وعلى طول ارسل مسج لهوازن
{{حبيبتي
كلها شهر ونص وتكونين
ببيتي
احبـــــكـ
}}
ودمتم بحــــــــب اختكم
وفاي دمر دنياي
صبــــــاح الخير
البـــــــارت الثالث عشر بين ايديكم
قراءه ممتعه بس عندي طلب قبل
اللي بيرد وموعاجبه لايتعب نفسه ويقرا
لاني بصراحه بعض الردود تنزل المعنويات
انا مااقول الكل لا البعض
وارجع واعيد اشكر كل من تابع وقرا روايتي
البــــــــــارت الثالث عشر
بعد ماوصلها مسج من سالم
عصبت شوي بس فرحت من سالم اللي تعلقت فيه
بسرعه كل يوم يكبر بعينها زياده
((هوازن))
كانت تبتسم لاشعوريا وعلى طول ارسلت له وهي اول
مره ترسله من تملكت كان دايم يطلب منها انها ترسل له
بس كانت تتغلى عليه بس الحين قررت ترسل له
أحبك
أحــبك
أحــــــــــبك
أحــــــــــــــــــــــــــبك
أحـــــــــــــــــــــــــــــــــــــــــــــبك
شفت شلون هالكلمة تكبر؟؟
حبك بقلبي كل يوم عن يوم يكبر ..
وكتبت بنهاية الرساله
{{رغم اني زعلانه منك بس
احبــــــــــــــكـ
}}
*********
كان جالس على طرف السرير ويتأمل بوجهها
يالله قد ايش يحب هالانسانه قد ايش يعشقها
عندها يحس بانه طفل محتاج اي ضمة حنونه منها
محتاج كلامها الدافي اللي يملا قلبه وحياته بالفرح
كانت نايمه وباين على وجهها الشحوب
ناداها بكل حنيه وهو يمسح على شعرها
خالد:وفو وفو حياتي
وفاء بنعاس:اممم
خالد:يالله قومي ماشبعتي نوم مااشتقتي لحبيبك
وفاء:خلود والله نعسانه فيني نوم
انسدح جنبها وحضنها من ورا
خالد وهو يبوس كتفها:وبعدين مع هالنوم الزايد ترى
انا مااقدر اصبر عنك يالله اصحي
وفاء خلاص طار منها النوم اعتدلت بجلستها
وقام بعد خالد واعتدل بجلسته لكنه مازال حاضنها
مع خصرها
خالد:يالله حبيبتي عازمك على احلا فطور
وفاء:اوكي بس خلني اخذ لي شاور والبس
خالد وهو يبوس خدها :يالله ياعسل بسرعه مو تتاخرين
وفاء وهي تقوم:ان شالله
جلس يستناها الين تخلص بعد مالبس وكشخ
وكان لابس برمودا بيج وتي شيرت ابيض فيه رسومات بالفضي
والسماوي
ربع ساعه ووفاء طالعه من الحمام وكانت لافه المنشفه على
جسمها وكان شكلها ساحر بمعنى الكلمه
خالد من شافها قام على طول ووقف قدامها
وعض على شفته السفلى وحط اصبعه على نحرها
خالد:شكلي بهون عن الطلعه ايش رايك نخليها غدا
وفاء بابتسامه:لا حبيبي خلاص قلت فطور يعني فطور
وابتعدت عنه بسرعه بعد مااخذت ملابسها وراحت تبدل
بعد مالبست طلعت له وراحت على التسريحه تمشط شعرها
اللي اكتفت بس بتجفيفه وتركته على راحته مفتوح
ولبست ساعتها اللي كانت من قوتشي وكانت جلد اسود
مرصعه بالكريستال زادت جمالها جمال
كانت لابسه بنطلون جنزازرق بحري وبلوزه صفرا
ولابسه طوق اصفر واكتفت بكحل سماوي ومرطب وردي
وبلاشر واحمر خدود خفيف
بعد ماانتهت اخذت عباتها والتفت لخالد اللي واقف
ومبتسم لها
بادلته وفاء بنفس الابتسامه :يالله حبيبي
