بقيت بوحدي فزنقة كنسين مراد او يوسف يجيو باش ندخلو نتغداو او من بعد ريكلو داكشي . بقيت حتى جاو او دخلنا ريحنا فواحد طبلة فيها بنادم متقف تقول ويكيبيديا ماشي بنادم او حنى كنسمعوا ولكن لموضوع ليناقشوه او عجبني هو كيبيعوا العذرية ديالهم فمزاد عالمي من اجل المال عمري شفتها حيت كيفاش البنت تبيع اغلى معندها داك بنادم ليجابد الموضوع قال بلي واحد الايطالية عندها شي عشرين عام دارت واحد الاعلان باش تبيع العذرية ديالها وصل المزاد عليها حتى ل 1.000.000 دولار باش تخلص شي كريدي او شرات بيها دار او دبا اشهر عارضة ازياء ولكن الموشكيل او ليبزاف ديال الجمعيات تينودو علاش مخصهاش دير هكا او الشرف او تبي فين كانو قبل علاش مين كانت مقودة عليها مشافوهاش اودي سلك غير هديك ديكور ديالها بحال المرة ليغتزوج كيسداق كيلمزاد حطو الدجاج او اراك القصوص مول الكميرا كيصور او انا كنبين اداب غير كيدور كنولي كنسافر بداك الشدق من فخض لفخض من زيتونة لزيتونة شبعنا او ندنا ريكلو المعيجنات بعدنا على الدار او عطاني الباي ديالي فميكة مغديش نكلها دبا حتى يقرب العرس بالليل
