مطب
جينيفر: في ايه بس
جودي: عندي مشكلة مع جاستن ومش عارفة اعمل ايه
جينيفر: طب قولي ايه الحصل ايه اتخنقتوا ولا ايه
جودي: مش اتخنقنا بس ... بوصي هو جاستن لسه راجع يمكن من نص ساعة و هو ثمل
جينيفر: ثمل!!!! انت مش قولتيلي قبل كدا انه وعدك انه مش هيشرب
جودي: ايوه هو وعدني مش عارفة هو امبارح كان متعصب اوي عشان اتخانق مع راين وبيقول انهم خسروا بعض واتعصب عليا لما سألته مالك بس بعدها صالحني و حكالي وقالي مش عايز كلام في الموضوع دا وجه انهاردة بالليل قالي خارج فا بقوله فين قالي خارج وخلاص بس ورجع متأخر و كان فاقد توازنه
جينيفر: عادي ممكن يكون عايز ينام لاكن مش لدرجة ثمل يعني
جودي: طب وريحة بوقه و نفسه
جينيفر: بوصي عدي وهو اكيد عمل كدا بس عشان راين يعني
جودي: تمام تصبحي على خير
جودي دخلت نامت ولما دخلت السرير جاستن صحي
جودي نامت و جاستن لف و نام في حضنها ولف ايده حولين وسطها زي الاطفال
رغم ان جودي كانت مديقة منه لكنها ضمته وحضنته ونامت
#تسريع الاحداث
بعد مرور حوالي ٩ او ١٠ ايام على نفس ااحال جاستن ينزل بالليل وجودي متعرفش رايح فين يرجع بالليل متأخر ثمل و مش حاسس بنفسه و يصحى تاني يوم مش فاكر اي حاجة
✴جودي وجينيفر
جودي: جينيفر انا هتجنن خلاص انا مبقتش عارفة اي حاجة عن جاستن كل يوم يرجع متأخر ومش شايف اودامه و حتى معرفش بيروح فين انا تعبت
جينيفر: خلاص يبقا تروحي معاه و بعدين سوري يا جودي انا بدأت اشوك بصراحة بيعمل ايه هناك وليه مبيردش عليكي ولا بيقولك هو فين
مش قصدي حاجة و الله بس اطلبي تروحي معاه و اتناقشي
جودي: لا لا لا يا جينيفر انا واثقة فيه
جينيفر: يا ستي اوك بس روحي يا اما بقا تفضلي كدا انت حرة فكري و ابقي قوليلي سلام
جودي: سلام
مرت ساعات وجه الليل و جودي كلام جينيفر بيدور في دماغها
جاستن قاعد : اقوم البس بقا
جودي بدون تفكير راحت جودي قعدت جمب جاستن
جودي: جاستن حبيبي ممكن اطلب منك طلب هو رخم بس غصب عني
جاستن: في ايه
جودي: انا كنت عيزا اجي معاك انهاردة زهقانة و قاعدة مبعملش حاجة ينفع اجي معاك
جاستن: بس

please Justin
حضنته

جاستن: البسي
جودي قامت : حبيبي
جريت جودي على الاوضة
جودي كانت متوترة شوية لانها مش عارفة هي رايحة فين
جودي طلعت فستان كت وتحت الركبة بشوية ولونه of white وفي زي حزام ذهبي عن الوسط
جودي سرحت شعرها ورفعته لفوق ولبست جزمة بكعب و نزلت
جاستن : ايه الحلاوة دي ثواني واكون جاهز
جاستن طلع وجودي قعدت وكانت بتفكر
جاستن نزل ولابس بنطلون اسود وتيشرت ابيض و بليزر اسود عليه ومشمر كم البليزر وشكله حلو
جاستن خد جودي من ايديها و طلعوا ركبوا العربية
جاستن وقف اودام حاجة زي night club
جودي كانت خايفة شوية لكنها سيطرت على نفسها جاستن دخل و جودي وراه
جودي لقت ان الجو مختلف عن night club ال هي دخلته قبل كدا مكان هادي في موسيقى مش اكتر ناس هاديين ولكن المكان ملئ بدخان السجاير وطبعا ال drinks منتشره في كل مكان
جاستن دخل عن شلة كدا من الصحاب جودي مشافتهمش قبل كدا
جاستن سلم عليهم و قعد ووسع لجودي تقعد جمبه وعرفهم بيها
قاعدين عادي وجودي ملاحظة ان الوضع مستقر لحد دلوقتي
لكن فجأة جودي بتبص لقت كيندال موجودة و كانت من ضمن شلة الصحاب دي
جودي استغربت
كيندال: جاستن واحش....جودي اهلا وحشتيني
جودي ببصة غريبة: اهلا بيكي مفاجأة مش كدا
