find my life (Arabic)

chapter5

Find my life
Chapter 5
قامت جودي من على السرير و هي متنحة و مش مصدقة نفسها
واااااااا و كان مكتوب في الجواب نمرة التليفون
قعدت جودي تتنطط علي السرير و بعدها نزلت جريت علي التليفون و اتصلت على النمر
جودي: هاي مسس باتي
باتي : هاي مين معايا
جودي: انا جودي حضرتك كنت بعتيلي رسالة
باتي : اه اه اهلا اهلا كويس كلمتيني
جودي: اه كنت عيزا حضرتك توصفيلي الوضع اكتر
باتي: لا مينفعش في التليفون انا عيزا اشوفك
جودي: اوك حضرتك تحبي نتقابل فين
و ادتها باتي المكان و المعاد و كان تقريبا فاضل عليه ساعة ونص جودي مكنتش تعرف عنوان الكافيه ال قالت عليه باتي جه في دماغها جينيفر اتصلت ب جينيفر
جودي: هاي جينيفر
جينيفر : هاي جودي وحشتيني
جودي: اه و انتي كمان و حشاني اوي كنت عيزا منك خدمة
جنيفير : من عنيا
جودي :عيزاكي توديني كافيه ... عشان عندي فيه مقابلة شغل و مش عرفة طريقه
جينيفر : من عنيا امتي
جودي : بصي هو المعاد كمان ساعة و نص يعني تعاليلي علي ٤ونص لان المعاد ٥ ولا اقولك تعالي اربعة و اقعدي معايا و لو عيزا تيجي قبل تعالي
جينيفر: خلاص اوك ماشي
جودي: ربنا يخليكي ليا مش عرفة من غيرك كنت هعمل ايه
جينيفر: صنية بطاطس بلا نيلة ههههههههه
جودي: ههههههههانتي مسخرة
جينيفر : ماشي سلام عشان اظبط نفسي و البس و انتي عرفة اني باخد وقت
جودي: طيب اوك بس اوعي تتأخري احسن شغل مهم اوي
جينيفر: لا لا هجيلك علطول يلا سلام
جودي: سلام
سابت جودي التليفون وقعدت تفكر ايه ال ممكن يكون مخلي جاستن مدايق زي ما باتي بتقول علي اد ما جودي كانت مبسوطة انها تقابه و تقابل مامته بس كانت مدايقة انه حزين و عنده مشكلة بس قالت انها هتساعده شغلت جودي اغاني جاستن و فوقت و كلت و بدأت تلبس و كانت حريصة جدا علي شكلها و جت جينيفر و كانت جودي لسا بتكمل لبس
جينيفر: واو دي مقابلة شغل دي و لا عشا مع المز متخبيش علي صحبتك
جودي: عشا ايه الله يخرب بيتك
جينيفر: يا سلام اومال ايه الروقان دا
جودي: بقولك ايه و الله شغل و هحكيلك كل حاجة بالتفصيل لما اخلص
جينيفر: غمزت شغل ماشي ماشي
جودي: مالك مكبراها كدا ليه انا بس لبسة كويس لا انا حطة ميكب اوفر ولا عاملة اي حاجة لبسة كويس بس
جينيفر: خلاص خلاص ماشي انا بس بحب ارخم عليكي
جودي خدت المخدة من علي السرير و حدفت بيها جينيفر
خلصت جودي لبس و خدت شنطتها و موبيلها و قفلت الmusic و خرجت هي و جينيفر و شغلو اغاني في العربية كالعادة و كانوا بيغنوا معاها وصلوا للكافيه و جودي حفظت الطريق
جينيفر: ها تحبي اعدي عليكي اجيبك
جودي: لالا كفاية تعبتك و جبتك توديني
جينيفر: طيب اشوفك بليل
جودي: بقولك ايه متباتي معايا انهاردة
جينيفر : بوصي موعدكيش انا هقول لبابا لو وافق هاجي
جودي: خلاص اوك يلا سلام
