find my life (Arabic)

chapter9

Find my life
Chapter 9
جاستن: حفلة بكرا اتأجلت لبعد بكرا
جودي: ممممم اوك
جاستن: مسألتنيش اتأجلت ليه
جودي: لو عايز تقولي قول انت عارف اني ديما بسبلك مساحة خصوصية في حياتك و بنظرة شقاوة: عشان متتخنقش مني
جاستن: لا خلاص مبقاش ينفع اتخنق منك مش هقدر
جودي: هههههههه لا لا هتستحمل بس هيجي عليك و قت و هتتخنق انا خنيقة انا عارفة نفسي
جاستن: ابدا دا انا اصلا حاسس اني اعرفك من زمان
جودي: ط.ي.ب بس افتكر ان انت القولت ...قول اتأجلت ليه؟
جاستن: اصل انا اعلنت ان عندي مشرفة نفسية مفيهاش مشكلة لما يكون عندي حد خاص اتكلم معاه و لو مدايق اقوله و لو فرحان اقوله فا قولت اقول للناس كلها ان عندي مشرفة نفسية
جودي: كلام زي الفل بس دا ايه علاقته بالحفلة
جاستن: ما هم عيزين يستضيفوني في برنامج بكرا
جودي:ااااه اوك
جاستن غمض عنيه : وانت معايا..... و بعدها فتح عين وحدا
جودي ببصة استغراب: و انا معاك ازاي يعني
جاستن: عيزين يستضيفوكي معايا ايه مشوفتنيش في برنامج قبل كدا
جودي: لا طبعا شوفتك بس مفيش و جه مقارنة بيني و بينك و بعدين لا يمكن اجي معاك و.... لالالالالا
جاستن: طب ليه طيب
جودي: هو ايه ال ليه انا بتوتر و بتلخبط و هبوظ الدنيا دا انا بجملة واحد اخربها و اقعد على تلها
جاستن: لا طبعا و بعدين الموضوع مش صعب كل ال مطلوب منك تتصرفي على طبعتك و لما يسألو سؤال بتجاوبي عليه عادي جدا و لو عدا سؤال حسيتي انك مش عيزا تجاوبيه بتقولي بتعتذري عن اجابته او بتقوللها متسألوش تاني و بطريقة لطيفة كدا ..خودي الموضوع ببساطة و اتصرفي على طبعتك مهو انا بعمل كدا
جودي: يا جاستن مينفعش و بعدين انا لو اتصرفت على طبعتي في كلام كتير ممكن اقوله ميعجبش الناس
جاستن: انا واثق في طبعتك
جودي:الكلام ال انت بتقوله دا مش هو ال هيحل الموضوع ميرسي ليك انك واثق فيا بس انا بعتذر و مش هقدر .. انا هكون ليك اذية مش منفعة
جاستن: يوووه طب لو مجتيش معايا هزعل منك و لو زعلي ميهمكيش بقا يا جودي دا يبقا موضوع تاني
جودي: يا جاستن متصعبهاش عليا و بعدين انت عارف ان زعلك يهمني
جاستن: ما هو اديني سبب مقنع يخليكي متجيش
جودي: يا جاستن دي مش قاعدة هقعدها مع صحاب او حتى شوية من البليبرز دا لقاء هيتصور و الناس كلها هتشوفه يعني الغلطة بمصيبة
جاستن: يا ستي اغلطي و ملكيش دعوة
جودي: بس..
