find my life (Arabic)

chapter 33

Find my life
Chapter 33
صحيت جودي الصبح بادري ولبست وجاستن اتصل بيها وقالها انه هيجي معاها يسلم و يمشي بسرعة عشان عنده شغل وبالليل يبقوا يجيبوا الحاجة
قابلت جودي جاستن و طلعوا على المطار
جودي جريت على مامتها حضنتها : وحشتيني
الام: و انت كمان وحشاني اوي مالك خسة كدا ليه مبيأكلوكيش
جودي: هههههه
جودي حضنت باباها :واحشني
الاب: وانتي يا كلبة
جودي راحت لرامي و رامي كان بيرقص و جودي قعدت ترقصله
جودي: يا معلم يا معلم
رامي: وحشتيني يا قردة
جودي: وانت والله
رامي: انا جيت عشان اشوف المهزلة البتحصل هنا
جودي: بس بس بابا
رامي: ماشي ماشي
جاستن: انا جيت .... انا جي اسلم بسرعة و همشي عشان ورايا شغل
سلم جاستن عليهم كلهم وبعدها مشي
رامي: و جينيفر عاملة ايه قالتلي انها جاية المطار معاكي انهاردة
جودي: قالتلك!!!
رامي: اه مهو اجنا بنتكلم كل يوم
جودي: اه و انا طرطورة ماشي ماشي هي قيلالي انها هتيجي بس مش عارفة ايه الاخرها
جودي : اهي جاية بتجري اهيه
جينيفر: سوري راحت عليا نومة
رامي: اه ونستنى احنا بقا
جينيفر: رخم
راحت جينيفر حضنت رامي .. ورامي حضنها
وبعدها خرجوا من المطار
جودي لقت واحد بيقولها اتفضلي
جودي: على فين مين حضرتك
... جاستن قالي اوصلك مطرح ما تطلبي
جودي: اوك
ركبوا العربية
الاب: هو اجنا رايحين على فين
جودي: على البيت ال انا قاعدة فيه هو بيت بسيط وصغير بس انا بحبه هنقعد فيه
وصلوا البيت ودخلوا قعدوا و حطوا حاجتهم عادي
جودي: ماما هو بابا ماله
الام: بوصي هو اصلا مجيته هنا مش على هواه و الخطوبة كنتوا على البر لاكن لما هلاص الفرح هيتعمل فا مظايق و من ساعة ما قولتله هناك في مصر و هو ركبه مليون عفريت و كل لما حد يكلمه يزعق
جودي: شكلنا هنشوف ايام سودا
....مر اليوم وجه بالليل
جاستن جه وسلم و قعد معاهم شوية
جاستن: جودي قومي البسي بقا عشان ننزل
الاب: على فين
جاستن: انهاردة هنروح نجيب فستان الفرح و البدلة وشوية حجات لزوم الفرح
جاستن: ايه يا ياسمين مش هتيجي ولا ايه مش فستان فرح بنتك ولازم تنقيه معاها
ياسمين: حاضر هقوم البس اهو
جاستن: وانتي كمان يلا اجري البسي
قامت جودي ومشيت خطوات بطيئة جدا
جاستن سحب المخدة و قام جودي جريت لوحدها على الاوضة
لبست جودي و الام جهزت و خرجوا
جاستن راح بجودي محل كبيييير بتاع فساتين افراح
دخلت جودي و كانت بتتفرج على الفساتين واغلبيتها قصير و مفتوحة
فضلت جودي و مامتها بيبصوا لحد لما جودي لقت فستان متعلق على ملكان .... طويل وناز مقسم على الجسم و من تحت واسح زي موديل السمكة و كب وتكملة الفستان بالكوم الهو الخفيف اوي البيشف شوية
جودي حست ان الفستان دا بيناديها
جودي: جاستن ماما بوصوا دا
الام: الله تحفة
جاستن: بس مش مقفل اوي
جودي: هقيسه ولو طلع شكله وحش اشوف حاجة تانية
جاستن: ماشي
طلبت جودي الفستان دا و جابوا واحد
دخلت جودي لبسته و ندهت مامتها تقفلها السوستة لانها كانت طويلة اوي
جودي بصت في المراية وعجبها الفستان اوي وحست انها مقتنعة بشكلها
خرجت جودي و حاستن كان باصص في موبيله