دخلت جودي الكافيه بتدور علي مسس باتي اذا كانت جت ولا. لا بس لقتها جت خدت جودي نفس عميييق و راحت جودي ليها
جودي: هاي
باتي: هاي جودي عاملة ايه
جودي: تمام و حضرتك
باتي: قلقانة
جودي: انا كنت عيزا افهم اكتر
باتي: انا هفهمك كل حاجة بظبط بس من فضلك الموضوع دا محدش ابدا يعرفوا
جودي: لا من النحية دي متقلقيش انا اساس شغلي السر
باتي : هو مبقاش يتكلم و يهظر زي الاول خالص و في عنيه حسن غريب و لما احاول اتكلم معاه بيتهرب مني او يتعصب شوية و يقولي ماما عايز اقعد لوحدي و مبقاش يخرج كتير و حفلات كتير مش بيحضرها
جودي: ممممم طب و حضرتك جربتي انك تجيبله مشرف او مشرفة نفسين قبل كدا ؟
باتي: جربت بس مكانتش مباشرة انا قلت انه زميل و هو عرفه بنفسه فا ملامح جاستن اتغيرت و حسيت انه هيتعصب فا رجعت في كلامي و خليته يمشي
جودي: طيب هو ايه الحجات ال بتريح اعصابه الاماكن نوع الmusicكدا يعني
باتي: هو بيحب البحر او منظر المياه عمتا اما الmusic فا اي حاجة بيحبها musicحياته
جودي: طيب هو انا ممكن اسأل حضرتك سؤال
باتي: اتفضلي
جودي: هو حضرتك اخترتيني ليه و عرفتيني منين اصلا انا جاية كاليفورنيا من شهرين بس
باتي: عرفتك من الكلام الكتبوه و القالوه عنك كمان في التلفزيون
اتخضت جودي انا !!!!
باتي: اه اهو و طلعت باتي الnews paper
بصت جودي لقت صورتها و مكتوب ال رامز قاله انها احسن مشرفة نفسية في الوجود
جودي: اااه معلش اصلي اول مرة اعرف ان الكلام دا اتكتب
نرجع لموضوعنا و انا اقدر اقابله امتى
باتي : هقابلك بكرا في نفس المعاد و اخدك و نروحله
جودي: خلاص اوك
باتي : يلا باي اشوفك بكرا
جودي: سلام و انا عيزاكي تطمني انا هساعدك و هساعده
باتي: ميرسي ليكي
روحت جودي و كملت يومها في البيت بتفكر لما تقابل جاستن هتقول ايه و طبعا رد فعله ذي اي بني ادم مش عايز يعترف ان في مشكلة و جت جينيفر بليل و باتت عند جودي
جودي كانت عيزا تحكي ل جينيفر بس افتكرت مسس باتي و هي بتقول ان الموضوع محدش يعرفه
عدي اليوم بسرعة من كتر ما كانت جودي بتفكر نامت جودي و جينيفر جمبها جينيفر كانت مستغربة من جودي لانها طول النهار قاعدة سرحانة بس وهي بتفكر راحت في النوم هي كمان و كان الوقت متأخر حوالي الساعة ٣
تاني يوم
فتحت جودي عنيها الساعة ١
جودي: ياااه الساعة واحدة ... جينيفر جينيفيييييير
جينيفر: ايه يا جودي عيزا ايه
جودي: اصحي يا حجة الساعة واحدة
رفعت جينيفر المخدة من علي وشها و بصت في الساعة ايه دا يالهوي انا ولا كاني كنت وخدة علبة منوم كاملة
جودي: هههههه و قامت من علي السرير و كلمت مامتها سلمت عليها و راحت اوضتها لقت جينيفر لسه علي السرير مقامتش
نطت جودي عليها و قالتلها اصحي جينيفر
جينيفر: مش قادرة
جودي: انتي هتقومي ولا اخليكي تقومي بطرقتي
جينيفر: مش قايمة
جودي: طاااااايب راحت جودي المطبخ و فتحت الثلاجة و جابت ازازة مياه ساقعة و راحت لجينيفر السرير و بدأت ترش عليها مياه عشان تقوم
