دخلت لوطيل مشيت لشومبر ديالي دوشت وتكيت حتي جا عندي جاك
جاك: علي سلامة فين تعطلتي
انا: ماتعطلت والو غير كيبان ليك خرجت من صبيطار لهنا ديريكت
جاك: وي عارف شكون هاديك لي كنتي معاها
انا ؛ (بعصبية) يااه زدتي فيه واش كتراقبني ولله الي هادشي بزااف
جاك: (زير ليا علي الفك ديالي بقوة ) واش كضحكي عليا ولا اش قالك راسك ماتلعبيش معايا هاد للعب راه انا ماشي هو فهد الي حسيت بيك كتلعبي ورا ضهري ولله حتي نقتلك بلا مانتردد انا كنحدرك
انا: (بإرتباك)علاش كتقول هاد الهضرة اشنو درت ليك
جاك: اش كنتي كاديري مع مريم واش صحاب ليك انا ناعس علي ودني ولا
انا: مممريم راه تلاقيت انا وياها تما غير صدفة حتي هيا كانت ...
جاك: كانت اش
انا: كانت بغات دوز تما وتلاقينا صافي ماعرفتش علاش كتشك فيا اجاك
جاك: انا مكنشكش فيك غير بغيتك تبعدي علي فهد و لي كيعرفوه
انا: انا اصلان مابقيتش كنعرفهوم غير صدفة شفتها تما
جاك: اوكي اش قال ليك طبيب
انا: والو غير كليت شي حاجة ضراتني فكرشي
جاك : اه اوي ماتبقايش تاكلي لي لقيتي
انا: اوكي
جاك: بنتي ليا بحال الي صفرة واش طبيب ماكتبليكش شي دواء
انا: ماكنحملش دواء
جاك : اه بعدا راه غدا غادي نرجعو فحالنا
انا : علاش بهاد سرعة باقي غير يوماين خرا عفاك
جاك: واش انا غادي نقابلك راه عندي خدمة
انا: خدام طبيب عفاك غير يوماين خرا عفاك
جاك: اوكي بعد غدا فالصباح نمشيو
انا: (بابتسامة) مغسي مغسي بزااف
👇👇👇👇
جاك: نخليك ترتاحي
انا: اوكي انا غادي نعس ملي نفييق نجي عندك
جاك: اوكي حبيبة
مشا جاك وبقيت كنهضر مع راسي
دابا نشوفو شكون غادي يقتل لخر غير صبر عليا دابا نوريك رباب علاش قادة كنقيس فكرشي وكنهضر مع ولدي واخا باقي صغير سمح ليا اولدي مفرحتش بيك جيتي فوقت غير مناسب بقيت كنهضر مع راسي حتي صونا تيليفون ديالي كانت نتاشا
انا: الو نتاشا
نتاشا: اهلين كايت لباس اصاحبتي غبرتي منهار خطبك فهد و انتي غابرة عليا توحشتك
انا: هههه باينة مافراسك والو فين غبرتي اصاحبتي
نتاشا : قصة طويلة من بعد ونعاود ليك بغيت نشوفك توحشتك
انا: حتي انا توحشتك واش كتعرفي وطيل(××××)
نتاشا : اه كنعرفو
انا: اوي جي عندي تما انا غادي نتسناك
نتاشا: اوكي مع 6 نكون عندك
انا: اوكي غانتسناك باي
منبعد ماقطعات نعست واحد شوية حتال ديك 5 وفقت لبست حوايجي ومشيت عند جاك
انا: جاك انا غادي نهبط لتحت جايا عندي واحد البنت صاحبتي
جاك: شكون هادي عاوتاني
انا: واحد البنت كانت خدامة معايا
جاك : اوكي حياتي غير متعطليش عليا
انا: نو نو وقتما بغيتيني تاصل بيا ونجي اوي هاني مشيت
جاك :اوكي ماغاديش تعطيني شي بوسة
انا: هههه ماشي دابا
جاك: مممم وامتي
انا: (نهار لي ماعندو خوه) من بعد دابا خاصني نهبط لبنت كتسناني
جاك: الي ماخديتهاش ماعندك فين تهبطي
انا: اوكي غير وحدة صافي
جاك: هههه باركة
