*********&&&&&&&***********
العائله كلها درت بالخبر والكل تفاجئ بس
الامر واقع محتوم على الكل
سالم يوم درى بالموضع توقع انها هوازن
وبغى ينجن ويوم عرف انها وتين ارتاح نسبيا
وقرر يكلم خاله قبل لاتطير منه
ماعاد يثق بالاوضاع اللي بلحظه تغير كل شي
في بيت ابو مــــــــــــــــازن
اقنعت ام مازن بنتها وتين بعد محاولات عديده
جاووو البنات كلهم عند بيت ابو مازن
سمر ,سميه,هتون,هيله,العمه هناء ,ام هشام,وفاء زوجة خالد
الشباب انشغلوا بأمورر العرس
هشـــــــــــــــــــــــام يعيش حاله لخبطه وضياع
مايدري ليه حظه كذا
بيوم عرسه تطلع عروسه غير اللي توقعها
والبنت اللي حبها تطلع كذابه
وكيف بيعيش مع وحده مايدري عنها شي سوى انها بنت
عمه وبس
كيف بتتقبله
والاهم كيف هو
بيتــــــــــــقبلها
***********
عيال ابو مازن
مازن حاس ان اخته انظلمت لكن ماباليد حيله
اماوائل كان يقول كلها مسالة وقت وتتأقلم وتين مع هشام
لان وتين بطبعها اجتماعيه
وهشام هادي نوعا ما وطيب
***********
وكـــــــــــــــــــــــــــــل عام وانتوا بخير
واستنى تعليقاتكم وتوقعاتكم
وتين بتتقبل هشام
وهشام بيتقبل وتين
ومي وابو مي
ايش ردة فعلهم من اللي صار
انتظركم ياعسل
معليش حبايبي الجهاز كان خربان وتو بس اللي صلح
البارت الثالث
((فرحــــه ميتـــــــه))
وتين حاسه بضياع وحاسه بخوف من المجهول
وحاسه بقهر من اللي صار لها
رافضه اي احد يدخلها من اهلها حتى اختها هوازن مو راضيه تشوفها
ولا صديقة عمرها هيله
مافي الا امها هي الوحيده عندها
رفضت تلبس فستان ابيض لانه برايها
الفستان الابيض للعروسه الحقيقيه مو مثلها
فجأه كذا صارت عروس
لبست فستانها اللي كانت بتلبسه بعرس ولد عمها اللي هو زوجها ***هشــــــــــــام****
كانت الكوافيره عندها تزينها وهذا هو الشي الوحيد اللي وافقت عليه
طلبت من المزينه ماتكثر مكياج لها لانها ماودها تتزين له لكن كل هذا عشان امها اللي تبي تفرح معها ولو بشي بسيط
كانت وتين ايه بالجمال
شعرها اسود طويل لنهاية ظهرها
عيونها واسعه يميزها لونها الرمادي ورموشها كثيفه كحيله
خشمها طويل وحاد وشفايفها صغيره
وهي تشابه وائل اخوها كثير الا انها ابيض منه وعندها غمازه بخدها اليمين بينما وائل عنده غمازتين
كان طولها متوسط لكنها تميل للامتلاء شوي
كانت الكوافيره مصلحه شعرها بف والباقي مسيحته لها
مكياجها كان خفيف بس مايمنع انه زاد جمالها جمال
مسويه لها سموكي بس خفيف باللون النيلي وروج فوشي صارخ
وكان فستانها نيلي الظهر طالع ومن قدام سيور فضيه
وذيل من ورا وكان الصدر كاشف شوي
