Bin mangi Muhabbat

Episode 12

AYESHAH'S POV

"Aj maza aya naa.. Dikhao zara apni ring tu dikhao.." Jab se Dad aye thay tab se mai aur Maidah ek room mai rehte thay.. Aur aab humari ban'ne bhi lag gai thi.. Engagement ki sab tyariyaan bhabi or Maidah ne he ki thi...

"Yeh lo achi trah dekh lo.." Mene hanste hoye yeh keh kr ring maidah kay hath mai pakra di..

"Yaaaaaar.. yeh ring kitni pyari hai.. Salman bhai ki choice achi hai matlab.." Maidah ne kaha..

"Haaan. Uski choice hamesha se bari achi hai.. Adnan kay liye gifts hamesha wohi tu le kr deta tha mujhe.." Mene kaha..

"Unhay tumhari or Adnan ki engagement ka pata hai ?" Maidah ne serious hote hoye mujhe dekhte hoye kaha..

Adnan ? Mene abhi adnan ka name liya ? Itne arsay mai mene kabhi bhi adnan ka zikar nahi kiya.. aj rawani mai moun se nikl gaya uska name. Or is pr mai khud hairaan thi..

"Haan woh sab janta hai.  Usay pata hai kay Adnan ne engagement toor di thi.. shayad yeh naa pata ho kay kis ki wajah se toori thi. " Mene kaha..

"Tum abhi bhi Adnan ko pasand karti ho ?  Maida ne pocha..

"Maidah sach btaon tu mujhe aab koi afsoos nahi hai.. Woh meri qismat mai nahi tha.. Aur Ammi hamesha kehti thi kay jab tak koi cheez apki qismat mai ALLAH ne naa likhi ho woh kabhi bhi apko nahi milti.. Aur shayad Adnan mujhe deserve nahi karta tha.." Mene muskurate hoye kaha aur Maidah bhi muskra di..

"Chalo aab soo jate hain.. wesse bhi aj bohat thakawat ho gai hai.." Mene bed pr lait'te hoye kaha..

"G G subha se sare ghar mai aap he tu kaam krti phir rahi thi naa jo thakawat ho gai hai.. Amma ne tu aj tumhay hilane bhi nahi diya.. Itna kaam tu shayad kabhi naa kiya ho mene.. Khair mai tu khush hoon kay aab tumhari Shadi ho jaye gi aur phir meri bari aye gi.. Yesss!!" Maidah ne khush hote hoye kaha..