جاستن: مبسش هتيجي معايا يعني هتيجي معايا و مش عايز اسمع ولا كلمة نفس مسمعش
ضحكت جودي: انا لما قولت اني هروح في داهية مغلطش ارهنك بكرا ان يا انا يا انت هنروح في داهية
جاستن: خليكي واثقة في نفسك اكتر من كدا
جودي: انا اوك واثقة في نفسي بس مش للدرجة دي
ابتسم جاستن و فضلوا قاعدين و كملوا كلام و خلصت الرحلة ال في البحر
جاستن: تحبي ناكل الاول ولا نروح السنيما
جودي: انت جعان ؟ و كان اجابة جاستن :لا
جودي: ولا انا
جاستن : خلاص نروح السنيما ... جودي: اوك
طلع جاستن على السنيما و اختاروا الفيلم و دخلوا القاعة قعدوا ..جاستن قام
جودي: ايه رايح فين
جاستن: هجيب فشار عاوزة
جودي: اه
جاستن: مبتقوليش لا ابدا
جودي ضربته بالراحة: رخم
جاستن : مهو لو مش هرخم عليكي هرخم على مين
جودي: طب اجري بقا قبل ما الفيلم يبدا ..راح جاستن و رجع و كانت القاعة بقت ظلمة قعد جاستن و ادا لجودي الفشار بتاعها
بيتفرجوا على الفيلم عادي و جاستن كل شوية و هو بياكل فشار يحدف عليها فشار
جودي: ما بس بقا انت هرتني من ساعة ما قعدنا ..وجاستن يضحك و يحدفها بالفشار تاني
جودي: بقولك ايه انا مجنونة و ممكن ادلق بتاعة الفشار كلها عليك و مش هيهمني
جاستن يحدفها بالفشار في وشها : وانا اجن منك و يضحك
جاستن بدأ يحدف فشار على الناس القاعدة قدامهم كمان
جودي مسكت دراعه : انت بتعمل ايه ..بس
وتقريبا متفرجوش على الفيلم و كانوا قاعدين بيهظروا و يضحكوا و المشكلة ان الفيلم مفيهوش حاجة تضحك كان اغلبيته اكشن و فجأة الناس كلها بقت بتبص عليهم
كانوا بيضحكوا و مش واخدين بالهم بعدها خدوا بالهم
وقفوا ضحك و بصوا لبعض و بعدها بصوا على الناس و قعدوا يضحكوا تاني قام جاستن و قف وقالها:يلا نمشي وشال جاستن شنطتها من على الكرسي قالها : يلا نمشي و كانوا ميتين من الضحك و الناس بتبص عليهم خرجوا من القاعة ومكنش في ناس برا كلهم في قاعات السنيما بيتفرجوا
جاستن: انا بقالي كتير مضحكتش كدا
جودي: اه وانا
خرجوا من السنيما و بقوا في الشارع
جاستن: انا عايز اتمشى
جودي: خلاص يلا بينا
شاور جاستن للحراسة المعاه يمشوا وراهم من بعيد لان الشارع كان فاضي ..و كانوا بيتفرجوا على المحلات جودي و قفت قدام محل ساعات لان هي كدا كدا كانت عيزا تشتري ساعة بصت جودي علي ساعة عجبتها و شاورت عليها جودي: جاستن ايه رأيك في دي
جاستن بص : حل..قبل ما يكمل لقا ناس عمالة تصورهم زي ما يكونوا صحافة شدها جاستن من ايديها و مشي بسرعة
جودي: في ايه
مردش جاستن عليها و مشي دخل عربيته و الحراسة كانت بتداري عليهم
جودي: ايه الحصل
جاستن: كان في تقريبا صحافة بتصورنا و انا بكرههم بيقولوا كلام غريب ملوش اساس من الواقع
جودي: ااااه
جاستن: معلش لو كنت شديتك فاجأة
جودي: لا عادي ولا يهمك
جاستن:ناكل بقا ..جودي:اوك
راحوا مطعم و طلبوا اكل و كلوا ..جودي جالها ريكورد مسج من جينيفر: انا مرضتش اكلمك عشان مبقاش رخمة لما تخلصي و تروحب كلميني و طمنيني عليكي
جاستن: لو عايزة تكلميها دلوقتي كلميها
سحبت جودي موبيلها و اتصلت بجينيفر
جينيفر: هاي يا جميل مين قدك انهاردة
جودي: هههههههه اهلا يا مجنونة
جينيفر: عملتي ابه
جودي: احم جاستن بيسلم عليكي
جينيفر: انت لسا معاه
جودي: كلك نظر
جينيفر: اه اوك سلميلي عليه انا كنت عيزا اطمن عليكي لما تروحي كلميني .. سلام اسيبك تكملي
جودي: هكلمك لما اروح سلام ..الا صحيح هو ايه العقل النازل عليكي انهاردة دا
جينيفر بصوا لمض: هو انا ابقا عاقلة معجبش ابقا مجنونة و افضحك معجبش
جودي: هههههههه خلاص خلاص متفتحيش في جنانك سلام
جينيفر: سلام
قفلت جودي و فضلت قاغدة هي و جاستن شوية يتكلموا و يضحكوا
بعد مرور وقت ...جودي: مش نروح بقا
جاستن: مش عايز اروح عايز افضل قاعد معاكي
بصت جودي في الارض ورفعت وشها بالراحة : وانا بس الوقت هيتأخر اوي و على العموم هنتقابل بكرا في المصيبة ال انت دبستني فيها
جاستن: ههههه ماشي يلا.. قاموا و جاستن هيوصلها
قبل ما جودي تنزل من العربية ... جاستن: اتبسطي انهاردة
جودي: اه اوي وانت؟
جاستن : من احلى ايام عمري
ضحكت جودي: طب يلا سلام اشوفك بكرا
جاستن :هعدي عليكي اخدك
جودي: مش ... قاطع جاستن كلامها : بلا زحمة بلا ناس انا هاجي هتلاقيني فوق دماغك
جودي: اوك بس كلمني قبل ما تيجي سلام
نزلت جودي من العربية : متنساش لما توصل البيت تقولي
جاستن : حاضر
طلعت جودي البيت و كلمت جينيفر و حكتلها على كل حاجة و جينيفر بقت مصرة اكتر على الكلام القالته ... فضلت جودي سهرانة للساعة ٥:٣٠ و بعدها دخلت اترمت على السرير و كانت هلكانة و تعبانة بس في نفس الوقت مبسوطة .......
