The Explorers (Tagalog)

X The Impostor

Tumigil sa paghihilamos si Kenji nang sabihin iyon ni Shingue. Parang kinabahan si Shingue at naisip niya na baka isipin ni Kenji na kumakampi pa siya kay Arthur.

Tumingin na si Kenji ng diretso sa dalawang "green eyes" ni Shingue. "S-Shingue, hindi kita maintindihan kanina..."

"Ah, kasi Kenji ganito... Matagal na kaming magkaibigan ni Arthur dahil naging mag-high school classmates kami. May nakuha rin siyang sagradong bato pero magkaiba naman kami ng uri. Kung sa akin ay isang Divine Stone, sa kanya naman ay isang Magic Stone."

Masama na ang tingin ni Kenji kay Shingue. "Sigurado ka? Niloloko mo 'ata ako eh!"

"Kenji, matagal na kaming magkaibigan ni Arthur noon pa... I hope you understand me dahil talagang member na siya ng Explorers, kahit magkaiba pa kami ng nakuha noon."

"Ano? At ano naman ang nakuha ng Arthur na 'yan ha?"

"'Yun nga lang ang hindi ko alam Kenji... Basta isa naman siyang Magic Stone."

"O? Kaibigan mo siya hindi ba Shingue? Dapat alam mo rin ang lahat ng tungkol sa kanya. Akala ko kasi, ikaw lang ang Explorer dito."

"Pasensya na ulit Kenji," nakayukong wika ni Shingue. "N-Nagtatampo ka na ba sa akin ha?"

Tumawa si Kenji. "Ba't naman ako magtatampo? Parang iyon lang e!"

Umangat na ang ulo ni Shingue. "Kenji, kung nais mo talagang maging isang Explorer, konting tiyaga lang talaga sa buhay. Matuto tayong humarap... Maghanap ka ng kahit isang sagradong bagay na hinahanap rin ng mga Explorers. Tapos, ipakita mo iyon sa kanila... at Kenji," bumulong. "Konting pa-impress na rin sa kanila para matanggap ka na rin nila dahil aaminin ko sa iyo, isa na ako sa gumawa nu'n kaya pasok ako hehehe. May ibibigay silang mga tests sa 'yo."

"Noong nagpa-Explorer ka, anong mga tests ang ibinigay nila sa iyo?"

Sumigaw si Shingue. "Anak ng tokwa Kenji! Pwede ba... 'Pag inisa-isa ko pa sa 'yo ang lahat ng mga pinaggagagawa namin nu'n, marahil eh aabutin tayo rito ng isang linggong kuwentuhang wala namang kuwenta!"

Taka si Kenji. "Sobra ka naman Shingue, kahit ba nasa mababang antas ka lang ng Explorers ay mahihirap na rin ang mga binibigay na tests sa'yo?"

"Oo ah... Pero Kenji, hindi naman lahat ay mahirap. May interview portion pa nga eh. 'Kala mo, nagha-hire rin ng mga employees 'yung Explorers."

"Atsaka Shingue, saan nga pala matatagpuan ang teritoryo ng Explorers? Di ba dapat nandoon ka ngayon, pero dinala ka pa nila rito upang magsanay. Kasi may mga kakulangan ka pa sa pakikipaglaban tama ba?"

"Kasi Kenji, tatlo ang Explorer class: 'Andoon pa lang ako sa UE (Ultimate Explorer), na nasa pinakamababang antas. Bale ibig sabihin, kung tatlo pala ang Explorer sub-groups ay hindi lang iisa ang kanilang base, kundi tatlo rin. Kasi, hiwalay ang tatlong Explorers at hindi puwedeng magsama-sama ang tatlong grupo na magkakaiba ang antas. Pero, nabibilang pa rin kaming lahat sa iisang pamilya."

Nagpunas na ng mukha si Kenji. "Galing naman," pero walang tono ng saya mula sa kanyang boses.

"Oo nga e, alam mo... Sabi ng lider ng UE, mas marami ang mga miyembro ng UE dahil mas maraming mga 'Sacred Items' ang nakukuha ng mga bagong mandirigma kaysa sa mga DDE, at habang tumataas ang rank or class mo ay mas mahigpit na ang kanilang pangangailangan. Tulad ng DDE, pinakamataas kasi ang DDE kaya sila lang ang may pinakakaunting bilang ng mga miyembro. Kaunti na rin ang mga miyembro dahil sila lang ang mga napiling tagahawak ng mga pinoprotektahang artifacts at ang 14 long-lost elements na hanggang ngayon ay hindi pa rin natatagpuan. 'Yung sa akin ay hindi pa naman nila nasisiguro kung isa na nga ba ang batong nakuha ko sa mga nawawalang elemento. Samantalang sa UE, kahit mga Magic Stones lang ang makita mo ay gagawin ka na nilang UE!"