كملات ليام عادية فلبرباراسيون، و وليت انا و آدم كاندوزو وقت بزاف بجوج. هههه بلا ما تفرحو، كل واحد متكي على ورقتو و الكلمة الوحيدة اللي مشاركينها هي السلام (آدم هو المتكبر اللي مشاركني بلاصتي) لباساج بقات ليه 4 أيام و بالنسبة لآدم باقيو خمس أيام "هو ماستر". الاعصاب والخلعة هوما لي مسيطرين عليا .. فقت ليوم مغيرة و كنفكر فالامتحانات معصبة وتا الماكلة ماقادراش عليها. ... وصلت لافاك و بان لي ادم و ياسين بجوج مافهمتش زعما واش صحاب ... ناري كمالت! ما قدها فيل زاذوها فيلة! .. اصلا انا مالي؟؟؟ اللي فيا كافيني!
-سلمى: سهام قفرتها باقي ليا شحال من مادة ماقستهاش!
-انا: لا انا مطفراه زيدي او سكتي!!
-سلمى: اه را البارح كنت كنخدم فالمكتبة و بانلي ياسين كيشرح لبنادم .. سيد مطير كلشي
-انا : اه وي ... مافهم على ربع سنين و جا يشرح لولادو ... سيري الله يعطينا وجهك كون كان الخوخ يداوي كون داوا راسو (هنا بغيت نغتانم الفرصة ونسولها على آدم، عارفاها ما كتفلت والو حيث هي المقدم عندنا فالحومة --ما قولت لسلمى تاحاجة بخصوص المكان السري فين كنخدم حيث ما غايبقاش سري) اجي نقوليك: اش وقف ياسين مع هاداك؟؟ باينة فيه قرااي ، ولا المناظر خداعة !!!! (درت راسي مكنعرفوش باش تقوليا ادق التفاصيل عليه)
- سلمى : اويلي ماتقوليش ليا ماكتعرفيش ادم الوزاني ... ناري اسهام كاع بنات لافاك طايحين فيه .. هو غير القراية و الدار و عندو صاحب واحد هو ياسين باه و بات ياسين شركا فاكبر شركة ديال التصدير فالمغرب ،وماكايحملش العيالات و تاحد ماعارف علاش هو مااستر هاد العام و ماكايضرب غي لي مونصيون
-انا: سعداتوو .. حسدتو اختي علا قرايتو ... تحل الباب و مشيت نيشان لبلاصتي او تا القهوة ماديتهاش معايا كيف موالفة ... اويلي هادا كيدار وصل بهاد السرعة؟؟؟ مهم ماشي شغلي ... جبدت لي معدبني (واحد الميكروب حلف واش يتفهم ليا) بقيت كنخدم تا تعصبت و بديت نقطع فالوراق .... آدم هز راسو و خنزر فيا و عاود هبطو ..... تفو على موقف حطيت فيه راسي ... تكيت على الطبلة كنبكي فصمت .. حيت فريمون عييت و هاد الستريس كامل عليا .. آدم وقف و مشى، مي قشاوشو باقيين هنا دونك غادي يرجع.. ستاغليت الغياب ديالو باش نبكي و نتنخصص على خاطري! غي وصل و نا نصقل بلا مانزيد نتشوه قدامو كثر ... آدم هاز فيديه جوج كيسان ديال القهوة
-ادم: هاكي قهوتك ماشربتيهاش اليوم!
-انا: (يا حليليي والله تا هضر معايا!!!) جبتيها ليا؟؟؟
-آدم: لا! لصاحبتك ... واش نتوما لبنات مكلخين بالفطرة ولامصطانعين الكلاخ ... راها ليك،بان ليك شي حد من غيرناا هنا؟؟
-انا: (تفو كون غير ماهضرش ،،، ناري على بنادم .. اللي فيا كافيني! كراه عطيتو علاش يقلب) غير جاتني غريبة داكشي علاش ... شكراا
ادم :ماشي مشكل .. اراي نشوف داكشي اللي مافهمتيش !!!!
أنت تقرأ
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