كيندال: اه
قعدت كيندال و الناس بتتكلم عادي وجودي سرحانة
واحد من القاعدين ادا لجاستن كاس
جاستن شرب و ممانعش
جودي ادائيت بس هدت نفسها
بعد شوية من تقريبا حوالي ٣ اصحاب كمان ادوا لجاستن
جودي في ودن جاستن: حبيبي كفاية عشان متتعبش
جاستن: اه ماشي
بعد شوية كيندال ادت لجاستن كاس وخده وشربه
جودي: كيندال بليز كفاية عشان بخاف عليه وعلى العموم هو لو عايز حاجة هيجيب هو مش صغير
كيندال: اوك
بعد شوية وقت جودي جالها تليفون وكانت بتتكلم
كيندال زقت كاس اودام جاستن في هدوء
جودي لحظت وجاستن بيمد ايده
جودي خبطت ب ايديها على الطربيزة جامد وعملت لحظة صمت للكل
: هو انا مش قولت كفاية يا كيندال ومتديلوش تاني ولا انا بكلم بلغة مش مفهومة
جاستن: جودي محصلش حاجة لكل دا
جودي: جاستن لو سمحت
جاستن بيمد ايده ياخد الكاس لكن جودي مسكته و بعدته و رجعته لكيندال تاني
كيندال: في ايه يا جودي متسبيه على راحته
جودي: لو سمحتى ممكن متدخليش بليز
جاستن: اهدي يا جودي خلاص
جودي سكتت وقعدت ..... لكن بعد شوية دقايق جودي لقت في ايد جاستن كاس تاني
جودي في سرها: طب انا بقا هجيب عاليها واطيها
جودي: انا ماشية
جودي قامت وقفت لكن جاستن شدها من ايديها: في ايه
جودي: في ايه لا مفيش حاجة خالص نزل ايدك كدا عن ازنك
خرجت جودي بخطوات سريعة و جاستن وراها و بيحاول يلحقها
جاستن: جودي جودي انت يا بنتي هو انا هفضل اجري وراكي كدا
جودي عدت من جمب عربيتهم وجاستن وقفها عندها
جودي: نعم
جاستن: في ايه يعني عايزة امشي هي طأت في دماغك كدا اذا كان انت الطالبة
جودي: خلصت كلامك كدا .....جاستن ساكت
جودي: طيب عن ازنك بقا
جاستن: استني هنا
جودي بنبرة زعيق زي جاستن: انا مش هقعد يا جاستن عايز تقعد اتفضل انت مع الف سلامة انا مش مسكاك
جاستن: وان كنت مش عايز امشي وعايزك تقعدي
جودي: انا مش هقعد في مكان زي دا ابدا متعودتش اقعد مع ناس ملهمش لازمة كل البيعملوه في حياتهم بيشربوا و يسهروا روح للتفهين بس ابقا قابلني ان نفعوك
جاستن اتعصب من كلامها و جز على سنانه وجودي شافت من بصة مرعبة جودي اتظاهرت بالقوة
جاستن طلع مفتاح العربية و فتحها ومسك جودي من دراعها جامد وخلاها تتألم وفتح باب العربية و زقها جوا بمعني اصح رماها وقفل
جودي مسكت دراعها ولقت عليه علامات مطرح ايده
جاستن سايق على سرعة جنونية وهو متعصب و مكشر
وصلوا البيت بسرعة
جودي فتحت الباب و نزلت و دخلت البيت
جودي حدفت شنطتها على الكنبة
جاستن بزعيق: استني هنا انت لازم تعرفي اني مش صغير واي حاجة بعملها بمزاجي
جودي: طبعا طبعا انت بني ادم حر و من حقك تعمل ال انت عيزه انا عمري ما هقولك تعمل ايه و متعملش ايه ولا عمري قولتلك بس انت مش واخد بالك انك بقال عشر ايام تخرج ترجع متأخر مش داري بالدنيا تنام تصحى تاني يوم مش فاكر حاجة
وعلى فكرة انا كلمت سكوتر و قالي انك مبتروحش ال studio بقالك فترة شغلك مش مهتم بيه
نفسك و هتضيعها ..دا حتى انا مبقتش تعرف عني حاجة و اخرج طول اليوم ولا تعرفلي طريق ولا تكلمني
المفروض اني اقف اتفرج عليك وانت بتضيع نفسك واقولك برافو شاطر
واسقفلك
جودي سقفت .... واديلك ب ايدي الحاجة البتدمرك زي ما الهانم بتعمل
اسفة لو كنت اتعديت حدودي بس اعتبرها نصحيه عايز تعمل بيها
اهلا وسهلا مش عايز as you like
جودي سابته و مشيت وهي واقفة عن اول السلم : بس عايزاك تعرف اني خايفة عليك
