معاناة الراقصة الجميلة

الجزء 7

فقت بكري هاد نهار ولا قولو مانعست گاع ليل كلو و انا كنتقلب ساعة و انا كندور فالبيت من قنت لقنت كلو بقششتو مع تبرگيگ مخلط لينا مع الدم شوية دخلات عندي واحد البنت عود سنان غادي علي رجليه سوط عليها طير
البنت :صباح الخير
انا: صباح لخير
البنت: ميسو امين و ميسو جاك كيتسناوك لتحت بغاوك تنزلي عندهم
انا: اوكي تسناي نبدل حوايجي و نجي معاك (مشيت لبست و جمعت شعري غسلت وجهى و سناني)
انا: ياله نمشيو ( حدرات راسها بنت لحرام ومشات سبقاتني خلاتني بلاكة هبط لقيتهم كيفطرو )
جاك : صباح لخير زوينة جلسي تفطري
انا: صباح الخير (شي خير ماشفناه )
جلست كنفطر اييه ارباب تلات بيك ليام و ليتي كتفطري مع العصابات ههه(قلتها بالعربية )
امين: ههه ومالهم العصابات كيجاوك
انا: اوبس نسييت واش كتعرف العربية ههههه
امين : كون ماكنت كنعرفها علم لله اش غادي تقولي علينا ههه
انا : هههه
جاك: مالكم كضحكو بوحدكم
امين : والو غير رباب ماعجبهاش لحال تفطر مع عصابة ههه
جاك: بصح هادشي ارباب
انا: لا لا غير كيتفلا عليك اودي انا گاعما كنت كنحلم حتي نشوف شي عصابة عاد نفطر معاهم هادشي بحال الافلام
جاك : هههههه
امين : راه فيلم نيت
انا: فكرني نجيب شي مخرج ادير فيلم علي حياتي راه غادي تشهر بزربا ههع
امين : هعهه شفتك راشقة ليك هاد صباح ما بقيتيش خايفة
انا: انا اصلان مكنخافش (انا راه ميتة بالخوف غير دافعة صنطيحة) ومناش غانخاف موت وحدة لي كاينا فالدنيا
امين: اوي هاكا نبغيك شفتك ماكليتي والو
انا : لالا مابغيت والو اصلان مكنفطرش كنشرب غير القهوة كحلة
امين: قهوة كحلة علي ريق
جاك : داكشي باش عصبية كتر من القياس
انا: خليكم مني دابا امتي غنبداو فهاد روينة ديالكم
امين : هههههه مابقا والو خاصك بعدا تحفضي سميت البلايص لي فنيويورك تعرفي شوارع ديالها والبلايص المشهورين سميتك غاتبدل و الجنسية ديالك حتي هي غتبدلي شوية من شكل ديالك بحال لبس و المكياج طريقة الهضرة و التصرف عندك البيرمي ياك
انا: وي حتي هو غنحتاجوه
امين : وي غادي تكون عندك دار بسميتك و طومبيل حتي هي ومن بعد نوريك فين غادي تخدمي خاصكي تركزي مزيان حيت غلط صغير غادي تندمي علييه
من بعد مافطرو مشيت انا و امين لواحد المكتب باش نتفاهمو
امين: واش كتعرفي شي معلومات علي نيو يورك ولا والو
انا: (بتعجب) لا لا ماشي بزاف
امين: انا غنعطيك واحد الملخص صغير غير الاماكن لي امكن تحتاجيهم و من ليوم مابقاتش سميتك رباب غاتولي سميتك (كايت ) هاكي كارت ناسيونال ديالك و هادا بيرمي و كاخت بونكيغ وراق طوموبيل و دار هدا تيليفون ديالك گاع المكالمات ديالك غتكون مراقبة غادي تكون معاك واحد البنت هي لي غادي توريك نيويورك و شوارع ديالها و الاحياء ديالها و هي لي غاتوريك منين تشري لحوايج ديالك حتي لنهار لي غاتبداي فيه الخدمة و نتلقاو عندك اسبوع تحفضي فيه هادشي كاملو و ديري عقلك عنداك إقول ليك راسك ديري شي تصرف ماشي هو هداك ولله حتي تندمي علييه (مد ليا إيديه ) كنتمنا ليك التوفيق
