هنا انا صقلت و بقيت كنتفرج فالمدينة من الشرجم بحال لبنيتات الصغار. شويه وانا نغوت ...حباااااااااس!!! ... ادم تخلع و ذغيا فرانا ؟!!!
-ادم: مالكي ياك لاباس؟؟؟ اش طاري؟ هضري!!!!
(كيهضر وهو معصب، ناري قفرتهاا ... شفت فعينيه ببراءة و شيرت بصبعي Parc) حماقيتي؟ داكشي ديال الدراري الصغار ماتحملييش ... (عيت مانطلب فيه مي والو ) هاد المطعم باينة فيه زوين، ندخلو ليه ؟
جاوبتو بالنفخة: اللي بغيتي!
دخلنا و دوموندا بلا مايتشاور معايا ههههه وقيلا خاف لناخد شي حاجة غالية .... الوقت كلو وانا نافخة و تا الهضرة بالغرام! سالينا و تمينا راجعين ... هزيت تيليفوني لقيت مساج من ياسين. بقيت كانهضر معاه فواتسب تا نطق ادم:
- واش ماغاتهبطيش؟
شفت فيه و تميت هابطة ... اوييليييي مارجعناش للوطيل! جينا ل parc! واااااو! بقيت كنقز بالفرحة و لعبت جميع الألعاب و هو مابغاش يلعب. شبعت تصاور ههه، ولكن هدا مالو معقد؟ راه ناس كبر منو و كايلعبو افففف!
-ادم: واش ساليتي؟،نقدرو نمشيو؟
-بقات لي واحد اللعبة كاتحمقني مي عمرني زعمت عليها... كنخاف!
-ادم:(شافيا واحد الشوفة ديال الإنتقام ..دار واحد الابتسامة شريرة .... ) قالي: يالاه انا نطلع معاك ...... عرفتو؟ ديك اللعبة لي كاتحرك بزربة و وتقلبك على راسك! .. المهم كاع لي كيركب فيها مايمكنش مايغوتش!
انا فرحت حيت من شحال هادي باغا نركب مي عمرني زعمت. دابا ملي ايطلع معايا ادم مافياش الخلعة بزاف ... انا مشيت شديت بلاصة و ادم مشى يخلص التيكيت. ادم تعطل و هاد العجب بدا يتحرك! بانلي ادم عاد جاي عطى للسيد غي تيكيت وحدة و بقى كيشوف فيا و كيضحك .. اولي مغايركبش و ماعنديش كي ندير نهبط! صافي مشيت فيها ... داك العجب خدم و بقيت غي كانغوت حسيت بمصارني غايخرجو ... ماهبطت تا غفرلي الله الذنوب اناري ... هبطت فيا الدوخة و بزز باش شديت راسي ... مانقولش ليكم الخلعة اللي كانت فيا ... ههه و تا البنت لي كانت راكبة معايا فنفس العربة نسات راسها فين راكبة ..بقات غي كاضحك عليا .... مني هبطت جا عندي ادم ... كان شاد كرشو و كيتكرشخ بالضحك ... تفوووو على انسان نااري تقول قاتلة ليه موو يخخخخخ .... شديت ليه فيدو باش مانطيحش ومشينا ركبنا فالطوموبيل
-ادم: عرفتي كنتي سووووو كيوت .... فنيكيشة. هيههاهاهاها
-انا: على هاد الحساب كاترد الصرف والله لا بقات فيك ناريييي بحال الى قتلت ليك ماماك .... (غي سمع ادم كلمة ماماك كسيرا تا كنا غنديرو كسيدة ووجهو ولا زرق! هنا فهمت بلي مابقات هضرة و ما بقى ضحك!
-ادم: غدا كوني واجدة قبل السبعة دالصباح واخا ؟؟؟
أنت تقرأ
لعباتها اﻷقدار
Historia Cortaلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
