سرقولي عمري

part.6

عندما ترى فتاة تحب شابآ....💛
ليس بالظروره انها غير متربيه او فاسده...💜
فالنبي محمد (ص) كان يقول:
((ربي لا تلمني بما لا املك))
كان يقصد قلبه
ارتقوا قليلا فالحب ((فطره)).....❤
.
.
.
اليوم اخر يوم امتحان..اخذتني امي للمدرسه وكانت وياي بكل لحظه ماتركتني بس بوقت دخولي لقاعه الامتحان..
حتى ناديه ماكدرت احجي وياها لان امي منعتني منها ..
من دخلت للقاعه انطيت ورقه لصديقه كلتلها توصلها لناديه..
طبعا راقبت لبنيه الى ان وصلت الورقه الناديه تطمنت..
طبعا كتبت بالورقه..
شرحت كل الي صار ويايه ..
وطلبت من ناديه تحجي وي رأفت انو لازم التقي اليوم بليل ..وقررت انو اذا اهلي ماقبلو يزوجوني اله..
اني اهرب وياه ونتزوج هذا اخر حل ..
لان احبه وماقدر استغنى عنه..
وكتبتلها انتضره اليوم بليل ساعه 12 بالحديقه لازم يجي اذا مااجه اقتل نفسي ...طبعا مو صدك اقتل نفسي بس اريد اضغط عليه..

المهم خلص الامتحان ورجعت للبيت ...
طبعا كعدت بغرفتي افكر شلون اطلع بليل..
طبعا لازم اتصرف طبيعي حتى ليحسون بيه ..
المهم جهزت غراضي بس جنطه صغيره بيها قطعه ملابس والهويه مالتي ..والذهب مالتي لان ابويه جان هواي يشتريلي ..وفلوسي ..حضرتها وانتضرت يجي ليل..

صارت ساعه ب12الا ثلث ..امي وابويه واخويه فيصل نامو...
واخويه حسن طالع لبيت صديقه ميرجع سمعته قال لامي..
اني فتحت شباك الصاله جان جبير ويطلع على الحديقه فتحته وطلعت ..
وجان سياج الحديقه ناصي كدرت اطفر من عنده..
طبعا الشارع كان فارغ مشيت وضليت اركض للمكان المحدد حتى لااحد يشوفني ..
وصلت شفت من بعيد شخص حاولت اتاكد طلع رأفت ..
ركضت عليه وحضنته وبجيت:
_رأفت حبيبي مشتاقتلك والله مااكدر اعيش بدونك خلاص اهلي ميقبلون نتزوج ...لازم نهرب ونتزوج ونخليهم امام امر الواقع

ضل ساكت..
_احجي شبيك رأفت شو ساكت
باوعلي بنضره غضب وقال:
_انتي طفله!!!
شنو تهربين ماستحيتي ع نفسج

_رأفت شبيك انا لان احبك قررت ابيع الكون كله واشتريك
_واني جنت غلطان من حبيتج مااريد طفله مثلج..خلاص انا مامستعد اعرض حياتي للخطر علمود حضرتج يابنت الناس رجعي لاهلج بدون مشاكل

_هاي انت رأفت حبيبي تحجي هشكل مااصدك لالا رأفت كول غير شي مااكدر بدونك والله
_مامستعد اعيش وي وحده خانت ثقه اهلها واجت تريد تهرب وي ولد..باجر عكبه اكيد هم تهربين من بيتي لان ابو طبع ميجوز..

_اشش اششش خلاص اسكت لتكمل صدمتني والله هاي انت رأفت مااصدك معقوله انت هيجي جبان والله مااصدك

_يلا رجعي لاهلج بنت ناس
_مارجع مارجع
_لاترجعين وغصب ...صراحه ماتوقعتج هيجي طفله يلا رووحي انا من الاساس راح اسافر وبعد مشوفيني كملي حياتج يلا بلا ماتوجعيلي راسي بمشاكلج