كلتليها غير شرحيلي على اقل نقد نفهم ضوروفك ... باينة راسك قاسح واش مغديش تمشي خلاص ... حتى نعرف او هانتي ضربيني ديري شوهة ليبغيتي . فتحت يدي او درت بحال الصليب ... انا معاك حتى نعرف الحقيقة حيت وحدة بحالك التراب ليكتمشي عليه ميفرطش فيه حراك كلك .. باغي تعرف واخة نعودليك . دموعها كيهبطو او نقشي فيديها او كتمسح ولات حالتها حالة ... انا حملت من صاحبي جوج دلمرات او طيحت لولد او مفخبار حتى واحد او واخة هداك كان بغيني لحلال زعما غير الفوارق الاجتماعية راك عارف كاين واحد ولد عمي زعما مفيه ميتعاب كان باغيني او كولشي تيكلها فالعائلة انا خفت يكون عارفني عزبة او يديني صدق يتصدم فيا او الغلط ليعمري فحياتي غنساه او ليغيبقا معايا حتى نموت هو مين سارحتو ولكن انا نويت بلي خيتفهم او غيقول لا صدق قال اه دير بلاصتك بلاصتي واش كين شي حد غيقول لا قبلت او جريت علوراق او هو فرانسا تزوجت ولكن دخلة ماهيا دخلة داكشي بارد او بحال شي حد فيقني كالي شنو كدير هنا مع هدا براني مكتعرف عليه والو لموهيم داز دوك الشهرين مزيان شوية تقلب صدق تيعاود لمو الهضرة او الهضرة وصلات لمي بواحد طريقة او تصدمات مرضات او ماتت بالفقصة او ولا كيعاملني غير ضرب او تيكولي كومكنتش انا ميديك حتى واحد شنو دنبي الا هربت او مشيت لدعارة يمكن هي ليكتقبل بأي واحد غير يكون لحمو مزالا طرية او زوين ... سمحيلي حيت فكرتك فماضيك الخايب لفلوس مشي هي كلشي الحلوة مشي هي كلشي الضمير هو كلشي علاش كنعاملوكم بحال هكا علاش كتسمع لبنت كتكول الحلوة ولينا حيوانات ناقسانا غير الريحة ديال التزاوج قلتلها متبكيش سرك فبير او الا متقتيش فيا ردميني عاد سيري ... قالتلي لا تايق فيك نت خويا دبا سمحلي ... سير غسلي وجهك
