سالم بهمس:واخيرا
ماردت عليه هوازن واكتفت بالصمت
وائل:احم احم نحن هنا ترى باقي مارحتوا بيتكم
سالم كان فعلا ناسي الكل بوجود هوازن
التفت له سالم :وورى ماتعطينا مقفاك
وائل:ههههه اشوف خربت الاخلاق من اخذت اختي ترى توك
يمدينا نسحبها منك قالها وهو يغمز له
طوق سالم ايدينه بكتوف هوازن اللي استحت اكثر
من اول وارتبكت ماتوقعت هالحركه منه قدام اخوها
سالم:ههه ضحكتني هذاك اول الحين هوازن لي وبس وناظر فيها
بحب :صح حبيبتي
هوازن خلاص ضاعت علومها هذا جرئ وهي ماتقدر عليه
وائل:ههههه اقول خل اطلع بس لاتخربها انت ماعندك حيا
ويالله كلها عشر دقايق خلصوا تصوير وراجع لكم
طلع وائل تاركهم لوحدهم وماصدق سالم يطلع وائل
مسك راس هوازن والتقت عيون بعيونها باسها مابين عيونها
وهوماسك ايديها
مازن:مبروك علي انتي
هوازن بهمس:الله يبارك فيك
سالم:تصدقين اني مو مصدق انك لي للحين
هوازن اكتفت بالابتسامه
سالم:حبيبتي
واقترب منها كان بيحضنها لكن المصوره قاطعتهم
كملوا تصويرهم وسالم كان على احر من الجمر ينتظر
التصوير يخلص ويروحون لبيتهم
هشام كان جالس وماتكلم ولاحتى ابدى رايه بشي
كان مو عارف كيف بيبارك لاخوه وولد عمه مازن
واللي بيصير زوج اخته
طالع في مازن اللي مجرد ماجات عينه بعينه نزل راسه بسرعه
((مازن))
ليه ياهشام خليت بيننا حزازيه ليه خليتنا اغراب واحنا قريبين
الله يهديك ياهشام الله يهديك
صحاه صوت ابوه وهو يبلغه بان يقوم لعروسه
طلع مازن مع ابوه وعمه عشان ياخذ عروسه اللي كان عندها
هاشم وهتان يصورون معها
اول مادخل مازن كانت هتون منزله راسها ومو واضح منها شي
لان الخصل كانت مغطيه وجهها
سلم مازن ووباس راسها وهمس لها: مبروك ياام لسان
ماردت عليه هتون من الخوف
تركوهم ابوها واخوانها عشان التصوير
واول ماقالت المصوره لهتون ارفعي راسك
رفعت راسها وجات عينها بعين مازن اللي فتح فمه
ايش يشوف هو حوريه مو بشر كانت هتون مغيره في شكلها
صبغت شعرها بني شوكولاته وخصلته بالثلجي
بلع مازن ريقه ولا شعوريا ابتسم لها ونزلت راسها على طول
كانت المصوره تطلب منهم بعض الحركات الجريئه شوي
هتون كانت ترفض بس مازن مايصدق اي حركه تقولها يسويها
يقهرها فيها الين وصلت عند هتون وعصبت من المصوره
اللي تطلب منه يبوس خدها
هتون اعطت المصوره نظره معناها انطمي بس
اما مازن ضحك عليها وقال لها بصوت واطي
مايسمعه الاهي وهو:ليه معصبه ترى ان مااخذتها الحين بااخذها
بعدين وغمز لها وهي ولعت منه ومن قلة ادبه على قولتها
ماردت عليه واكتفت بالصور اللي اخذتها لها
دق الباب عليهم ودخل هتان
هتان:كن القعده عجبتكم هنا
مازن:لا والله بيتنا ابرك واحسن صح ياهتون
نزلت راسها وماردت عليه
هتان:ههههه امش بس يالله سبقك سالم
هتون بصوت منخفض: هتان
هتان:هلا
هتون:وين هشام
طالع لها مازن ببرود وهي ردت عليه نفس النظره
هتان :تحت ينتظركم
لبست هتون عبايتها وسلمت على اخواتها وامها وبنات عمها
وطلعت ولقت هاشم وابوها وعمامها وهشام ينتظرونهم
سلموا كلهم عليها
ولما قرب منها هشام حضنته وهمس لها:سامحيني هتون
هتون وهي دموعها بعينها:مسموح يااخوي
ابتسم لها هشام :الف مبرووك الف مبروك
واتجه لمازن ومد يده عليه وبادله مازن لكن هشام حضنه
بحراره وهمس له:سامحني يااخوي سامحني
ابتسم له مازن ومارد عليه بشي
