حب لعيبة

إنتقام

#ريم

عدى ساعتين و عمرو لسة مخرجش من الأوضة . دعاء هتموت علشان تطمن عليه . محمود مسبنيش لحظة . دة حتى مش راضي يخليني اقوم من حضنه . سعد و مريم باتوا معانا . ردينة و أحمد راحوا فيلاتنا علشان يجيبوا هدوم ليا و لدعاء و عمرو . هنا بعتت هدوم لمحمود . علشان كدة هو كمان بايت معانا .

دعاء : دول طولو اوي جوة !!! هما هيخرجوا امتي؟!؟!

أنا : الصبر يا دعاء .. ربنا بيختبر صبرك .

دعاء : و نعمة بالله . بس عمرو وحشني و عايزة اطمن عليه .

مريم : هما ان شاء الله زمانهم خارجين و هيطمنونا .

سعد : تفتكروا رحاب كانت جاية ليه؟

محمود : اكييد علشان تطمن على عمرو

يمنى : لا .. الحكاية مش حكاية تطمن .. دي في حاجة وراها .

أنا : قصدك ايه؟

محمد هاني : قصدها ان رمضان هو اللي كان باعت رحاب علشان تشوف الأوضاع عاملة إزاي .

دعاء : طب كويس .. اعتقد انها هتوصلوا رسالتنا ان إحنا مش هنسيبه في حاله

أنا : أنا عايزة اعرف حاجة ... رمضان استفاد ايه لما ضرب عمرو بالنار؟!

محمود : هو مكنش يقصد عمرو .. هو كان يقصدني أنا .

حسين : بالظبط .. علشان كدة اول ما ضرب الرصاصة هرب .

نورا : طب انتوا هتعملوا معاه ايه دلوقتي؟

دعاء : إحنا مش هنبلغ البوليس .

أنا : رحاب اكيد وصلها ان احنا مش هنسكت على حق عمرو .. علشان كدة اول حاجة جات في بالها ان احنا هنبلغ البوليس . فا كدة كويس .. خلي بطنهم توجعهم من كتر الخوف .

دعاء : يا مين يدلني على ومضان الكلب دة و أنا كنت جبته من زمارة رقبته >__<

باب أوضة العمليات اتفتحت و جريت أنا و دعاء على الدكتور .

أنا : خير يا دكتور؟!؟! أخويا حصله ايه؟!

الدكتور : متخافيش .. أخوكي بخير . ربنا فعلا بيحب اخوكي . الرصاصة لو كانت اتحركت سنتي كمان كانت زمانها دخلت قلبه . بس قدر و لطف . إحنا هننقله أوضة هادية علشان راحته . و تقدروا تقعدوا معاه كمان .

دعاء : الحمد لله !!! ألف حمد و شكر ليك يا رب !!

محمود : طب الرصاصة جات فين؟

الدكتور : جات في كتفه بس كانت قريبة من صدره . بس مفيش اي خطر و لا حاجة . بعد إذنكم .

أنا و دعاء حضنا بعض و شوفناهم و هما بيطلعوا عمرو من الأوضة على استرتشر .

هندمك يا رمضان على اللي عملته .. مش عمرو ولا ريم جمال اللي يتعمل فيهم كدة .

####