رنا: اني رايحه فايق للبيت
فايق: انتبهي على نفسج
رنا: بأبتسامه مصطنعه ان شالله يله باي
(نزلت وصعدت ويه عماد بالسيارة واني دا اصعد صار بوجههي حسن رجعت ارجف من الخوف وكانما عيونه تتوعدني بالاسوء)
عماد : ها حبيتي اشتاقيتلج( وهو يلزم ايدي طبعا اديه ترجف من الي صار) شبيج ليش اديج هيج يرجفون
رنا: كامت تبجي وبشهقه قويه
عماد: لج احجي شصاير
رنا: خايفه على بابا ( طبعا عماد ماصدكها لان حالتها مال وحده احد مأذيها)
عماد: لج باعي احجي الصدك احسلج تصورين اصدك هاي الحاله لان ابوج مريض شسوالج احجي ومنو
رنا: هااا شنو شمدريك
عماد: بده يضرب استيرن السيارة بعصبيه الا اذبحه احجي شسوالج
رنا: ماسوالي شي والله بس اني خفت منه لان قفل الباب
عماد: شنوو قفل الباب لج كولي شسمه ترى اروح احرك المستشفى والبيها
رنا: الله يخليك كافي ماريد مشاكل
عماد : اذا وصلتي للمستشفى اكسر رجلج
رنا: بس
عماد: اسكتي احسلج ترى اطلع القهر كله بيج
وصلت للبيت وكبل دخلت لغرفتي ونمت
صار الصبح فتت للحمام اشبح بقيت ابجي بالحمام
من طلعت
ام رنا: ماما رنا فايق عنده دوام روحي للمستشفى بمكانه ومن يطلع من الدوام يجي بمكانج
رنا : ان شالله
( طلعت ورحت للمستشفى )
دكتور ايمن: اهلا رنا
رنا هلو دكتور
ايمن: ليش مامريتي البارحه
رنا : دكتور بابا جان وحده وماكدرت
ايمن : ماشي تعالي احجيلج عن حالته
رنا : هااا اي بس اروح اودي الغراض وانزل عليك
ايمن: اوكي اني هاي غرفتي
رنا : اوكي
( صعدت فوك فايق يريد يروح للدوام)
رنا: صباح الخير ها رايح
فايق : اي محتاجه فلوس اخذي ذني الفلوس خليهن يمج
رنا : لا فايق صدكني مامحتاجه فلوس اذا احتاج اكلك اول واحد
بس انزل ويايه ع الدكتور راد يحجي علمود حالت بابا( طبعا طلبت من فايق يروح ويايه لان كمت اخاف اروح وحدي يم احد)
دكتور ايمن: اهلا وسهلا تفضلوا
فايق: شكرا دكتور احجيلنه عن حالته عمي
كتور ايمن: والله ماخفي عليكم حالت الحجي صعبه والسكر رغم الابر والعلاج مدا ينزل ولزم نحوله لاخصائي جمله عصبيه بس لازم نسيطر ع السكر مالته
(فايق بده يباوع عالساعه)
فايق: اسف دا اقطعك دكتور بس رنا اني تأخرت ابقي خل يفهمج الدكتور من رخصتكم
دكتور ايمن: هااا عادي ان شالله اوضحلها
وكمل كلامه ويه رنا ..راح احاول نسيطر ع سكر بس لازم انتو تساعدوني
رنا : دكتور احنه ملتزمين ويا ومدا ننطي اكل غير صحي طيب دكتور اني اترخص اروح يمه لان ماكو احد هسه ويا واخاف يكعد
ايمن: هاي شبيج وجهج اصفر وعيونج ذبلانه اخاف بيج شي
رنا : لا دكتور مابيه شي
ايمن : متأكده( هو يمد ايده على وجهه يريد يفحصها)
رنا: هاي شبيك وخر مني (ضربته راشدي) ترى ماسمحلك تلزمني
ايمن : هاي شبيج تخبلتي لج جاي
(خرجت رنا وهي تبكي وخائفه من محاوله استغلال الاخرين لها كونها وحيده وانثى ضعيفه)
ابو رنا: بابا رنا بيج شي شو مو على بعضج
رنا : لا بابا كلشي مابيه انت لاتفكر بيه واهتم بصحتك وارجع نام وارتاح
رن هاتف رنا المتصل من الشركه
الموظف: مساء الخير ست رنا
رنا : اهلا مساء النور خير خو ماكو شي
الموظف : ست رنا احبب ابلغت انو الشركه صدرت قرار بفصلج ممكن تجين تاخذين مستحقاتج الماليه
رنا : (اجابته الدموع في عينيها) ان شالله جايه باجر
خرجت رنا الى الحديقه وجلست على احد المقاعد وهي تبكي
رن هاتف رنا المتصل عماد
رنا: الوو هلو عماد
عماد: هلو هاي شبيج تبجين
رنا: هئ هئ خابروني الشركه فصلوني
عماد: بعد احسن اصلا ماعاجبني تشتغلين
رنا: عماد هاي شبيك اني بهذا الظرف بأمس الحاجه للراتب
عماد : اني انطيج شكد ماتردين
رنا: الف مرة كتلك ما اخذ
عماد: انتي بالبيت مو
رنا: لا بالمستشفى
عماد: شنوووووووووو لج انتي حيوانه ماتسمعين الكلام مو كتلج ماتروحين اخوتج وين ولد عمج وين عمامج
رنا : اني وحدي محد يقبل يجي يكولون عدنه شغل وعلي ومحمد عدهم واجب وماينطوهم اجايز
عماد: لج رنا تضحكين عليه علي ادري بالواجب بس محمد دوامه يومي