جودي: ها ايه رأيك
بص جاستن و تنح
Wawooo this is amazing
جودي يعني حلو
جاستن: جدا
جودي: خلاص هاخد دا
الام في ودن جودي: بس تفتكري بابا و رامي مش هيعلقوا انه بيشف من فوق
جودي: انا هجيبه خلاص احطهم اودام الامر الواقع
الام: هههههههه ربنا يستر
خرجوا من المحل و جودي فرحانة اوي بالفستان
الام: طيب انا همشي و كملوا انتوا بقا
جاستن: ليه دا ماما هتيجي دلوقتي عشان تنقي معانا البدلة وعيزكوا تتعرفوا على بعض انتوا متقابلتوش خالص والفرح فاضله ايام
الام: طب متخليها تتعشا معانا انهاردة
جاستن: معنديش مانع خلاص نخرج كلنا نتعشا سوا
الام: خلاص ماشي اشوفكوا بالليل
جودي: سلام
..... خرج جاستن و جودي راحوا كافيه واستنوا باتي لحد لما تيجي
جاستن مسك ايد جودي: اخيرا خلاص هبقا معاكي للابد
جودي: احلى حلم عشته في حياتي
جاستن باس ايديها : مش حلم حقيقة
باتي جت: هو انا جيت في وقت مش مناسب ولا ايه
جاستن: هههههه لا يلا بينا
سلمت جودي على باتي وخرجوا من الكافيه و راحوا محل كبير اوي بردوا بتاع بدل و قمصان والحاجات دي
جاستن نقا البدلو و القميص
جودي: كدا ناقص الببيون
جاستن: مبحبوش
جودي: ايه دا يعني انت عايز تحضر الفرح ب cravat ليه هي حفلة ..لا
جاستن: خلاص خلاص هلبسه و امري لله
جودي: حبيبي
اشتورا الببيون وخرجوا
جاستن: كدا ناقص الجزم
خرجوا وراحوا محلات الجزم جودي جابت جزمة بكعب عالي بس نقت واحد واطي سنة عشان متتطلعش اطول من جاستن
وجاستن جاب جزمة الفرح و كله تمام
جاستن: جودي كلمي مامتك قوللهم يقابلونا في مطعم...
جودي: اه اوك
جودي: ايوه يا ماما
الام: ازيك يا جببتي ها ايه الاخبار خلصتوا
جودي: اه بقولك قابلونا بقا في مطعم... زي ما اتفقنا عشان نتعضا سوا
الام: طب بقولك انا و رامي بس الهنيجي
جودي: ليه
الام: اصل بابا تعبان شوية و مش هيقدر ينزل
جودي: طيب ولو ان الموضوع مش داخل دماغي بس اوك
جينيفر خدت التليفون: ايوه يا صايعة
جودي: جينيفر ايه دا انت في البيت
جينيفر: اه ياختي جيتلك رامي قالي انك نزلتي تجيبي الفستان ومن غيري يا وحشة
جودي: والله كلمتك الصبح اقولك مردتيش فا قولت بلاش ازن عشان مبقاش رخمة ... بقولك ايه اجنا هنتعشا سوا كلنا دلوقتي تعالي معاهم
جينيفر: طيب ماشي سلام
جودي: سلام وطبعا انتي الهتجبيهم لانك عارفة الطريق اكتر
جينيفر: اه متشليش هم باي
جودي: باي
جاستن: ها هيجوا
جودي: اه بس بابا مش هيجي
جاستن: ليه
جودي: تعبان شوية
جاستن: تعبان!!!! لا الف سلامة عليه
راحوا المطعم و جينيفر زالام و رامي جم واتعشوا سوا
و باتي و ياسمين اتعرفوا على بعض و حبوا بعض اوي
باتي قامت روحت وجاستن فضل قاعد معاهم شوية
جودي: يلا احنا نروح بقا
جاستن : يلا هوصلكوا
ركبوا و روحوا رامي اول واحد نزل من العربية و دخل البيت ودخل اوضته يغير هدومه
دخلت الام و جاستن و جودي دخلوا البيت و جاستن كان لافف ايده حولين رقبة جودي وضممها عليه شوية
بصوا لقوا يوسف قاعد عادي و ولا تعبان ولا حاجة
جودي وجاستن قعدوا على الكنبة. . .جودي: اهلا يا بابا اخبارك ايد دلوقتي
الاب بص بصة عصبية و قام وسابهم
