بعد ما وصلنا و شفنا اللي مكناش متوقعينه شوفنا سيف اللي المفروض مات و احنا حضرنا دفنته ازاي جه هنا ازاي عايش و بيضحكاوي مشافنا و ازاي اختفي اول مشوفناه اكيد في حاجه في حاجه و لازم افهمها طلعت انا و اسامه الشاليه كسرنا الباب اصل الحته دي فاضيه و تقريبا مفيش حد فب المنطقه الباب اتكسر بسهوله اوي دخلنا دورت علي الكتاب دوخت قلبنا الشقه كلها دوخت دخلت اغسل وشي لقيت الكتاب لقيته في الحمام كان علي الحوض مسكته و بصيت في المرايه المرايه كانت سوده بس ظهر صوره او زي فيديو راجل ماسك كتاب الراجل بدئ يطلعله قرون و بعدها قتل ست و تلت بنات ماتو و مات الراجل لكن ارواحهم موجوده الارواح دخلت جوا الكتاب و راح المشهد اللي كان شغال و بعدها ظهر وش انا اعرفه دا وش سارا بس كان لونه احمر سارا بتقولي اهرب و بعدين صوتها اتغير و هتموتو كلكو هتموتو رجع ليا النطق في صرخه طلعت مني و بعدها وقعت علي الارض صحيت في العربيه كننا في طريقنا لمصر قولت اسامه اسامه انت جبت الكتاب رد يعم ابو ام الكتاب اللي راوشك في حياتك يعم المهم انك رجعت تتكلم انت مش فرحان ليه يا كئيب
يا اسامه مش وقته الكتاب فين قاللي ورا مرمي علي الكنبه اللي ورا اهدي بقي فتحته الكتاب مكنش فيه ولا صور ولا اي كلمه قعدت اقلب الصفح مفيش لحد لما لقيت كلمه (احذر) مكتوبه بالاحمر قفلت الكتاب و سيبتو ورا اسامه قاللي انا تعبت انت معندكش دم مش عربيتك دي تعالي سوق نزلنا استراحه شربنا شاي و بعدها بدات انا اسوق و احنا ماشين و مشغلين اغاني فب واحد شاورلي عايز توصيله و لو وقف للصبح مش هيلاقي عربيه حرام و الوقت متاخر قفلت الاغاني اسامه قاللي ليه مردتش و وقفت قاللي وقفت ليه يبني قولتلو اصبر شاورت للراجل يركب قاللي بتعمل ايه يبني قولتلو ملكش فيه اهدي يا اسامه الراجل ركب و قولتلو منور اسامه رد بنورك يا اسامه مش بكلمك بطل خفه شويه و احنا ماشين قولت اشغل قران الراديو مش رادي يجيب المحطه خالص قولت خلاص مش مهم ببص في المرايا علي الراجل اللي ورا شوفت الراجل اللي صوره في الشقه اسمه شمندي و ست و تلت بنات كلهم ورا وشهم ابيض اويييي و مبرقين و بيضحكو بصيت ورا علي الكنبه ملقتش حد خالص سامع ثوت موسيقي و سامع صوت من بعيد حااسب حااسب يا مجنون ركز دا صوت اسامه بصيت ل اسامه شايفه بيتحركك ببطئ اكنو فيلم بالتصوير البطئ ضحكت و بعدها مشفتش حاجه نمت نمت كتيير اوي صحيت في مستشفي في مصر كان جسمي متجبس اغلبه الممرضه قالتلي حمدلله علي السلامه الدكتور يقولي ايه الجنان اللي كنت فيه ده انت كنت ماشي بسرعه كام دا كله بيقول انك كنت بتجري علي الاخر بس ايه اللي حصل انت مخبطش في عربيه ولا اي حاجه عربيتكو اتقلبت ازاي معلش انا صدعت دماغك انا هسيبك تريح و تشوف حبايبك اللي برا و لما ترتاح نتكلم انا عايز اسمعك مرتاح مستني لشوف مين برا لقيت رقيه داخله تقول كنت حاسه كنت حاسه انك بتكدب ليه روحت يا يوسف ليه كده يا رقيه انا عايز افهم مكنتش اعرف ان هيحصل اكتر من اللي حصل متخافيش انا كويس و حصل خير اسامه فين طمنوني لقيت اسامه داخل عليا الف سلامه عليك يا يوسف بصتله كده ايه يبني انت مش مكسر زيي كده ليه ياعم مكناش في نفس العربيه رد يقول يعم بعد الشر عليا انا نطيت من العربيه لما جت تتقلب و يدوب كسر في دراعي الشمال و حبه كدمات بس انا تمام قعدنا و نورهان و داليا موجودين و مروان جه متاخر شويه جابلي كيلو برتقان و قعد كله و كله قعد يضحك و بعدها اسامه قاللي انا عايز اقولك حاجه بس مش عايز حد يعرف بعت رقيه تجيب حاجه و هي و البنات و قولت لمروان يخرج ثواني فقولت لاسامه اتكلم قاللي هو ايه اللي حصل انا مفهمتش انت وقفت في الطريق و تشاور و مفيش حد موجود اصلا و منور و بتاع و مفيش غيرنا و مره واحده بصيت للمرايه مرعوب و بعدها بصيت وراك و رجلك كانت عماله تدوس علي الدواسه و فجاه ظهر راجل فوسط الشارع و انا فب الاول كنت خايف عليه مننا ليتخبط لكن لما قربنا طلع سيف و فجاه العربيه اتقلبت نطيت انا بسرعه و كان سيف اختفي بلغت و جت الاسعاف و دا اللي حصل في ايه يا يوسف انا مش فاهم حاجه.
انت متاكد يا اسامه ان اللي شوفتو سيف . اه يا بوسف هو انا عبيط هو سيف . ازاي يا اسامه انت عارف انا شفت ايه انا شفت الراجل اللي صوره في البراويز الحج شمندي ده اللي فالشقه و مراته و ولاده و شكلهم زي الميتين بس دول بيضحكو و لما كنت وقفت كنت واقف عشان راجل شاورلي و لما اغم عليت في الحمام دا عشان شوفت سارا و شوفت حجات بتحصل في المرايا .الباب خبط و رقيه و البنات دخلو و معاهم مروان حاولنا نضحك و نهزر شديت اسمه و قولتله في ودنه الكتاب فين قاللي متقلقش لما جت الاسعاف انا سحبت الكتاب من العربيه و هو معايا كده متقلقش قولتلو سيبو هنا كله مشي و مفضلش غيري انا و الكتاب و عائله شمندي ...