مشيت بستو تمييت خارجة مع الباب وسمعتو كيهضر فالتيليفون رديت الباب وجلست كنسمعو
جاك : انا ماهمنيش شحال من واحد غادي يموت فهاد العملية 100 ولا 200 همي الوحيد هو تنجح شحال وحنا كنخططو ليها خاصها تنفد فأقرب وقت حيت ميسو ميشيل مافيه مايصبر وانا كتر منو
تميت هابطة وكنهضر مع راسي ياه هاد بنادم ماعندوش لقلب كيقتل فخلق لله بلا رحمة لا حول ولا قوة الا بالله هدا محال واش بنادم ماعندوش الاحساس اوف ماعرفت كيعايش واش زعما ضمير ديالو هاني هدا بعدا الي كان عندو شي ضمير بقيت كنتسنا فنتاشا حتي جات غير شافتني جات كتجري وعنقاتني حتا تخنقت و جلسنا فالكافي ديال لوطيل
انا: ناري اصاحبتي خنقتيني
نتاشا : توحشتك اصاحبتي مالكي علي هاد الغيبة ولا فهد خداك لينا
انا: انتي باقي فدار غفلون اشمن فهد واش مافراسك والو
نتاشا : لا اش واقع اكايت ياك لباس
انا: اول حاجة انا ماسميتيش كايت سميتي رباب و انا مغربية (عاوت ليها لقصة كاملة من للول حتال لخر وعلاش انا هنا مهم كولشي)
نتاشا: انتي عتقتي ختو من الموت وهو تكرفس عليك وغتاصبك
انا: هو ماكنش عارفني علاش درت هاكا وماعرفش بلي انا درت هادشي علا قبل ختو
نتاشا: ايه وهاد جاك اش غاديري معاه علاش خاطرتي براسك اصاحبتي وانت دابا حاملة انا ولله الي فيا لخوف من هادشي شوفي الي بغيتي نعاونك فشي حاجة ان معاك اوكي
انا : اوكي غادي نحتاجك من بعد غير تهناي انا عارفة اش كاندير مهم خليك مني انا انتي فين غبرتي
نتاشا : والو راه كنت ف مومباي وصلاتني خبار بلي بابا مريض ومشيت شفتو وتسامحت معاه
انا: اه مالو اش عندو مسكين
نتاشا:(كتبكي) عندو ورم فالراس
انا: (الله اكبر ) واش كيتعالج دابا
نتاشا : طبيب قال بلي خاصو يدير عملية فاقرب وقت ولا غادي ينتاشر المرض
انا: واش دارها ولا مازال
نتاشا: لا مزال خاص فلوس كتيرة وانتي عارفة حنا ناس علي قد الحال
انا: شوفي انا غادي ندبر ليك علي لفلوس وصيفتيهم ليه يدير العملية مهم غدا اجي عندي ونعطيهم ليك
نتاشا: لا لا وانتي منين غادي يجيوك ياك حتي انتي علي قبل فلوس عملية ديال صاحبتك خاطرتي بحياتك و جيتي هنا بلا ماتصدعي راسك معايا انا غادي ندبر لراسي
انا: شوفي انا عندي لفلوس وماعندي ماندير بيهم غادي نعطيهم ليك بلا ماتزيدي شي هضرة داكشي لي قلت هو لي غايكون
نتاشا: (وهي معنقاني وكتبكي) انتي إنسانة ضريفة بزااف تستاهلي كل خير ماعمرني ماشفت بحالك كيفاش غنرد ليك هاد الجميل
انا: اوي صافي راه خنقتيني عاوتاني هههه انا غادي نطلب منك طلب واحد
نتاشا : اشناهو
انا: مهم غدا ملي غادي نعطيك فلوس لعملية غادي نزيدك عليهم فلوس خرا بغيتك دبري ليا علي طوموبيل كحلة كولها وجاج ديالها ماكيبينش و تافقي مع شي سيكيريتي خدام فهاد لوطيل كيبان تيقة باش يخلي لباب ديال لبيرسونيل محلول ويخوي ديك لبلاصة مع 10ديال ليل عطيه داكشي لي بغا ديال لفلوس وانتي توقفي طوموبيل حدا لباب نيت ودبري ليا علي جوج رجال يكونو صحاح ايجيو يشدو شي شومبر فلوطيل وكلشي علي حسابي