جاستن خد الجكت بتاعه من جمبه: انا خقوم امشي عشان انهاردة كان يوم حلو و مش مستعد حد يبوظ مودي سلام
جودي: باي
رامي جه : جاستن فين
جودي: مشي بابا طفشه
الاب جه تاني
جودي قامت تخوش اوضتها بسرعة هرب من اي نقاش
الاب: استني هنا
جودي وجينيفر جمبها : بابا عايز يتخانق ... لفت جودي : نعم يا بابا
الاب: ايه الحصل دلوقتي دا
جودي: ايه الحصل دلوقتي دا
الاب: وانتي شايفة انه عادي تخوشوا عليا كدا طب على الاقل يحترم وجودي
جودي: بابا مفيش حاجة حصلت لكل دا وبعدين دا مش غريب دا خطيبي وكمان كام يوم هنتجوز وكنا بنجيب لبس الفرح
الاب: كمان كام يوم يعني لسا مبقاش جوزك وانا مقبلش بالمسخرة دي
جينيفر: خلاص يا عمو هدي نفسك هي مش هتعمل كدا تاني
جودي: لا يا جينيفر انا متعودتش اكدب و اقول كلام وخلاص
بابا مسخرة ايه ها انت مش واثق فيا لو دي بالنسبالك مسخرة يبقا حضرتك متعرفش ايه البيحصل هنا انا عارفة حدودي كويس
الاب: لا شكلك كدا مش عارفاها
جودي: خلا بلاش دي انا كل ال اعرفه ان فرحي على البني ادم دا كمان يومين تلاتة وانا مش شايفة اني عملت حاجة غلط عن ازنك عشان عايزة انام نكمل كلام بكرا
خدت جودي الفستان ومورتهوش لباباها لانها كانت متعصبة ودخلت اوضتها وجينيفر دخلت وراها
جينيفر: كان لازم تتكلمي مكونتي قولتي اخر مرة و خلاص
جودي: لا انا مبحبش اكدب و هو معودنيش على كدا وبعدين انا معملتش حاجة غلط مش كفاية ان جاستن مستحملني اصلا دا انا شليته
الام: ايه ال انتي هببتيه دا ابوكي هيفرقع منك
جودي: هو بردوا الهيفرقع يا ماما جاستن البنات حوليه زي الرز عارفة يعني ايه الرز لو شاور على اي بنت في العالم مش هترفض وجه استحملني و اجترم عاداتي و تقاليدي معنه اصلا مش مقتنع بيها دا انا اتشليتله وكمان مستحمل معاملة بابا ليه معنه مش مكبور على كدا
وجاستن بشر و بيتعصب برده وجاب اخره
الام: طب معلش روحي صلحيه و خلي الدنيا تمشي لحد لما الفرح يتعمل
جودي: لا بكرا الصبح لو روحتله دلوقتي هنتخانق تاني
الام: طيب تصبحي على خير
جينيفر: ها وريني الفستان بقا
رامي جه عشان يشوف الفستان
جودي طلعته و علقته
رامي: مش الفستان واخد راحته من فوق شوية
جودي: دي اكتر حاجة مقفولة لقتها كله قصير او كب او حملات او مفتوح لحد اخر الظهر
رامي: ماشي مبروك عليكي
جينيفر قامت حضنتها: بس تحفة تحفة مبروك
جودي: عقبالك
رامي: يلا تصبحوا على خير
جينيفر وجودي: وانت من اهله
باتت جينيفر مع جودي عادي وناموا
....... في صباح تاني يوم
صحيت جودي وغسلت وشها وسنانها و خدت shower عادي
وفطرت هي و العائلة و جينيفر معاهم
جودي و بعد لما لمت الاطباق
راحت لباباها ومن ظهرة لفت ايديها حولين رقبته و باسته في خده: الجميل لسه زعلان حقك عليا
الاب: ليه هو مش انتي معملتيش حاجة غلط
جودي: بعيدا عن النقطة دي محبكش تبقا زعلان مني وانت عارف اني صريحة و مبحبش اكدب عليك
الاب: طيب
جودي: صافي يا لبن
الاب: سكت
جودي: صافي بقا
الاب ضحك: حليب يا قشطة ... بس بردوا كان يوم اسود يوم لما زافقت انك تسافري كاليفورنيا اصلا
جودي: ليه بس دا كان عسل
......
