في عينيه فردوس

البارت السابع

رحلتْ و أمتلى صدري غياب و ما قدرت ألقاك ..

ــ

تيم مسك نهار وحس بإنتفاضته القوية و ملامح الصدمة عليه ..

تيم و قلبه يدق بقوة : نهار ..

نهار ضم يدينه ببعض : م ..كنت نايم ؟

تيم عدّل جلسته : إلا نايم توني هالثانية صحيت .. كنت تكلمني ؟

نهار هز راسه بالنفي : لاا بس ناديتك إذا نايم ..

تيم نزل من السرير : ب..بمشي الحين تآمرني على شي ؟

نهار م ألتفت لتيم : لا سلامتك ..

فتح تيم الباب و طلع من الشقة وشاف مناف في وجهه ..

مناف : شفيه وجهك أحمر ؟

تيم حط يده ورى رقبته : و .. و لا شي.

مناف : طيب فهمت من نهار شفيه ؟

تيم : ايه سوء تفاهم بشي وحليناه ..

مناف ابتسم له : نهار عنيد حبتين في بعض الأمور و شكراً لأنك

معاه ..

تيم : لا تشكروني بنحرج كذا و أنا عادكم مثل أخو.. ربعي ..

مناف ابتسم لما بلع تيم الكلمة : أوك ..

تيم : يلا أشوفك بكرة ..

مشى تيم لشقته ودخل ..

ــ

صباح اليوم الثاني كان ينتظر عند سيارته وعينه ع العمارة بس خاب

أمله لما ما شاف مناف طالع و مشى بسيارته ..

طول طريقه للجامعة كان متردد يدق عليه أو لا لين رسى أنه يرسل له

رسالة يشوف ليش م داوم اليوم ..

خيال لمناف : صباح الخير ..

مناف على طول رد : صباح النور ..

خيال : م داومت ؟

مناف : اليوم دوامي الظهر مو الحين ..

خيال : يعني نايم ؟

مناف : لا أجهز شنطتي ..

خيال : وين بتروح ؟ بتسافر ؟