نتاشا : اوكي والكن علاش ناوية
انا: بغيت نخطفو جاك ماحد رجالو بعاد عليه راه بزز باش وافق يزيد غدا هنا هما ديما معاه حتي دابا راه كاينين غير ماتعرفيهم فين كاينين مهم انتي شوفي جوج رجال تيقي فيهم باش يعاونوني فيه وقولي ليهم هاد لهضرة لي غانقول ليك عفاك مابغيتش شي غلط
👇👇👇👇
مابغيتش شي غلاط راه ماحدو هو بوحدو نقدرو عليه
نتاشا : اوكي كوني هانية والي عاق بيك
انا غير خليها علي لله
بقينا كنهضرو وكنضحكو حتي وصلات لوقت طلعت انا بدلت حوايجي
وجلست كنفكر فهادشي لي كاندير حتي دخل عليا جاك
جاك : فاش كتفكري
انا: فوالو غير فهاد لبنت صاحبتي
جاك: مالها
انا: غير باباها مريض خاصاه عملية وطلبات مني نعاونها
جاك: فاش غادي تعاونيها
انا: طلبات مني نعاونها الي عندي لفلوس نسلفهوم ليها وقلت ليها حتال غدا ونجاوبك
جاك: اوي حتال غدا وجاوبيها
انا: واش نعطيهم ليها
جاك: شغلك هاداك فلوسك هادوك عطيهم ليها ولا تعطيهم ليك
انا: اوكي غدا فالصباح نمشي نعطيهم ليها
جاك: انا غادي نعس تصبحي علي خير
انا: اوكي
نعس ماتنوض اوف شحال ماكنحملكش مجرم قتال ولكن نهايتك علي يدي نشاء لله نخلص البشرية من الجرائم ديالك
فالصباح مشيت عطيت لفلوس لنتاشا وعيطات لخوها وصيفتاتهم ليه ديك ساعة ولباقي ديال لفلوس خباتهم وتافقت معاها علي داكشي كنقول ليها لهضرة وكنعاودها حتي فهمات اش غادي دير ومشيت لمكتب العقارات حولت كاع لفلوس و الاملاك لي كتب ليا جاك ودرت توكيل وكتبت كلشي بإسم وحدة خرا ومع لفلوس كيديرو لعجب داكشي ماخداش وقت بزاف وداز فسيرية ودزت لفارماسي خديت منوم ورجعت لوطيل لقيت جاك كيهضر مع شي واحدة فالتيليفون غير شافني وقطع
انا: علاش قطعتي غير كمل لمكالمة ديالك
جاك: لا ساليت هضرتي مابقا مايتقال
انا: اه مزيان
جاك: عطيتيها لفلوس
انا: وي علاه رجالك ماقالوش ليك اش درت
جاك: ماكين لا رجال لا والو حتي واحد مامراقبك والبارح ملي قلت ليك اش كاديري مع مريم راه انا لي شفتك حيت تبعتك كنت بغيت نجي عندك حتي شفتها معاك و رجعت فحالي
👇👇👇👇
انا: ممم(لحمد لله اودي اما كون تفرشت ) اوكي غدا فالصباح غادي نمشيو ياك
جاك: اه داكشي لي كنقول ماجاكش جوع ياله تغداي
انا: اوكي
تغدينا وبقينا جالسين شحال كنهضرو وهو كيقرا فشي ملفات حتي لديك 8 ديال ليل ودخل هو يدوش مشيت كنقلب فحوايجو بانو ليا عرام ديال لملفات لي كان كيقرا فيهم بقيت كنقلب فيهم وقلبي كيضرب بغا يخرج من بلاصتو حتي بان ليا لملف ديال فهد رديتهم بلاصتهوم حتي بان ليا واحد الفردي هزيتو خبيتو و رجعت بلاصتي جابو لينا العشا لشومبر ديالو خويت داك المنوم فالماكلة كاملها و فالما والعصير خرج جاك من دوش كيبان زوين صرحة هو زوين غير مجرم هه
جا تكا فالناموسية