و مشا شوية جات عندي واحد البنت
سلام انيسة كايت انا مارغريت لي قال ليك عليها ميسو امين يلله مشينا
انا : اوكي
مارغريت : قبل مانشيو عطيني وراقك نديرهم فساك و هاكي هاد الباندا ديريها علي عينيك حتي نخرجو
انا: كيفاش
مارغريت : هادو هما التعليمات لي عندي
انا: علاش هادشي كاملو
مارغريت : إحطياطات أمنيية ههه
انا: اوكي (درت هاداك لعجب علي عيني ركبنا فشي طوموبيل من بعد واحد 10 دقايق
مارغريت : انيسة كايت صافي غير حيدي داكشي من علي عينيك (حيت داك لعجب فللول گاعما عرفتها واش كتهدر معايا نسييت واش انا هي كايت ههههه)
فاش حليت عيني بان ليا عالم اخر واو اول مرة نشوف نيويورك عن قرب صرحة زوينة بقات كتوريني فشوارع و الاحياء ها مانهاتن ها برونكس ها كوينز و بروكلين ستاتن آيلاند مبني إمباير ستيت ميدان التايمز تمثال الحرية مومو (اكبر متحف الفن الحديت ) مركز روكفلر جسر بروكلين سنترال بارك( اكبر الحدائق العامة في العالم ) شارع برودواي (اشهر شارع فنيويورك تقام فيه العديد من العروض المسرحية ) زويين و عامر بالناس و اكبر الفنادق و المطاعم ( فندق كازابلانكا-تيامز سكوير - فندق جيراف -فندق إفن - فندق ليباري .... و أشهر الحانات ( Babel longe and hookah bar - FAloka bar - hayaty bar - Rainez law rom bar - Kazuza bar et lounge)
هكا بقينا من صباح من مطعم لمطعم من بوتيك لبوتيك من شارع لشارع من كافي ل كافي حتي ضلام الحال و مشينا لواحد الدار كبيرة و زوينا و مفرشة مزيان عجباتني
مارغريت : مرحبا بيك فدارك
انا: ميغسي (دخلنا لدار كنقيسو داكشي لي شرينا ملي سالينا مشيت دوشت و نعست عيت بزاف فصباح فقت لبست لحوايج و خرجنا نكملو داكشي لي بديناه البارح دوران مهم سيمانا كلها و حنا علي هاد الحال ولات كتخليني نسوق بوحدي هي كتوريني طريق
مهم فات داك الأسبوع للي تافقنا عليه أنا وأمين حتال واحد الصباح تاصل بيا فتيليفون...أمين:صباح الخير كايت
أنا:(مازال مابغات تدخلي هاد السمية لراسي) صباح الخير
امين: واجدي راسك منهنا لنص ساعة تكوني عندي ف لا سلاطانا كافي
انا: اوكي (مشيت لبست حوايجي وخرجت حتي مارغريت ماكيناش و ماعقلتش علي لبلاصة فين كينا بضبط .الحمد الله كاين جي بي إس اما كون تلفت هههه وصلت لبلاصة و لقيتو كيتسنا
امين : علي السلامة
انا:هه الله إسلمك
امين: ماعندي منتسالك عرفتي البلاصة
انا: الباركة فمارغريت دارت شغلها
امين : واجدة ليوم بالليل غادي تبداي الخدمة
انا: (مرتبكة) وي