الام: جودي تعرفي كوافير حلو هنا
جودي: اشمعنة
الام: وعد الحر دين عليه و انا وعدتك ان قبل جوازك هعملك كرياتين في شعرك عشان يقوي و يفرد بدل الفرد الالماني العادي
جودي: يا ماما متحنليش هم دا
ماما: لا انا وعدت ولازم اوفي
جودي: طيب جينيفر
جينيفر: ايه
جودي: عيزاكي تودينا كوافير حلو
جينيفر : قشطة ماشي يلا بينا
جودي: قشطة ايه الله يحرقك سمعتيها فين دي
جينيفر: اخوكي طول النعار يقولهالي
جودي: مفسد انا قولت متقعديش معاه كتير هيحولك
الام: طيب قومي البسي انتي وهي و انا هقوم البس
قامت جودي لبست هي وجينيفر وخلصوا خرجوا راحوا الكوافير
جودي طبعا قعدت النهار كله لان الكرياتين بياخد وقت
بس جودي شعرها بقا تحفة طويل و مفرود ولونه بقا بيلمع وتحفة
خرجوا من الكوافير
الام: بقولك انتي البيت هيحتاج ايه بقا
جودي: زي ايه
الام: يعني الادوات المنزلية الحجات دي
جودي: لا البيت فيه كل حاجة هناك اتجنا بس بتغير في الديكور والعمال بيظبطوه بس
الام: ازاي يا بنتي
جودي: تعالي معايا افرجك على البيت عشان تصدقي
جودي اتصلت بجاستن و اتفقوا هيتقابلوا في البيت
راحت جودي و دخلت البيت و جينيفر و مامتها معاها
جاستن صفر بأعجاب : ايه القمر دا انتي عملتي حاجة في شعرك ولا انا بيتهيألي
جودي: لا عملت كرياتين
جاستن: طب مقولتليش ليه كنت ختك beauty senter يظبطولك الدنيا
جودي: كفاية المشاغل العندك انت هتركز في ايه ولا ايه جينيفر ودتني وعملهولي حلو
جاستن بص لياسمين: ها يا ... بتقوليها ايه
جودي: طنط
جاستن: ايوه ها يا طنط عجبك البيت
الام: تحفة يا حبيبي ربنا يديم عليطوا السعادة فيه و تملوه اطفال بقا كدا يجروا واقعد العب بيهم
جاستن بص لجودي
وجودي اتكسفت و بصت في الارض
جاستن : اه على فكرة انا ظبط معاد الفرح
جودي: امتي
جاستن: اخر الاسبوع دا
جودي: يعني فاضل تلت ايام هنلحق نكمل باقية ااحاجة فيهم
جاستن: اه احنا تقريبا خلصنا كل حاجة يعني البيت خلاص بكرا العمال هيخلصوه و القاعة حجزناها و هدوم الفرح و جبناها و انا اتفقت مع ال beauty senter الهيعملك شعرك و الطرحة و ال make up انهاردة الصبح
مش باقي غير اننا نروح القاعة نختار الmusic و الطربيزات و كدا
وان انا و انت نبتدي ننقل هدومنا لهنا بقا و المصنع يطبع الدعاوي عشان تتوزع بس
جودي: ممممم اوك
الام: طيب يا جودي نبقا ننزل نجيب فستاني الهحضر بيه
جودي: اه كدا كدا انا لسه في هدوم عيزا اجبها
جاستن: طيب انا بكرا الصبح هعدي اخدك نروح القاعة نختار الحاجة و بعدها نيجي البيت نشوف اذا كل حاجة تمام قبل ما العمال يمشوا وبعدها اوصلك واروح المصنع عشان الدعاوي .... صحيح دي الاشكال
جودي بصت على اشكال الدعاوي
نقت وحدة عليها قلبين لونهم اجمر شابكين في بعض ولونهم احمر وبيتكتب في كل قلب اسم العروسة و اسم العريس
جودي: دي حلوة اوي
جاستن: عجبتني انا كمان
.........