جاك :مالكي حالك ماعاجبنيش من صباح
انا: لا لا غير بالي مع صاحبتي و باها
جاك: هه اخر حاجة نفكر فيها هي بنادم
انا: علاش ماكتحملش فهد اش دار ليك
جاك: هداك حسابو معايا هو لخر ماغنمشي حتي نقتلو خاصني غير الفرصة هو لي دخل بابا لحبس حتي جاتو سكتة قلبية و مات
انا: بقا فيك باباك وحتي انت قتلتي ليه باه
جاك: حتي هو جايا نوبتو فالموت (تموت انت نشاء لله اما حبيبي باقي بغيتو معايا)
انا: اه اوي خلينا منو كول مالك مافيكش جوع
جاك : صارحة فيا جوع غير مافيا لي ياكل ههه
انا: اوي صافي انا نوكلك بيدي (لله يوكلك سم )
وكلتو وبقيت كنهضر معاه حتي غيب ههه مشيت لبست حوايجي و هزيت صاك درت فيه دوك الملفات كاملين وهزيت الفردي درتو فالسروال هضرت مع نتاشا فالتيليفون وقالت بلي هي واجدة وكلشي موجود كيما تافقنا عطيتها نومبر ديال شومبر و هضرات مع دراري و جاو لشومبر ولقاوني كانتسناهم وقلبي غادي يخرج من بلاصتو فيا الرعب اووف
انا: ياله هزوه وعنداكم يشوفكم شي حد ولله حتي يقتلونا كاملين
الرجل:للول ماتخافيش الغزالة انا تافقت مع وحد الدري هو غادي يخرجنا من للور ديال لوطيل مايشوفنا حتي حد
انا: اوكي ياله سربي
هي هاديك خرجوه وركبو للور ديال طوموبيل و انا سقت بيهم و نتاشا حدايا كولشي داز كيما خطط ليه بقيت سايقة حتي بعدنا علي لبلاصة بزااف عاد رتاح قلبي وتهنييت حسيت بحمل تقيل تزاح من فوق كتافي واخيرا جاك بين يدي ولله حتي ندمو
نتاشا : دابا اشنو غاديري
انا: ولله ماعرفت
نتاشا : انا من رائ ديالي دييه لفهد هو لي غادي يعرف ليه
انا: وي داكشي لي غاندير ولاكن حتي ندمو وناخد حقي منو
الرجل1 : حبيبة الي بغيتي نتهلاو فيه حنا معاك
انا:هههه حبيبة كاع مهم فين نمشيو دابا
نتاشا : غانمشيو لواحد لبلاصة خاوية وديري فيه لي بغيتي من بعد نديوه لفهد
انا: اوكي مشينا لواحد الغابة كبو عليه دراري لما حتي فاق وخلاو دار بوه مزيان كنت انا لي بغيت نبرد فيه سمي ولكن ماخلاتنيش نتاشا حيت حاملة اووف
جاك: طلعتي قافزة مع راسك ممثلة بارعة
انا: انت لي مكلخ وساهل دار بييك انت بلا رجالك و سلاحك ماكتسوا والو غير شماتة
جاك: بصح انا لي تقت فيك
انا: اوي هاد لمرة ماتبقاش تيق فمن والا الي كنت انا قدرت نضحك علي رائيس مخابرات ماغاديش نقدر عليك انت
جاك: زينك معاونك ودكية معا راسك
انا:وانت مكلخ كيفاش قدرتي تيق فوحدة قتلتي ليها عائلتها بلي غادي تبغيك بسبابك انا عانيت انت لي حرمتيني من بابا وماما 7سنين و انا كنتعدب بسبابك القتال بحالك انت هوما لي خاصهوم لموت كايقتلو فناس ابرياء علي قبل مصالحهم الخاصة تفو علييك
نتاشا : صافي ارباب بلا ماتعصبي راك حاملة اصاحبتي
انا: اوكي انا غادي نعيط ل وائل يجي عندنا
نتاشا : اوكي
عيطت لوائل و قلت ليه فين كاينين و دراري ربطو لجاك يديه و رجليه و عطيتهم فلوسهم و مشاو واحد نص ساعة جا وائل هبط من طوموبيلتو و تصدم