امين: هاكي هدا العنوان فين غادي تخدمي ليوم مع 8 تمشي و تسولي علي المسوؤل ملي غادي تقولي ليه سميتك كايت غادي إعرفك
انا: اوكي
امين: مابغيتش اغلاط وردي البال لراسك
انا: اوكي (مشيت لدار دوشت و كليت و دربتها بواحد النعسة فاعلا تركة ههه مع 6 فقت قاديت شعري سامبل و بوكلي من لتحت درت مكياج و بيرسينگ فنيفي لبست سروال دجين و مونطو قصير كحل و لي بوط كحلين و كشكول حيت كاين البرد وصلات 8 هزيت صاكي و خرجت وصلت لبلاصة بقيت شحال فطوموبيل كنهدر مع راسي وكنفكر فهادشي لي كاندير فيه فيين غادي اوصلني وحد 5 دقايق و انا نتشجع لي ليها ليها وهبط مشيت سولت علي المسوؤل داوني لبيرو ديالو كان راجل شارف شوية و سمر وضريف سميتو ستييف
ستيف: اهلان انيسة كايت مرحبا تفضلي
انا: مغسي ميسو ستيف
ستيف : انيسة مارغريت هضرات ليا عليك و انا وافقت نخدمك معايا
انا: مغسي مسيو ستيف
ستيف : العفو كايت انتي ديجا كنتي خدامة هاد الخدمة و لا اول مرة
انا: نو نو ديجا كنت خدامة ماشي اول مرة
ستيف : اوكي الي كنتي واجدة تبداي من دابا الي مابغيتيش خليها لغدا
انا: نو نو حسن دابا نيت انا واجدة
ستيف : اوكي انا غادي نعيط لواحد البنت هي غادي توريك هنا و مع 12 تبداي الخدمة
انا: اوكي
خرج من البيرو عيط لواحد البنت وجات عندي
ستيف : نتاشا هادي كايت هي البنت لي غادي تخدم بلاصة إلينا
نتاشا : مشرفين كايت
انا: مشرفين نتاشا (مشيت انا وياها لواحد البيت تما فين كيبدلو )
نتاشا : مرحبا بيك كايت كنتمنا تعجبك لخدمة معانا انا كنغني صوتي زوين وكيعجبني شطيح والكن مكنعرفش ليه ههه
انا: هههه انت هندية ياك
نتاشا: وي وي باينة فيا ياك ههه
انا: وي زعما نتوما الهنود معروفين بالشطيح و انتي ماكتعرفيش تشطحي
نتاشا :ههههه كاتفرجي فالافلام بزاف ههه هاداكشي راه كيكون غير فالافلام
انا: وي كيعجبوني خصوصا ريتك روشن و اكشي كومار و شاهد كابور ههه
نتاشا : حافضاهم كاملين انا بعدا ماكيعجبونيش الافلام الهندية واخا انا هندية
انا: داكشي علاش ماكتعرفيش تشطحي كون كنتي كتفرجي فيهم كون تعلمتي هههه
نتاشا : اصلان ماكنحمل گاع نتفكر بلي انا هندية مابقيتش كنحملها
انا : علاش اختي مالكي (تفو علي قاعدة فيا تبرگيگ علي جهد)
نتاشا : هاديك قصة طويلة من بعد نعاودها ليك و حتي انت غاتعاودي ليا علييك حيت باينة مخبية شي حاحة وراك
انا: هههه اوكي
نتاشا : اوي دابا نوضي وريني لاش كتعرفي
انا: هنا نيت
نتاشا : اه ولا عرفتي اشنو ماحد مازال ماكين حتي واحد هنا نمشيو ل لاصيين منها توريني شطيح منها نتدربو شوية ههه
انا: اهاه اوي نتي غني و انا نشطح هههه
نتاشا :هكاك يلله نمشيو
مشينا لواحد لاصين وهي بقات كتهدر مع واحد الولد واقيلة ديدجي سميتو ويليام
ويليام : اوي علاش باغا تغني نتاشا اشمن أستريمونتيغ نطلق ليك