جاستن: ودلوقتي ممكن نروح بيتك نجيب جزء من هدومك نحطة في البيت هنا وبكرا لما تجيبي الهدوم الهتشتريها تحطيهم كلهم في الدولاب
جودي: اه اوك
....... خرج جاستن و جودي و حينيفر والام من البيت وراحوا البيت التاني وجابوا جزء من الهدوم وجاستن رجع سابه في البيت
...... في بيت جودي
الاب: مورتنيش الفستان
جودي: اه ثواني
جريت جودي جابت الفستان
الاب: كبرتي يا كلبة و بقيتي عروسة
جودي حضنته
.....مر اليوم عادي و جودي نامت
في صباح تاني يوم صحيت جودي لبست هدومها وجاستن جه وضرب كلاكس العربية و هي خرجتله
جودي: مدخلتش ليه
جاستن: بلاش حرقة دم كدا احسن
جودي: معاك حق
جاستن و جودي راحوا القاعة و اختاروا الحاجة و اختاروا
مقعد العريسين وكله تمام و خرجه
راحه المصنع جاستن اتفق على الدعاوي وكله تمام
جودي: هنروح فين دلوقتي
جاستن: البيت
طلعوا على البيت و ظبطوا باقية الحاجة مع العمال و خلاص البيت جاهز
جاستن: كدا ناقص الهدوم و الفرح يتعمل و نخلص بقا
جودي ضحكت: نخلص
جاستن: اه انا مستعجل بقا ولا انتي عيزا تهربي
جودي: مش ههرب بس مش مستعجلة اوي
جاستن: ايه دا مش عايزة تعيشي معايا
جودي: لا طبعا بقا بعد كل دا ابقا مش عايزة
جاستن ضحك
جودي: طيب انا همشي عشان هروح اجيب الهدوم هقابل ماما و حينيفر و نروح سوا
جودي تليفونها رن و كانت شهد
جودي: ايوه يا شهد ايه يا بنتي فينك بتصل بيكي بقالي يومين
شهد: لا كنت متبخرة
جودي: ههههههه طب انا عيزا اعزمك على فرحي البعد بكرا دا
شهد: لولولولولولولولولويييي مبروك
جودي: الله يبارك فيكي بس بقولك بكرا تكلميني و تقوليلي اهلك قالولك ايه
شهد: اه طيب انا هروح اقول لماما قبل ما تنزل
جودي: طيب سلام
شهد: بس انا لما اجس هتخديني احسن انا هبلة ومش هعرف اتصرف
جودي: عنيا ليكي
شهد: قشطة يلا باي
جاستن: انا عايز اقابل صحبتك دي
جودي: هههههه يا رب تيجي
جاستن قام وقف و خد ايد جودي وقعد يدوخ بيها : مش مصدق ان فرحنا بعد بكرة
جودي: انت بردوا ال مش مصدق اومال انا اعمل ايه دا انا هتجنن
سلام بقا عشان اروح اجيب الحاجة سلام
جاستن: سلام
خرجت جودي وراحت بيتها
جودي: يلا يا ماما جينيفر انجزي
رامي لبس
جودي: انت رايح فين
رامي: انا هاجي معاكوا كدا
جودي: تيجي فين
جينيفر: اه يا جودي بليز رامي مسلي اهو يسلينا
رامي: اسلي مين انت شيفاني ارجوز
جودي: مهووو
رامي: هبقا اقف برا
جودي : احم طيب
خرجوا و نزلوا راحوا المول
جودي: استنا هنا بقا
رامي: طب اجي انقي معاكي طيب دا انا زوقي حلو
جودي: اتلم بدل ما ابعترك
دخلت جودي و جينيفر و الام محل
جودي كانت قاعدة على كرسي و جينيفر و الام هم البينقوا
