مشاعر صامتة

Part3

- [ ] شمس:شنو!!
- [ ] محمد:اي مثل مسمعتي وتذكرين من أجًيت وحذرتج وكتلج سمعت حجي كلتيلي من منو بوقتها محبيت احجي بس هسه لازم تعرفين انو هي مريم اللي اتبلت عليج وكالتلي انو اخذتي رقم ولد جان لاحكج والهسبب اتغير كلامي وياج وبعدين اجتي تكولي احبك وصارت تلح الحد منطيتها بلوك
- [ ] شمس:اني مدااستوعب ومدااصدك هاي شدتحجي !
- [ ] محمد:ﻋـادي شمس اعرف مستحيل تصدكين بس اذا تريدين اصورلج المحادثه
- [ ] شمس:اي دزلياهم عالفيس.     
- [ ] _ارسل محمد لشمس بعض المحادثات فاستغربت من ما رأته وحزنت كثيراً لان اعز صديقه لها هي من تطعن بها
- [ ] محمد:شمس مجنت اريد اكولج بس هاي اتمادت هوايه واخر شي كام تتبله عليه وصدكيني تضل وراج الا تذبج ابلوه فخلي بالج منها واسف لان اذيتج بس لازم تعرفيها ع حقيقتها
- [ ] شمس:اوك محمد اني اسفه لان حاجيتك هيج ..باي
- [ ] _قررت شمس ان تواجه مريم بكل شيء فأتصلت بها
- [ ] شمس:الو هلو مريم
- [ ] مريم:هلا والله شموسه عاش من سمع صوتج شلونج
- [ ] شمس:الحمدلله شسوي ملتهيه بس اشتاقيتلج وكلت
- [ ] اخابرج حتى تجين عليه عندج مجال؟
- [ ] مريم:مااكدر اطلع اهلي مو بالبيت تعاليلي انتي
- [ ] شمس:اوك  اگـول الماما واذا قبلت اجيج ،،باي
- [ ] مريم:يلا انتضرج ،،بايات💋
- [ ] _طلبت شمس من امها ان تذهب لمريم فوافقت ام شمس .فقامت شمس بتبديل ثيابها واخذت هاتفها وذهبت الى بيت مريم طرقت الباب وفتحت لها مريم
- [ ] مريم:هلا والله نورتي قلبي
- [ ] شمس:تسلمين 😊
- [ ] مريم:تعالي اكعدي واحجيلي شبي وجهج شو احسج ضايجه
- [ ] شمس:بالعكس فرحانه لان عرفت محمد منو يحب😉
- [ ] مريم:عاااا منو عليج الله اْحـجي
- [ ] شمس:هو اني ضجت بالبدايه بس من فكرت اقتنعت لان اني اتمنى الخير للكل
- [ ] مريم:غير تحجي عاد
- [ ] شمس:بصراحه مريم ويمكن تتفاجئين من هالموضوع بس محمد كلي اني احب مريم من اول مشفتها
- [ ] مريم:شنو😳
- [ ] شمس:اي حبي مثل مسمعتي ها شگلتي
- [ ] مريم:شمس شنو دتلعبين عليه
- [ ] شمس:لا حبي ليش العب اصلاً عادي وافرحلكم خصوصاً انتي صديقتي المقربه واني مستعده اضحي بسعادتي  الخاطرج لان الصداقه شي مقدس مو😉
- [ ] _استغربت مريم لكنها صدقت بما قالته لها شمس وفرحت كثيراً بعدها
- [ ] مريم:هههه لج صدك يعني محمد يحبني😍
- [ ] شمس:اي وانتي مو كلتي يبصبص عليه الضاهر لان يحبج
- [ ] مريم:هههه اي كنت احس بي بس حبي لتضوجين انتي
- [ ] شمس:بس هو يريد يعرف رأيج ويخاف يصارحج لان هو محمد مثل متعرفين ميحب يعبر عن مشاعره
- [ ] مريم:عود اني اكوله قراري☺️
- [ ] شمس:لا معقوله تضمين عليه واني صديقتج 😔
- [ ] مريم:هههه هو ولد حباب وحلو وشخصيه بس لان انتي تحبي اخاف
- [ ] شمس:لا اني مااحبه اكتشفت هالشي من كلي اني احب مريم
- [ ] مريم:هههه ممكن تنطيني رقمه لعد🙈
- [ ] شمس:لا اني اخابره اول شي وافتح سبيكر
- [ ] مريم:يلا اوك😌
- [ ] _اتصلت شمس بمحمد ...