جينيفر: اااااح اه بنت اللذينة
جودي: هههههههه مش قلتلك هقومك
جينيفر: خلاص قمت
فطروا و قعدوا مع بعض
جينيفر: مبروك يا ستي علي الشهرة رامز عملك خدمة العمر
جودي: ههههه يا بنتي و الله اكتشفت بالصدفة
جينيفر لبست هدوم الخروج و طلعت يلا همشي انا بقا عشان بابا
جودي طيب سلام و كانت الساعة ٤:١٥
بعد لما جينيفر مشيت بدأت جودي تجهز لبسها و تلبس و تظبط نفسها و كمان تاخد حجات بتستخدمها لما بتقعد تتكلم مع حد قدامها و الوقت عدا بسرعة بقا ٤:٤٥ نزلت جودي و كانت حفظت الطريق و وصلت للكافيه
و لقت مسس باتي قاعدة جوا مستنياها
باتي: هاي جودي
جودي: هاي ايه اخبارك
باتي : تمام و انتي
جودي: كويسة
باتي: جاهزة لمقابلة ابني
جودي: هو مكدبش عليكي قلقانة شوية بس جاهزة
باتي: انا عيزا اقولك انك ممكن تعاني و كان علي وشها ملامح قلق
جودي: ربنا يستر بس ليه
باتي: عشان هو لو اتعصب يبقا هتسمعي كلام ......
جودي: خلاص خلاص متكمليش بس مش مشكلة انا شغلي علمني يبقا بالي طويل و عندي صبر
باتي: طب كويس طمنتيني شوية
جودي ابتسامة بسيطة
باتي يلا بينا
جودي: هووووو يلا
ركبت جودي و طول الطريق كانت قلقانة و بتفكر لما تقابل جاستن ايه ال ممكن يحصل
وصلوا البيت و دخلوا من الباب دخلت مسس باتي : جاستن جاستن
وقفت جودي قدام الباب و كانت بتاخد نفس و تطلعه بهدوء
باتي: جودي وقفة ليه تعالي
باتي: جاستن
Justin : hey mum I'm here
جودي قلق و توتر و انفاس سريعة ورا بعض لما سمعت صوته و حسه ان في مجرد خطوات بينها و بين اكبر بوب ستار في العالم وكمام هتتكلم معاه قاطع تفكرها صوت باتي
باتي: جودي تعالي يلا
مشيت جودي خطوات بطيئة و قصيرة بس وصلت و جت اللحظة الشافت فيها جاستن بذات نفسه هي حست بهبوط حاد في الدورة الدموية بس استوعبت الموقف و و قررت تواجه الموقف بقوة
باتي: هاي جاستن اعرفك جودي
جاستن رفع وشه بعد لما كان باصص في اللاب توب بتاعه
جاستن: هاي جودي و كان علي وشه علامات غريبة زي ميكون فاهم كل حاجة او انه عارفها
جاستن: مش انتي جودي يوسف المشرفة النفسية
جودي ارتبكت جامد بس بكل ثقة ردت : اه انت لحقت تعرفني وكان علي وشها ابتسامة حلوة
جاستن: اه طبعا صورك نازلة في الnewspapers و بيتكلموا عنك في التلفزيون
جودي: ههههه مش اوي كدا يعني
جاستن: و صوته كانه فهم مامته و فاهم جودي جاية ليه ها و ياتارا يا ماما اتعرفتي عليها ازاي
باتي: ا... ا... قابلتها في الكافيه فا عرفنا بعض و طلبت تتعرف عليك
جاستن: اه بحسبها جيه تبقا مشرفة نفسية لحد هنا ولا حاجة
جودي: بكل قوة و لنفرض يا جاستن
جاستن: مش فاهم
جودي: افرض ان انا جيه ابقا مشرفة نفسية لحد هنا
جاستن: كان متعصب جدا و بص لمامته و قالها تاني هو انتي مصرة ان انا محتاج مشرف نفسي انتي شيفاني مجنون
باتي: ا..