خالد:يالله
وطلعت هي واياه وايديهم متماسكه
ركبت السياره بعد مافتح لها الباب
خالد:اقول وفاء ايش فيك هاليومين وجهك شاحب
وفاء:امممم يمكن من الحمل
وقف خالد السياره لاشعوريا :ايش عيدي
وفاء بضحكه وهي تاخذ يده وتحطها على بطنها: بعد
تقريبا سته شهور تقريبا بيجينا طفل جديد
خالد بفرحه مو مستوعب:من جد وفاء من متى وليه ماقلتي لي
وفاء: كنت بقولك بس انت سبقتني وسالت
خالد:مبرووك ياقلبي مبرووك
وفاء:الله يبارك فيك وانت بعد مبرووك
وقفوا عند مطعم الشرفه وطلب منها انها ماتنزل
الا لما نزل وفتح لها باب السياره
واخذ يدها ودخلوا المطعم وكملوا فطورهم وبااحلى جو
***********
ابو هشام:وانت ليه ماجبت مرتك
هشام بارتباك:هاه مرتي أأ هي تعبانه وقلت ترتاح ببيت امها احسن
ابوهشام:هشام لاتلف وتدور علي في بينك وبين وتين شي
هشام:.......
ابو هشام:رد علي انتوا متهاوشين
هشام حس انه تورط وقرر يقول لابوه
هشام :يبه اسمع السالفه من اولها لاخرها ولاتقاطعني الين اخلص
ابو هشام وهو يتنهد:اسمعك
هشام:جلس يخبر ابوه بالسالفه وانه رجع لمي وحكى له سالفتها
يوم جته تبكي وتترجاه انه مايتركها الين ماكشفها وهي
تكلم ابوها وتبلغه انها بتلعب على هشام وتوقعه على اوراق
تكسب من وراه
وبعد ماانتهى هشام طالع باابوه اللي وجهه تغير
وباين انه معصب نزل راسه بحيا مايدري كيف يطالع ابوه
مره ثانيه
ابو هشام بغضب:ياخسارة تربيتي فيك ياخساره
الحين وين اودي وجهي من اخوي
وبصراخ انت تدري ايش سويت مو بس دمرت حياتك دمرت
العائله بكبرها
حسبي الله على ابليسك حسبي الله على ابليسك
والله انت مو كفو واحد يزوجك بنته ولو تطلب وتين الطلاق
اول من بيوقف معها انا لانك مورجال مورجال
اما هشام نزلت دمعه منه لاشعوريا
اول مره ابوه يكلمه بهالطريقه
انه يطيح من عين ابوه هذا شي كبير كبير
مااستحمل يقعد يسمع اكثر اخذ مفتاح سيارته
وطلع من البيت كله
********
الكل وصله خبر ان زواج مازن وهتون وسالم وهوازن تحدد
وانه بعد شهر تقريبا
وبدأت حوسة البنات للتجهيز
هوازن كانت متحمسه وفرحانه اما هتون كانت خايفه من
اللي بيصير بينها وبين مازن لكنها قررت
تستمتع بكل لحظه وتخلي وقت الخوف لوقته
وتين كانت نادرا ماتروح معهم لانها بدت تحس بالوحم
اما نفسيتها فبدأت تتغير للاحسن
اكتفت بكم طلعه للسوق بانها تقضي لنفسها
لانه زواج اخوها الكبير واختها
وماتبي تحرم نفسها من الفرحه مع اخوانها
اما موضوعها مع هشام قررت تأجله الين يخلص
زواج اخوانها وبعدين تطلب الطلاق
لانها ماتبي مشاكل تعكر صفو العرس
اما الشبـــــاب انشغل مازن بترتيب بيته واللي كان جنب
بيت اهله على طول وجلس يأثثه وهو مشغول
كيف بيبدأ حياته اللي من اولها
مشاكل ماكان يتمنى يتزوج بهالطريقه
ولاكان يتمنى يتزوج قبل ماينتهون من سالفة وتين
لكن وتين ووائل اقنعوه بان السالفه راح تنتهي بعد