- [ ] شمس:هلو محمد شلونك
- [ ] محمد:هلو شمس
- [ ] شمس:اگولك على مريم مو كتلي انو انت تحبها وكذا
- [ ] محمد:هاي شبـيج اليوم شمس شاربه شي
- [ ] شمس:مو انت كتلي قبل شويه هيج
- [ ] محمد:لا اله الا الله كتلج صارحتني مو اني صارحتها وكتلج من اتهتمتج بهالولد هاي شبيج شمس ادري مصدومه بَـس الشغله متستاهل انو تتخبلين ويصير عندج زهايمر
- [ ] _انصدمت مريم بما سمعته وعلمت بأنه كان مقلب خططت له شمس اما شمس فكانت تستمع لكلام محمد وتنظر الى مريم  بنظرات استهزاء وعتاب
- [ ] شمس:اوك باي محمد
- [ ] مريم:(بتلعثم وارتباك)شمس هذا كذاب يريد يوكع بيني وبيج لان عرفت بي عنده علاقه بوحده
- [ ] شمس:اششش كافي كذب لج انتي من يا طين معجونه تعرفين بيه شكد احبه وهو شنو بالنسبه اليه تروحين تكوليله احبك فوكاها تتهميني بشغلات ممسويتها لج اني شسويتلج حتى هيج تصرفتي ؤٌيَّآيه
- [ ] مريم:لج ماكو هيج شي كله كذب شمس صدكيني
- [ ] شمس:انتي بكد مانذله طلعتي غبيه اولاً لان مفكرتي بمحمد ممكن يجي يكولي وثاني شغله صدكتي من كتلج
- [ ] محمد يحبج وتضحكين بكل عين صلفه لج حرام بيوم من الايام سميتج صديقتي وانطيتج سري
- [ ] مريم:ييي ﻋاد غبيه مو غبيه متفرق عندي لا انتي ولا غيرج اني احب محمد اي وهذا مو ذنبي تريد تتقبلين متققبلين هاي مشكلتج ولتغلطين بعد فاهمه
- [ ] شمس:اي صح مااوسخ لساني بوحده مثلج بس شوفي اذا قربتي بعد مني لو من محمد والله لااخليج تندمين بكد شعر راسج
- [ ] مريم:اطلعي بره يلا
- [ ] شمس:اوك رايحه اصلا ميشرفني اكعد ابيت وحده رخيصه
- [ ] _خرجت شمس من المنزل وكانت غاضبه وحزينه جداً اما مريم فغضبت من شمس كثيراً لانها نعتتها بالرخيصه
- [ ] _مر اسبوعان وبدأ الدوام ،قبل هذه الفتره كان ساره ومحمد يتصلون ببعض دائماً وساره كانت تشعر بأن محمد يحبها وهي كانت ايظاً تبادله هذه المشاعر لكنهم لم يصارحوا بعضهم بهذه المشاعر ويتصرفون كأصدقاء ،وكانوا الاثنان متحمسان كي يروا بعضهم البعض ،ساره في اول يوم دوام تأنقت كثيراً لانها ستقابل محمد بعد فتره طويله
- [ ] محمد:الو ساره وينج
- [ ] ساره:تلكاني يم القسم داانتظرك
- [ ] محمد:اوك جايج
- [ ] _رأى محمد ساره وكان منبهر جداً بجمالها واناقتها فكانت ترتدي ستره قصيره لونها خردلي وتنوره قصيره لون اسود وكانت تفرد شعرها الطويل وترتدي حذاء ذات كعب ،شكلها يجذب كل من ينظر لها ولم يستطيع محمد ان يبعد عيناه عنها
- [ ] محمد:هسه شلون يعني ليش دسوين هيج😐
- [ ] ساره:وعليكم السلام😒والحمدلله بخير وتمام انت شـلونك
