تفرقنا او شديت طريق لدار بعيد بشي كيلومتر علدار لموهيم وصلت لقيت الطونوبيلات او الزغاريت فدار طلعت ميا عندهم طلقيت مراد كلي فين صاحبي علاش ممشيتيش ليلية ليه دازت ناضية كلتليه معليش حتى هنا دازت مت واعرة زعم مع يوسف فين واش تعشاو .. سير لكوزينة راهم تيحطوليهم او مين تسالي احنا فالصالون . مشيت لكوزينة لقيت حنان او ابتسام او شي ناس اخرين كالسين علطبلة غدي يتعشاو . بنات طحاب تيضحكوا او انا قلبي غادي يخرج من بلاستوا منعرف اش كيضور فراسهم ولكن كيف تيكول المثال ليضربنا ليه قاعو ميهمنا صداعوا خخخ كلست علطبلة حدى ابتسام باش منجيش فاس معاهم يحسبوليا الشدوقة حطولينا القس الدجاج والدغميرة اوانا مع المعجون او ريحة الشقوفة فتحاتليا الشهية بقيت غير كنحشي ولكن فنفس الوقت دكشي بالاداب خخخ تقدا الخبز او الخبز حدى حنان درت راسي حشمان او كلتليها عفاك الخبز ... عتاتولي كملت الماكلة شوية كنحس بشي رجل كتقيس فيا معرفتش ديالمن هزيت عيني فيهم باش نعرف لقيت ابتسام ليكتشوف فيا او حضرت راسي عرفت بلي ابتسام دير اي حاجة باش متخلينيش نفكر فحنان بقات حاط رجليها عليا حتى سلينا الماكلة او ناضت جيب ديسير بنان او التفاح هزيت تفاحة نكلها زلقاتليا من يدي مشات لجيهت حنان او هي تهزها بليها ستيمات او ليمكنتش متوقع هما بصح صدقو فالحمر تيقت بلي حتى حنان مكنتش كتكذب عليا او لخرا معوداتليها والو ولكن الحرب الباردة غير ملتحت داكشي . جاني العطش بغيت نشرب كلتليها شي شريبة حداك كلت هكاك باش ندير راسي مكنعرفهومش قدام لخرين ليكياكلو ولكن المشكيلة انهم بجوج مشاو لكأس يعطيوني خخخ لبلان ديال التب حسيت براسي ديك اللحضة هو الباطرون دلقحاب خخخ شربت او مشيت لصالون فين مريح العريس مبنتليش العروسة يمكن تكون مع حبابها ريحنا او صالون عامر بالعائلة او عاد الضياف ليكدخلو او التقاليد عوتاني كتحظر من جديد او هاد المرة تيديرو دوايرة دلحنا فاليد ليمنة او ليبغا يحني مراه خاص يجبد الفلوس او يضرب بيها البيضة او ليهرسها كيدي داك الصرف داكشي مزيان انا كنت بعيد عيطليا العريس قاليا قرب حدانا اصاحبي واش نت براني . عرفتوا ولد الطحبة باغيني غير نحني وخا مكنحملهاش ولكن علا وجوه التقاليد نديروها لموهيم دارتلي واحد المرة دويورة اوجيت نهرس البيضة صدق التيليفون ليتهرس طاحلي من الجيب طارليه الباتري عاد جمعتو ولكن البيضة مهرستهاش اصلا كون تيري فيها بازوكة متهرش خخ مريح او الضياف تيدخلو غير التيتيز المزيان ولكن وحدة ليداتلي عقلي اخوانية او لابسة العباية دكشي ديال تواركة او العوينات مكحلين مكين لا عكر لا بسالة زين ناتريل بدون مواد حافضة سعا بنت الطحبة فزكاتلي قدام العالم مديتلها يدي مسلماتش عليا باينة غتكون دايرا الشريعة فلافاك او سميتها فالفيس اميرة ابي او لا جميلة و حجابي و صلاتي سر سعادتي . العريس كليا قرب ودنيك قاليا راه مطلقة او كانت فرانسا او راك عارف هدوك ليفلخاريج شي عياقة فيهم ديال التب حتى انا مكنتش كتسلم عليا حتى عرفاتني كنجيها . جبدو شي عيالات كبار سينيات حيت البنادر والو او بقاو كيطبلو فيهم او تيكولو العريس اقطيب لوز خليوه يدوز او انا عقت بالعريس بلي فديك اللحضة تحلاتلو خخ لموهيم كلشي ناشط حتى من نوفل خخ
