انا بقيت كانبكي بدون اصدار اي صوت و ماقلت تا كلمة بقيت غي تانبكي و نفكر فهاد الزهر لي عندي ...بقيت هاكا ليل كلو. فالصباح جات الفرملية تشوفني و قلت ليها تعيطلي على ماما ... دازت ربع ساعة عاد جات ماما ... عمرني شفت ماما بهاد الحالة ..
-انا: سمحيلي كرفستكم معايا و مرضتو بسبابي..
-ماما: لا ابنتي ماتقوليش هاكا ... راك بنتي و عمرك تقولي هاد الهدرة
-انا: لهلا يخطيكم عليا ... فين بابا بغيت نشوفو كراه عيا مسكين !!! واش مشا لدار؟؟؟
هنا ماما عنقاتني و نفاجرات بالبكا ماعرفتش علاش ولكن تانا عنقتها و بديت نبكي... ولكن ماما كان لبكا ديالها كتر. نشفو عيني من الدموع مسحتهم و قررت نرجع قوية ... بديت نسكت فماما و نحاول نعرف منها اش كاين و علاش ها الحالة كلها! لكن بدون جدوى بقيت هاكاك تا سمعت الممرضة ... "عتقي اختي راجلك راه كايودع ... ماما طلقات مني و مشات كاتجري و انا تابعاها. لا مايمكنش! بابا؟؟؟ لا مستحيل! غادا كنجري دخلت فآدم لي كان جاي يشوفني ... وصلنا عند بابا لي كان كلو سلوكا و كيتنفس بصعوبة وخا دايرين ليه داك العجب كيتنفس بيه. غي دخلت عندو عنقتو هو جملة وحدة كيعاودها ... "ماماك و خوتك امانة عندك .. و الله يرضي عليك ابنتي" انا حسييت بيه كايودعني ... علاش اربي هادشي كلو و فهاد المدة القصيرة اش من ذنب درت فحياتي تا كايوقعلي هاكدا؟ .. بقيت شادة لو فيدو و كانبوسها ليه ... ااااه يا بابا حبيبي ماتخلينيش راني محتاجاك .. بابا هز يدو و شير لادم يجي لعندو (مور مادخلت فيه بلا ما نشعر جا تبعني)ولدي ادم بنتي امانة عندك تهلا فيها ... كون ماشفتكش اش درتي منين كانت فالكوما و عرفتك ونعم الاخلاق مانوصيكش عليها (انا ما مسوقاش لتا حاجة حيت خايفة لا يخليني بابا بوحدي و يمشي .بحال اللي دار ياسين ..)
-ادم: ماتخافش ا عمي سهام و عائلتها فعيني خاصك غير تبرا و ترجع لينا ..
-بابا :(دار واحد الابتسامة )كنت ديما كانطلب الله يحيني تانزوج بنتي الحبيبة ولكن ماكتابش
-انا: بابا ما تقولش هاكا مازال يحييك الله و تشوف حفايدك (بابا هز يدي و حطها على يد ياسين و قالي ..." عافاكم اولادي لما حققولي هاد الامنية قبل لا نموت " انا نترت يدي دغيا
-ادم: سمحلي اعمي ... (بقا ساكت شي عشرة الدقايق).... عمي واش تقبل نتزوج ببنتك سهام ؟!!! (بابا فرح ... ودار شاف فيا بحالا كايترجاني باش نقبل ) حالتي مكتسمحش باش نفكر. شفت فعينين بابا الفرحة "اه قابلة على ودك ابابا انا قابلة مي وعدني بلي غتصح و ترجع لينااا يااك؟
-بابا :الله يرضي عليك ابنتي ... (بابا طلب مني انا و ماما نخرجو باش يهضر معا ادم وانا بقيت كنهدن ماما و نهدن راسي الله ياربي ... ياااربي ترحمنا و تفاجيها علينا .. غي بانلي ادم خارج وانا نشنق عليه
أنت تقرأ
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
