တစ်ခါတစ်လေတော့ ကျွန်တော့်အား သူတို့စောင်းငဲ့ကြည့်တာကို လိုချင်လှသည်။ ဘယ်လောက်ကြိုးစားမှ ကျွန်တော်သူတို့အား အားကျသည်ကို
သိလာမည်လဲ ဆိုတာကိုလည်း မသိပေ။သူတို့... သူတို့ဆိုတာ ကျွန်တော် ချစ်မြတ်နိုးရသော author အချို့ဖြစ်သည်။ ကျွန်တော် ခင်မင်ရင်းနှီးရသော သူများမှာလည်း ကျွန်တော့်အရေးအသားများကြောင့်သာ ကျွန်တော့်ကို သတိထားမိသူများသာ... ကျွန်တော် အရင်က မော့ကြည့်ရုံကလွဲပြီး မတတ်နိုင်သော သူများအား သူငယ်ချင်းတော်နိုင်နေရသည့်အတွက်၊ ခင်မင်နေရသည့်အတွက် ဝမ်းသာရသော်လည်း အချို့လူများကိုတော့ မြင်သာမြင်မကြင်ရဲဖြစ်နေဆဲပင်...
ကျွန်တော် တွေးမိပါသည်။ ကျွန်တော်သာ စာအရေးအသားဘက်မှာ အဖြစ်မရှိလျှင် အခုနေ ဘယ်လိုများနေမလဲလို့ပင်။
မဝံ့မရဲ သူတို့ profile တွေဆီ ညတိုင်းဝင်ကြည့်ရုံကလွဲပြီး စကားစမပြောဖြစ်၊ သူတို့ရဲ့ အနုပညာလက်ရာများအား ကိုယ့်စိတ်ထင်နှင့် တန်ဖိုးမှားဖြတ်မိမည်စိုးသောကြောင့် comment များလည်း ဝင်မပေးရဲ။ များပြားလှသော သူတို့နေ့စဉ်ရနေကျ vote တစ်ရာနှစ်ရာကြား သူတို့ကျွန်တော့်ရဲ့ profile မှရောင်စုံနှင်းဆီကို သတိထားမိကြပါ့မလား။ ကျွန်တော်ကတော့ မထင်ပါ။
စိတ်ဝင်စားခံရမှုကို သာယာခြင်းတော့ မဟုတ်၊ သို့သော် သူငယ်ချင်းအရင်းခေါက်ခေါက်များကိုပင် စိတ်မထင်လျှင်မထင်သလို ဂွကျကျ ဘုနှင့်ဘောက်ဆက်ဆံကာ မျိုသိပ်ထားရသည်ကို မနှစ်ခြိုက်ဘဲ သူများမျက်နှာကို စေ့စေ့ကြည့်လျက် သူများအား မကြိုက်ရသည့် အကြောင်းရင်းကို ပွင့်ပွင့်လင်းလင်း ပြောတတ်သူ ကျွန်တော့်ကို သူငယ်ချင်းလုပ်ချင်သူများက နည်းပါးသောကြောင့် လူတစ်ယောက်၏ ဂရုစိုက်ခြင်းကို ခံရလျှင် ကျွန်တော် ဖုန်းမျက်နှာပြင်ကိုကြည့်ကာ ပြုံးပျော် ကျေနပ်လျက် ရှိနေမိတတ်သည်။ ဟုတ်ပါသည်။ ကျွန်တော်သည် ဖုန်းထဲတွင် :) ဟုရေးမိလျှင် အပြင်တွင် တကယ်ပြုံးနေတတ်သူတစ်ဦးဖြစ်သည်။
သူတို့၏ ဂရူစိုက်မှုကို လိုချင်သည်မှာလည်း အမှန်ပင်။ တစ်ယောက်အား သူ့ကို အားကျလေးစားပါသည်ဟု ပြောခဲ့မိတုန်းက သူမယုံခဲ့ဘဲ ရယ်ကြဲကြဲ မဖြစ်နိုင်သလို ဟန်နှင့် တုန့်ပြန်ခဲ့သည့် အချိန်က စကာ ကျွန်တော်သည် "ပြောလည်း ယုံမယ်မထင်ပါဘူး" ဟူသော အတွေးနှင့် သူတို့ဆီပို့ရန် ရည်ရွယ်ကာ ရိုက်နေမိသော message များအား အစအဆုံးဖျက်ပစ်မိသည်မှာလည်း အကြိမ်ကြိမ်ပင်။
ဖားခြင်းမဟုတ်ပါ။ ကျွန်တော့်အခြေအနေကလည်း လူအများကိုဖားမှ လူဝင်ဆံ့မည့် အခြေအနေမျိုးမဟုတ် ဟု ကျွန်တော်ယုံကြည်သည်လေ။ သူတို့ကို တကယ့်ကို လေးစားအားကျမိခြင်းဖြစ်သည်။
ကျွန်တော် လေးစားအားကျသူများအား စကားအနည်းငယ် ပြောချင်ပါသည်။ သူတို့ တစ်စုံတစ်ရာအား ဆုံးရှုံးပြီဟု ခံစားရသော အခါများတွင်၊ သူတို့ စိတ်ဓာတ်ကျနေသော အခါများတွင်၊ သူတို့စိတ်အားငယ်နေသော အခါများတွင်၊ သူတို့် ဝမ်းနည်းနေသော အခါများတွင်၊ သူတို့ တစ်စုံတစ်ရာကြောင့် စိတ်ထိခိုက်နေရသောအခါများတွင် ကျွန်တော့်အား ငုံ့ကြည့်ပါလို့ပင်။ မမြင်ဖူးသော လူများအား တွယ်တာမိနေသူတစ်ဦးအား လှည့်ကြည့်ပါလို့ပင်...
ကျွန်တော် သူတို့အား ငေးမျှော်ကြည့်နေသည်ကို မြင်ကြပါလို့ပင်...
P.S: "ကြယ်ပွင့်လေး" ဟု ကျွန်တော်ရင်းနှီးခင်မင်သော လူတစ်ယောက်က ကျွန်တော့်ကို သုံးနှုန်းခေါ်ဝေါ်ခဲ့တုန်းက ကျွန်တော် အတိုင်းမသိ ပျော်ရွှင်ခဲ့ရဖူးသည်။
အကယ်၍ ကျွန်တော်ကသာ သူ၏ ကြယ်ပွင့်လေးဆိုလျှင် ခင်ဗျားသည်လည်း ကျွန်တော့်အား ကိုယ်တိုင်ပင်မသိဘဲ အလင်းရောင်ပေးနေသော ကောင်းကင်ပေါ်မှ ကြယ်ပွင့်များအနက်မှ တစ်ပွင့်ပင်ဖြစ်သည်။
#Helen
7.12.2015
Monday
1:11 AM