جينيفر نقت هوت شورت جينز : جودي بوصي دا
جودي: انتي بتهظري يا جينيفر هو انا من امتى بخرج ب هوت شورت
جينيفر: متخرجيش بيه اقعدي في البيت عادي
جودي: لا بلاش
جينيفر: جودي انتي لازم تعرفي انك هتبقي قاعدة مع جاستن وبقا جوزك يعني مش ابن الجيران دا اولا ثانيا بقا لازم تتعودي تلبسي الحاجات دي عشان ميبصش لحد غيرك
جودي: طيب اوك اوك
جينيفر نقت توب اسود قصير مبين البطن كلها تقىيبا و عليه قلب فوشيا
وبقا طقم
الام جابت underclothes
جينيفر نقت حجات تانية كتير جودي مكانتش راضية عنها او بمعني اصح مش عارفة هي ازاي ممكن تلبسها ساسا لانها بتتكسف لما بتشوفها على الملكان اومال لو لبستها
دفعوا الحساب و خرجوا
جينيفر: اعتقد اننا كدا ظبطناكي
جودي: انتوا لبستوني مش ظبطوني
جينيفر: اكيد مش بنشتري هدوم اكيد هنلبسك
جودي: لا سوري لبستوني في الحيط تفرق
كانت الشنط كتير
جينيفر: رامي خود شيل شوية ولا انت جي معانا كدا رخامة
رامي خد شوية من الشنط وبص فيهم
رامي: اوباااا اختي هتلبس خنافس
جودي جريت وراه و رامي طلع يجري في المول
جودي: من دلوقتي لحد لما المشوار دا يخلص مسمعش صوتك
جودي: تسمحوا اخش اجيب هدوم عادية للبيت
الام: خوشي
جودي دخلت محل عادي جابت لبس عادي بنتكور رمادي و توب فوشيا و بنتكور و اسود و توب اخضر وحجات هكذا
ولقت حاجة زي فستان بس للبيت لونه رمادي و قصير شوية ووبينزل يبين الكتف شوية بس عجبها و جابته
دفعت جودي الحساب و خرجت
جينيفر: هنروح على فين دلوقتي
جودي: على البيت
الام: انهي
جودي: بيتي انا و جاستن
رامي: والله و بقالك بيت يا معفنة
جودي ضربته: وانا كنت شحاتة يا كلب
خرجوا وراحوا البيت
رامي داخل بيتفرج على الجنينة وشكل البيت من برا و كمان لما دخلوا
رامي: لا انتي فعلا محظوظة
جودي: اه ءور ءور مهو انت جي تؤر
جودي دخلت جودا و هي شايلة شنط كتير ولقت جاستن جوا
جودي: بتعمل ايه هنا
جاستن: قولت استناكي هاتي
جاستن خد من جودي الشنط و حطخا على الارض
جاستن و هو بيوطي بص جوا الشنط
جاستن ضحك
جودي بصت النحية التانية ولفت وعملت عبيطة وبينها وبين نفسها: الله يحرقك يا جينيفر منك لله يا ماما
جاستن: بس اعتقد انك محتاجة underclothes اكتر
جودي وشها احمر و رجعت شعرها ورا ودنها وبصوت ضعيف: ال تشوفه
جودي جريت بعيد
جاستن: قعد يضحك
جودي قعدت مع مامتها و جينيفر و رامي وجاستن جه
جودي: كدا ناقص ايه
جاستن: بكرا هجيب انا كمان هدومي و ندخل الحاجة الدولاب و نكمل تظبيط في البيت بقا و تنقلي كل حاجة ممكن تحتاجيها عشان خلاص الفرح .... بص جاستن في ساعته لا لسه معدتش ١٢ الفرح بعد بكرا
