حب لعيبة

بعشق أمك يا تريزي ♥♥

#ريم

بعد ما خلصت مع رمضان هو كان مروحني البيت. صراحة أنا مبقتش عارفة أعمل ايه؟ كل ما أحاول ابعد عنه بفشل. رمضان صح متهور و عنيد و مش بيستسلم بسهولة.  بس هو في نفس الوقت طيب و جدع و حنين. بس للآسف الحلو مش بيكمل.

(قاعدة مع الشيف شربيني ما شاء الله -_- )

رمضان اذى عمرو.. اللي هو شخص قريب مني و غالي عليا.

رمضان: مالك يا ريم؟ ساكتة ليه؟

أنا : لا مفيش حاجة .. بس سرحانة

رمضان : أكيد ريمي حبيبتي بتفكر في الهدية اللي رمضان عملهالها :D

أنا : و الله العظيم أنا مش مصدقة انك عملت دة كله

رمضان : كله يهون علشان خاطرك يا حياتي ♥

مسك ايدي و باسها . لقيته ركن قدام الفيلا بتاعة عمرو . و بعدين نزل من العربية و طلعني و مشاني لحد باب البيت .

رمضان : تصبحي على خير يا حبيبتي ♥♥

أنا : تصبح على خير يا رمضان :))

حضني و بعدين مشي . فتحت الباب بالمفتاح و لقيت الأنوار كلها مطفية .

فجأة الأنوار كلها فتحت و لقيت دينا جمب كوبس الكهربا و محمود واقف قدامي .

كلهم : مفاجأة !!!!!!!! :D

جات متأخرة اوي . ابتسمت و بعدين طلعت على اوضتي. جايين يفتكروا عيد ميلادي دلوقتي؟ ما خلاص رمضان قام بالواجب. الباب خبط و فتح .. لقيته محمود .

محمود : مالك يا ريم؟؟ طلعتي على طول ليه؟

أنا : مفيش تعبانة شوية .

محمود : طب يلا تعالي علشان نطفي الشمع.

اخدت نفس و هو قام ماسك ايدي و جرجرني تحت. اخدت نظرة احسن على الديكور و صراحة كان تحفة ^_^

أنا : ايه دة كله؟؟

دعاء : ما هو لو انتي يا استاذة مكنتيش طلعتي بسرعة مكنش دة بقى حالنا !!

حضنتني و همست في ودني.

دعاء : طلعتي ليه؟

أنا : هقولك بعدين .

عمرو : دي هديتك .. دعاء اختارتها.

اداني سلسلة على شكل قلب . فتحتها لقيت القلب الأول في صورتي أنا و عمرو و إحنا صغيرين حاضنين بعض. و في القلب التاني نفس منظرنا و إحنا حاضنين بعض بس و إحنا كبار . لما كنت في فرح عمرو .

أنا : الله يا عمرو ... دي جميلة أوي ^_^ !!! ميرسي يا أحلى اخ في الدنيا ♥♥

حضنته و بعدين حضنت دعاء . مريم جات و كان معاها بوكس اكبر.

مريم : اريم احبيبة قلبي :* كل سنة و أنتي طيبة دي مني أنا و سعد ♥

أنا : مستكلفين تجيبوا هديتين؟ -_-