رنا : دكتور ابويه بي شي
علي وام رنا يباوعون على دكتور ايمن ينتظرون الجواب
ايمن: الحمد لله نجحت العمليه وهسه دخلناه للعنايه المركزه ومن نشوف وضعه الصحي يتحسن نطلعه غرفه وحده
رحنه شفنه بابا سمحو بس لعلي يدخل
واحنه نباوع من الزجاج الخارجي شفت علي يضحك ويباوع علينه
علي: طلع والدموع مغركه عيونه وحظني كالي بابا حجه وسئلني عليكم
رنا : صدك علي الف الحمد لله ياربي لازم اصلي صلاه الشكر لله
طلعو ابويه لغرفته ورى يومين وبده يتحسن
ايمن : ها رنا شنو الاخبار شلون المعنويات
رنا: بأبتسامه كبيرة ماكو احسن من هيج
ايمن : عمي هسه نايم تعالي خل احجي وياج
رنا : اوكي
رحنه لغرفه المكتب مالته من دخلت قفل الباب
رنا : ايمن شكو ليش قفلت الباب
ايمن : بأبتسامه اريد اكلج
رنا: ليش شكلولك عليه ترى لحمي مر ماينوكل
ايمن : اول مرة اسمع لحم الغزال مر
رنا : يصير مر اذا مو بالحلال
ايمن : خل ابوج يتحسن واجي اخطبج لان بعد ماتحمل فراكج راح اموت وهو يهمس بأذنها
رنا: وهي ادفعه انت ليش هشكل قليل ادب عيب شبيج
رجع ايمن حظني وباوع بعيوني وكالي
رنا احبج
بقيت اباوعله واني ساكته
عافني وابتعد عني
ايمن : ليش هشكل انتي ويايه كولي ماحبك وفضيها
رنا: لا لا ايمن لاتكول هشكل اني احبك بس من اباوع بعيونك يضيع الكلام
رجع حضني وقبلني قبله طويله وبشغف بحيث حسيت راح ينكطع نفسي منها رنا : واني الهث وكوة اخذ نفسي كاااافي شبيك شنو هاي كلنه بالحلال
ايمن : اووووووف اووووف والي روحي
رنا : هاي شبيك عصبت
ايمن : انتي ماعندج احساس
رنا : اصبر خل يصير زين ابويه
ايمن : لا بعد ماعندي صبر هسه راح اروح احجي ويا
رنا: وووين يمعود بابا تعبان
ايمن : قابل شراح اكله وثاني شي مامشي بحجي احد اني اريد حبيبتي اليه واخري من كدامي
ابو رنا: هلو دكتور تعبناك ماعرف شلون اجازيك رجعتلي حياتي من جديد
ايمن : هذا واجبي عمو بس اني جاي هسه عليك واريد منك طلب
ابو رنا : كول ابني انت تأمرني امر مو تطلب
ايمن : لا العفو عمو بس اني اريد اخطب بنتك رنا
ابو رنا : وهو يضحك والله نسبك يشرفني بس رنا شنو رئيها
رنا رادت تحجي وايمن قاطعها
ايمن : عمو رنا موافقه
رنا خزرت ايمن بخجل من والدها
ابو رنا : طابخيها وجايني
رنا : مدنكه لا بابا الاول والاخير رئيك
ابو رنا : خلاص اني موافق وراح ابلغ اخوتها
ايمن بأبتسامه وان شالله من تطلع من المستشفى نزوج
ابو رنا : بهاي السرعه
ايمن : خير البر عاجله
حسن سمع بالخبر كامت النار والشرار تطاير من عيونه وراح لرنا
حسن : رنا خربي الخطبه احسلج ترى اندمج
رنا: حسن انت واحد مريض روح تعالج
حسن : راح اراويج شلون راح اعالجج مو اتعالج
رنا: اعلى مابخيلك اركبه
اوووف الله يستر لازم احجي لايمن كلشي
توجهت رنا لغرفه ايمن لكت الباب مفتوح رادت تدخل سمعته يحجي بالتلفون
ماصدكت رنا السمعته
ايمن : الو حجي ااي كلشي تمام اتفقت ويه ابوها ازوجها .......لا لا اطمن بيوم الصباحيه العرس راح اعوفه بعد ماخذاعز ماتملك ......... حجي الي تريده يصير اني ابنك راح يدفعون ثمن خسارتنه ثروتنه غالي
رنا : رجعت لغرفه بابا بعد ماسمعت كل الحجي شنو راح اسوي حايرة
بعد عدة ايام خرج والد رنا من المستشفى وحالته قد تحسنت قرر مو عد زواج رنا وايمن يوم الخميس اي بعد اسبوع
رنا: بابا اسبوع قليل مالحك اجهز نفسي
ايمن : كلشي جاهز وخير البر عاجله
رنا: تفكر اوووف ياربي شراح اسوي خايفه اخرب الخطوبه وبابا يضايق يصير عليه شي راح الكه حل للمشكله
ايمن : رنا باجر اصبح نروح نعقد بالمحكمه
رنا : اي ان شالله حبيبي
ايمن : تحبين تغيرين الحاضر والغايب لوتبقين على كلام ابوج
ابو رنا: لا ابني مستحيل نوافق احنه نشتري رجال الحاضر كتاب الله القران والغايب 1000 دينار لان انت غالي علينه
رنا: انت نقذت حياة ابويه واني هذا مهري .....الله يستر من الجاي
ايمن : باجر امرلج ب 8 الصبح يله اني اترخص
في الصباح توجهت رنا وايمن للمحكمة
ايمن : اووف اكره المعاملات خل نشوف معقب او محامي يكملنه شغلتنه
رنا : عندي بنيه صديقتي محاميه هنا خل اتصل عليها
الووو
نهله: الوو هله بالكاطعه
رنا: هههههه تعالي اني بالمحكمه الي تشتغلين بيها
نهله : خير خوما كو شي
رنا : لا ماكو شي بس تعالي اني واكفه يم .....
