- [ ] شمس:اكيد ماكو احلى من هالشي بس انو هالشخص نفسه عافج من ٤سنوات وحب وحده حد الجنون وطلبها للزواج ومفكر بيج ابد او بالاحرى انتي مو بتفكيره ولا تهمه مشاعرج لان بالنسبه اله انتي ماكو ،ووراها بكم شهر يجي يريد يخطبج مو شغله واكفه،زين ساره وينها ؟
- [ ] مسره:والله حبي اني هم استغربت بس يجوز عرف انو انتي اللي تناسبي وضاج من كلام امها وشافنه احنه كلنه نريدج الُـ✿ٓـجُ فأقتنع
- [ ] شمس:والله ماعرف اتمنى يكون مثل متگولين
- [ ] مسره:اتوقعتج حتطيرين من الفرح 😒
- [ ] شمس:والله بصراحه قلقه ومستغربه اكثر مفرحانه
- [ ] مسره:اهووو شكد تحبين الدراما
- [ ] شمس:لج مو اني دائما احساسي يسبقني ودااحس انو محمد مو من رضاته رايدني ولا فرحان بهالشي احس اكو شي جبره يسوي هيج ويقرر هالقرار
- [ ] مسره:محد جبره ماما راحت طلبتله البنيه وبابا گله براحتك حتى اتفاجئنه من كال اريد شمس فأكيد محد جبره ،هذا قراره وانتي قسمته وهالشي مبين ومكتوب 😉
- [ ] شمس:مسره اطلب منج طلب ممكن
- [ ] مسره:اي گولي مرت اخويه😍
- [ ] شمس:مرت اخوها😒،المهم باعي اريدج تعرفيلي محمد من خلال تصرفاته هالقرار هو رايده من كل قلبه لو عنده هدف او مجبور ع هالشي
- [ ] مسره:اففف والله انتي معقده وتفكيرج سلبي واني منين اعرف اذا هو رايده لو لا من قلبه،بما انو هو طلب وكال اريد شمس اذاً هاهيه لان محد لازمله السيف وكاله تخطب بنت عمك لو نذبحك كافي لعبتي نفسي لو ممبشرتج هواي اشرفلي من هالنفسيات😡
- [ ] شمس:بليز حبيبي ساعديني ،اني نفسيه اني معقده اني خبله شتكولين عليه حقج،بس حتى يرتاح قلبي حبابه
- [ ] مسره:اوووف😒طيب امرلي الالله گوليلي شسوي
- [ ] شمس: اريد تعرفين ساره ليش عافها واكيد حتعرفين لان هو عايش وياج بنفس البيت ويبين علي اذا مقهور واذا فرحان ،هاي شبيج ميسو اعلمج يعني
- [ ] مسره:ها صدك شمس نسيت اگلج
- [ ] _تذكرت مسره تصرفات محمد في الاوانه الاخيره ونفسيته المتدهوره وكيف كان يتشاجر مع امه ومعهم لكنها كانت لا تريد ان تفسد على شمس فرحتها وتؤكد لها بأن احساسها صائب فتراجعت عن كلامها
- [ ] شمس:اي كولي؟!
- [ ] مسره:لا هيج دااكولج شحتلبسين من نجيكم😍
- [ ] شمس:الله كريم ،بله هو هذا سؤال اني وين وانت وين
- [ ] مسره:هههه والله احبج يا صديقتي واختي وجنتنه قريباً فديت اخويه اللي حيجيبج يمنه ونبقى سوه😌
- [ ] شمس:هههه اني هم احبج والله ولتستعجلين بعدنه كولشي مصاير لتتأملين هوايه
- [ ] مسره:تصير تصير وباجر اذكرج
- [ ] شمس:الله كريم ،حبيبي مام دتصيحني بعدين نتخابر چاو دليبي ولتنسين الوصيتج علي💋
- [ ] مسره:ٱפگـي عمري آﻦ شٌــاآء اللّـهہ.