جريت جودي وطلعت فوق بسرعة
غيرت جودي هدومها ولبست زي قميص للبيت رمادي فوق ركبتها بشوية و بينزل يبين كتفها
جودي كانت بتعلق الفستان
جاستن فتح الباب ودخل قعد على طرف السرير ....جودي متدلوش اهتمام و كانت بتروق في الاوضة و رايحة جاية وجاستن باصصلها و متابعها.....جاستن شد جودي من ايديها قعدها
جودي فضلت باصة في الارض لكنها رفعت عنيها ليه
جاستن: زعلانة مني مش صح انا اسف انت اعظم واحلى حبيبة وصاحبة و اخت وام كمان كل ما بتعدي فترة اكتر بحس اني اخترت صح اخترت وحدة تخاف عليا تحبني عشاني مش عشان حاجة تانية
جودي: انا زعلي مكنش منك كان عليك انا كنت ببقا هموت و انت مش حاسس بحاجة بص لنفسك في المراية انت خاسس وتحت عينك اسود ومكنتش بتاكل كمان
جاستم باسها في دماغها: حقك عليها انا اسف جداااا
جودي : المهم تكون عرفت الصح مش المهم اني اكون زعلانة او لا
بلماضة... بس ايدك كانت جامدة على فكرة فعصت دراعي
جاستن ضحك و باس دراعها
جودي حضنته وجاستن دخل بحضنها زي الاطفال وبقا سامع صوت نبضاتها
جودي: مرحبا بعودتك دا اول حضن اخده من عشر ايام كلهم كانوا احضان بارداااا ..دلوقتي حسه بدفاك
..... غير جاستن هدومه و ناموا
#تسريع الاحداث
عدت ايام كتير و جاستن رجع لطبيعته و لشغله ووشه نور تاني بعد ما كان ذبل
في يوم
جودي وجينيفر قاعدين في كافيه وبيكلوا ايس كريم
جودي جالها تليفون من سكوتر
Gody: Hi scooter how are you
Scooter: I'm fine I will tell you something but I want you to be relax
Gody: what happen scooter ?
Scooter: Justin was injured in an accident and we at the hospital now
Gody: whaaat give me the address now
Scooter: ........
Gody: I 'coming now
جينيفر : في ايه
جودي: جاستن عمل حادثة
جودي طلعت جريت وركبت العربية و كانت اتعلمت السواقة
جودي ساقت بسرعة جنونية ووصلت المستشفى
جودي دخلت المستشفى جري
جودي بتعيط ولقت سكوتر
Where 's justin ?
..... Relax Gody please relax
الدكتور جه
جودي: دكتور ارجوك طمني
الحقيقة فيه مشكلة كبيرة: هو نزف دم كتير والدم العندنا النقدر نديهوله مش كافي
جودي: هو انا اقدر اديله بس انا مش فاكرة نوع فصيلة دمي
الدكتور : تعالي معايا بسرعة
جودي دخلت معةالدكتور و طلعت فصيلة دمها تسمح انها تنقل دم لجاستن
جودي دخلت وخدوا منها عينات عشان يدوها لجاستن
خرجت جودي وكانت منهارة من العياط
بعد شوية وقت
جاستن خرج لكن دخلوه اوضة ممنوع فيها ان حد يقعد معاه غير بمواعيد بس تشوفه من ورا الازاز
جودي شافت جاستن واجهزة كتير متركبة ليه وقفت تعيط اكتر
سكوتر جه
.....ممكن تهدي شوية عشان في اخبار مهمة لازم تعرفيها
سكوتر كان معاه رجل شرطة
رجل الشرطة: اهلا مسس بيبر
جودي: اهلا
رجل الشرطة: هو حضرتك متعرفيش او تسمعي عن خلافات بين جاستن وحد تاني او كدا
جودي: لا ليه
رجل الشرطة: فرامل العربية كانت مفكوكة و تحريتنا اسبتت انها كانت مفكوكة بفعل فاعل
جودي: ومين في صالحه يعمل كدا
الرجل: انا جي اسألك
جودي: الحقيقة انا معنديش علم
جودي قعدت تفكر وكل شوية تفتكر جاستن وتعيط اكتر
✴جودي
حسيت ب الم في كل جسمي روحي بتتسحب مني وجاستن مش معايا وحسة اني ممكن افقده مش سامعة صوت اي حاجة غير صوت دموعي المغرقة وشي ولكن يقطع كل دا صوت رنة تليفوني وكان رقم غريب لكني رديت .....