رامي: يا سلام وانت بتحسبها بالساعة
جاستن: و بالدقيقة و حياتك
رامي: ماشي يا حنين
جودي: انا هيزا انام يلا نروح
جاستن : وانا تعبان خلاص
.... سلموا على بعض و كل واحد روح بيته
..... تاني يوم
صحيت جودي متأخر يمكن على الساعة ٢
غيرت هدومهاو نزلت و معاها مامتها و جينيفر و رامي
راحوا البيت و لقوا جاستن هناك وجاب الشنط ال فيها لبسه
الام و جينيفر و رامي قعدوا تحت و جاستن و جودي طلعوا الاوضة يحطوا الهدوم
جودي حطت هودمها كلها في الدولاب
وجاستن بيحط باقية حاجة في الدولاب : اه الشنطة ال وراكي دي بتاعتك
جودي خدت الشنطة بصت فيها لقت underclothes
جاستن: اصل لقيت المعاكي مش كفاية
جودي وشها احمر جامد
جاستن بص : هو انا ممكن اسألك سؤال هتفضلي لحد امتى تتكسفي مني جودي قامت ومردتش
جاستن : متردي
جودي: احم معرفش بقا
جاستن ضحك
جودي وقفت تعدل في هدوم كتير كانت محطوطة على بعضها
جاستن باصصلها جامد وكان موطي بيعدل حاجة
جودي بصتله
جاستن وقف وبصته غريبة
جودي: ايه
جاستن بيضحك وبيقرب: ايه
جودي بترجع بظهرها: ايه
جاستن بيقرب اكتر :ايه
جودي خبطت في الحيطة واتخضت فا صوتت بس بصوت واطي
جاستن زنقها في الحيطة وماسك ايديها الاتنين وساندهم على الحيطة
جودي: جاستن اعقل
جاستن بيقرب منها اكتر : وانتي خليتي فيا عقل
جودي: جاستن خلاص الفرح بكرا فات كتير ما بقا إلا القليل رامي لو طلع ولا ماما هتبقا كارثة
جاستن قرب من جودي وخلاص ...
جودي غمضت عنيها بسرعة بس محستش بحاجة
فتحت عنيها جاستن في ودنها: لازم تعرفي اني عمري ما هلمسك او حتى ابوسك إلا لما تكوني راضية عن كدا وحابة كمان
جاستن باس جودي في دماغها و بعد
جودي حطت ايديها على بوقها عشان صوت نفسها العالي
✳ ... جودي في اللحظة دي حسيت اني واثقة في جاستن اكتر من اي لحظة عرفت معنى الامان واتأكدت ان عمره ما هيكبرني اعمل حاجة مش عايزاها حتى لو كانت الحاجة دي قربه مني
جودي: جاستن
جاستن لف:نعم
جودي حضنته جامد
جاستن حضنها اكتر
✳ لما حضنته حسيت ان مش لوحدي الكنت محتاجة الحضن دا هو كمان كان محتاجه يااااه جاستن بدفاه بحبه بريحته بكل حاجة فيه البعشقها
جودي خرجت من حضنه و باسته في خده
جاستن غمز : اعتبر دي عينة تصبرني
جودي باسته النحية التانية في خده: ودي عينة تانية
جاستن رفع ايديه لفوق: عقبال التالتة يارب
جاستن و جودي قعدوا على السرير و جاستن بيبوس اديها
رامي دخل : اثبت عندك يالي بتبوس
Be continue #
-----------------------
Vote we comment كتيييير بقا
عشان العدد قل بردوا
بحبكوا اوي
ورأيكوا يهمني بليز