Bin mangi Muhabbat

Episode 5

AYESHAH'S POV

Bhai ?

Haan ?

"Main Dad kay pass jana chahti hoon.. Raat unki call ai thi woh keh bhi rahay thay kay kuch time unke pass reh jaon."

"Jana chahti ho tu jao.. Dil behal jaye ga.. Par agar Amma ki baat ko dil pr laga kr essa keh rahi ho tu buri baat.. Woh sirf tumhay khush dekhna chahti hain Ayeshah. Woh tum se bohat pyaar krti hain.. Tum janti ho naa ?" Bhai ne mujhe samjhate hoye pyaar se kaha..

"Bhai app Amma se keh dena kay mai kuch time in sab batoon se door rehna chahti hoon.. Thora saa bss thora saa time aur de dain mujhe.. Tab tak mai Dad kay pass reh ati hoon. Jab wapis aon tu jo chahay woh krain.. Please bhai itni baat tu aap meri maan sakte hain naa.. " Bhai meri baat sun kr muskraye aur meri baat maan gaye.. Phir mai apne room mai chalay gai..

"Hey.. Samia".. Usse dekh kr mujhe hairat hoi.. 3 saal se nahi mili thi mai usse.. Aur milna bhi nahi chahti thi main.. Pata nahi youn achanak kahan se a gai hai yeh wapis. Kyun a gai hai yeh ?

"Kesi ho Ayeshah ? Tum tu nazar he nahi ati aab.. Kahan gayab ho gai ho ?" Samia ne kaha. Tanz saaf zahir tha uske alfaaz main..

"Mene kissi ka kuch churaya thori hai jo gayab ho jaon gi.. Mai tu yahin hoti hoon.. Khair bahir driver mera wait kr raha hai mujhe ab ghar jana hai.. See you soon.. ALLAH HAFIZ" Yeh keh kr mai car mai a kr beth gai..

Samia kiya samajhti hai mai wohi 3 saal pehle wali Ayeshah hoon. Jisse koi kuch bhi keh de aur woh budho ki trah sunti jaye.. Nahi.. Woh Ayeshah 3 saal pehle kahin kho gai hai.. Jo kissi ki unchi awaaz sun kr roo deti thi. Kissi kay alfaaz mai majood tanz usse dara deta tha.. Jo hamesha sab k sath khush rehna chahti thi. Shayad aab usse waqt kay sath chalna a gaya hai. Abb usse pata chl gaya hai kay self-respect kis chirya ka naam hai. Usse pata hai kay Waqt nahi badalta pr haan loog apko zaroor badal dete hain. Aur log bhi woh jo apke bohat qareeb hai. Jin kay bare mai aap yeh soch bhi nahi sakte kay woh aap ko dhoka dain ge par woh detay hain. Aur aap bss khamosh dekhte reh jate ho.
Kabhi kabhi chup rehna zyada takleef deta hai naa.. Ahh!! Khair..

"Ayeshah tum mujhe choor kar jaa rahi ho beta" Amma ne udaas hote hoye kaha..

"Amma mai apko choor kr kese jaa sakti hoon bhala ? Sirf kuch dino kay liye jaa rahi hoon.. Jaldi wapis a jaon gi." Mene unke pass bethte hoye pyaar se kaha..

"Jaldi wapis a jaaon gi naa ? Tumhay pata hai naa iss ghar mai tum he tu ho jo mere pass bethi rehti hai.. Jo meri batoon se bezaar nahi hoti.. " Amma ne ussi udasi se kaha..

"Amma mai bohat jaldi a jaon gi.. Promise krti hoon" Mene unka hath pakarte hoye kaha.

"Chalo tum moun hath dho ao phir khana khate hain.. Baki sab tu masroof hain hamesha ki trah" Amma yeh mujhe keh kr kitchen mai chali gai..