نتاشا : سول كايت هي لي غادي تشطح
انا: نو نو غير ختاري انت اش باغا تغني انا ماعنديش موشكيل
نتاشا : اوكي انا غنختار أغنية هندية قلتي ليا قبيلة عزاز عليك ههه كاميلي عرفتها
انا: اوكي حتي انا عزيزة عليا هاد الاغنية حتي الفيلم زوين هههه
هي هاديك بدات كتغني صوتها زوين مشاء لله حيت انا المونطو وبقيت بسروال و ديباردو حتي لي بوط حيتهم بديت كنشطح عجبني صوتها بزاف حتي هي عجبها رقص ديالي ملي سالينا لقينا ستيف واقف علينا
ستيف : واو تحفة روعة
نتاشا : واو كايت احسن رقصة شفتها
ويليام : هادي حسن من إلينا اول مرة تختار شي وحدة مزيانة هههه
ستيف : انا ماختاريتها گاع هي لي جات برجليها هههه
بقينا كنضحكو شحال عجبني راسي ديك الساعة ههه
ستيف : انا غانخليكم دربو علي خاطركم
مشا و بقينا حنا كنتدربو حتا وصل الوقت و مشينا نبدلو
مشيت لبست لبسة باش غادي نرقص سالييت وكلشي تبهر كيما ديما رجعت لبلاصة فيين كنبدلو لقيت نتاشا كتلبس
نتاشا : واو كنتي رائعة انا و بهرتيني ماعرفت الرجال اش كاديري فيهم
انا: صافي ماتزيديش فييه
نتاشا : نو نو هادشي لي كاين انت زوينة و لا طاي ديالك زوينة واش دايرة تجميل
انا:هههه نو نو مادايرة والو غير لا صال احبيبة
نتاشا : مزيان انا دابا غادي نمشي نخدم ملي نسالي نرجع عندك تسنايني
انا : اوكي ( مشات نتاشا و انا بدلت حوايجي و قاديت ماكياجي و جلست كنتسنا نتاشا مللي جات لبسات حوايجها )
نتاشا : شوفي نخرجو نشربو شي حاجة و نرتاحو عاد نمشيو لدار
انا: اوكي فيين غانمشيو بعدا
نتاشا : ماغادي نمشيو لحتي بلاصة غانبقاو غير هنا
انا: اه اوكي اوكي
مشينا جلسنا فواحد طابل هي طلبات شراب انا طلبت عصيير
نتاشا :ماكتشربييش شراب
انا: نو نو ماكنشربش
نتاشا : هههه علاش
انا : ماكيعجبنيش المداق ديالو يااع
نتاشا : ههههه مزيان اوي عاودي ليا علي راسك
انا: اش غادي نقول ليك (حنا باقي كنهضرو حتي وقف علينا امين )
امين : نتاشا لباس عليك اش هاد لغيبة
نتاشا : لباس اش خبارك وكارولين لباس عليها
امين :لباس انيسة كايت لباس علييك
انا: لباس وانت اش خبارك
نتاشا: كاتعرف كايت
امين: من زمان كايت راه صديقة ديال كارولين من شحال هدا
انا: وي معرفة قديمة
نتاشا: اوي جلس مالك واقف علينا ههه
امين : لا راه خليت صحابي جالسين بوحدهم انا جيت نشوف كايت حيت شحال هادا ماشفتها و بصدفة باتت ليا ليوم
انا : مغسي
امين : ممكن تمشيو تريحو معانا انتوما
نتاشا: اوكي مشينا اكايت
انا : اوكي ماشي موشكيل (و مشينا)
امين: كنقدم ليك كايت صديقة كارولين و هي لي كانت كترقص قبيلة كايت كنقدم ليك صاحبي وائل
وائل : مشرفين كايت كنتي رائعة قبيلة
انا: مشرفين وائل (هادا مالو ياك قال ليا سميتو فهد كيفاش دابا وئل انا باقي كنهضر مع راسي )
امين: فين هو فهد