- [ ] محمد:مسلمت ولا سألت شـلْونج سألتج غير سؤال
- [ ] ساره:اي لان اعرف الناس تسلم اول،بعدين مفهمت شمسويه يعني 😳
- [ ] محمد:دتجبريني اسوي شغلات ماريد اسويها يعني
- [ ] ساره:هم مفهمت😐
- [ ] محمد:هااا حضرتج غبيه يعني
- [ ] ساره:حهفك بالجنطه ترى 😑 وضح شتقصد لتحجي بالالغاز ويايه😔
- [ ] محمد:ههه اول شي اضوج تطلعين هيج حلوه ويضلون يباوعون  عٌليج وثاني شي اني هم اريد عيوني لان مدينشالن منج فممكن ترجعيلي عيوني
- [ ] ساره:ها دتتغزل بيه عود😒
- [ ] محمد:اي يجوز هيج😐
- [ ] ساره:هههه اي شلونك
- [ ] محمد:بخير من شفتج انتي شلونج
- [ ] ساره:كل يوم نحجي وتعرف اخباري ماكو شي جديد
- [ ] محمد:خرب لازم تفشليني يعني بس انتي سألتي واني رديتلج الجواب
- [ ] ساره:هههه لا مو اني اقصد اخبار شمس بنت عمك مصار شي جديـد منا منا
- [ ] محمد:وليش دتجيبين طاريها شعليه بيها اني
- [ ] ساره:يلا لتكلب وجهك اسفه امشي نروح ناكل
- [ ] _ذهب محمد وساره الى الكافتيريا وجلسوا على الطاوله
- [ ] في هذه الاثناء رن هاتف ساره فأجابت
- [ ] ساره:الو
- [ ] مهند:صباح الخير ساره شلونج
- [ ] ساره:الحمدلله استاذ انت شلونك
- [ ] مهند:الحمدلله ،،حبيت اطمئن عليج محتاجه شي
- [ ] ساره:لا سلامتك استاذ
- [ ] مهند:طيب اي شي تحتاجين اني موجود بالمكتب واتمنى تجين نشوفج ونعرف اخبارج
- [ ] ساره:متقصر وان شٌــاآء الله باقرب فرصه اجي
- [ ] _اغلقت ساره الهاتف وكان محمد يتظر لها بأستغراب وغضب
- [ ] ساره:شبيك حتطلع عيونك
- [ ] محمد:منو هذا الاستاذ بله
- [ ] ساره:هذا معيد هنا اقاربنه فگال الماما اي شي تحتاج ساره اني وياها بالجامعه ومااقصر  فأخذ رقمي وديطمن عليه ماكو شي،،شبـيك واسطه يعني😉
- [ ] محمد:منريد واسطات ولا شي فاهمه😠
- [ ] ساره:دااكل اكل😒
- [ ] _كانت شمس تعاني من مريم في المدرسه وكل فتره مريم تتهمها باتهامات باطله وترميها بمصائب فاتهمتها بأنها سرقت هاتفها واتهمتها مره اخرى بأنها تواعد ولد امام
- [ ] المدرسه لكن المديره والمدرسات كانوا يعرفون اخلاق شمس جيداً ويعرفون عائلتها ،بعدها استطاعت شمس وصديقاتها كشف الاعيب مريم ،وتم فصلها من المدرسه
- [ ] _اما محمد كان يغار على ساره من استاذ مهند ومن مقابلاتهم مع بعض
- [ ] محمد:اگولج شو هذا طلع شاب وفوكاها وسيم وانيق عبالي رجال كبير
- [ ] ساره:اي وشنو يعني بعدين محمد اني اضوج من هالاسلوب ومدااسوي شي غلط ومااسمحلك تحاسبني هم
- [ ] محمد:اها اوك ساره اني اسف باي