- [ ] _في اليوم التالي الساعه الثانيه عشر ضهراً
- [ ] ام محمد:گوم ماما حمودي الساعه بالوحده صارت
- [ ] محمد:عوفيني يمه مابيه حيل اگوم
- [ ] ام محمد:كوم صلي الضهر حبيبي الصلاة فاتت
- [ ] محمد:اففف گمنه
- [ ] _نظر محمد الى الساعه
- [ ] محمد:يمه شلون بيج ساعه ب ١٢ لو لازم تزيدين ساعه متكدرين ع روحج
- [ ] ام محمد:اي غير حتى تگوم تصلي وتتغده
- [ ] محمد:ماريد اصلي منا وهيج مااصلي
- [ ] ام محمد:شنو ليش. بله😳
- [ ] محمد:هيج بكيفي حصير غير محمد ،محمد الادمي ميفيد بهالزمن بعد ،اصير ساقط اشرفلي
- [ ] ام محمد:استغفر ربك شنو هالحجي انت جاي تحارب رب العالمين مثلاً ،ثاني شي هو ممحتاج الصلاتك انت اللي محتاج تصلي حتى تتقرب منه
- [ ] محمد:ماريد اتقرب خليني شستفاديت من صلاتي وصومي ومثاليتي وخوفي ع اعراض الناس
- [ ] ام محمد:شوف ماما محمد بغض النظر عن كلشي بهالدنيا بَـس خلي شي واحد براسك رب العالمين قسم الناس
- [ ] قسمين قسم يئامن بي ويمشي باللي يريده وقسم خارج عن طاعته ،القسم الاول يكون حبيب للالله فيختبر صبره ويختبر ايمانه بالمصائب والقسم الثاني بعيد عن رب العالمين فيحبب الشيطان لقلبه المعاصي ورب العالمين ذاكرها ((ويمدهم في طغيانهم يعمهون))وانت اخذها بغير شي مثلا الانسان اللي يحبك مو دائماً يختبرك حتى يشوف شكد تمسكك بي كذلك رب العالمين يشوف عبده بكل المصائب حيبقى متمسك بأيمانه ،وحبيبي كلشي مقدر ومكتوب واكيد رب العالمين بعد عنك الشي اللي يشوفه بي شر الك حتى لو كنت تحبه انت..
- [ ] لانه گال وبكل حب ((وعسى آﻦ تحبوا شيئاً وهو شرٌ لكم)) واذا چنك تكول بشنو استفاديت بالعكس استفاديت هوايه اول شي بعد عنك اللي متستحقك وثاني شي اللّـهہ. حافظك وحافظ اهلك وراضي عنك وباجر عكبه حثبتلك كلامي من تشوف رب العالمين انطاك الشي الحلو وعوضك بي واللي تكول عايش حياته وهو بعيد عن رب العالمين وميهمه المقابل ويجرح قلب فلان ويدوس ع فلان وممحافظ ع فروضه باجر عكبه حتشوف شلون ربك يجازي بالدنيا وبالاخره
- [ ] محمد:ماشي امي اللّـهہ. كريم
- [ ] ام محمد:اللّـه يهديك يمه يلا اني نازله وحنتظرك اسبح واطلع من هالجو الكئيب والله يريح قلبك ويعوضك بشموسه
- [ ] محمد:اوك يمه
- [ ] _نزلت ام محمد لكن محمد لم يستمع لكلامها كان في هذه الفتره لا يستمع لشيء سوى لحزنه ورغبته في الانتقام ويحاول ان يرمي بفشل علاقته بكل شيء حتى بعلاقته مع ربه
- [ ] محمد:اوووف تعبت م̷ـــن هالدنيا وامي جايه تكولي هيج هي لو تشوف اللي بداخلي اكيد هي هم حتترك صلاتها وكولشي هم بس محد يحس بوجعك غيرك
