حب لعيبة

كشف أسرار

#ريم

كنت مع رمضان في أوضة الدكتور بنشوف الجرح بتاعه .

الدكتور : أنت تحمد ربنا ان محصلكش حاجة تانية وحشة .

أنا : خير يا دكتور؟ هو حصله حاجة؟!؟!

الدكتور : لا متقلقيش المكان اللي فيه الجرح هيزرق لمدة قصيرة بس

رمضان : هقدر العب تاني امتى؟

الدكتور : ممكن على حسب هياخد قد ايه على ما يلم . اسيبكم أنا بقى .

الدكتور طلع و سابني مع رمضان لوحدي . لفيت و بصيتله بنظرة مخيفة .

رمضان : بت .. متبصليش البصة دي -_-

أنا : اسكت خالص !!! دة انت هتاكل علقة بس اصبر عليا !! >_<

رمضان : بقى كدة اريم احبيبة قلبي :D xD

أنا : اتنيل >_< انت عارف انك متعور و بتلعب بردو؟ -_-

رمضان : طب ما انتي عارفة اني مقدرش يوم يعدي من غير ما العب كرة .

أنا : عارفة .. و الله بس علشان خاطري يا رمضان ..أنا مش عايزة خسرك لحاجة بايخة زي الكرة . رمضان أنا بخاف عليك من الهوا الطاير و أنا مش عايزة اخسرك لأي حاجة بأي سبب من الأسباب .

قلتله كدة و دموع نازلة من عنيا . بصلي و مسح دموعي و اخدني في حضنه

أنا : أنا بحبك اوي يا رمضان

رمضان : و الله العظيم انا كمان بحبك بس متخافيش عليا .. أنا هبقى تمام .

حضنته جامد و عيط في صدره . آه نسيت اقولكم ان رمضان مش لابس تيشيرت . و تبقي مع رمضان في نفس الأوضة و في حضنه .. في حاجات مش لطيفة هتحصل .

أنا : ابعد ياض >_< أنت ما صدقت اني اعيط علشان تحضن و تبوس براحتك >_< كنت اعملها في فرح أحمد و ردينة :P

رمضان : يا سلام؟! يعني انتي معارضة اني احضنك و ابوسك هنا و في الأفراح عادي؟ خلاص في فرح سعد و مريم مش هسيبك في حالك :p

أنا : يا كلب يا ابو دماغ وسخة -_-

ضحك و بعدين كان هيبوس خدي .. قمت لازقة التيشيرت في وشه .

رمضان : يلعن أبو شكلك يا ريم -_-

######

#شخص

اتفرجت على ريم و رمضان و الرومانسية اللي مقطعة بعضها -_-

أنا : مش هتتهنوا كتير .. هتسيبوا بعض .. حوار فاطمة اتفتح تاني و مش هيتلم .. و في رقاب هطير كمان .

ضحكت ضحكة شريرة و بعدين بصيت مرة أخيرة عليهم و بعدين مشيت .

و المصحف ما هتكملوا مع بعض ... مش هتعدي على خير المرة دي .

####

#رمضان

الكل كان بيتدرب حوليا . كابتن زيزو مرضاش يخليني اتدرب علشان جرحي .. كتر خيره و الله .