- [ ] _مرت ايام ومحمد وساره متخاصمين الا ان تراضوا في امتحانات الفاينل النهائيه لانهم كانوا يجلسون ويدرسون معاً في هذه الفتره ،بعدها انتهى العام الدراسي ،ونجح كل من ساره ومحمد ،،وشمس ايظاً نجحت واصبحت في صف الخامس العلمي ،
- [ ] _استمرت علاقه ساره ومحمد اثناء العطله لكن ساره ملت من محمد ومن بروده لانه لحد هذه الفتره لن يصارحه بمشاعره
- [ ] ساره:محمد انت صح زميلي وصديقي واني اعزك بس انت مالك حق تدخل وتتحكم بيه ولتحجين ويه فلان وعلان،ممكن اعرف اني شنو بالنسبه الك لان مليت من هالحاله
- [ ] محمد:يعني متعرفين انتي شنو بالنسبه اليه مثلا
- [ ] ساره:لا والله ماعرف دتحسسني انو انت خطيبي هلكد متتحكم حتى بوقت نومتي دتتحكم ملاحظ
- [ ] محمد:اوك ساره بعد ماادخل بشي ولا اخابر براحتج
- [ ] ساره:محمد گولي اني شعنيلك فدوه لتخليني بالمنتصف لا اني هيج ولا اني هيج
- [ ] محمد:ساره اني ..
- [ ] ساره:اي محمد انت شنو احجيها عاد
- [ ] محمد:اني احبج واريدج ارتاحيتي هسه
- [ ] ساره:(بتلعثم)اي اني اعرف بس الاريد اعرفه ليش
- [ ] دتتهرب منها كل هالفتره ومبقيها بداخلك
- [ ] محمد:لان اخاف اجرحج واخسرج وبنفس الوقت من ابعد عنج اشتاقلج ومااكدر مااكون وياج فخبيت مشاعري عنج وحاولت انو مااوضحلج شي
- [ ] ساره:بس اهتمامك وغيرتك فضحتك
- [ ] محمد:هههه اي للاسف
- [ ] ساره:بس من شنو خايف
- [ ] محمد:خايف عليج لان اعرف امي وابويه صعبين وميقتنعون
- [ ] ساره:وانت شمدريك ميقبلون من يعرفوني كلشي يتغير
- [ ] محمد:ابويه وامي قافلين ع شمس
- [ ] ساره:اذا تحبني صدك حتحاول وماكو شي مستحيل مو
- [ ] محمد:اي اكيد،بس الافهمه انو انتي موافقه مو😉
- [ ] ساره:ليش اكدر ارفضك مثلا🙈
- [ ] محمد:احبج يبعد عمري
- [ ] ساره:هههه والله واني هم وشلعت قلـبي طول هالفتره
- [ ] _بعد مرور سنتين 🍃
- [ ] خلال هذه الفتره عاش ساره ومحمد اسعد اللحظات معاً وبدأ محمد يتعلق بساره اكثر واكثر
- [ ] _جاء يوم نتائج مسره وشمس (نتائج السادس الاعدادي)
- [ ] فكانت شمس قلقه جداً من النتيجه والمعدل
- [ ] شمس:الو هلو محمد فدوه طلعت النتائج لو بعدك
- [ ] محمد:هسه اطلعها الُج والمسره بس بعدهم كاتبين جاري الرفع من تكتمل اطلعهم واكولج
- [ ] شمس:اي فدوه لان كاعده ع نار واخاف اطلعها اني
- [ ] محمد:كاافي خبلتوني انتي ومسره هسه تطلع هدي نفسج
- [ ] شمس:محمد امانه بسرعه
- [ ] محمد:ليش هي بيدي ،روحي هسه ومن تطلع اخابرج
- [ ] _(ملاحظه محمد وساره نجحوا الى المرحله الرابعه)
