في عينيه فردوس

البارت ( ١٣ )

سلام جميلني ..
قربت روايتي الجميلة من نهايتها بختزل شوي في عدد البارتات.
ماشيه فيها تمام م أحب أطول فيه و تفقد نكهتها .
قراءة ممتعة .
___

‏ليت البعد موطني ، حيث تذهب يرجعني لك .

ـ

نهار حس بيد تيم إللي تمسكه بقوة بس ترجف و يدري أني إللي

قاعد يسويه يجرح في تيم ، بس هو مو مثل طلال صح أن طلال

تركه في ذاك الوقت بس م ينكر أن طلال ساعده ملايين المرات من قبل

لدرجة أنه في يوم ضل واقف 12 ساعة متواصلة ع شان أوراق مناف

تخلص لأول عملية قسطرة له .. م يبي يصير ناكر للجميل و لو أنهم

في السعودية كان راح بس للعزاء كأي شخص ثاني بس دامهم بغربة

م يبي يتركهه ..

طول الطريق كانوا ساكتين وشوي من دموع نهار تنزل و يمسحهم على

طول لين وصلوا المستشفى و طول م هم يمشون داخلها كان تيم

ماسك يد نهار سألوا عن أم طلال ووجهتهم ممرضة لغرفة ..

طلال كانت عيونه حمراء و فاتح كم زر من قميصه و رافع أكمامه

بعد ما أنهار أستقر شوي يخلص أوراق أمه و قال لهم يبي ينقل جثمانها

من فرنسا للسعودية يبي يدفنها هناك ..

تيم تكّلم وهم على بعد خطوات منه : عظم الله أجرك ..

طلال ألتفت وشافهم : أجرنا و اجرك .

نهار سمع صوته و قرب منه م كان محدد وين هو واقف بس طلال

هو إللي قرب منه أكثر و ضمه بقوة ..

نهار أنتفض وتمسك بطلال و بدأ يصيح : الله..يرحمها ..

طلال شد أكثر على نهار : راحت ..

نهار م كان شايف طلال بس يحس بدق قلبه القوي و أنتفاضة جسمه

تمسك فيه أكثر ..

طلال بعد شوي عن نهار وضم وجهه : بدفنها في السعودية .

نهار : ك..كلمت أحد من أهلك هناك ؟

طلال بعد يدينه عن نهار : بروح و بسوي كل شي بنفسي ..

نهار : ب..بكلم مناف ..