حسن : دكتور ايمن الحك رنا وكعت
ركض دكتور ايمن وحسن ايمن بسرعه شالها ماسمح لحسن ايشيلها نقلوها للطوارئ
بعد ماسعفوها صحت رنا
دكتور ايمن : رناوي صدك جذب قلقتينه عليج المفروض تنتبهين على صحتج واكلج
رنا: هئ هئ دكتور تعبت اني مالي احد بالدنيا بس الله
دكتور ايمن: هو يمسك ايدها ... صدكيني اي شي تحتاجي راح اكون وياج ولاتخافين من شي ذبي حملج عليه وخلينه نصير اصدقاء
رنا: دكتور اني اشكرك بس اني ماحب نظره الشفقه
دكتور ايمن: لا لا لا صدكيني مو شفقه لان انتي انسانه قويه منو راح يشفق على انسان قوي صدكيني هاي صداقتي اريد اكتشف هاي القوة منين جايبتها
رنا : بابتسامه شكرا دكتور اتشرف بصداقتك
حسن واكف بعيد ينتظر دكتور ايمن يروح حتى يروحلها
دكتور ايمن: من رخصتج رناوي صديقتي الحلوة اروح اشوف المرضه
حسن : ااااي الحمد لله واخيرا راح خل اروح اشوفها
هلوو رناوووي العسل الف سلامه عليج
رنا : وهي دايرة وجهه للجهه الثانيه ... الله يسلمك
حسن : رنا الله يخليج كافي هشكل تعامليني اني غلطان الف مرة مستعد اخطبج
رنا: شنوووو؟ تخطبني!!! انت شعرفت عني حتى تخطبني
حسن: كلش كافي الي عرفته انتي خوش بنيه وبت اوادم
رنا : هذا الحجي سابق الاوانه حسن خل اكوم اروح لبابا مو وكت مرض
بس حسن لزمها من ايدها وجرها لصدره كاللها
رنا باعي بعيوني لادورين وجهج عني ورفع وجهه بايده الثانيه وكاللها
رنا احبج
رنا بقت مصدومه ماصدكت كلامه
رنا: حسن هذا ابد مو وكته اني سامحتك خلص ماكو داع تمثل الحب
حسن: لج غبيه احبج شنو امثل مستعد كلشي اسوي علمودج
رنا : راح اروح لابويه
يم ابوها رنا
رنا : بابا شلون صرت همزين كعدت
ابو رنا : هااا اني شسوي هنا
رنا : ليش بابا ماتذكر
ابو رنا : لا بابا ماذكر اوووف هم صعد السكر عندي زين اخوتج وينهم
رنا: بابا اخوتي وعمامي هستوهم طلعو جانو الولد بايتين وياك وراحو للدوام واني اجيت
ابو رنا: لعد شكوت اطلع لمي الغراض بابا حتى نطلع
رنا : اشوف الدكتور واجي زين لاتتحرك ابقى نايم
طلعت رنا ادور على دكتور ايمن
رنا : بلازحمه وين دكتور ايمن الكاه
الممرضه: تلكي بالكافتريا
رنا: شكرا
رحت للكافتريا لكيته كاعد ويه طبيبه ويضحكون مادري ليش كلبي انقبض وطلعت الدمعه من عيني شنو الي دا يصيرلي معقوله اني احبه اووووف رنا هاي شبيج هذا طبيب والدج وهو يعتبرج صديقته انسي هاي المشاعر مو وكتها
رنا : دكتور ايمن ممكن دقيقه
دكتور ايمن : رنا تعالي خير بيج شي محتاجه شي
رنا
هذا شبي شلون يحجي ويايه هشكل بلا مباله
لا دكتور انت مشغول بعدين
دكتور ايمن : اوكي براحتج
طلعت من الكافتريا وماحسيت الادموعي على خدي كامت تنزل مطر
اااخ ياا كلبي شبيك مو وكتها تحب
سمعت شخص يصيحلي رنااا ومسك ايدي التفتت عليه شفته دكتور ايمن
دكتور ايمن: اسف
رنا: على شنو تتاسف ليش شصار
دكتور ايمن : لان تعاملت هشكل وياج بس تعرفين طبيبه جانت يمي وماكدرت احجي وياج زين
رنا : لا دكتور عادي ماكو شي
دكتور ايمن : متأكده لعد هاي الدموع شنو .. وهو يمد ايده يمسح دموعها
رنا : دكتور دا ابجي بسبب بابا صحه بس مادا يذكر ليش دخل للمستشفى
واجيت احجي وياك تتفاهم انت ويا يريد يطلع
دكتور ايمن : بأبتسامه اوكي راح اجي وياج
ابو رنا : بابا رناوي وين الدكتور
رنا : بابا هياته ورايه
دكتور ايمن : هااا عمو شلون صحتك
ابو رنا: ابني صحتي زينه اريد اطلع اكره المستشفى
ايمن: اي عمو ادلل بس اكو علاج عدنه بالمستشفى يعالج مرضى السكر اذا تريد ابقى حتى نعالجك بي
ابو رنا : صدك دكتور يعني يروح مني
ايمن : اااي عمو ..... رنا تعالي ورايه اريدج بشغله
