ام رنا : ماما عمج صلاح راح يجي بمكانج عود انطي فلوس يريد فلوس الكروة والغده والعشه عود انطي
رنا : صدك تحجين ماما هاي شبي عمي صلاح معقوله حتى يبقى ويه اخو ياخذ فلوس حتى الكروة شنو طالع يبات يمه بالايجار هو مو اخو حسبي الله ونعم الوكيل
ام رنا : هاي هيه ماما شنسوي امرنا لله هسه راح يجي عمج الجبير ابو مراد للبيت
عمي ابو مراد هو كبير العائله وشيخ
ابو مراد : شلونكم ام رنا شمحتاجين مامحتاجين
ام رنا : سلامتك كلشي مامحتاجين
ابو مراد : زين لعد اني رايح للمستشفى راح اخذ اكل الهم
ام رنا : ان شالله الله وياك
في المستشفى
حسن : هاي انتي بعدج
رنا : هاي شبيك شدعوه عليك هسه يجون واطلع لاتظل تلح قابل فرحانه بشوفه وجهك
حسن : هاااا هيج بسيطه وين ترحين
رنا الحمد لله وصل عمو صلاح
رنا : هلو عمو شلونك
صلاح : شلونه ابوج شيكولون الاطباء
رنا : والله يااعمو نفس حالته لا والنوب السكر صاعد
اني هسه راح ارجع للبيت وهاي فلوس عمو بعد محتاج شي
صلاح : روحي جيبلي غده
رنا : هااا
صلاح : شبيج ماسمعتي
رنا : اااي عمو هسه اروح للمطعم واجييلك غده
اووووف هذا شبي عمو صلاح مو انطيته فلوس الغده
دك تلفون رنا المتصل الوالده
ام رنا : الوو هلو رنا
رنا : هلو ماما شلونكم
ام رنا : شلونه ابوج
رنا : ابويه زين الحمد لله لاتخافين
ام رنا : صدك ماما متاكدة لو دا تضمين عليه
رنا : لا ماما اطمني
ام رنا : شوكت تجين
رنا : اروح اجيب غده لعمي الشفيه
ام رنا : عمج ابو مراد جاي بالطريق وجايب غده ويا تعالي انتي للبيت
رنا : ان شالله ماما
حسن : هاي انتي بعدج تفترين بابا روحي والي تريدين تسويلي عقوبه من وراج
رنا :راحت روحك ان شالله شنو والي كاعده بيت ابوك اني
وعفته وطلعت هالغبي
دكتور ايمن : شبيك ويه البنيه حسن
حسن : والله يادكتور من اجت باوعتلي من فوك ليجوه بتك عين الخاتون الظاهر ماعاجبها شكلي وثاني شي عجبني اوكعه
دكتور ايمن: شبيك يمعود ترى مو ذاك الجمال عوفها خل توالي لاتحط عقلك وياها
حسن : الله كريم دكتور
رجعت للبيت
بالليل خابر عمي صلاح على امي
صلاح : الوو ام رنا
ام رنا : هلا ابو ثائر خير خوماكو شي
صلاح : لا ماكو شي بس كولي لرنا تجي باجر الصبح
ام رنا : ماما رنا عمج يكول باجر روحيله الصبح
رنا : ان شالله ماما اروح للدوام اقدم اجازة وراها اروح للمستشفى
رن هاتف رنا
اخذت تلفون وفتت للغرفه
عماد: اكلج ليش ماجاوبين حضرتج من البارحه ادك عليج بيش مشغولة الف مرة كتلج لو تنكلب الدنيا اجاوبيني
نسيت اعرفكم بعماد عماد حبيب رنا وهو رجل اعمال
رنا: وهي تبجي بابا حالته خطرة ونقلناه للمستشفى
عماد : حبيبتي محتاجه فلوس ادزلج
رنا: حبيبي تسلم اريد سلامتك
بقت رنا وعماد يسولفون بالتلفون بس رنا تعبانه وتريد تنام
عماد: اشو عبالك مطلعيج صخرة حتى تحجين ويايه
رنا : هاي شبيك ترى تعبانه طالعه من 4 الفجر رحت للمستشفى وباجر هم عندي كعدة من الصبح
عماد: انتي ويامن طلعتي الصبح
رنا : وحدي طلعت
عماد : شنو اطلعين وحدج بعد ماسمحلج اطلعين وماكو روحه للمستشفى افتهمتي
رنا: هاي شبيك هذا ابوية واروح للمستشفى مو بكيفك
عماد : صايرة تعاندين بنت ال.......
