ناري مايمكنش!!! اش هادا؟؟؟ لا لا قلبي الصغير لا يتحمل! انا صافي حواليت خصوصا بالبدلة الرسمية! مشيت لعندهم و سلمت بيدي بلا ما نطق شي حرف ماعرفت مال لساني تربط ستادنو مني حيت عندهم اجتماع و مشاو .... انا سيمانة مانعست هههههه مبغاش يجيني النعاس ... قولو لي عفاكم، واش هوا هدا الحب؟؟؟ راني مانعرفوش ..... من مور داك الاجتماع ياسين مابقاش مرتاح (سي الوزاني عيا و قرر يخلي بلاصتو لولدو و حتى السي العمراوي ولكن ياسين مكيعرف تا لاش صالحة ديك الشركة.... الشيء لي خلا علاقتو ب باباه تدهور ) ساليت فترة السطاج و من داك النهار ما شفت شي واحد فيهم
بدينا القراية و لكن هاد المرة عارفة راسي مبقيتش انشوف ادم مادام شد بلاصت باه .... ما فهمتش كيفاش وليت مهتمة بواحد ماحاسش بوجودي ... ياسين قرر يديها غي فقرايتو و مابقيناش كانتفارقو داكشي علاش سلمى بعدات عليا بحكم ان ياسين كيعجبها ... مبقيتش كنمشي البلاصة السرية من غير لا كنت مغنخدمش مع ياسين حيت بغيتها تبقا غير بيني و بين ادم لي ماعندي عليه تا خبار .... قربت ننساه و ماجات فين تسالي القراية تا فعلا نسيتو ولكن ياسين ولا هو كلشي فحياتي! يدوز غي نهار بلا ما نهضرو اولا نشوفو كنمرض ... سالا العام و بجوجنا نجحنا و كنفكر نرجع ندير سطاج بغيت نقولها لبابا ولكن عرفتو غيجيب لي سطاج فنفس الشركة ولكن تما كاين ادم و ما عرفت ماندير ... مشيت نتشاور مع ماما لي ما كنخبي عليها والو. هي الوحيدة لي بقات صاحبتي مور ما سلمى مابقاتش كتعرفني.. قالت لي ماما بلي من الاحسن. منها تزيدي خبرة معاهم و منها تعرفي راسك واش بصح كاتبغي ياسين ... فالحقيقة ماما عندها الصح قلتها لبابا و لغد ليه جابلي الورقة ديال السطاج... هاد المرة وليت كنطلب الله غير منشوفوش. اصلا هو ما كيخرجش من البيرو و البلاصة فين كنخدم بعيدة على المكتب. تال النهار لي كان خصني ضروري نديليه شي وراق يتسيناو ( الإمضاءات) ... ناري نفس الاحساس لي حسيت بيه اول مرة شفتو فالشركة وزايدين عليهم الشوق و الاشتياق ... يااا ربي اش هادشي كيوقعلي؟ شكون ساكن قلبي واش ياسين ولا ادم؟ و الأكثر ان ياسين عتارف لي بلي كيبغيني ... مافهمتش واش كنبغي داك الانسان البارد الشعور المتكبر ولا الانسان لي حاسة اني فعلا كنبغيه .... مشيت للدار و حاولت نفكر فهادشي لي طرا لي. فقت على القرار اني نخوي راسي من هادشي كلو و نقابل قرايتي الى ان وقعات صدف عجيبة و غريبة غاتقلب مجريات الاحدات ....
يتبع
أنت تقرأ
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
