في عينيه فردوس

البارت الأول

‏النَّظَر بِعَينيگِ مُمتِع ؛ حَدّ الّلذَّة .. حَدّ الخَجَل .. حَدّ الإِرتبِآگ ... حَدّ السَّهر طويلاً .
‏
‏•
‏•
‏

المُنعطف الصعب في حياتنا أو التغير في مصيرنا و توجهاتنا

و أحلامنا يجي في أي لحظة .. ثانيه وحده تتردد فيها يغير مجرى

حياتك .. وش بتختار في ذاك الوقت المصيري سعادتك أو تعاستهم ..

:

قبل 72 ( ساعة ) .

ـ

مّد يده بصعوبة لأنها كل شوي تطيح و ما وصل لجواله لين رسى

عليه وفتحه .. حطه على أذنه يسمع الساعة صارت 9 الصباح ..

قام من سريره و بالضبط حاسب الخطوات إللي توصله لباب الحمام

أخذ له شاور و طلع ومسك الملابس إللي كانت مجهزه له و لبسهم

وجلس ع السرير من جديد .. للحين الجو خانق هنا ما تعود على

السعودية و ما تعود على المشي في هالبيت الكبير ..

أخذ نفس و أخذ جواله من جديد ومعاه عصاته و طلع .. لما كان

في بريطانيا كان عنده كلبه إللي منعت أمه دخوله هنا أستغنى عن

الكلب ع شان عصا ..

كالعادة يضل متمسك للأخير لين يجلس ع الطاولة ..

قرب منه من ورى و طبع بوسة على راسه : صباح الخير ..

تيم : صباح النور ..

أبو تيم وهو يجلس : قدامك توست و

تيم : لا تقول لي .. بآكل كذا ..

أبو تيم : طيب عافيه أيه صح أمك راحت المدرسة مبكر اليوم تقول

مرشدة طلابية بتجي تعرف امك المديرة و

تيم قاطعه : اها ..

أبو تيم تنهد على خفيف و هو يآخذ كوب قهوته ويشرب ويفتح الجريد

يقرأ ..

رن جوال تيم إللي كان ينطق بإسم المتصل كمال .

تيم : السلام ..