واغلقت الهاتف
اجت نهله على رنا
نهله : رنا حبيبتي مشتاقتلج ياكاطعه ماتسئلين
رنا : حقج بس صارت عندي ظروف بعدين احجيها الج هسه خلينه بشغلتنه اعرفج على ايمن خطيبي
ايمن : وهو يصافحها تشرفت ست نهله
نهله : الي الشرف ... لازم جاين تعقدون
رنا : هههههه بسرعه لكفتيها ونريدج تكملين الاجراءات
نهله : ههههههههه مبينه مخطوبين شيسون بالمحكمه ادللو تفضل يمي بالمكتب واني راح اكمل الاجراءات
بعد اتمام عقد المحكمه
نهله : مبروووك صديقتي
رنا : الله يبارك بيج
ايمن : مبرووك حبيبتي
رنا : حبيبي الف مبروك النه اثنينه
يوم العرس
رنا كانت قلقه كلش وخايفه شراح يصير بيها جانت تحس بهزيمه بداخلها الانسان الي حبته يريد يكسرها
لم تنم طول الليل في الصباح ذهبت الى صالون الحلاقه حيث عملت تسريحه جميله ووضعت لها المزينه مكياج خفيف ورسمت عينيها لتبرز جمالهما
ايمن : اميرتي انتي جاهزة
رنا : ااي حبيبي اني جاهزة
ايمن : اوكي اني واكف برة الصالون
طلعت رنا وصعدت مع ايمن بسيارتة الي كانت مزينه
ايمن : تفاجئت بجمالها بحيث مكدرت احجي ولا كلمه
رنا : ايمن شبيك راح نتاخر راح تبقى تباوعلي هشكل
ايمن: هاااا تبارك الخالق شنو هالجمال لج اليوم شيخلصج مني راح اكلج بكشورج
رنا:
ايمن : ههههههه فديت الخجلان اني
يله نروح للقاعه
عند وصولنا للقاعه تم تشغيل اغنيه الزفه ووصلنه للكوشه وبدء الجميع بالرقص والغناء وكانو فرحين الا انا طبعا اذهب الى مصيري التعيس
بعد انتهاء الحفل توجهنا الى الفندق
ايمن: تفضلي يااعروسه
رنا : دخلت وانا مغمضه عيوني وقلبي بدت دقاته تصبح سريعه الخوف سيطر عليه
ايمن: حبيبتي مبروك علينه
رنا: الله يبارك بيك
رن هاتف ايمن فاخذ الهاتف وخرج الى الشرفه
ايمن: نعم بابا....... لاتخاف باجر الصبح كلشي ينتهي ........راح اخليهم يبجون بدل الدموع دم
رنا كانت تسمع حديث ايمن والدموع تنزل من عيونها مثل المطر غدا سيكون نهايه حياتها يذبحها حبيبها بسكين الحب
رجع ايمن لرنا
ايمن : حبيبتي ليش تبجين
رنا: اشتاقيت لاهلي
ايمن : حبيبتي مصار نص ساعه من عفناهم شلون تبجين وانتي بحضني تقرب منها وبدء يقبلها وبشغف فابعدته عنها
رنا : ايمن شبيك مستعجل خل نبدل ملابسنه ونتعشه
ايمن: اووووف ااي يله بدلي واني راح احضر العشه
رنا : وهي تقبل اديه حبيبي ماريدك اتعب نفسك وثاني شي اريد اول عشه النه اني اجهزة لحبيبي
ايمن : بأبتسامه يااااحياتي انتي احبج اني هم راح ابدل
رنا بدلت ملابسها وعلامات الحزن والاسى على وجهه تحاول تكسب وقت