وائل: رباب شكون هادا
انا: هههه هادا سي جاك لي مدوخكوم
وائل: الله اكبر طلعتي خطيرة درتيها برائيس مخابرات وبرائيس عصابة
انا: هههه اوي شفتي
وائل: صدمتيني كانت غادي تجيني جلطة هه
نتاشا: دابا اش غنديرو فهاد خينة
وائل: انا غادي نعيط لفهد يمشي يتسناني فالدار و نمشيو نديروها ليه مفاجئة
مشا عيط لفهد و وكارولين وتجمعو كلهم فدارو دخلنا كلشي تصدم كارولين جات كتجري عنقاتني هي ومريم
كارولين: خلعتيني عليك اصاحبتي حرام عليك
انا: سمحي ليا كان ضروري عليا ندير هاكا
👇👇👇👇
بانت ليا جيهان ماجاتش عندي مشيت انا عندها عنقتها و دفعاتني تصدمت من ردت الفعل ديالها مافهمت والو
جيهان : بعدي مني ماتقيسينيش العاهرة لاش رجعتي ديك ساعة بقاي اصلن هادي هي خدمتك ضحكي علي رجال وتخليهم
انا: ( تصدمت )جيهان اش هاد لهضرة كتقولي
جيهان : علاش درتي هادشي غير باش تنتاقمي من عادل حيت مشا وخلاك كنتي ديما كاتقوليها هادشي لي دايرة فراسك داكشي علاش كنتي كاتعاملي معايا خايب حكرتيني حيت كنت مريضة كنتي كتسيرني كيما بغيتي كانتاقمي مني حيت انا ختو و جيتي حتال لهنا باش تنتاقمي منو وتخرجي ليه علا خدمتو ومستقبالو كلشي هادشي لي درتي فيا وكنتي كاتحاولي تخرجيني طريق والكن الحمد لله مطلعتش موسخة بحالك نبيع راسي علا قبل لفلوس
انا: (بقيت حالة فمي فيها واه واش جيهان نيت لي كتهضر علاش كادير هاكا لاش باغا توصل ولله الي صدمة حسيت بالدوخة وكلشي مصدوم وكيشوف حتي فهد مانطق بحتي كلمة) جيهان لاش باغا توصلي
نتاشا: تفو طلعتي مكتسوايش
جيهان: انتي لي ماكتسوايش راك غير عاهرة بحالك بحالها
انا: انا عاهرة ياك اجيهان
جيهان: اوي شطاحة ف لكباريهات و تمشي مع رجال من ومن ولا يشوفك اش كتسماي عاهرة
محسيت براسي صرفقتها حتي دارت و جا فهد رد ليا التصرفيقة حتي طحت فالارض جات مريم هزاتني
فهد: بقات غير عاهرة بحالك تمد يدها علي ختي لمرة جاية ديريها ولله مايعجبك حال سيري منين جيتي علاش رجعتي
وائل : فهد اش هاد لهدرة هي رجعات وجابت ليك جاك داكشي لي ماقدرتيش ديرو انت ف سبع سنين دارتو هي ف7 ايام
فهد: بحالها راه ساهل عليهم يطيحو رجال علم لله اش عطاتو ولا باش طمعاتو حتي قدرات عليه
انا صرحة طلع ليا دم بالبيان
انا: سولو اش عطيتو وباش طمعتو انا ضحيت بحياتي علي قبلك انت وختك ساعة انتوما ماكتستاهلوش علي العموم انا حيدت تقليد علي رقبتي كيما وصاتني مك مانتفرقش عليك درت الواجب ديالي دابا منك لخوك و تميت خارجة كننحس بالدنيا كدور بيا حتي عيطات عليا جيهان
انا: اش باقي بغيتي