فتحت جودي عنيها ٢:٣٠ ..جودي: يااااه
صحيت و فطرت عادي و كانت قاعدة جت جينيفر
جينيفر: مش بتردي على موبيلك ليه
جودي : انا كنت نايمة انا صاحية ٢ و شوية
جينيفر : نموسيتك كوحلي
جودي: هههههه
جينيفر: ايه مفيش خروجة انهاردة ...جودي: لا
جينيفر: يعني مش هتتقابلوا ..جودي: يا بنتي هنتقابل عشان البرنامج
جينيفر: برنامج ايه .. جودي: لاهو انا مقولتلكيش ..مش جاستن اعلن ان عنده مشرفو نفسية و طلبوني في لقاء في التلفزيون معاه
جينيفر: اوباااا و هتروحي
جودي: حاولت معاه امبارح عشان مروحش بس مرضيش
جينيفر: و انتي سيادتك مكونتيش عيزا تروحي ليه
جودي: اكيد هخربله الدنيا
جينيفر: يا بنتي هي دي فرصة تتعوض دا انتي الناس كلها هتعرفك
جودي: جينيفر انا عمري ما هحاول ابني شهرتي على حساب جاستن او اني اضره
جينيفر: بعيدا عن اني عيزا اعزفلك موسيقى رومانسية بس هو انتي هتضريه في ايه
جودي: ممكن الغبط في الكلام ..جينيفر: متحسسنيش انك نوغة
جودي: انا قدام الناس كلمة نوفة قليلة
جينيفر: و النعمة هبلة ..جودي: عارفة
جاستن اتصل ..جودي: هاي جاستن
جاستن: هاي..يلا اجهزي مش باقي كتير
جودي: طب استفسار لو سمحت هو انا المفروض البس ايه
جاستن: البسي اي حاجة ولما تيجي انا هظبطك
جودي: تظبطني ازاي يعني
جاستن: يا ستي تعالي اللبس انا جايبلك و ال make up. هم بيظبطوه
جودي:اوك هو انت هتيجي امتى
جاستن : يعني كمان نص ساعة كدا
جودي: اوك هستناك
جاستن: ماشي سلام
جودي: سلام ... جينيفر انا هقوم البس دقيقة واجيلك
جينيفر: اوك
دخلت جودي غيرت هدومها ولبست عادي لان كدا كدا هتغير هدومها هناك فا مش مهم ...خرجت جودب لجينيفر
جينيفر: ايه ال انتي لبساه دا انتي رايحة جمعية تعاونية
جودي: يا بنتي جاستن لما سألته البس ايه يعني سواريه ولا كجول قالي البسي عادي و هو يظبطني
جينيفر: طب و ال make up
جودي: هم بردوا الهيعملوهولي
جينيفر: يا عيني يا عيني
جودي: ءوري ءوري
جينيفر: ههههههههههه
سمعت جودي صوت كلاكس عربية طلعت البلكونة لقت جاستن بيشاورلها من الشباك
جودي: طب سلام يا جينيفر
جينيفر: انا ماشية انا كمان خوديني معاك
خرجت جودي و جينيفر معاها ..خرجت جودي خبطت على ازاز الشباك : صباح الخيير
جاستن: صباح النور.... جينيفر اهلا
جينيفر: هاي جاستن عامل ايه
جاستن :تمام وانتي
جينيفر: انا تمام.... جودي يلا اركبي و امشوا عشان متتأخروش
جاستن: اركبي و اوصلك
جينيفر: لا لا انا همشي روحوا انتوا
جاستن: على راحتك سلام بس بسرعة عشان تشوفي جودي على الt.v
جودي: اشوف فيك يوم
جاستن: ههههههه
جودي: اطلع ولا هنبات هنا
وصلوا لمكان كدا زي استوديو نزلوا من العربية جودي خبطت على ظهر جاستن و هي ماشية وراه : ايه المكان الغريب دا
جاستن: اكيد مش هخطفك تعالي دخلوا جوا و فضلوا ماشيين و جاستن بيقابل ناس و بيسلم عليهم و طبعا جودي متعرفش حد ...دخل جودي و جاستن اوضة كدا كانت مليانة بوسترات مغنيين و ممثلين
جاستن شاور على كنبة كدا ورا جودي: دا لبسك ..لفت جودي لقت شنط كتير على الكنبة
جودي: يا سلام كلللللل دا طقم انهاردة
جاستن: مكنتش عارف الاستيل التحبي تظهري بيه فا جبتلك كذا حاجة و نقي اليعجبك منهم