رنا : شكو
ايمن : والدج يحتاجله عمليه بصرة بده يقل وبده يفقد الذاكره
رنا : العمليه ناجحه
ايمن : ماكدر اخفي عليج عمليه بالدماغ وبحاله والدج نسبه نجاحها 2بالميه
رنا : يعني شنو ماكو نسبه نجاح
ايمن : خليج قوية وكلشي بيد الله
رنا : راح اتناقش ويه العائله وانطيك خبر
ايمن : ان شالله وبعد ماريد هاي العيون الحلوة تبجي دموعج تنزل على كلبي مثل النار
رنا : هاااا شكلت....بقيت مصدومه من كلامه
بس ردت ابدل الموضوع اوكي دكتور خل اروح للبيت راح يجي ابن عمي بمكاني
ايمن : راح اشتاقلج
رنا: ظليت ساكته اباوع بعيونه ومصدومه
عفت وطلعت لان اجه ابن عمي
وصل للبيت
رنا : ماما تعبانه اروح انام وخابري اخوتي وعمامي اريد احجي وياهم بموضوع
ام رنا : خير بنتي كولي قلقتيني
رنا: ماكو شي لاتخافين اليوم بابا كعد ويسلم عليج
ام رنا : صدك يعني نكدر نزوره
رنا : اي ماما باجر تعالي ويايه
بالليل اجو عمامي واخويه علي
وحجيتلهم ع العمليه ونسبه نجاحها بس ولا واحد من عمامي وافق
رنا : عمو عندي امل بابا يشفه
عم رنا: انتي مخبله ترون تموتون ابوكم
علي : رنا كافي تناقشين وياهم خلص ايدي بيدج ونعالج ابونه
عمامها كلهم نفس الحجايه اي شي يصير باخونه تتحملون كافه المسؤوليه
علي : مستعدين لكل شي احنه هذا ابونا واحنه نتحمل مسؤوليته
من راحو عمامها زعلانين
ام رنا : يمه الله يوفقج انتي واخوج علي ويخليكم النه
علي : ماما رنا تعبت راح اخذ اجازة وشيصير خل يصير حتى لو ابطل من الدوام
ر نا : علي اني وياك نعالج ابويه وماتخلي احد يمن علينه
ثاني يوم الصبح
طلعت رحت للمستشفى
ابن عمي سمع بالموضوع كالي الي تشوفي صح سوي اني وياج لان انتي اكثر وحده جاي تتعب علمود ابوها وان شالله الله مايضيع تعبح
رنا ان شالله راح اروح ادور ع الدكتور ابلغه
: اوكي روحي
رنا : حبيبتي وين دكتور ايمن
الممرضه : بغرفه الاطباء باخر الممر
رحت للغرفه دكيت الباب
ايمن : ادخل
دخلت باوعت شفته نايم على القنفه وبدون قميص درت وجههي بسرعه
رنا: دكتور اسفه ماجنت اعرف
ايمن : هاااي انتي رنا عبالي عامل التنظيف ههههههه وشبيج خجلانه
رنا : راح اطلع اني وانت البس هدومك
ماحسيت الا وهو يجرني لصدره وهمس بأذني وين اطلعين وحاوط خصري بأيديه اثنينهم وهو يجرني عليه بقوة اني بقيت فاتحه عيوني وماعرف شسوي ماحسيت الا وقبله ع الشفاه رحت بغير عالم وبدون ماقاوم او ابعده عني لحد ماصحيت على نفسي وبعته واحنه كوه نجر النفس خليت ايدي على شايفي
رنا : هاي شسويت
ايمن : وهو يرجع يحظني احبج
رنا : عوفني انت شبيك
ايمن : اااااش ادري بيج تحبيني
رنا نزلت دمعه من عيوني بس هو باسني من خدي ومسح دموعي
ايمن : رنا ليش تبجين لج ااااااااحبج اطلع اصيح بالمستشفى
رنا : اسكت كافي فضحتنه عوف الحب هسه
ايمن : ليش بالله اعوف الحب
رنا: بابا اهم من كلشي هسه خلص قررت اسويله العمليه
ايمن : وهو يلبس قميصه تريدين تحددين موعد قريب
رنا : ياريت
ايمن: زين واني
رنا: انت شبيج
ايمن : رنا احبج لاتشلعين كلبي
رنا : ايمن اجل الموضوع ورى عمليه ابوية
ايمن : هاي هيه الي تريدي يصير
قررت ايمن يسوي العمليه بعد يومين
واجه يوم العمليه
رنا : اني خايفه
ايمن : ادعيله وان شاللع تنجح العمليه
رنا: ابويه بأمنتك
ايمن : اكيد حتى اخطبج منه
رنا : بأبتسامه قلقه ان شالله
دخل ايمن غرفه العمليات
بقينه اني وابويه وامي وعلي ومحمد اخويه هم اجه
طولت العمليه 7 ساعات
باوعت على باب غرفه العمليات شفت ايمن طلع وهو يمسح العرك من وجهه وشكله تعبان خفت كلبي انقبض
رنا: دكتور ابويه بي شي