رنا: اشكرك اني تعبانه باي
وغلقت الخط ورحت نمت
في الصباح
رنا : صباح الخير ماما
ام رنا: صباح النور
راح اروح للدوام اخذ اجازة
بالشركه
رنا: صباح الخير
ابو اثير : صباح النور البارحه ليش مامداومه
رنا : صارت عندي ظروف وحجتله ع الصار
ابو اثير : لا سلامته الف سلامه بس ماكو اجازة
رنا :شنو ماكو اجازة
ابو اثير : هذا الي سمعتي بكيفي
رنا : اوكي بكيفك لعد
عفت الشركه وطلعت
بالمستشفى
حسن: هاي شو ماكو خل اروح اسئل
سلام عليكم شلون صار الحجي اليوم
صلاح: الحمد لله على الله
حسن: انت راح تكون المرافق مالته
صلاح: لا ياابه بيه حيل هسه تجي بنته واني اروح للبيت
حسن : هااااا( راح تجي همزين)
رنا : واني بطريقي دا ادخل على بابا
دكتور ايمن: هاي البنيه الشفته ويه ابوها البارحه بالطابق مال حسن
من رخصت انسه انتي والدج المريض المصاب بالورم مو
رنا: اااي دكتور
دكتور ايمن: راح اصعد وياج حتى اشوفه وهذا رقمي اذا احتاجيتي لشي
رنا : شكرا دكتور
فحص الدكتور والدي وطلع وحجه ويه الممرضين
دكتور ايمن : ممكن تمرين عليه لغرفتي حتى افهمج عن حالت والدج ياريت فد ساعه لان عندي معاينه ع المرضه هسه
رنا : رنا خير دكتور
ايمن : من تجين افهمج
رنا: ان شالله
حسن : هاي انتي شجابج هنا
رنا : اهووو هم حجه انت شتريد
حسن : همس باذن رنا ارريدج
رنا : شنووووو شكلت
حسن : هيج ماكو شي سلامتج ماكلت شي
رنا : نظرات حسن الها ماطمن
صار العصر ومحد بين
خل اخابر امي اشوف شنو السالفه
رنا؛ الو ماما اشو محد اجه ماخابرتي على احد يجي
ام رنا: والله ياماما اخوج علي بالواجب
وعمامج محد قبل يجيج
رنا : اوووف هسه شسوي
ام رنا:راح اخابر على رجل اختج ملاك بالكي يجيج
رنا : ماما اخاف عيب
رن هاتف رنا المتصل عماد
رنا : الوو هلو عماد
عماد : بصراخ هاي ليش تلفونج مشغول ويامن جنتي تحجين يله جاوبي
رنا: شبيك بس تصيح جنت احجي ويه امي
عماد : ليش امج وين بهاللليل
رنا : ماما بالبيت
عماد: وانتي وين
رنا: اني يم بابا بالمستشفى
عماد : هاي يااامستشفى هااااا لج انتي من الصبح طلعتي ولهسه باقيه اااي طبعا فرحانه يباوعون عليج الاطباؤ والممرضين والشباب مووو
رنا: كامت تبجي وتحجي هو اني لو عندي احد يجي يم بابا ابقه هنا
عماد ليش اخوتج وين
رنا: اثنينهم بالواجب ( استحيت اكله محمد ماقبل يجي )
عماد : شوفيلج احد يجي بمكانج واني راح اجي اخذج ارجعج للبيت
رنا : ان شالله
ام رنا: الووو ماما ملاك شلونج
ملاك : ماما شلوني اعصابي تعبانه راح اموت على بابا باجر اجيكم واجيب ذهبي كله وفايق رايح يبيع السيارة باجر حتى نطلع بابا للخارج يتعالج
ام رنا : ماما مايحتاج فايق يبيع سيارته اكلج يمه فدوة فايق مايكدر يروح يبات يم ابوج
ملاك : اي ماما هسه اكله ...فايق ماما تكول تكدر تبات يم ابويه لان رنا باقيه وحده بالمستشفى
فايق : صدك تحجون غير تكولون شلون باقيه وحدها هناك وردهت رجال واشكال المستشفى بيها هسه رايح
طلع فايق بسرعه
بالمستشفى
حسن: رنا تعالي احجي وياج نروح لمكتبي
رنا : شعندك احجي ويايه هنا
حسن : هاي شبيج انتي غبيه مايصير والموضوع يخص والدج وتحاليل والاوراق بمكتبي
رنا : ماشي هسه جايه وراك
رحت وراه للمكتب لكيته كاعد ع الميز وبيده اوراق وتحاليل ابويه
حسن تعرفين والدج حالته خطرة صعب يطلع منها
رنا: بس الله موجود ومو بعيده عليه يشفي ابويه
حسن: امممممم ان شالله
كام من مكانه وتوجهه للباب سد الباب وقفله بالمفتاح
رنا: هاي ليش هشكل سويت
حسن: شبيج لاتخافين بس حتى محد يقطع حديثنه
رنا : رجاءا افتح لباب
حسن: وهو يتقرب مني لصقني على الحايط كتلج اريدج
رنا: وخر ترى اعيط والم عليك العالم
حسن : ااش لاتخافين سويلج شي بس اريد اشم عطرج وبده يشم بشعرها ورقبتها
رنا : الله يخليك وخر واخير كدرت تدفعه
شفت مقص على الميز لزمته هددته بي
اذا ماتفتح الباب راح اضربك بي ( خفت منه كام يضحك بطريقه تخوف كانه انسان مريض) دا اكلك افتح الباب راح اكتل نفسي ( شافني بديت اجرج ايدي بالمقص فتح الباب طلعت اركض وارجف بنفس الوقت )
رن هاتفي المتصل عماد
رنا: ااا الو
عماد : شبيج لبش صوتج يرجف
رنا: مابيه شي بس تعبانه
عماد: شوكت تنزلين
رنا : دقايق بس يوصل فايق زوج اختي
عماد : اوكي انتظر
اووووف شربت ماي وغسلت وجههي حتى لايبين عليه
فايق :هااا رنا شلونج شبيج وجههج اصفر
رنا : فايق تعبانه وصار يومين مانايمه
@@@@@@@@@@@@@
اريد تفاعل اذا يعجبكم اكمل او لا خل اشوف تفاعلكم ويه القصه
