သူမကြားနိုင်တဲ့ သီချင်းတစ်ပုဒ်ကို ခပ်တိုးတိုး ဆိုညည်းမိလိုက်တယ်။
လရောင်အောက်က လေပြည်တွေနဲ့အတူ ငါ့ရင်ခုန်သံတွေ ပျောက်ကွယ်သွားပါစေသား
~
နင်ဘယ်တော့မှမသိနိုင်မဲ့ အကြောင်းတွေကို...
ငါ...
နင့်ကိုပြောပြချင်မိတယ်။
~
ငါလေ... အသည်းကွဲပြီးတဲ့နောက်မှာ တခြား လူတစ်ယောက်ကို ဒီလောက် ထပ်ချစ်နိုင်လိမ့်ဦးမယ်လို့ မထင်ထားခဲ့ဘူး... သိလား...
ကျေးဇူးတင်ပါတယ်။
အနည်းဆုံးတော့ ငါ့ရဲ့ အရူးအိပ်မက်တွေကို မင်းအသက်ပြန်သွင်းပေးခဲ့တယ်လေ။
~
ဝန်ခံပါတယ်... ချောင်မှာထိုင်ပြီး ကိုယ့်ဘာသာကိုယ် ဖုန်းတစ်လုံးနဲ့ အလုပ်ရှုပ်နေခဲ့သူပီပီ မင်းကို လပေါင်းများစွာ သတိမထားမိခဲ့ဘူးဆိုတာကို။
မင်းကို စသတိထားမိတဲ့ အချိန်က ကျောင်းပိတ်တော့မဲ့ အချိန်... ငါ့မောင်နဲ့ ခေါင်းချင်းဆိုင်ပြီး အိပ်နေတဲ့ ဆယ်တန်းကျောင်းသားတစ်ယောက် ဆိုတာနဲ့ စပြီးတော့ မင်းကို သတိထားမိခဲ့တယ်...
အဲ့ဒါတွေက တခြားတခြားသော အရာတွေရဲ့ နိဒါန်းဖြစ်လာမယ်လို့တော့ ငါ သတိမထားမိခဲ့ဘူး...
~
နောက်တော့ တဖြည်းဖြည်းနဲ့ မင်းကို သတိထားမိလာတယ်။ မင်းရဲ့ ဆံပင်ကို လက်ချောင်းတွေနဲ့ ဆွဲဖွတတ်တဲ့ အကျင့်က စသတိထားမိတာ ထင်တယ်။ နောက်တော့ ပြုံးလိုက်တိုင်း ပေါ်လာတဲ့ မင်းရဲ့ ပါးချိုင့်တစ်ဖက်ကို သတိထားမိတယ်။
ကားပေါ်ရောက်ပြီး သိပ်မကြာဘူး၊ လွယ်အိတ်ပေါ် အိပ်ပျော်သွားတတ်တဲ့ မင်းက တခြားသူတွေထက် ပိုပြီး နုဖပ်နေသလိုပဲ။ (တမင်တကာ ကြည့်နေတာ မဟုတ်ပေမဲ့လို့) လွယ်အိတ်ပေါ် အိပ်လိုက်တဲ့အခါ ပေါ်လာတတ်တဲ့ ကုပ်သားဖြူဖြူတွေကို ငါသတိထားမိလာတယ်။