- [ ] اكتمل رفع النتائج وبحث محمد عن مدرسه مسره وشمس
- [ ] فذهب الى مدرسه مسره
- [ ] محمد:مبروك ميمي حياتي نجحتي اووو
- [ ] مسره:اهم شي المعدل شكد شو بله
- [ ] محمد:معدلج ٨٢ كولش زين متوقعتج اطلعين هيج معدل😅
- [ ] _فرح اهل محمد بمعدل ابنتهم
- [ ] محمد:اوكفوا ادور ع مدرسه شمس ييي لكيتها هم ناجحه ومعدلها ٩١ خرب يعني متطلعلها صيدله يالله 😳
- [ ] _اتصل محمد بشمس
- [ ] شمس:ها محمد بشر
- [ ] محمد:مبروك ناجحه ومعدلج ٩١
- [ ] شمس:٩١😳 لا بربك اْحـجي الصدك
- [ ] محمد:لج شبـْيج اكو احسن من هيج ،مسره طلعت٨٢ گلبنه البيت گلب من الفرح 😅
- [ ] شمس:مبروك عليها واشكرك يلا مع السلامه
- [ ] ام شمس:مبروووك حبيبتي
- [ ] شمس:شمبروك ماما محتطلعلي صيدله😢
- [ ] ابو شمس:هههه شوف حبيبتي دتبجي باباتي ولا يهمج حتصيرين احلى واحسن صيدلانيه
- [ ] شمس:شلون يعني
- [ ] ابو شمس:ادخلج كليه اهليه لو اسفرج البيروت هناك اقاربنه تبقين يمهم وتدرسين 💋الف مبروك حَ ـبيبتي
- [ ] وامسحي دموعج اريد اشوف ضحكتج الحلوه
- [ ] شمس:اوك بابا 😀
- [ ] _بدأ العام الدراسي الجديد وقدمت شمس على كليه الاسراء الاهليه وتم قبولها فيها اما مسره فقدمت على هندسه معماريه في كليه الفارابي وتم قبول الاثنان
- [ ] محمد:ساره حفاتح اهلي بموضوع خطوبتنه حتى من نتخرج اتقدملج شنو رأيج
- [ ] ساره:محمد ماعرف شكولك بس
- [ ] محمد :بس شنو لتخافين يقتنعون من يشوفوج ويعرفوج
- [ ] ساره:المشكله يم اهلي هم مو بس يم اهلك
- [ ] محمد:ليش شبيهم اهلج النوب
- [ ] ساره:بصراحه محمد استاذ مهند فاتح بابا وماما وكاللهم اريد ساره وبابا ومام كولش يحبوا وديقنعوني اقبل
- [ ] محمد:هاي شدتحجين ساره ترى والله اروُح اذبحه شنو يخطبج واني شنو   
- [ ] ساره:محمد اشوف لو نفترق احسن انت اهلك يريدون شمس واني اهلي يريدون مهند واذا اهلك صعبين اهلي اصعب واكيد ماطول اثنينهم ممقتنعين محتصير شغلتنه
- [ ] محمد:ساره هاي شدتحجين معقوله هيج تريدين تتخلين عني وتنسين حبنه وكلشي
- [ ] ساره:فهمني شنسوي لعد
- [ ] محمد:اجيب اهلي من هسه واذا موافقوا ماابقى بالبيت
- [ ] ساره:محمد لتكبر الموضوع
- [ ] محمد:ساره مااحسج تريديني مثل مااريدج ومقتنعه بمهند مو ،احجيلي الصدك ساره
- [ ] ساره:لا بس اني خايفه عليك وع نفسي هم
- [ ] محمد:لتخافين من شي اني يمج ،،ۿسـه حروح وبعدين نحجي ماشي حبيبي
- [ ] ساره:ٱوك
- [ ] _في حوالي الساعه التاسعه ليلاً نزل محمد كي يتناول العشاء مع عائلته ويصارحهم بقراره لخطبه ساره