رنا : شسويله اذا تخله عن اهله
عماد : شنو هاي العائله الي ماعدها غيرة على بتهم اسمعي رنا اعتبري علاقتنه انتهت مايشرفتي ارتبط بيهج عائله
رنا: عماد انت تتخله عني بهاي السهوله واني محتاجتك
عماد: خلص انتهى كلشي وبعد لاتخابريني
واغلق عماد الهاتف بوجه رنا
رنا لم تتحمل هول الصدمات المتلاحقة التي تمر بها جلست على الارض وهي تبكي
دكتور ايمن
كنت انظر الى رنا من بعيد كانت تبكي بقوة لا اعرف ماذا حدث لماذا انا مهتم بها لهذي الدرجه
ايمن: رنا انتي بيج شي محتاجه شي
( لم تجبني وبقت تبكي وهي جالسه على الارض) رنا جاوبيني لاتخليني بقلق عليج كومي ويايه انطيج ابرة مهدئ
رنا : ما ماريد اريد اروح يم ابويه هسه كعد
ايمن : رنا خل واحد يجي بمكانج حالتج تعبانه مايصير تحملين نفسج اكثر من طاقتج
رنا: ماكدر اتخله عن اهلي ماكدر اريد انطي عمري وروحي لابويه حتى يعيش
ايمن: رنا والدج صعب يعيش لازم تعرفين هذا الشي والدج عنده سكر وعالي جدا وعنده ذبحتين بالقلب في حالته مايتحمل البنج قلبه ضعيف والعمليه نسبه نجاحها بالعراق2% يعني لو يعمه لو يتخبل واذا نجه من هذني ماتصور السكر راح يخلي جرحه يشفه رنا افهمي العمليه خطرة عليه
رنا: دكتور الله موجود عندي امل لازم انقذ ابويه لو شمايصير اني اروح هسه
فايق : هلو رنا وين جنتي عيونج حمر
رنا : طلعت بالحديقة اشم هوى وخابروني الشركه فصلوني
فايق: لا يانذال عاد كطعو الراتب بين ماترجعين
رنا: الله كريم راح ارجع للبيت ارتاح واخابر فرح استفسر منها شصار
فايق : الله وياج
رجعت للبيت
ام رنا: بنتي الله يعينج ويساعدج محد مثلج تعبتي ويانه
رنا: ماما شجاي تحجي ياتعب هذا ابوية راح اصعد انام
خابرت على فرح صديقتي
رنا: الوو فرح
فرح : هلو رنا شلونج ابوج شلون صار
رنا: الحمد لله كله يم الله بعد اكلج خابروني من الشركه طالع قرار بفصلي الله لاينطيهم هاي مجازت تعبي وياهم
فرح : كله من ورى ابو اثير ظل يقره براس المدير لما فصلج وارتاح
رنا: الله موجود بس اكول حسبي يالله ونعم الوكيل
راح انام وحتى اروح لباب العصر للمستشفى
صحيت على صوت امي
ام رنا: رنا هم يله تكومين ترحين لابوج حتى فايق يرجع للبيت يرتاح ويجيج بالليل يالله بنتي
رنا: صار ماما بس اسبح وابدل وانزل
ام رنا: اني راح احمي الغده
استحميت وبدلت ملابسي وزلت طبعا من دخل بابا للمستشفى اني مدا اكل الاشي قليل
ام رنا : بنتي اكعدي تغدي انتي ماتاكلين شي صايرة
رنا : لا ماما تاخرت لازم اروح بالمستشفى اكل
ام رنا: صدك بنتي هذا ظرف اجانه الصبح بس مافتحته كلت انطي الج تشوفي
رنا: اوكي ماما راح اخذه ويايه عود اشوفه هناك
فايق: ها رناوي السبعيه لج انتي ماكو مثلج بالدنيا اتباهه بيج
رنا: هذا ابويه فايق لازم اسوي اكثر من هيج
فايق: الله يصلح حال محمد
رنا : ان شالله راح تروح
فايق: اي بس ماتاخر
رنا : لا على راحتك نام شويه
حسن : اجتي رنا اشتاقيتلها اوووف اني شيويت هاي طلعت مو مثل باقي البنات لازم اعتذر منها...مرحبا رنا ممكن احجي وياج
رنا: اهلا ولا ماممكن
حسن : رجاءا رنا لازم احجي وياج
رنا : باستهزاء وين هم بمكتب
حسن: لا بره بالحديقه
طلعت رنا مع حسن برة بس هي خايفه منه بهاي الاثناء مر دكتور ايمن شافهم سوه
دكتور ايمن: اااخ حسن الف مرة كتله ابتعد عنها وهي شكو كاعده ويااا اروح يمهم لو لا
حسن: رنا اني اسف اني غلطان عبالي من هذني البنات التعبانات اني كلش اعتذر صدكيني ندمان
رنا: خلص حسن راح اعتبر ماصار شي وانسه الموضوع
حسن : وهو يمد يده للمصافحه ... خلص اصدقاء
رنا: بأبتسامه اصدقاء
دكتور ايمن: حسن شجاي تسوي عايف المرضه وكاعد هنا وانتي ليش عايفه ابوج وحده بالله احتاج شي
رنا: اول شي بابا نايم وثاني شي انت شعليك
ايمن: اااي صحيح اني شعليه امشي حسن ويايه
رنا؛ اووووف هذا شبي
خل افتح الظرف اشوف شنو الموضوع فتحت الظرف
رنا: ااااااخ ياااربي شنو هالمصيبه هئ هئ هئ( لم تتحمل الصدمه واغمي عليها )