وائل : مشا كيهضر ف تيليفون شوية و إيجي انيسة كايت انت باقي جديدة هنا اول مرة كانشوفك
انا: وي اول مرة كنكون هنا (باقين كانهضرو وقف علينا واحد العظمة واحد القلدة واحد الزين واحد العينين كايدوخو و الفييم و لحية مقادة و ريحة اووف هاد زين ماعمرني شفت بحالو هدا هو لي غنات عليه بلقيس احمد ::《 هدا منو هدا الحلو من نظرة دوخني وعلقني بشباكه ابي اكلمو و كيف اوصلو خايفا اقربلو و يطلع مايتحاكي ماشفت انا فزينو في الدنيا دي كلها و بنظرة من عينو روحي يداوبها 》
امين: كايت كنقدم لييك صاحبي فهد
انا( لا لا لا انا درت شي دنب كبيير فحياتي و ماعرفتوش ولله كيعاقبني عليه دابا هادا هو فهد هاد البوقوص هو لا لا مايمكنش نغدر هاد تيتيز كامل .. كنهضر مع راسي و سيد ماد ليا إديه نسلم علييه وانا ماكيناش فهاد لعالم ملي سلمت عليه حسييت بقلبي كيفرفر امين قال ليا خصكي طيحيه ولا هو لي مطيحني ههه)
وائل : ياك لباس فين سرحتي
انا: لا لا والو غير ضرني راسي شوية
امين : اوي شربي شي كاس و إفوتك
نتاشا : لا لا كايت ماكتشربش (دار فيا فهد واحد شوفة مافهمتهاش بحاال الي كيقول مع راسو هادي خدامة رقصة فكباريه و ماكتشربش وعاود حدر عينييه علي تيليفون ديالو )
انا: وائل انت ماشي ميريكاني ياك
وائل : لا لا انا مصري و مستقر هنا ف نيويورك شكون قالها ليك
نتاشا : حتي انا من اول مرة شافتني قالتها ليا
انا: اوي راه باينة غير الي ماكيفهمش لي ماغاديش إعرف
امين : ايه و مع انت كاتفهميها طايرة هههه
انا: اصلن من سميتو بين عاربي
وائل : دابا انت كتعرفي جنسية ديال لواحد غير من سميتو
انا: هههه بحال هكاك
وائل : اوي قولي لينا الجنسية ديال فهد منين
انا : هههه انا كنعرف بلي الفهد هو اسرع حيوان فالعالم معمرني ماسمعتها سمية (كلهم تفرشخو بالضحك و هو بان ليا بحال الي تقرص و زير ليا علي الفك ديالي
فهد : دابا انا حيوان (مزال ماكملش هضرتو جبت معاه بواحد التصرفيقة )
انا: هاد لمرة بقا تفكر مزيان عاد حط يدك علي شي وحدة راه ماكدبتش طلعتي نييت حيوان (تصدم مسكين ) هزيت صاكي و خرجت تبعاتني نتاشا و امين
نتاشا : فين غادية اصاحبتي
انا : غادية لدار
نتاشا : تسناي نمشي نجيب صاكي و نمشي معاك
مشات و بقيت انا و امين
امين : ويديك سابقينك ارباب
انا: اوي هو لي بدا هههه والكن عجبني لحال هاني فيين قلتها ليك هاد التصرفيقة لي خدا هي لي غادي توصلنا لداكشي لي بغينا
امين: شكون قلها ليك
انا: ياك انت قلتي ليا بلي البنت لي بغاها كيديها بدون عناء يعني غادي نكون انا اول بنت صرفقاتو غادي ابقا عاقل عليا حياتو كاملا
امين : صافي سكتي نتاشا جايا
انا : ياله نمشيو
نتاشا : اوكي
انا: امين سمح ليا علي الازعاج مقصدتش و الكن راك عرفتيني مكنتحكمش فراسي
امين: ماشي موشكيل
مشينا ركبت فطوموبيل
