سرقولي عمري

part.3

.
.
.
.
مَنْ أَنْوَاعِ الإبتلاء،
شَخْصٌ لَيْسَ مَنْ نَصِيبِكَ،
لَيْسَ قِدْرُكَ،
ولكنّه يَسُكُّنَّ دَاخِلَكَ..
.
..
كانت هذه اول كلمه تقولها جدتي بعد ان جلست انا وهي في مكان هادىء في المزرعه بعيدآ عن الجميع..
_الله يساعدج بيبي
_بنتي تعودت بس ادعي رب العالمين اي بنت من بناتي او حفيداتي م يمرون ف الي مريت بيه
_بيبي شنو صار ليش م انجمعتوا..
_هسه احجيلج القصه..طبعا انت اول شخص من اولادي واحفادي يعرفون بهاي القصه..
_شكرا بيبي على هاي الثقه اني افتخر ب هذا الشي
_انت تذكريني بيه من كنت شابه حتى نفس الحيويه وشخصيه
_صح كلها تقول هالشي..حتى ابويه راد يسميني على اسمك
_صحيح بس اني مقبلت
_ليش
_خفت يصير حظج مثلي..لهذا السبب كلتله سميها غير اسم وهو عجبه اسم شمس
_يي صح
_المهم هسه رح احجليج القصه بتفصيل..
ابويه كان تاجر كبير وعنده شركه كبيره كلش انتقلنا سنه 1958 الى منطقه ثانيه.. اني كان عمري 16سنه بالثانويه ..وكان جيرانه صديق ابويه وموظف عنده بالشركه..
اني سجلت بالثانويه الي قريبه على بيتنا ..هناك تعرفت على بنت اسمها ناهد..وثانيه اسمها ناديه..
طبعا ناهد بمرور الوقت ضل يحبها اخويه فيصل وتزوجها الله يرحمها..
_ياا زوجه جدو فيصل الله يرحمها
_اي عفيه..المهم..اني جنت حلوة ونعومه وابويه اواخواني يخافون عليه لان كنت اني البنت الوحيده على اربعه اولاد ..
ثلاثه كانو اكبر مني وبس فيصل كان اصغر مني بس مقرب كلش اليه..
المهم مره من المرات جان عدنا امتحان وخلصنه ع وقت ..طلبت مني ناديه اروح وياه لمكان حتى تشوف حبيبها نزار كان هو اكبر من عدنا ب4سنوات وكان يداوم بالجامعه بغير محافظه لان بوقتها مجان اكو جامعات بالبلد بس وحده..
المهم نزار اليوم ينزل باجازه وحب قبل لايروح لاهله يشوف ناديه..
اني بالاول ماقبلت بس بعدين هي قنعتني ف اتصلت ب امي وقلتلها اني معزومه بيت ناديه وخلي العصر يمر عليه فيصل..
وبالفعل تمت الخطه ورحنا للحديقه الي قريبه من المدرسه كانت حديقه عامه بس كلش حلوة..
التقيت هناك ب رأفت لاول مره لان هو جان صديق نزار وهم جاي وي نزار حتى يغطي على الموعد لان قبل كان بزمنا عيب الولد ولبنيه يكعدون وحدهم..
عرفتني ناديه على رأفت ونزار..
كان حب رأفت الي من اول نظره ..وانا كنت مستحيه مااذكر حتى شكله...
نزار وناديه ابتعدوا عنه شويه حتى ياخذون راحتهم ويسولفون ضلينه اني ورأفت..
سألني هو:
_تردين اجيب شي الج اخاف عطشانه او جوعانه
_لا شكرا ..
سكتت وضليت مستحيه كلش..هو حب يكسر حاجز الصمت وقال:
_انتي وي ناديه بالمدرسه
_اي
_زين انتو نفس العمر
_اي نفس العمر
_بس هي مبينه اكبر منج
_ماعرف بعد يجوز لان هي اطول مني
_لا هي مو شغله طول بس انتي شكلج صغيره وبريئه يعني لو شايفك بدون ناديه اتوقع عمرج 12
اني ضجت من كلامه وقلتله:
_اي بس اني موطفله اصلا بعد كم شهر ادخل ب17سنه
_ماشاء الله العمر كله يارب لتضوجين..
_لاعادي م ضايجه وين ناديه تأخرت
_خليهم خطيه كل كم شهر يشوفون بعض ..يارب هو يتخرج حتى يتزوجون ويرتاحون
_امين يارب
_اكولج انت هم تدخلين كليه ورى متخلصين الثانويه
_اي طبعا
_اي ان شاء الله اصلا قليل بنات بالكليه لان الاكثريه ميقبلون بناتهم يسكنون قسم داخلي
_لا اني ان شاء الله اسكن في بيت خالتي
_بيها الخير يارب
_انت شنو تدرس
_ادرس كليه الهندسه المعماريه
_اها حلو يعني تصير مهندس
_ههه لا معلم
_شنو
_شبيج اشاقه يعني اكيد الي يدرس هندسه يصير مهندس
اني ضجت لان حسيته يعاملني مثل الاطفال وضجت من هذا الشي وسكتت وضليت اتمشى بالحديقه..
