يادنيــــــا
بمشي معك اليوم
مالي حيله
لكــــــــــن
طلبتك
طلبتك
طلبتك
لاتخذليــــــــني
وصلوا عند باب الجناح واثنيناتهم كانوا ساكتين
فتح هشام باب الجناح وقالها بكل هدوء:تفضلي
دخلت وتين وهي تشوف ان الشقه تغيرت دخلت وهي تحس فعلا انها في بيتها انها في مملكتها
هشام يحاول يلطف الجو:امممم وتين تعشيتي
وتين بقلبها:ايش هالسؤال الغبي
وتين بصوت هادئ:لا
هشام :اجل خلاص ادق عليهم يطلعون العشاء
وتين:انا ماابي
قرب منها هشام وقرص خدودها بخفه:بطلي هالكلمه ماتلاحظين اني من يوم خذيتك وانتي كله ماتبين شي
نزلت وتين راسها
رفع هشام راسها باطراف اصابعه وقال:تصدقين اني اشتقتلك
استحت وتين ونزلت عينها
هشام :وتصدقين انك اجمل ماارأت عيني
هنا وبس
((وتين))استحت حمرت خدودها
هشام وهو يبتسم لها:اممممم خذي راحتك وروحي بدلي
ماصدقت وتين سمعت هالكلمه على طول انسحبت بهدوء عكس النار اللي داخلها ودخلت غرفة النوم وفعلا انبهرت بالديكور الرايق فتحت شنطت ملابسها وهي تدور لها شي تلبسه
لكنها تفاجأت بالملابس اللي حاطينها البنات لها
مو حاطين لها لبس ساتر على قولتها كلها ملابس ماتتجرأ
انها تلبسها دورت ودورت وبالاخير رست
على قميص نوم سكري تحت الركبه بشوي مع فتحه بالجنب كان سيور وعلى اطرافه ترتر لماع باللون الذهبي وعليه روب من الدانتيل اطول من القميص بشوي وبنفس الالوان
خففت مكياجها وبخت على نفسها عطر وفكت شعرها اللي كانت عاملته لها الكوافيره شنيون وجلست تحط بجسمها كريم برائحة المشمش
دق هشام الباب بعد مامل من انتظارها برى وماانتظر منها ترد فتح الباب على طول
وتين كانت واقفه عند التسريحه اخترعت يوم دق الباب وبسرعه دخل
هشام وهو يقترب منها:يالله عشان نتعشى
وتين بتوتر من قربه:امم خلاص روح وانا اجي وراك
وماترك لها مجال ترد سحب يدها وطلعوا برا
لقته مجهز الطاوله والاكل
جلس هشام وجلست وراه وتين
هشام:سمي ياحلوه
وتين :....لارد
اكتفت بس انها تاخذ الشوكه وتلعب فيها من غير لاتاكل
هشام ماحب يضغط عليها خلاها براحتها اكل هو بدوره الشي القليل وقام بعد ماقال: الحمدلله
((وتين)) حاسه بخجل من لبسها وجلست وهي ضامه يدينها ورجولها من الحيا وهي تشوف هشام يقترب لها
قرب هشام لها وجلس عند ركبتها ومسك يدها وباسها
هشام:وتين انا اعرف انك مالك ذنب باللي صار كله
واعرف اني لو اقول من اليوم لبكره اسف ماتوفيك
بس انا اوعدك ياوتين اني من هنا ورايح راح افتح صفحه جديده معك وخلينا نحاول مانضيع ايامنا على الهواش والمشاكل انا انسان مالي جلد على الحرب اذا مو قادره تبلعيني او تتقبليني
انا مستعد اني بعد سنه اعطيك حريتك ولاتخافين راح اخلي اهلنا يتقبلون هذا الشي ورااح اطلعك من السالفه
واذا تبينا نفتح صفحه جديده
وقف هشام وهو يمد يده لها:فأنا كلي لك
ترددت وتين بالاول بس بعد مده قليله اعطته يدها
وقفوا للحظات عيونهم تعانق بعض
حضنها هشام بهدووء:اوعدك ماتندمين وتين اوعدك
وحملها هشام
ووووو
وووو
..........