نتاشا : واو هادي طوموبيل ديالك
انا: لا شفراها ههه وي ديالي علاش
نتاشا : زوينة
انا: مغسي جاني داك فهد بحال الي معقد
نتاشا : لا لا بلعكس ضريف و ضحوكي و زوين انا كيعجبني غير معرفت مالو ليوم طالع ليه دم
انا : اه مزيان (حتي انا عجبني ههه )
نتاشا : والكن حشومة عليك اصاحبتي ماكنش عليك تصرفقيه كون ماحشم كون ردها ليك
انا: هههه عبرت عليه حتي هو راه فات حدو
نتاشا : لا انت لي جبتييه هو مادار ليك والو
انا : صافي صافي نساي الموضوع دابا نوصلك لدارك ولا تمشي معايا لدار
نتاشا : لا لا ديني لداري
مهم وصلتها لدارها و مشيت لدار دوشت كليت شوية و مشيت نعس ساعا حلف النعاس لا جا كنفكر غير فدوك العوينات لي دوخوني ندمت علاش صرفقتو بحال هداك زين الناس كيبوسوه ولا كيخطفوه و إخبيوه مرة مرة إطلو عليه انا من للول زبلتها ههه رباب نعلي شيطان مالكي كتفكري فيه ماتنسايش راك فمهمة و اصلن هو لي قتل ليك واليديك اويلي علا قتل ليا واليديا هما تقادا ليهم الاجل و ماتو مكاين لي كيقتل و كيحي من غير لله وهداك الزين مابينش عليه واش إديرها
إوى قولو الله يستر وليت كاندور فراسي... *فالحانة*
امين: خويا فهد ياك لباس مالك طالع ليك الدم
وائل :واقيلة من تصرفيقة لي خدا قبيلة ههههه خطيرة هاد كايت ههههه
فهد : هههه لا لا ولله ماعلا التصرفيقة اصلن ماحسيتش بيها انا غير صدماتني بهاد الجرأ لي فيها اما انا مقلق علي حاجة خرا
امين: نسا عليك لهم اصاحبي
وائل : ايه نسا لهم و نسا حتي كايت ههههعههههه
فهد : اودي لهم نقدر نساه والكن كايت محال نساها
وائل : عرفتها ضراتك فراسك
فهد : وي بصح البنت شخصيتها قويا و انا كنموت علي بحالها
امين: اودي هي كلها واعرة ماشي غير شخصيتها بانت ليا حتي انت أ وائل دراتك فراسك
وائل : كون ماكنت خاطب ولله حتي نطير بيها مي دوماج تصيت ههه
امين : ولله و تسمعك مريم حتي تصفيها ليك
وائل : اشمن مريم حتي انت شفتي الانوثة ضحيكة شكلاطة تشدها تهرب بيها
امين: (الانوثة ههه ماشفتي والو ) ههههه واييه
فهد : انا غادي نخليكم نمشي نعس عييت
امين: عيتي ياكما نعطيك نمرتها عيط ليها دير ليك مساج ههههههههههههع
وائل : هههههههههه ليوم تفرشخنا عليك بالضحك
فهد : ضحكو غير نتوما جا معاكوم باي
مشييت ركبت فطوموبيل ديالي هاد البنت بصح نييت ضراتني فراسي اول مرة تصرفقني شي وحدة ديك ضحيكة ديالها و تقيبات ديال زين اووف فهد كدير بحال الي ماعمرك شفتي زيين لا لا والكن هادي بالضبط طيراتو ليا ملي شفتها كتشطح هبلاتني وزاتها دابا ملي عرفتها جريئة كملات واخا بانت ليا صعيبة و غادي تعدبني معاها ههه
والكن معامن نجيبها نجيبها
فصباح فقت علي تيليفون شكون غايصوني عليا فهاد الوقت لله إعطيه زنزال
انا: الو
امين : باقي ناعسة