هو حس اني ضجت ..بعدها شفت اكو ورده جوريه كلش عجبتني لونها احمر ضليت اباوعلها ..حاولت اقطفها بس الشوك مالتها اذه ايدي وتوجعت ..
بس هو طلع منديل من جيبه وانطاني اياه وقال:
_ميصير تقطفين ورد من حديقه عامه شوفي الله عاقبج
_هسه اني ممسويه شي بس عجبتني
_اي بس حرام
_اكولك صح اني قصيره ومبين ع شكلي طفله بس ارجوك لاتعاملني مثل الاطفال مااحب هيجي شي
_اني اسف م اقصد
_ماصار شي
عفته ورحت ..
بس بعدها اجه ورايه وانطاني الورده نفسها..
_هاي شنو
_ههه نخله
_اهوو اعرف بيها ورده عن الاستهزاء ..اقصد ليش جبتها الي موحرام لو نسيت كلامك
_اي بس هالمره سماح..اصلا هاي عربون اعتذار مني خاف ضوجتج
_لا عادي..شكرا ..كلش حلوة ورائحتها بعد احلى من شكلها
_ايي بس اشوفك انتي احلى من الورده
_عفوا..؟؟
_ولا شي ..اعتقد نزار وناديه يصيحونا
بالفعل رحنا لناديه ونزار وطبعا تفاجئوا من الورده وشرحتلهم سوء التفاهم حتى ليفهمونه خطأ..
بعدها ودعناهم وركبنا بالباص العمومي حتى نرجع لبيت ناديه..
بس طبعا واني بالباص ضليت اباوع لرأفت ..وهو هم يباوعلي..
حتى ناديه انتبهت..وسألتني شنو صار ..بس طبعا جاوبتها ماصار شي عادي..
وكنت طول الطريق اباوع للورده وقلبي يدك مااعرف شنو السبب..طبعا احنه قبل معروف عدنا الحب من اول نظره مو مثل هذا الوقت..
طبعا ضميت الورده بكتابي ..
ورحت لبيت ناديه تغديت وبعدها ضلت تسولفلي على لقائها هي ونزار..
والعصر اجه اخويه الجبير اسماعيل ورجعت للبيت ..بس طول الطريق افكر بالي صار اليوم بالحديقه..
_الله شكد حلو..بيبي ذكرتيني باغنيه فيروز
..وهديتني ورده
..خبيتا بكتابي
..زرعتا عا لمخده
_هههه اي صح ..طبعا كانت هذه الليله اول مره اقضيها وبالي مشغول بشخص..
بس الحمدلله كانت العطله تبدي من باجر اقصد عطله نصف السنه ..
_ياااي شكد حلو همزين عطله حتى تحبين على راحتج ههه
_هههه ..
المهم بنتي ثاني يوم العصر امي سوت كيك جانت تحب تطبخ ..خلت كيك بماعون وطلبت مني اخذه لبيت جيرانه صديق ابويه ..
اني دكيت الباب عليهم مااشوف الا رأفت فتحلي الباب اني ضليت صافنه بوجهه هو هم ابتسم وتفاجأ من شافني..
وراها اني ضليت صافنه مثل الصنم واكفه اجتي امه كالت خاله دخلي تفضلي بنتي اني هنا حسيت ع نفسي وارتبكت..
انطيتها الماعون كالت الا تدخلين عرفتني على رأفت .. بس احنه سوينه نفسنا منعرف بعض ..دخلت هي للمطبخ امه تخليلي مربه مسويتها هي بالماعون..لان قبل عيب يرجع الماعون فارغ..
اني اخذت الماعون بس كلبي يدك مصدكت اوصل للبيت وراها صعدت لغرفتي واني كلبي يدك غمضت عيوني تخيلت شكله..
بعدها طلعت الورده وضليت اباوعلها..
_ههه بيبي حيل قبل انتو بسرعه تحبون شو هسه لو يذبح روحه ماافكر بي
_ههه بس بنتي من يجي الحب الحقيقي تحبيه بدقيقتها بدون تفكير اني هم جنت اتدلع ع شباب ومااقبل بس رأفت صار هيجي ويايه
_بعد مااعرف عذريني ممجربته ههه
_ههه..
المهم ضليت اتعمد اوكف بالباب او اخذ شي لبيتهم..او من اروح للخياطه افوت من يم بابهم وامشي على بطيء وجانت خططي تنجح لان هو هم منتضرني ..
صارت بيناتنه نضرات بس ابد ماصار شي بيناتنه يعني لا كلام ولا لقاء فقط نظرات ..
بس كانت واضحه ومبينه نظرات اعجاب متبادله
_الله شكد حلو بيبي اني مجنت اصدق اكو هيجي عبالي بس بالافلام
_لا تصير وهواي ..بس شنو الفايده
_اي صح كملي بيبي
_قبل لتنتهي العطله بيومين..صار عرس بالمنطقه طبعا قبل احنه اذا شخص تزوج بالمنطقه الكل تنخبص بي عبالك كلهم اهل العريس..والحفلات مختلطه وجنه نلبس احلى فساتين وتصير على الخياطه ازدحام هاي كلها تحضر للعرس..