- [ ] محمد:يابه يمه اريد اكولكم شغله
- [ ] ابو محمد:اي كول حبيبي
- [ ] محمد:اني قررت اخطب
- [ ] ام محمد:يومه حبيبي هذا اليوم اللي داانتظره ،،اكيد شموسه مو
- [ ] ابو محمد:اكيد هي وين يلگه بأخلاقها وجمالها وثقافتها وفوك كلشي بنت عمه ،،تدلل حبيبي بس تكمل هالسنه نروح نتقدملها
- [ ] محمد:ليش متخلوني اكمل كلامي ومنو كلكم شمس،اني اريد اخطب بنيه ؤٌيَّآيه اسمها ساره احبها واريدها
- [ ] ام محمد:مستحيل شنو هالحجي
- [ ] محمد:شنو المستحيل يمه اني احب البنيه واريدها لتوكفين بوجه سعادتي ارجوج
- [ ] ابو محمد:ولو اني ممتقبل هالفكره بس ماطول انت تحب البنيه مااكدر ارفض وبراحتك ابني
- [ ] ام محمد:بس شمس
- [ ] ابو محمد:خلاص وسن كولشي قسمه ونصيب والولد ميريدها شنسوي يعني نجبره
- [ ] محمد:اشكرك كولش يابه انو اتفهمتني ممنون منك
- [ ] _فرح محمد كثيراً وكانت السعاده لا تسعه فذهب
- [ ] واتصل بساره
- [ ] محمد:الو حياتي ابشرج اهلي وافقوا اخيراً حتصيرين اليه
- [ ] ساره:اهاا صدك وافقوا
- [ ] محمد:اي شبيج شو مفرحتي اتخيلت حتطيرين م̷ــن الفرحه
- [ ] ساره:اي بس بعد اهلي،،يلا محمد صار لازم اروح باي امي دتصيحني
- [ ] _غلقت ساره الخط وتفاجىء محمد برده فعلها البارده وشك بأن ساره لم تعد تحبه من خلال طريقه كلامها وتهربها منه في الفتره الاخيره لكنه بات يكذب احساسه
- [ ] _بعدها اخذ محمد اهله لكن امه لم تكن موافقه
- [ ] بهذا الزواج
- [ ] ام ساره:اهلا وسهلا بيكم شرفتوا
- [ ] ام محمد:تسلمين النه الشرف بنسبكم
- [ ] _بدأت ام ساره تطلب من اهل محمد طلبات تعجيزيه وتتكلم بتعالي فغضبت ام محمد وقالت
- [ ] ام محمد:والله عاد انتي بهالطلبات وهالاسلوب دتطردينه
- [ ] ام ساره:والله بنتي متقدملها دكتور وياها بالجامعه وابوها موافق فأذا وافقتوا بهالشروط بلكي اكدر اقنعه بأبنكم
- [ ] ام محمد:والله عاد يّا عيني ابني مناقصه شي والف بنيه تتمنى وبنت عمه صيدلانيه اني هم ردتها اله بس هو مقتنع ابنتج ومردنه نكسر خاطره ونوكف بوجه سعادته اما اذا على هاي الشروط فأحنه اسفين مثل ماابنتج غاليه اني هم ابني غالي
- [ ] ام ساره:ماشي براحتكم عيني وكولشي قسمه ونصيب واني  اگـول الابوها واردلكم الخبر بأذن الله
- [ ] ام محمد:واحنه هم بأنتظار ردكم
- [ ] _خرجت ام محمد من منزل ساره وهي غاضبه من طريقه كلام والدتها
- [ ] ام ساره:ساره هاي شنو جايبتلي هالناس تعيرني بابنها وتكولي اريده البنت عمه اذا هيج شعدها جايتني لعد وبعد مااريد تجيبين طاري هالولد وتقبلين بمهند ماشي