انا : وراه باقي لحال علي لفياق انت كتنوض مع نبوري مالك اودي اه ولاش مصدعني فهاد صبااح
امين: صباح راه 10 هادي نوضي نوضي
انا؛ عفاك امين قلب عليا راه مانعستش لبارح بكري
امين: اه لبارح ماعندي مانتسالك داكشي لي قلتي طلع صحيح
انا : بصح زعما عجبتو
اميين : واييه
انا: حلف بالله إلي عجبتو
امين : ومالكي فرحانة ياكما وليتي كتبغييه عنداك اقولها لييك راسك راه ولله و إسيق لييك جاك لخبار حتي إقتلك
انا: شفتكم كلكم بغيتو تقتلوني اشمن وليت كنبغيه اصلان انا مكنحملوش من قبل مانعرفو عاد دابا مابقييتش حملتو كتر (الله إسمح ليا علي الكدوب)
امين : اوي هاكاك مهم هو خاصك تشحفييه مزيان عاد ديك ساعة عطيه وقت هههه باي سيري كملي نعاسك طيط طيط طيط
اشمن نعاس باقي نوض وكان ندوش ( فقت دوشت فطرت جلست كنتفرج حتي وصلات 12 لبست سروال ديال دجين و بودي غوز و صندالة عالية فالغوز و دجيكيت قصيرة ديال الكوير صفرة طلقت شعري و درت مكياج خفيف عكر غوز لي لونتي زرقين بيرسينگ خرجت عند نتاشا صارحة هاد البنت دخلات ليا لخاطري ضريفة مشيت عندها لدار خرجات عندي اصلن كنا دايريين لبارح نتغداو بجوج مشينا لواحد المطعم تغدينا و تسارينا بيما وصلات وقيت الخدمة وصلتها لدارها
نتاشا : نتلاقاو من بعد ساعة
انا: اوكي بيما نمشي نبدل حوايجي و نجي عندك
نتاشا : اوكي حبيبة اوي هاد المرة لبسي شي كسيوة انت عاطياها غير لسراول
انا : ماكنحمل لكساوي مرة مرة كنلبسهوم
نتاشا : اوي لبسي ليوما كسيوة اوكي
انا: اوكي ياله ملي نسالي ندوز عندك باش نمشيو
مشيت لدار كنقلب علي شي كسيوة واخا كاينين بزاف كنت شريتهم انا و مارغريت والكن معريين بزااف ماشي وقيتهم هادي مشييت لبست سروال كحل و بودي كحل دجيكيت كوير فالقهوي و صندالة عالية بالقهوي درت كوب شفال و مكياج و خرجت مشييت عند نتاشا كانت لبسة كسوة غوز حد ركبة و صندالة كحلة و طالقة داك سالف هي شعرها كحل و حروفها كحلين و هي سميمرة بوقوصة
نتاشا : علاش مالبستيش كسيوة
انا : حتال شي نهار تمشي معايا لدار و ختاري ليا شي كسيوة لبسها حيت ماعنديش معاهم
نتاشا : اوكي
مشينا الخدمة عاوتاني خدمنا سالينا لبسنا حوايجنا يالاه كنا خارجين نمشيو نتعشاو فشي مطعم حتى كيعيط لينا شي واحد... دارت نتاشا تشوف شكون كيعيط
نتاشا : مريم لباس
مريم : لباس وانت اش خبارك كنت كنقلب عليك قبيلة ساع لقيتكم طرتو (دارت عندي ) بلا شك انت هي كايت الجميلةههههه
انا: وي انا هي كايت وانت هي الجميلة ههه
مريم : فين غاديين
نتاشا : غادين نتعشاو فشي بلاصة ياله تمشي معانا
مريم: انا غادي نعيط ل وائل و امين و نمشيو كامليين اش بان ليك ا كايت
انا : ماشي موشكيل مرحبا
جاو و مشينا داك سيهم فهد مابانش ليا مشينا لواحد المطعم بقينا جلسين عاطينها لضحك حتي نقزت انا من غير سابق إندار