- [ ] _بعد مرور يومان خرجت شمس من المشفى وارادت ان تذهب الى بيت نور لكن محمد توسل بها
- [ ] محمد:لا شمس متطلعين من بيتج اني اطلع
- [ ] شمس:وانتظر ورقه طلاگي
- [ ] محمد:انسي هالشي 💔
- [ ] _ضلت شمس مصره على الطلاق ومحمد يرفض بعدها قالت له
- [ ] شمس:حسافر للعراق انطيني موافقه عاد خلي اروح
- [ ] محمد:اسافر وياج
- [ ] شمس:ماريد تجي ؤٌيَّآيه ارجوك وقع خلي اسافر وحققلي ولو طلب واحــ👆ّـّـّـّد
- [ ] محمد:اوك شمس ماشي
- [ ] _وافق محمد على سفر شمس فسافرت لوحدها بعد ان تحسنت بالكامل،
- [ ] _في العراق🇮🇶✈️...
- [ ] وصلت شمس الى بيت اهلها ورنت الجرس ففتحت لها امها
- [ ] ام شمس:شمس😳
- [ ] شمس:ماما💔
- [ ] _احتضنت شمس امها واخذت تبكي فأحتضنتها امها وبكت
- [ ] ام شمس:حبيبتي شنو هالمفاجئه كومه مشتاقتلج ليش مكلتي جايه جان استقبلناكم ورجلج وينه ،
- [ ] شمس:محمد بلبنان بعده
- [ ] ام شمس:ليش بلبنان شلون دزج وحدج
- [ ] شمس:لان قررنه نتطلك
- [ ] ام شمس:شنو ؟!ليش؟!
_تفاجىء اهل محمد واهل شمس كثيراً ولكن شمس لم تقل لهم عن سبب الطلاق بل اكتفت بقول(متفقنه سوه وشفنه هالحل مناسب اكثر)ضلت هذه الفتره في غرفتها وحالتها متدهوره جداً ولن تخرج لاحد،اما محمد كان لن يجيب على اتصالات اهله ،وكانت حالته تصعب على الكافر لا يذهب الى الدوام ويرى شمس في كل مكان وضل كل يوم يأخذ ثيابها ويرش من عطرها وينام كان البيت شبه السجن بالنسبه
- [ ] له لان شمس لم تكن معه ،فقرر ان يرجع الى العراق ،فقام بتجهيز نفسه ورجع ..
- [ ] _وصل محمد الى العراق وقبل كل شيء ذهب لبيت شمس فدق الباب وفتحت له ام شمس،فأستقبلوه وكان عمه ابو شمس موجود
- [ ] محمد:وين شمس
- [ ] ابو شمس:فوك بغرفتها متقبل تطلع،وشنو هالقرار هذا اللي اخذتوا انتو وشمس مدتقبل تكول السبب
- [ ] محمد:لان اصيله وبعدها تخاف عليه وتحبني
- [ ] قام محمد وذهب الى سلم المنزل وضل يصيح
- [ ] محمد:شمس انزلي واسمعي
- [ ] عمي بنتك تريد تطلك لان اني دمرتها وموتت قلبها وهنتها
- [ ] _ضل محمد يصرخ ويتكلم بكل شيء من اول يوم في زواجه الى الحادث
- [ ] محمد:هاي اني هاي الامانه اللي انطيتنياها هاي اللي كتلي بنتي وحيدتي بعيونك اني نذل ومااستحق الامانه ،اي خاله اني الكتلت بنتج بيوم عرسها واني اللي بسببي خسرت ابنها اني اني
- [ ] _كانت شمس جالسه فوق وتنظر له من السلم وتبكي بحرقه وهي تستمع لحديثه
- [ ] _عندما سمع ابو شمس كلام محمد اخذ يضرب به بقوه
- [ ] ابو شمس:هاي الامانه اللي انطيتها
- [ ] الك هاي اللي كتلك داريها لك هاي الطلعت بيها من الدنيا وبحياته احد مجارحها بكلمه تجي انت تضربها
- [ ] محمد:(بصراخ)اي عمي ضربتها اني ،وانت اضربني موتني شمس تعالي شوفيني واني انضرب واتذكري من جنت اضربج تعالي اتشفي بهذا النذل الحقير تعالي عمي اذبحني موتني
- [ ] _نزلت شمس وكانت تبكي
- [ ] شمس:بابا عوفه الخاطري عوفه خلص ،،
- [ ] خلصت محمد من ابيها
- [ ] ابو شمس:اطلگها وبعد متشوفنه وجهك ياا خسيس
- [ ] محمد:اذبحوني بس لتكولولي اطلگها
- [ ] _قامت شمس ووقفت امام محمد
- [ ] شمس:محمد احنه انتهينا كافي عاد