جودي: استني حضرتك ... اولا يا جاستن انت فاهم غلط اوي لان المشرف النفسي ملوش دعوة بالمجانين اصلا في فرق كبير بين المرض النفسي و العقلي
جاستن: انا مش مريض اصلا لا نفسي و لا عقلي
جودي: هو حد قالك انك مريض !!!
جاستن: ااااه طب ممكن افهم انتي هنا بتعملي ايه ؟
جودي: انا من البليبر و بحب اغانيك اوي و لقيت فرصة اتعرف عليك فقولت استغلها فيها حاجة دي
جاستن: اوك انا معنديش مانع في التعرف بس انا مبحبش الكدب و انتي مش جاية هنا عشان كدا
جودي: و لما انت مبتحبش الكدب بتكدب علي نفسك ليه ؟
جاستن: اكدب علي نفسي ازاي ايه ال انتي بتقوليه دا !!!! و كان متعصب جودي: انك تقنع نفسك ان مفيش مشكلة يبقا انت بتكدب علي نفسك و كمان مش علي نفسك بس علي الحواليك كمان
قام جاستن و سابها
جودي: استنا هنا انا بكلمك لما اكلمك تقف و تسمعني و اما اخلص كلام ابقا روح مكان ما انت عايز و كان صوت جودي في نبرة زعيق
جاستن : دا انت بتعرفي تزعقي كمان
جودي: انا اسفة إن كنت زعقت او اتعصبت بس انت ال اطرتني لحاجة زي كدا مبحبش اتكلم و حد يسبني و يمشي و بعدين متبقاش ضعيف واجه نفسك بمشكلتك و لا انت جبان و بتخاف من المواجهة
جاستن : انا مش ضعيف و لا جبان
جودي : خلاص اوك قولي ليه بتكدب علي نفسك و بتهرب من المشكلة
جاستن: و انا اكدب ليييه ما هو مفيش مشكلة اصلا
جودي: هسألك سؤال و تجاوب بصراحة
انت مرتاح الراحة الكاملة في حياتك مفيش حاجة مخلياك مدايق خالص
جاستن سكت و متكلمش
جودي: شفت
جاستن: هو كل واحد عنده حاجة مديقاه يبقا مريض نفسي
جودي: يا ابني هو حد قالك انك مريض نفسي و بعدين انا جاية اتكلم معاك شوية مش اكتر
جاستن: لا ميرسي مش عايزة اتكلم مع حد
جودي: انت مش عايز تتكلم معايا انا عايزة اتكلم معاك
جاستن: اففففف يعني عايزة ايه دلوقتي
جودي: عايزاك تقوم تلبس و تيجي معايا دلوقتي
جاستن: مش عايز اخرج
جودي: و بعدين معاك بقا
جاستن نظرات ملل
جودي: هو انت شايف نفسك طفل
جاستن: لا بجد !!!!!
جودي: ما هو مش معقول ان كل حاجة بطلب انك تعملها يا اقعد اتحايل عليك او ازعق انت مش صغير
جاستن: لو سمحتي انا مش طفل و انا حر في تصرفاتي
جودي بنظرات تحدي : ها هو بص بقا انا بالي طويل و مبزهقش و هقعد ازن علي دماغك لحد لما ازهأك في عشتك و هتقوم و هتعمل ال انا قلت عليه بردو فا قوم بسرعة و ارحم نفسك اصل انا عرفة نفسي زنانة بقا
جاستن : و انا لو قمت لبست هنروح فين
جودي: لما نروح هتعرف
تليفون جودي رن