بكره تخاوينا بنطلع السوق
سمر:خير ايش عندك بتذلفين السوق
هيله :ياشيخه امي حالفه اننا نقضي لوتين من جد وجديد تبي تعوضها وتخيلي امي حارمه هشام يدخل داخل البيت الين اخر الاسبوع
سمر:هههههه والله امك تحفه بس تصدقين احسن خلي وتين تحس بقيمتها شوي
الا صح هيلوووه كيف وتين واخوك
هيله:اول شي هيلووه بعينك وثانيا وتين لحد الان تحسينها مو متقبله بس الاوضاع مستتبه
سمر:حلوه مستتبه ذي من وين جايبتها المهم الله يسعدهم والله
هيله:اميــــــن يارب
هيله:يالله عاد اذلفي وبكره نتلاقى اوكي
سمر:اوكي يالله انتي بعد اذلفي
هيله:مع السلامه
سمر:مع السلامه
***********
جالسه بحضنه وايديه تلعب بشعرها بجناحهم من يوم تزوجها عاده عنده يحب يخصص وقت له ولها بس محد يشاركهم فيه حتى عيالهم
وفاء:حبيبي
خالد:امممممم
وفاء:حبيبي ام هشام كلمتني وتبيني اروح اقضي لوتين لان البنات مايعرفون شي وتبيني اساعدها
خالد وهو ماسك اصابعها ويلعب فيها:اوكي حياتي روحي وتكفين حياتي لاتقصرين عليها بشي واذا نقص اي حاجه بلغيني
رفعت نفسها وفاء وطالعت فيه بنظرات كلها حب وعشق حد الثماله هالرجال يأسرها بطيبه بحنانه بحبه لها ولاهله ماكانت وفاء من النوع اللي يغار من زوجها على اهله بالعكس كانت مثال للمراه اللي دايم تساند زوجها يبر اهله
كنت أحسب الــ حُ ــبْ ''هـمـْ ''
شي .. مبـ هـم ..!!
لا لــه تعريف و مكـ''ـآن
في زمـن كلّه .. كِــذب ''
ليـن جــِيتْ ..
ومادريت إني '' أــ ح ِــبْ ..!
ابتسمت وباسته على خدوده بوسه هاديه مثلها وحضنته
وفاء:الله لايحرمني منك ولايحرم اهلك منك
وبعدت عنه :خالد
خالد:لبيه
وفاء قربت من اذنه وهمست: احبـــــــــــك
حط خالد ايده على خصرها وقربها له
لكـــــــــــن
سمع صوت ولده عبدالله يبكي
بعدت وفاء عنه بهدوء وهي على شفايفها طرف ابتسامه
وفاء :عبود حبيبي ليه تبكي
عبودي:اهئ اهئ اهئ
مسكته وفاء وحضنته:خلاص ماما من بكاك
عبود بدلع:ابي ثبيثتون ((سبيس تون)) ولمى ماتحطها لي
خالد:بالله الحين انت مخرب علينا الجو واخرتها علشان افلام كرتون
وفاء تضحك عليه:خــالد
خالد:وانا صادق يامن شراله من حلاله عله
وهو ياخذه منها ويبوسه ويدغدغه الين ضحك
خالد:ابشر وانا ابوك بكره اشتري لك تلفزيون لحالك وتفرج زي ماتبي
وفاء تناضره:من جدك انت
خالد:ايوه من جدي والا مستانسه كل شوي وهو داخل ومخرب علينا جونا عشان خرابيطهم
اجيب له تلفزيون وارتاح
وفاء ضحكت عليه :ههه ههههههههههه والله انت مجنون
خالد بهيام:مجنون فيك ياقلبي
خالد يحك راسه :عبود ماودك تروح تلعب مع اخوانك
عبودي:لا بابا ابي انام عندتم((عندكم))
خالد :كملت بعد لا لا انا بكره شاري له تلفزيون وبلاي ستيشن وقيم بوي عشان افتك منه
وفاء هزت راسها وجلست تضحك على زوجها
****************
هوازن:يمه ترى بكره بنروح للسوق
ام مازن :ليه
هوازن:خالتي ام هشام تبينا نقضي لوتين وتخيلي يمه مانعه هشام ان يشوف وتين الين تخلص تجهيز
ام مازن براحه وفرح:الله يجازيها خير ويفرح قلبها زي ماهي جالسه نفرح قلب بنيتي والله انها من يوم يومها اصيله ماتقصر