هالليله ليلة بداية فرح
او يمكن نهاية انكسار
.....
......
ياليل غريب هالمسا
له جما غير الجمال
وله قلوب غير القلوب
بس ياليت يكون فيه
وفــــــــا غير الوفا
****************
دخلت بيتها وهي مشتاقه لزوجها هالاسبوع شوي انشغلت عنه
كانت الساعه وحده بنص الليل دخلت غرفتها وناظرت السرير لقت زوجها حبيبها نايم
بدلت اللبس اللي عليها وغسلت وجهها
لبست شورت من الساتان بلون الوردي الفاتح وبدي بسيور علاق
وانسدحت وهي معطيه خالد ظهرها
وغمضت عينها لكنها فتحتها مره ثانيه وهي تحس بيدين خالد تحضنها من ورى
خالد وهو يقربها له:وحشتيني ياقلبي وباس كتفها
ابتسمت وهي تواجهه:اسفه حبيبي اشغلت هالاسبوع عنك
بس وربـــــــي
قاطعتها بوسة خالد على شفايفها
خالد:ماابي اسمع اعذار اشششششششش
باسها مرره ثانيه وهو يقربها له اكثر يبي يحس بدفاها
وفاء وهي تتمسك فيه اكثر:ربي لايحرمني منك
************
البنات بعد ماخلصوا سهره كل وحده روحت لبيتها
ام مازن:ياحبي لوتين اليوم بس ارتحت طلعت من اهلها وراحت لاهلها والله ان ام هشام اصيله اصيله
هوازن بفرح: الله يايمه شفتي كيف وتين تجنن ماشالله عليها
ام مازن وهي تبتسم:اي والله ماشالله عليها
ام مازن :يالله انا بروح انام تصبحون على خير
هوازن:وانت من اهله
طلعت ام مازن جناحها وكانت الساعه تقربا 2 نص الليل
دخلت الحمام واخذت لها شاور وصلت ركعتين دعت الله يوفق بنتها بهالليله سلمت وانتهت لقت ابجورة ابو مازن مفتوحه استغربت وجات بطفيها لكن صوته وقفها
كيف وتين يانوره:ام مازن بخير ياعبدالله بخير
بس ماقلت لي ايش مصحيك لها الوقت
ابو مازن:بنتي اللي كسرتها واللي ماتبي تسامحني
وخوفي عليها هذا هو اللي مصحيني يانوره
جلست عنده نوره وتكلمت بحنان:البنت مجروحه ياعبدالله شوي والامر صعب عليها وهي صغيره بس صدقني ازمه وبتعدي وبتجيك وتحب فوق راسك وتعرف انك ماتبي الا مصلحتها
ابو مازن بتنهيدة الم:انشاله انشالله
احبتي توقعاتكم تسرني
ومتابعتكم لي تشرفني
وانتقاداتكم تحسن ادائي
حبايبي البارت السابع بين ايديكم
لاتحرموني من توقعاتكم ورأيكم فيه
وسامحوني على التقصيــــــــــــــر
البـــــــــارت السابع
{{مــــــــــــــدخ ــــل}}
يـــــــــــــــوم جديد
يحمل داخله
امــــــــــــــــل
يحمل داخله
مستقبــــــــــــــل
يحمل داخله
اســــــــــــــــرار
****
صحى هشام من النوم الصباح والتفت جنبه وابتسم يوم شافها نايمه بجنبه جلس يناظرها بحنان وحب
يحسها رغم صغر سنها تفجر الرجوله اللي فيه
يحس الانوثه تشع منها جلس يمسح على شعرها اللي كان منتثر على المخده
تحركت وتين وقطبت حواجبها بغير راحه
ضحك عليها بصمت حتى وهي نايمه معصبه
اقترب منها وحضنها وجلس يمسح على كتفها برقه
حست وتين ان فيه احد يلمسها وتذكرت اللي صار كله امس
واستحت تفتح عينها استنته يبعد عشان تقوم بس هشام ماتحرك
((هشــام))