جودي يوسف معايا مش صح
جودي: ما هذا بحق الجحيم
..... ياتارا عرفتيني ولا نسيتي صوتي
جودي: عرفت
...على العموم مش مهم بس للاسف هدفي جه غلط بس اوعدك المرة الجاية العيزه هيحصل والهدف هيجي صح وهمسحه من على وش الارض انا منستكيش و مقدرش انساكي ألي اللقاء
جودي: رامز رامز الو
جودي بزعيق : يا ابن الكلب
طلعت جودي برا المستشفى ركبت عربيتها وساقت بسرعة رهيبة وخدت طريقها لشركة رامز
جودي دخلت الشركة و على مكتب رامز علطول
السكرتيرة: يا فندم مينفعش كدا لو سمحتي
جودي فتحت باب مكتب رامز وتلاقيه بكل برود قاعد على كرسي المكتب وساند رجله على المكتب
رامز: جودي يوسف تصدقي كنت مستنيكي ...
اقفلي الباب و اخرجي ⬅السكرتيرة
جودي: يا ابن الكلب يا واطي
رامز: لالالا عيييب متغلطيش ...مستعد مأذيهوش بس بشرط
جودي: وانت فاكر اني تحت رحمة مزاج شروطك
رامز: تيجي معايا ونعيش سوا و اوعدك هيبقا في امان
جودي: انت بتحلم عارف يا رامز امثالك عاملين زي كوباية الميه دي
بهزة يدلقوا و ميبقاش ليهم اثر
جودي: يقوم الزي يجي يعمل ايه بقا ... يعمل كدا
جودي مسكت كوباية الميه ودلقتها في وش رامز
... اوعا تفكر انك في يوم هتقدر تبعدنا عن بعض دا بعدك
جودي مشيت خرجت برا ورجعت على المستشفى تاني
جودي لقت رامي و جينيفر جم
جودي بعياط : رامي
جودي حضنت رامي جامد وعيطت في حضنه : رامز رامز هو السبب
رامي: ايه رامز
جودي: اه كلمني وقالي ان هو العملها و حذرني فا روحتلوا واتأكدت ان هو العملها و قالي لو عيزاني مأذيهوش اسيبه وانا مش هسيب جاستن ابدا
رامي: طب لما جاستن يقوم بالسلامة نتصرف
الدكتور: معاد الزيارة
مشيوا كلهم للاوضة
الدكتور: لو سمحتوا الزيارة للاقارب بس امه و والده ومراته
جودي جريت للاوضة و فتحت الباب
اول ما شافته على سرير المستشفي و سلك على منخيرة ومتوصل باجهزة واسلاك كتير
جودي دموعها وقعت كتير
مشيت جودي بسرعةو قعدت على ركبها في الارض ومسكت ايده وباستها
...متسبنيش انا من غيرك ولاحاجة انا حسة بخوف و وحدة و انت مش موجود ارجوك متسبنيش
جودي حطت راسها على ايده وفضلت تعيط
الدكتور جه: جودي لازم تخرجي خلاص
جودي باست ايد جاستن وخرجت
جودي: دكتور هو هيفوق امتى
الدكتور: مقدرش اقولك بس هو كويس وهيفوق قريب وساعتها هدخله في اوضة وتقعد ي معاه براحتك
رامي: يلا يا جودي عشان نروح ونيجي بكرا بادري
جودي: لا انا مش همشي
رامي: جودي خليكي عاقلة وقوية انت مش هتقعدي معاه جوا خلاص نروح البيت و تيجي بكرا يعني هتباتي على الكرسي و في الطرقة كمان
جودي عيطت: مش عايزة اسيبه هو في خطر
الدكتور: متقلقيش الاوضة دي مقفولة ومبتتفتحش الا بنسخة معاية ونسخة مع الممرضة
....خرج رامي و جودي وجينيفر و باتي وسكوتر
وصلوا البيت
طبعا الخبر كان انتشر و البليبرز بيتكلموا في كل حتة وعند جودي على Twitter
جودي دخلت اوضتها غيرت هدومها وقعدت على السرير
✴جودي
مفتقدة دفاه مفتقده وجوده احساس بالامان وهو جمبي نفسه وانا في حضنه
جودي سحبت موبيلها و كان في صورة عندها بنت قاعدة لوحدها على السرير وكتب عليها