_وطبعا رأفت حاضر بالعرس مو..
_اي طبعا هي منا بدأت قصتنا..
_الله بيبي كملي

_بالعرس اني لبست فستان لون لؤلؤي قصير يعني جوه الركبه منفوش ..وجان مفتوح من الصدر بس قماش شيفون كان يغطي الصدر وبعض من الايد..
وبوقتها شعري كان بي لون اشقر . يعني شعري بني وبيه خصل ذهبيه طبيعيه ..فتحت شعري وخليت ورده حمرا على اذني ..وماخليت مكياج بس حمره بس كانت بارزه ..لان اني ميلوك المكياج القوي الي

_الله فدوة اكيد طلعتي حاته تخبلين فددوة اريد هذا الفستان شلون هىء هىء ..وصحيح المكياج ميلوكلج انتبهت

_تصدقين يمكن الفستان موجود ..اني فساتيني محتفظه بيهم..لان عمتك ماقبلت تلبسهم

_الله الله صدك تحجين فدوة بيبي اريد
_ان شاء الله تدللين من نوصل افتح الصندوق مالتي
_شكرا حبيبتي ..كملي اني كل شوي اقاطعك..

_طبعا بيومها الكل ضل صافن عليه واتذكر كل النساء الي جانو بالعرس خطبوني ..وحتى الشباب دزو امهاتهم عليه..
طبعا رأفت شافني تخبل ضل صافن عليه..ماصدق هاي اني ..
ضلت عينه ماشالها عني ..الحمدلله اخواني ممنتبهين ولا جان سوها مشكله جبيره..
بعدها باقل من ساعه هو اجه ع اساس يمي يباوع للعرس وخله ورقه بايدي ..اني تفاجئت..
بس شنو قلت لامي اني رايحه للحمام مال بيتنا حتى اقرا شنو كاتب كنت متلهفه..
فتحت الورقه كان مكتوب بدايتها..
عيناك راهبتان في دير الجمال ..
وانا لجأت لهما كي اتوب..
أحبُ ضحكتها وفي صفاء شديد سألتها: ♡
كم وضع الله ملعقة سكرفي فمكِ حين خلقكِ؟
________
وبعدها مكتوب..
ثريا انت اليوم جميله جدآ تبدين ك ملاك صغير نزل الى الارض..
اتمنى ان نلتقي اول يوم في الدوام في نفس المكان اول يوم لقائنا ..واجلبي معك ناديه وانا سأجلب معي نزار..
اتمنى ان تلتقي بي انها اخر فرصه لاحدثك فيها قبل ان اسافر الى الجامعه..ارجو الرد

.
.
اني توترت من قريت وبنفس الوقت فرحت وطرت من الفرحه..
.
.
ركضت لغرفتي وكتبت..
شكرا على الاطراء ..وانت ايضا اليوم وسيم جدآ وانيق ..
حسنا سنلتقي في الحديقه بعد غدآ ان شاء الله بعد انتهاء الدوام في المدرسه ..
مع تحياتي ..

رحت للعرس هو جان واكف منتضر الرد اشرت اله بمعنى تعال ..
اجه انطيته الورقه وهو بعدها راح ع جهه هادئه وقرأها وابتسم بفرح..

_شوف شوف شلون امنتي بسرعه ووافقتي
_بنتي اكولج شي اني عندي مبدأ اذهب الى حيث يأخذك قلبك..

_اني عكسك اذهب الى حيث يأخذك عقلك
_ بنتي انت مجربتي شعور الحب ..لو ماره بالحب تتغيرين واتمنى ماتوقعين فيه حتى لاتتغيرين مثل ثريا ..

قاطع حديثنا صوت ابي ..
طلب منا المجيء للغداء..
طبعا انا حقدت على ابي كثيرا لانني كنت متلهفه لاستمع الى باقي القصه..
ولكن قطعت واخبرتني جدتي في الليل ستكمل لي القصه..
ذهبنا الى الغداء وبدء الجميع يسألنا اين كنا..
وكنت انا جالسه على اعصابي انتضر مجيء الليل لاستمع الى باقي القصه..

قصه حب ثريا ورأفت❤♡♡