Bin mangi Muhabbat

Episode 6

AYESHAH'S POV

(FLASH BACK)

"Adnan kesa hai ?" Samia ne kaha.

"Kon ?" Mene hairat se pocha..

"Adnan.. tumhara fiance ? Remember ? Yaa bhool gai.." Samia ne hanste hoye pocha.

"Mujhe tu yaad hai pr tumhay studies krte hoye achanak woh kahan se yaad a gaya" Mene bhi hanste hoye jawab diya.

"Array thak gai hoon parh parh kr tum ne tu koi baat krni ni hoti tu socha mai he kr loon baat koi.." Samia ne seedha bethte hoye kaha..

"Theek hain woh.. Next month birthday hai unki tu samajh nahi a rahi kiya gift doon.." Mene samia ko apni preshani btai..

"Is mai preshan hone wali kiya baat hai mil kr market chalte hain.." Samia ne excited hote hoye kaha..

"Okay.. Kl he chalte hain phir." Mene Samia ko kaha aur phir prhne mai busy ho gai. Par Samia pata ni kya soch kr hassi jaa rahi thi. Pagal hai yeh larki..

"Salman kahan ho tum ? Class start hone lagi hai. Aj phir Professor ka lecture sun'ne ka mood tu nahi punctuality pr ?" Salman kissi kaam se gaya tha aur mujhe keh gaya tha kay class start hone se pehle call kr dena mai a jaon ga.

"Yar a gaya hoon bss Mehwish ne rook liya tha apna roona suna rahi thi. Bss pohanch gaya." Salman said..

"Aab chalain class lene Mr.Salman ?" Mene thora rude hote hoye kaha..

"Miss Ayeshah aap kabhi class miss bhi kr diya krain.. Itna parh kr akhir krna kiya hai tum ne.. Ban'na tu housewife he hai.." Salman ne mujhe tang krte hoye kaha..

"Salman maro ge kab tum ?" Mene haste hoye kaha.

"Abhi se mar jaon kiya ? Abhi tu job krni hai.. Apni ammi k liye pyaari si nazuk si nakhro wali bahu bhi lani hai..Phir uske bachu ko school chorne bhi jana hai aur phir unke aggay bachu ko bhi school chorne jana hai.. Phir kahin jaa kr sochoon ga marne ka.." Salman ne hanste hoye apna sara future plan suna diya mujhe..

"Pagal ho tum.. Acha mene tumhay bataya kay Adnan ki birthday a rhi hai aur mujhe usse gift dena hai.. Par samajh ni aya kiya doon. Kl Samia kay sath market bhi gai thi par kuch samajh nahi aya kiya loon" Mene apna problem salman se share kr liya..Woh hamesha mere problems solve kr deta tha aur mujhe yakeen tha aj bhi kr de ga.