بلاتي او لا كان هدا شي قالب فكرت فالفياكرا نجيبها ولكن خفت يمشي تكون ابتسام عودتليها باش تفقسها او حنان دبا باغ تردليا الصرف حيت دغيا تكجمات شكيت او ترونت وصلني ميساج كتلي راني موجداليك مفاجأة من هدوك ليكعجبوك او راني لبست دو بياس فلحمر على قبلك بغيتك تشوفني لابساهم ، حنان بحال غير كتكب لما فالرملة حيت والو الحنكليس مبقاش كينوض بهاد الهضرة او زات ركبات فمي الخلعة مين كالت مفاجأة او كيفاش مها معاه او غدي تغفلها تلبس دوبياس هدشي مبليش فيه ، قلتلها تشهيتك يا العفريتة خخ ولكن راه عيطليا خويا او قاليا بلي راهم جاين دبا معندنا كيف نديرو ، درت هكا باش منبانش بارد معاها او فنفس الوقت خديت الحتياط ديالي من شي فخ تكون ناصباه بنت الطحبة ، مبغيتش رجع لدار حتى يوليو او فطريقي طلاقيت بصاحب مراد سميتو يوسف مول المعيجنات او بطل العالم فشقوفة خخخ قالي يالاه تريح معايا فواحد الكوان مزيان علمن يجي مراد قلتليه يالاه ريحنا فواحد العتبة ديال الدار مسكن فيها حد او جبد بدا تيركل فسباسب وخا تيبان مكيدير والو او ولد دارهم لكن مين وراني الخطوط ليفيديه عرفت بلي شي حاجة سولتو علاش اصاحبي نت مزال صغير كان عليك تقرا تكون حسن من هاد العالم او نت كضرب فيديك قاليا نت معرف والو شفتي هكا ولات الحياة ديالي مين ماتت الواليدة كنت هي الكيد ديالي فهاد الدنيا كانت خدامة فالتعليم استاذة ديال التربية اسلامية ماتت موتا ديال الله او انا كنت شاك فيها مريضة بالكلاوي لكن مكنتش كتهظر ديما كتكوليك مزيانة حتى دا مول الامانة امانتو او الواليد ديالي محامي ديال التب منعرف دكشي ديال القضايا او سريق بنادم او نصيب او كيدخل لينا فلوس الحرام هنتا هاهي خرجات فينا شوف حالتي كيولات كولي شراطي بحال الحيط دلحبس ولكن مزيان دبا وليت كنفكر غير نحرك او صافي هدا هو الحلم ديالي او لا محركتش يا اما شقيفات او لا جوينات راني كنطير بيهم شي شوية شمن ريدبول شمن تبي خخخخ . هضرتوا حركاتليا ليسونتيموا بحال هكا خص الولد يكون فشكل نقي او زوين او شعرو رطب ماشي بحال هكا ولكن بحال هاد الضروف فكرني فيلم هيندي ديال اشيكي مغني مشهور فرع كرو بشراب صدق حتى لعبة او نتاحر ولكن راح الحريك بحال الانتحار حتى وحد مضامن راسو يعيش سرحت فتفكير او شوية كنسمع ياسين ياسين غادى او كتقرب فودني ضرت قاليا مالك اوجه تب سرحتي خخخ داك النعاس او لاكيفاش او نت عاد غدي تمشي تنشطو خخخ . لا راه داك المعجون سخسسخني .. فري عينيك غدي يطيحوا او باش تعرف كنضرب غير الكاليتي المزيانة مريكلو او محرقوا بيدي .. صونا تيلفون كتلع موراد جوبتو قاليا ههيا عندك ممشيتيش معانا خليتيني لكري تماك اجي راحنا جينا ... كلتليه انا جاي واحد الشوية راه معايا يوسف .. خويا يوسف تهلا فراسك مسخيتش بيك ولكن راهم جاو نتلاقاو فساعة الخير
