حب لعيبة

الإستعداد للخطوبة

#رمضان

كنت في التمرين النهاردة و كنت نشيط اوي . مش من عادتي اني اكون نشيط كدة .

بس انا هطير من الفرح علشان اخيرا هيجي اليوم اللي ريم فيه هتبقى بتاعتي انا بس . محدش هايشركني فيها

مؤمن : ايه يلا النشاط دة كله؟

بصتله كدة و طلعتله لساني .

أنا : ايه؟ انا قلت اغير من نفسي شوية :D

أحمد عادل : ها ها ها تغير من نفسك؟ قصدك ريم غيرتك :P

 أنا : ما تهدوا بقى كدة .. محدش له دعوة بالمزة بتاعتي :D

سعد : بقى انت يا عيل انت تتجوز قبلي؟ :D

أنا : حد قالك تفضل عانس كدة :P

سعد : طب و حياة امي مانا سايبك !!! خد ياض

جري ورايا لاقيت عمرو و محمود قاعدين لوحدهم . محمود كان شكله بيعيط .

كشرت اول ما روحت عندهم علشان محمود كان فعلا بيعيط

أنا : مالك يا محمود؟ بتعيط ليه؟

منطقش .. دة حتة مبصليش . انا اتكسفت صراحة . علشان كدة عمرو رد بداله

عمرو : لا مفيش . بس مامته تعبانة شوية

أنا : لا الف سلامة عليها . ان شاء الله خير

محمود مستحملش و قام وقف و مشي و عمرو و أحمد الشيخ حصلوه . بس أحمد وقف بصلي شوية كدة و كان بيبصلي من تحت لفوق بقرف و مشي

(مين استجرى يبص لرمضان حبيبي كدة؟ يا رب تتخبط في صباع رجلك الصغير ياللي تقول عليه كلمة وحشة :D)

ماله دة؟

###########

#محمود

كنت قاعد مع عمرو عالبنش . مش مركز و فكري متشتت . كل ما افكر ريم مش هتبقى بتاعتي قلبي يوجعني اوي . بحس ان حياتي كلها ضلمت

عمرو : انا آسف يا محمود ممنعتش الجوازة دي . انا مش موافق اصلا . بس بابا و ماما موافقين

أنا : و ريم كمان

عمرو : ما تزعلش . ان شاء الله هتبقى بتاعتك لوحدك

أنا : ريم ضاعت مني يا عمرو خلاص . مفيش حاجة في ايدي اعملها . انا اللي غلطان لو كنت قولتلها من الأول مكنش دة بقى حالي >_<

عمرو : احمد ربنا . ربنا عمره ما هيسيبك

أنا : طب أعمل ايه؟ دي عايزاني اجي الخطوبة

عمرو : لو جيت هتتأذي بزيادة بلاها و خلاص

أنا : لا تزعل مني . مقدرش

عمرو : انت حر . انت بتكسر قلبك اكتر و اكتر كدة

أنا : انا هكون مبسوط لما هيا تكون مبسوطة .