جودي: طب اقعد... قعد جاستن ..فتحت جودي اول شنطة لقت فيها بنطلون اسود بيلمع شوية و بلوزا او تيشرت كدا يعني زي ما يكون طقم حفلات وجزمته لون التيشرت وكانت بكعب ..الشنطة التانية فيها زي سالوبت كدا و كب بس عليه جكت جنز وبردوا معاه جزمته فتحت الشنطة التالتة لقت فستان قصير اوي يمكن طول التيشرت التاني الموجود مع البنطلون جودي بتلقائية: يا نهار اسود
جاستن: في ايه
جودي دخلت الفستان في الشنطة بسرعة
جاستن: يا بنتي في ايه
جودي: على جوستي البس البتاع دا
ضحك جاستن: اسمه فستان
جودي: فستان ايه يا عم دا تيشترت و نسيه البنطلون بتاعه
جاستن: طب ليه بتقولي كدا هو وحش معجبكيش يعني
جودي: هو زوقه حلو بس قصير وانا مبحبش القصير
تنح جاستن وبرأ بعنيه: ازاي
جودي: زي الناس
جاستن: دا انا كنت حاسس انك 90%هتلبسي دا
جودي: اول مرة احساسك يطلع غلط
جاستن: مبتحبيش تلبسي قصير ليه
جودي: كدا بتكسف جدا و بعدين ايه اللطيف في اني البس حاجة مخلية الناس كلها تتفرج على جسمي ما هي مش وكالة من غير بواب و لما البس قصير و ابين رجلي البس كب و البس مفتوح من كل حته و افتح على نفسي فتحة
جاستن: مممممم هو انا فهمت اغلبية الكلام بس في جملة في النص مش فاهمها خاااالص
جودي: عارفاها و احسن انك مفهمتهاش بلاش فضايح
جاستن: لا بجد ليه مش حباه يعني كدا البسي التحبيه بس عايز اعرف لو مفيهاش رخامة او تطفل
جودي: لا مفيش تطفل عادي بس انا مبحبش البس حاجة قصيرة جدا او مفتوحة بزيادة بتكسف و بعدين متعودتش على كدا و مبقتنعش بالفكرة
جاستن: اااااه عشان كدا من ساعة ما قابلتك مشوفتكيش لابسة شورت
جودي: ايييييييوه اهو الشورت دا بزات بقالي سنين ملبستهوش يمكن من وانا في اعدادي
جاستن: انتي غريبة انتي و افكارك البسي ال انت عيزاه و انا هخرج بقا هروح البس و انتي كمان و غرفة خلع الملابس اهيه ...جودي: ماشي
قام جاستن و جودي قعدت تبص في الهدوم كانت عيزا تلبس حاجة متناسقة مع لبس جاستن خرجت من الاوضة وراحت اوضته خبطت على الباب
جاستن: خش ..دخلت جودي لقت جاستن بالبنطلون بس مش لابس حاجة من فوق
جودي: ايه ال انت عمله دا انت رايح تصيف استر نفسك
جاستن: هههههههه لبس قميص كدا من غير ما يقفله وقعد : ملبستيش ليه جودي: هو انت هتلبس ايه
جاستن: اشمعنة ..جودي: من غير رغي كتير هتلبس ايه
جاستن: طب ايه رأيك مش قايل الا لما تقوليلي بتسألي ليه
جودي: عشان على حسب لبسك هختار لبسي ..جاستن: طب متختاري التحبيه
جودي: طب وليه ميبقاش في تناسق لو انت هتلبس كجول تيشرت و بنطلون البس انا السلوبت الغريب دا و الجكت الجنز ولو انت هتلبس بليزر و بنطلون وكدا البس انا الطقم التاني ايه مسمعتش عن التناسق
ضحك جاستن: طيب يا ستي انا هلبس تيشرت و بنطلون عادي تعالي نقي معايا ...قام جاستن و شدها من ايديها وقفها قدام بتاعة كدا متعلق عليها تيشرتات كتير قعدوا ينقوا ..طلع جاستن تيشرت: انا هلبس دا في الوان من السلوبت بتاعك
جودي: حلو .. بس اشمعنة يعني الوان السلوبت بتاعي
قلد جاستن صوتها: ايه مسمعتيش عن التناسق
جودي: ههههههههه طب اسيبك انا بقا
خرجت جودي من الاوضة وراحت اوضتها طلعت جودي اللبس و دخلت تلبس جاستن خبط على الباب ال برا الوضة خالص لان جودي قفلته هو كمان.. جودي: مين
جاستن: انا هو في حد هيخش غيري
جودي بكل لماضة : و مين قلك اني هقولك خش اصلا ...جاستن: لا بجد
جودي: خش و استنى
خلصت جودي لبس و خرجت
لف جاستن:.........
Be continue#