- [ ] محمد:شمس اني احبج احبج والله احبج واعشقج هم ارجعيلي دتشوفين حالتي حموت بدونج ،بيتنا هناك مينطاق بكل مكان دااشوفج بكل زاويه اتخيلج اتخيل ضحكتج وصوتج ودموعج ومن تتلگيني وتگعديني ،بيتنه بحاجتج واني بحاجتج اركعلج ارجعي اني رجلج حبيبج
- [ ] شمس:بيتنه هه احنه بحياتنا مصار بيناتنه شي مشترك ومصار عدنه بيت كان عدنه سجن وانت بحياتك مكنت رجال اليه روح محمد كتلك وحجيت هوايه والله بعد ماعندي حب انطي الك تعبت هوايه والحادث خلاني
- [ ] اتغير واتعب ريحني وطلگني
- [ ] _سحب ابو شمسً محمد واخرجه وهو كان يصرخ
- [ ] محمد:شمس احبج حبيبتي طفلتي اريدج ارجعيلي والله اسف خلص تعالي ؤٌيَّآيه
- [ ] _فكانت شمس تبكي عندما تسمع كلماته ،كانت تنتظر كلمه هذه الكلمه وهي كلمه احبكِ لسنوات طويله ويمكن منذ ان وعت على حب محمد ،لكن لن تتوقع انها ستسمعها في هذه الضروف ،غلق ابو شمس الباب بوجه محمد ،بعدها ذهب محمد الى اهله واخبرهم بكل شيء وكانت حالته متدهوره والدماء تملىء وجهه لكن اباه لم يتحمل ولم يحس على نفسه فضربه ،ووقع محمد من شده القهر والالم والتعب والضرب ،وقاموا بنقله الى المشفى
- [ ] وضل الجميع متخاصم مع محمد حتى امه
- [ ] _بعد مرور اسبوعان رفع ابو شمس قضيه طلاق على محمد
- [ ] وبعدها باسبوع تمت المواجهه في المحكمه فألتقى محمد بشمس ونظر لها من بعيد وكان قلبه يتقطع وهي ايظاً كانت تتألم عندما رأته فأخذت تبكي ..💔
- [ ] _فجلسوا امام القاضي وبدأ محامي شمس يوضح سلوك محمد مع شمس لكنها قالت لوالدها انها لا تريد ان تذكر هذا الشيء امام الناس ،اما ابو شمس فلم يرد عليها
- [ ] القاضي:من رخصتك استاذ اريد اسأل شمس ،،بنتي انتي تريدين تطلكين من رجلج؟
- [ ] _نظرت شمس بعينين محمد ..
- [ ] وكان محمد ينظر لها وكأنه يقول (لتسويها وتعوفيني) فأخذت شمس نفس عميق وقالت
- [ ] شمس:اي اريد اتطلك
- [ ] القاضي:وانت ابني تريد اطلگ
- [ ] محمد:ماطول مرتي مدتريدني واني حاولت ارجعها هوايه بس الضاهر صدك كرهتني فحسوي اللي يريحها واطلگها
- [ ] _دمعت عينان شمس عندما تمت الموافقه على الطلب وتم الطلاق..💔
- [ ] _فخرجوا من القاعه وكان الجميع متأثر ام شمس وام محمد وابو محمد ومسره وحتى ابو شمس ،،اما محمد وشمس فخرجوا وضلوا يبكون💔
- [ ] _ايقن محمد بأنه خسر شمس للابد ..وشمس علمت بأنها لا تستطيع ان ترى محمد مره اخرى كزوج وحبيب فتألمت رغم آﻦ هذا هو قرارها لكن احيانا(نطلب اشياء بعقولنا لكن قلوبنا ترفضها تماماً)
- [ ] بعد مرور اسبوع ...🍃
- [ ] _جاءت مسره الى بيت شمس فأستقبلتها ام شمس
- [ ] مسره:خاله بالي يم شموسه وينها
- [ ] ام شمس:فوك صارلها اسبوع حابسه نفسها وبالكوه دتاكل ومتقبل تحجي ويه احد
- [ ] مسره:حصعدلها
- [ ] ام شمس:اوك حبيبتي وحاولي تواسيها
- [ ] دقت الباب مسره
- [ ] مسره:احم احم ياحلو ممكن ادخل
- [ ] شمس:ادخلي
- [ ] مسره:اوووي شنو هالجو الكئيب اللي مسويته دكومي عاد كافي دتسوين هيج بروحج
- [ ] شمس:مسره تعبانه لا ابعده داارتاح ولا ويا ارتاحيت ماعرف شسوي اموت روحي واخلص
- [ ] مسره:انتي تحبي وهو يحبج ليش ضليتي مصره ع الطلاق والله هو استعدل وندمان ارجعوا
- [ ] شمس:ماعرف مسره والله شي بداخلي انكسر ماعرف شعور مينوصف لا هو ...
