جده : واخرت البص دا ايه
محمد:ها
جده: جهز الطلبات لبنت علشان متقفش كتير
محمد اتوتر : حاضر حاضر
رجعت فاطيما واخدت الطلبات : شكرا يا جدو تسلملى
جده: مبرووك تانى ع النجاح وعقبال التخرج والعريس
فاطيما: عقبال ما تفرح بمحمد وتشوف عريس منور كده
محمد قرب منهم: انا سامع اسمى
فاطيما: منستغناش طبعا يا محمد
محمد باابتسامه: مبروك يا طيما ع النجاح
فاطيما: تسلم ..
محمد: وهتدخلى ايه؟
فاطيما: لما مكتب التنسيق هيحدد
محمد: ان شاء الله كليه حلوه انتى تستاهلى كل خير
فاطيما: تسلم يارب .. يلا السلام عليكم علشان كده اتاخرت
ومشيت ومحمد باصص عليها لغايه ما دخلت العماره ودخل المحل
جده: اتحرك وكفايه بص بقى
محمد : ها
جده: هتقضيها بص ل امتى... اتحرك اهى خلصت ثانويه وداخله جامعه وماادراك ما الجامعه وشبابها وفاطيما تتخطف
محمد اتوتر : معرفش انا بتتكلم عن ايه يا حاج بصراحه انا داخل اشوف اللى ورايا جوه ...
ومشى محمد دخل جوه المحل .. جده: علشان اهبل ....!!
فى يوم ابو فاطيما رجع من الشغل بدرى واخد فاطيما وراحوا يشتروا اللاب
فاطيما كانت محتاره عاوزه ايه فالمهندس اقترحلها نوع كويس وسعره كويس ف نفس الوقت اشترته والمهندس ظبطلها كل حاجه وعرفها تتعامل معاه ازاى طول الطريق فاطيما فرحانه جدا بللاب ال اشترته وكانت حضناه ودخلت الشقه وفتحته قدام مامتها وجددتها توحه ومحمد اخوها ....
توحا: حلو يا طيما ماشاء الله تتهنى بيه ياحبيببتى
مامتها: كده بقى انا اتاكدت انك مش هتقومى من قدامه
باباها: لا طيما وعدتنى فى الاجازه حاجه والدراسه حاجه
فاطيما بتضحك: اه طبعا طبعا
محمد : طيما حبيببتى اختى الكبيره الوحيده
فاطيما: لا انسىىى ...ايه الممنوعات الل تخصنى هنا
محمد : الاكل بتاعك وحلوياتك وشيبساتك وموبيلك ومنير لو شغال واوضتك بالعموم يعنى
فاطيما: وضيف عليهم اللاب بقى من المحظورات هنا ..انا سيبتلك الكمبيوتر اتشقلب عليه براحتك .. وانا هقوم اتشلقب ع اللاب بتاعى حبيبى ف اوضتى لوحدى ... عن اذنكم
ضحكوا كل الل قاعدين ..اخدت فاطيما اللاب ودخلت اوضتها وفتحته وع وشها ابتسامه كبيره
فاطيما: اخيرررررررا جيت يا رمضان وهستفرد بيك وبمنير واسمعه بمزاج ياسلاام ... ابعت لعيال اعرفهم بقى ..
بعتت ل ماريا وكانت فاتحه وقعدت ترغى معاها وشويا ودخلت سلمى
سلمى: طيماااااااا ايه النور دا
فاطيما: احم احم ..دا نور الللاب علشان جديد بس
ماريا: مبروك يا طيما
فاطيما: عقبال عندكم يارب ..
سلمى: كده هتكونى موجوده ع طول وتوفرى عليا مكالمات الدولى
فاطيما: قال يعنى انتى ال بتدفعى دا ابوكى ال بيدفع
ماريا: انتوا هتتخنقوا ولا ايه دا بدل ما نحتفل
فاطيما: صحيح.. عموما يا سولى كلها اسبوع وهتكونى عندى
وهظبتك..واوعى تفتكرى انك اكبر منى بسنه دا يبقى حاجه فشر
ماريا بتضحك: بصراحه فاطيما عندها حق خافى يا سلمى دا حماده اخوها مظبتها وهى اكبر منه بسنه
فاطيما: اه يا ميمى ياواطيه بتتريقى عليا
سلمى : هههههههههههه والله ياجزم وحشنى ووحشتنى القاعده معاكم اوى
ماريا: وانتى كمان والله وفرحت اوى انك جايه♥
فاطيما: دى جايه اسبوع وراجعه معرفش انا ايه الاجازه دى
انتوا فقرا ابوكى ع قلبه اد كده مش عارفين تطولاوا الاجازه
سلمى: انتى بتقرى ع عمك يا بت
فاطيما: ع اساس بتكلمى رابعه
ماريا: لا بتكلم اولى
سلمى: يخرب فقركم ..بس فعلا ظروف شغل بابا ومصطفى لسه مستلم شغل جديد واصلا هو مش نازل معانا ..احنا نازلين علشان نشوفكم
فاطيما : تيجى بالسلامه
سلمى: تعالوا ندخل الجروب نرخم ع خلق الله شويا
فاطيما: اه صحيح هو مين الشخص الجديد ال دخل دا مين ال دخله معانا
سلمى: اه ..دا صاحب خالد كلمنى واستأذنى يضيفه وانا قلتله اوك
فاطيما: قلتى اوك ع اساس انه جروب السيد الوالد مش احنا اتفقنا اى حد يدخل نوافق احنا التلاته ولا علشان من طرف استاذ خالد
سلمى: ايه يا طيما ماهو انتى مكنتيش بتفتحى اصلا وحصل ايه يعنى
ماريا: فاطيما مبتحبش تكون ف مكان مع حد غريب يعنى
سلمى: لا هو شخصيه لذيذه ومحترمه وكفايه انه من طرف خالد
فاطيما : ههههههههههههههه من طرف خالد ماشى هنعديها
بس انتى قولتيله ع فتره التجربه لو اضايقنا منه او كان شخصيه مش كويسه وهربان من قفص الزرافه هيحصله ايه
سلمى: قلتله طيما هتطيره
فاطيما: اشطه
ماريا: هقوم اعمل مج نسكافيه وهرجع تانى
سلمى: وانتى يا طيما جايبه اكلك جنبك ولا هتقومى
فاطيما : ها ها هاها .. هى دى حاجه انساها الخزين كله ف الاوضه
سلمى : طيب يلا يا طيما انا وانتى ننتطلق
فاطيما: شدى الحزام وانظرى لاامام ... هوووووووبا
سلمى : هههههههههههههه هوووبا
ودخلت فاطيما وسلمى الجروب وحطوا بوستات وقعدوا يرغوا ويهزووا
وكانت فاطيما ال شاغله الجو بهزارها وضحكها ...!!
أنت تقرأ
طيارة ورق
Romansaالحب لا يهتم بالوقت او المكان يحضر عندما لا نتوقعه ..الحب يمكن ان يسبب الم بقدر ما يسبب سعاده هناك من يفقد صوابه وهناك من يحلق فى الاحلام ويطير ع اجنحه الحب كـ الطيارات الورقيه وينفصل عن الواقع ومادياته ... فهل ستستمر الطياره الورقيه فى الطيران ام...
