في عينيه فردوس

البارت الثاني

- حين يَغتآلني الحنين بك .. أين أجد صدرك ليأويني؟
/

أبو كمال وهو يمسح دموعه : لا يا ولدي .. دكتور بدلوا عيون ولدي

بعيون ولد عمه ..

الدكتور : فكرت بكذا بس لما شيكت على ولدك الحادث سبب ضرر

كبير لعيونه .

أبو كمال غمض عيونه بقوة وجلس وجسمه أنهد خلاص .

الدكتور : الحين شنسوي؟

أبو تيم وهو يطالع في نهار : يا ولدي بتزعل أهلك ..

نهار هز راسه : ما عندي أهل قلت لك إلا أخوي إللي منحه الله حياة جديدة

بفضلكم ..

الدكتور قرب من نهار : لازم توقع قبل و يلا تجهز للعملية ..

نهار : شوي عمي ..

أبو تيم لف له : آمر يا ولدي ..

نهار : لا تسأل عن اسمي أو أسم أخوي..

أبو تيم : ليش؟

نهار : ما أبي بعد ما نطلع من المستشفى يربطنا شي إللي صار الحين

شي يألم أنك تعرفني بيخليك تشفق عليّ و تجيني وهذا اللي ما أبيه بقول

لأخوي أني تبرعت لناس وبس ما أبيه يجيكم و يعاتبكم أنكم وافقتوا.

أبو تيم هز راسه بالموافقة و راح نهار ..

ــ

كان واقف أكثر من ساعة عند باب المستشفى رجوله مو قادره تشده

لداخل لو دخل وسمع شي يوجعه لو دخل و قالوا لي شي كبير صار لكمال

غمض عيونه وجلس ع الأرض بتعب ..

خيال * ذاكرت وخلصت وغفيت و أنا أنتظرك .. قلت بتمر تيم و بترجع

لي .. قلت لي خيال تخرج وتعال أشتغل معاي .. توني حلقت وجهك

لساتك كاتب لي في الواتس أنك م راح تتأخر عليّ ، أنت تمشي بتمهل

ما عمرك سرعت شلون يصير لك حادث كذا ..

ـ

وقف بعدها و فتح باب المستشفى و ضل يجر نفسه جر لين وصل