- [ ] حب ولا كره ولا ندم مدااكدر افسر هالدوامه العايشه بيها بس احس قلبي انكسر
- [ ] مسره:لو منطيته فرصه اخيره
- [ ] شمس:مكدرت خفت،مسره اني دااخاف من محمد كل مااشوفه اتخيله حيجي يضربني،كلشي ديصير كدامي الحادث ،وخساره ابني اللي كنت فرحانه بي ،بس رغم هالشي مدااكدر اكرهه ماعرف شنو هالشعور اللي مااكدر اعبر عنه
- [ ] مسره:مقهوره لان اطلكتي منه؟
- [ ] شمس:بوقتها اخذت قراري وكلت اطلك لان بعد مااتحمله كسرني وكسر كرامتي وكنت مقتنعه بقراري ،بس من القاضي طلگنه حسيت انو خسرته ..
- [ ] ومن جان كدامي متغير وعيونه بيها حزن حسيت انو اريد اروح احضنه واخلي يحس بكل قهري،ردت اكولهم رجعوني اله ،ردت اكوله اني ماريد اعوفك بس شي بداخلي ديمنعني ماعرف شنو هو
- [ ] مسره :اوووف شلون قهر هذا ،شمس اعرف هو اذاج وداس عليج واصعب شي انو واحد يدوس ع كرامتج اعرف بس هسه هو اتندم واتغير
- [ ] شمس:مسره اعرف بس من اشوفه مااكدر اتقربله شي بداخلي ديبعدني عنه،اني اعرف حظي زين ممكتوبلي افرح ومفرحت بي ولا بحبي اله ولا حفرح طول عمري ويا فأختصرت الطريق وبعدت،
- [ ] وماريد ارجع بعد خلينه بعاد لان من نقترب نخرب
- [ ] مسره:هو متأذي ومديتحمل العيشه هنا ميتحمل تكونين قريبه يمه وميشوفج ،فقرر يرجع البيروت
- [ ] شمس:يرجع؟! يعني حيروح
- [ ] مسره:اي الحكي قبل ليروح وخلي يبقى
- [ ] شمس:لالا مااكدر لا خلي يروح خلي يبعد حتى اكدر انسى احسن قرار ياخذه وهالشي يريحنه احنه الاثنين لان من حنلتقي حنتذكر كولشي
- [ ] مسره:هذا اخر كلام عندج؟
- [ ] شمس:اي اخر كلام
- [ ] مسره:اوك مااكدر اضغط عليج ولا
- [ ] ع قرارج لان اخاف تاخدين قرار وتندمين علي فخليج ع راحتج والشي اللي يناسبج سوي لان تعبتي سوده عليه ،،اللّـهہ. يريح قلبج ويعوضج
- [ ] قرر محمد ان يرجع الى لبنان لانه لم يعد يحتمل اي شيء هنا ،،بكت شمس كثيراً لانها رغم كل شيء لا تستطيع ان تتحمل فراقه لكنها كانت ع امل ان يأتي يوم وتنساه...
- [ ] ام شمس:مام مو كافي اطلعي من هالغرفه
- [ ] شمس:اطلع شسوي خليني هنا اريد اكون وحدي هالفتره وارتاح
- [ ] ام شمس:عمر الوحده مكانت حل للمشاكل بالعكس تجيب الاكتئاب اكثر وتخلي الواحد عايش ويه ذكرياته الاليمه وميكدر يطلع منها
- [ ] شوفي الدوام هنا قبل اسبوعين بده يعني مو هوايه ارجعي الجامعتج وانسي واكيد حترجعين مرحله ثانيه يعني خلصتي من الاول ،غيري جو ويه صديقاتج وانسي
- [ ] شمس:ماما ماليه واهس الشي والله
- [ ] ام شمس:الخاطري ماما والله دااموت من اشوفج هيج حاولي تطلعين منا فدوه حبيبتي لتشلعين قلبي اكثر ،روحي داومي لتصيرين ضعيفه الخاطري وخاطر ابوج
- [ ] شمس:اوك ماما حطلع واداوم بس لتبجين فدوه😢
- [ ] _عاد محمد وكان قلبه مكسور ، فغير سكن بيته واستأجر شقه لان المنزل كان يذكره بها،ويذكره بعذابه لها
- [ ] اما شمس كانت تختنق ولا تعرف الوسيله التي تريحها