the bed is getting cold if you don't here

وفي صباح اليوم التالي راحت جودي المستشفى بادري وقابلت الدكتور
الدكتور: عندي ليكي خبر حلو
جودي: الحقني بيه يا دكتور
الدكتور: جاستن فاق من كام ساعة و دخلناه اوضة وتقدري تقعدي معاه يا ستي
جودي ضحكت : ااااه ميرسي اوي يا دكتور ربنا يخليك انا متشكرة اوي انا بحبك اوي
جريت جودي بسرعة على الاوضة ولا اهتمت انها في مستشفى
فتحت جودي الباب و خدت خطوات بسيطة
جودي لقته نايم وفي كتير من الاجهزة الكانت متركبة اتشالت
جودي قربت منه وقعدت على كرسي جمب السرير و باست ايده
جودي: انا هتجنن وانت مش معايا
جودي حست ب ايديه بتتحرك و هي مسكاها
جودي رفعت وشها لقت جاستن فتح و بيضحكلها
جودي ودموعها على خدها ضحكت : وحشتني اوي
جاستن رفع ايده ياخودها في حضنه
جودي دخلت في حضنه بسرعة و ضمته بذراعيها الاتنين
ونامت على صدره
جودي بتعيط: اااااااااه يا جاستن اااااه اول مرة احس اني ضعيفة اوي كدا
جاستن: انا بقع اه بس بحب الناس ليا وحبك المقدرش اعيش من غيره بقوم
Gody: I will catch you if you fall
..... بعد مرور يومين في المستشفى وجاستن عرف ان رامز هو العمل كدا
جاستن بيتحسن وكل يوم بيجوا يزروه وجودي بتبات معاه بتنام على الكنبة
في اليوم التالت
جاستن صاحي وماسك موبيله
جودي نايمة على الكنبة عشان سهرت طول الليل
دخل واحد غريب فتح الباب من غير ما يخبط
جاستن شافه وافتكر انه واحد من الاتنين بتوع حراسة رامز الكانوا معاه قبل كدا
...جاستن: عايز ايه اطلع برا
.... اهدا بس انت واحد صاحب مرض بس انا مش هعمل حاجة انا جي اعمل الواجب بس
جاستن: اطلع برا
الولد دا راح جمب جودب وهي نايمة : لا تصدق تستاهل انكوا تتخنقوا عليها
لسا الولد هيحط ايده على جودي
جاستن شتمه وحاول يتحرك بس مكانش قادر
جودي فتحت عنيها وقامت بسرعة البرق بقت واقفة اودام جاستن
جودي: انت عايز ايه
الولد: مفيش جي اسلم عليه وماشي
الولد حط ايده على كتف جاستن
جودي شالت ايده: ايدك متتمدش عليه و اتفضل اطلع برا
الولد حط ايده على خدها

جودي شالت ايده: ايدك متتدمش عليه ولا عليا وإلا هكسرهالك
... دا من الواضح انك شرسة زيه ... وحط ايده على جاستن تاني
جودي بسرعة مسكت ايده ولوتها
لفتها مرة: لما اقول ايدك متلمسوش يبقا متلمسوش
لفة تانية
ولما اقول متمدش ايدك عليا يبقا متتمدش
لفة تالتة : وقول للباعتك انه فاشل ومش هيعرف يعمل حاجة ها الف لفة رابعة
Let me go
جودي زقته عند الباب وفتحت الباب رمته برا وقفلت الباب
جودي سندت بظهرها على الباب ونزلت قعدت في الارض و بدأت تعيط
جاستن: جودي تعالي
جودي مردتش
جاستن: يا جودي تعالي وألا هقوم و هجيلك
جودي مسحت دموعها: لا انا جاية
جودي قامت وراحت قعدت جمب جاستن وخدها في حضنه
جودي عيطت في حضنه
جودي: جاستن انا عيزا ننفصل احنا مينفعش نكمل مع بعض
Be continue #
---------------------
يلا vote we comment بقا ورأيكوا يهمني جدا
وملاحظاتكوا على الحاجة العايزة تتعدل
بحبكوا ❤❤