Amma sab apki trah achay kyun naahi hote. Tai hote hoye bhi aap mujhe Mama ki trah pyaar krti hain. Khud se baat krte hoye mai bhi Amma kay pichay kitchen mai chali gai..

"Ayeshah Dad se baat hoi thi aj meri mene unhay bata diya hai kay tumhari tickets confirm ho gai hain.. Next week flight hai tumhari" Dinner krte hoye ne mujhe btaya.

"Aab tu khush ho naa" Bhai ne pocha..

"Thanku bhai.. bohat khush hoon.. " Mene muskurate hoye kaha. Finally mai yahan se door jaa rahi hoon.. chahy kuch time kay liye he. Wesse bhi Samia se dobara samna nahi chahti thi mai.. Shukar..
*************

(Flash Back)

AYESHAH'S POV

"Mujhe lagta hai Salman likes u" Samia ne kaha.

"Are u mad ? We are just friends.." Mene Samia ko bola

"Essa tumhay lgta hai yaar.. Salman ko dekh kr tu koi bhi bata de kay woh tujhe pasand krta hai" Samia ne hanste hoye kaha.

"Samia mai engaged hoon shayad.. Salman bhi janta hai yeh. Aur agar essa kuch hota bhi tu mujhe pata lg jata.." Pata nahi Samia ko aj kiya ho gaya hai. Ajeeb batain kri jaa rahi hai.

"Mujhe iss topic pr aab baat nahi krni. PLEASE!!" Samia ko yeh keh kr mai uth gai apni jagah se.

"Hey.."

"Hey"

"Ali ko dekha hai kahin ?" Salman pata nahi kahan se mere samne a gaya youn achanak.

"Umm.. Nahi. Tum usse kab se dhondne lag gaye ?" Hairat se mene usse pocha.

"Jab se uske aur mere Dad business partners banay hain.." Salman ne bezaari se bataya.

"What ? Haha.. Uncle ko kesse pata chala kay Ali se tumhari bohat achi banti hai.. " Mene sarcastically bola.

"Haan haan hass lo tum.. Dad ne file di thi kay uske ghar drop kr doon par mene socha University jaa kr Ali ko de doon ga. Par lgta aab uske ghar jana he prna hai.." Salman ne ussi bezaari se kaha..

"Wesse tum kahan jaa rahi ho ? " Salman ne pocha..

"Canteen.. Bohat bhook lag rahi hai.." Mene usse kaha..

"Chalo phir sath he chalte hain.. Wesse Samia nazar nahi a rahi. Tumhari bff" Salman ne hanste hoye kaha.

" Woh Mehwish kay pass gai hai shayad.. Koi kaam tha usse.." Mene jawab diya..

"Wesse Samia aur Mehwish logo kay ghar torne wali aurtain lagti hain mujhe.. Qasmay..Pata nahi tumne usse kesse dost bana liya.." Salman ne hanste hoye kaha..

"Salman tumhay pata nahi kiya problem hai usse. Itni bhi buri nahi hai woh.." Mene thora naraz hote hoye kaha..

"Acha acha nahi kehta kuch aab.. Moun naa banao aab." Salman yeh keh kr khamosh ho gaya.

Salman ko Samia hamesha se he buri lagti thi.. Woh hamesha kehta tha kay isse bach kr raho. Time anay par yeh tumhay bhi cheat kr sakti hai. Mujhe tu Samia kabhi buri nahi lagi. Haan thori modern zaroor thi.. Uska apna style hai ek. Pata nahi kiya reason hai..

"Tumhare liye bhi coke le aya hoon main. Juice nahi hai aj.." Salman mere samne bethte hoye bola.

"Salman tumhay Samia itni buri kyun lgti hai ?" Mene poch he liya akhir..

"Pata nahi kyun..Koi reason nahi hai mere pass. Bss nahi achi lgti. Tum bach kr raha kro bss usse.." Salman ne halka saa muskurate hoye kaha aur mene sar hila diya jesse uski baat maan gai hoon..

Please Comment.. :)