حب لعيبة

كل سنة و أنتي طيبة يا مريم ^_^

#ريم

محمود كان قاعد عندنا في البيت . صراحة معرفش ليه . عمرو كان طول الوقت مبتسم . شوفت دعاء جاية و شدتها من ايدها .

أنا : هو في ايه؟! محمود بيعمل ايه هنا؟؟

دعاء : هو عمرو مقلكيش؟ o.O عمرو عزموا على العشا هو و مامته و هنا و إكرامي .

أنا : انتي في حاجة مخبياها عليا -_-

دعاء : أنا .. أنا .. بصي هو محمود جيه علشان ----

عمرو جيه و ضربها على دماغها من ورا .

عمرو : أنتي حبيبتي اه .. بس لسانك متبري منك >_<

دعاء بصتله بنظرة قاتلة و هو ابتساملها بطفولة و مشي و هيا مشيت وراه و بتبرطم xD

ماما : ريم حبيبتي تعالي !!

طلعت و سلمت على مامة محمود و هيا حضنتني و باستني من خدودي .

أم محمود : أهلاً يا ريم يا حبيبتي وحشاني و الله .

أنا : و أنتي كمان يا طنط :D

أم محمود : مش بتيجي زي الأول ليه؟

أنا : محمود مش بيرضى ياخدني معاه . بيقولي ماما بتحبك اكتر مني :(

محمود بصلي و شد دقنه و بيقولي هوريكي :P

أم محمود : لا يا حبيبتي انتي تيجي لوحدك ملكيش دعوة بيه

ياسين : ريمي !!! :D

ياسين جري عليا و حضني شيلته و بوسته من خده

أنا : أهلا أهلا حبيب قلب ريمي !!

ياسين : ريمي عايز سوكلاتة 3:

أنا : عايز سوكلاتة؟؟ حاضر تعالى معايا .

هنا : متأكلهوش كتير علشان سنانه

أنا : طيب تعالى يلا يا ياسين

شيلته و دخلنا المطبخ و جبتله كيندر و اكلتهاله

ياسين : أنتي عارفة نانا و دودي هنا ليه؟

أنا بصيتله و ضحكت .

أنا : ليييه؟؟

الفضولية نفسي سألت . منا صراحة عايزة اعرف اصلها قاعدة مريبة .

ياسين : مامي قالت لبابي ان دودي جيه هنا علسان يخبطك

يخبطني؟ دي بلغته كدة ... إنما بلغتي يخطبني .

أنا : يخطب ريمي؟؟

ياسين : آه عسان قالي هو بيحبك و قالي ان هو هيتجوزك و تجيبوا بيبي كتيرة و ألعب معاهم .

محمود بيحبني و عايز يتجوزني و يخلف مني؟!؟!؟! أنا اكيد بحلم !!

بوست راس ياسين من كتر الفرحة و رجعت تاني الصالون .