جيهان : ههههه كنتي ديما انتي المفضلة حتي من مي فضلاتك انتي عليا وكتبات ليك كولشي فسميتك تصرفي فيه و اي دري كيفضلك انتي عليا ولكن كنتي غبية كنت دايراك بحال الخاتم فيدي لي قلتها ليك كديريها وعينيك مغمضين ههه شحال من واحد رفضتيه علي قبلي انا كنت كنقول ليك رفضيهم باش عمرك ماتهناي حتي من عادل عجبني حيت مشا وخلاك كنت كنتعمد نفكرك فيه و نجرحك باش تعدبي حتي من دواء لي كنتي كادابزي و كتشريه ليا كنت كنخوي نصو فطواليت ونقول ليك تقادا باش عمرك ماترتاحي كان كيعجبني نشوفك كتعدبي قدامي وتخدمي عليا وانا نبقا نتسنا نشوفك عيانة ونضحك عليك كنفرح نقول ليك شا شا ونقول ليك را را حتي لكباريه خدمتك فيه غير باش سمعة ديالك تشوه و ناس يقولو خايبة ولكن كان عندك زهر كلشي ناس كيبغيوك ههه حتي من هشام الولد الوحيد لي كنت كنبغي فضلك عليا ملي طلب منك زواج وقلت ليك رفضيه ورفضتيه طلعتي غبيية بزاف ههه حتي من عادل متحلميش تكوني معاه مابقاش حاملك حيت عدبتي ختو ههههه واخا هاد الناس حتي هوما لعبتي ليهم بعقلهم حتي هوما ماغيبقاوش يحملوك انتي بالنسبة ليهم غير عاهرة
انا: الحمد لله كيحبب فيا خلقو حيت انا قلبي بيض ونيتي صافيا وماكنأديش شي واحد اما انتي غاتبقاي ديما بوحدك والحقد والسم كياكل فييك ماعمرك طفرييه الحاسد هدا حالو كيموت محروق بالحسد ديالو
جيهان: و علاش نحسدك خسرتي كلشي
انا: حيت زوينة علييك ماعمرك ماتكوني بحالي وسيد رجال الي بغيتو نجيبو انتي سيري شوفي لي يديها فييك الله يعاونك
مشيت ودموع فعيني شاداني دوخة كانحس براسي غادي نطيح رجلي مابقاوش هازيني
👇👇👇👇
كارولين: للاسف طلعتي اناني ماعمري ضنيتك بحال هاكا
مريم : لا انت ماشي هو فهد لي كانعرف كيفاش قدرتي تقول ليها هاد لهضرة ولله ماقدرة نتيق هادشي
وائل : علاش اصاحبي درتي هاكا لبنت ضحات براسها علي قبلك وجات عندك واخا داكشي كولو لي درتيه فيها و انت هادشي باش جازيتيها كون بقات مع جاك حسن علي الاقل هو ماغلطش فيها بحالك
فهد: ديك ساعة تبقي معاه
وائل: لا لا انت ماشي فهد لي كانعرف منهار جات هاد ختك و حالك تغير ماعمرك ماكنتي هاكة
فهد: خلي عليك ختي فتيقار هي لي وراتني هاديك خيتي اش كتسوا سبع سنين وهي معديا عليها ومكرفسة عليها فالخر لاحتها فيد داك شماتة ديال جاك باش تنتاقم مني
وائل: الي بقيتي تابع ختك ولله حتي تبقي بوحدك وغادي تندم بزاف فالوقت لي ماغاديش ينفعك
انا : (ملي خرجت من دار وائل حسيت براسي ماشي هيا هاديك طحت فالارض ماعقلتش علي راسي حتي غيبت جاب لله كانت نتاشا وكارولين تابعيني مشاو عيطو علي وائل ومريم و داوني لصبيطار )
نتاشا: مسكينة رباب دارت عليه المستحيل وهو دغيا نكرها
وائل: فهد ماشي هاكا داير هاديك ختو لي كاتلعب ليه علي عقلو علم لله اش قالت ليه عليها
مريم : فين عمر فهد كان كيسمع هضرت شي حد حتي جات هاديك ختو ماكينش لي عارف عادل قداش كيبغي رباب هو كان غايموت ملي فقدها ودابا يفرط فيها بهاد سهولة مايمكنش
كارولين : دابا اي هضرة قالتها ليه غادي يتيقها حيت هي لي كانت عايشة معاها فهد تعماو عينيه مابقاش قادر يفرق بين الصح و الغلط خوصصا ملي رباب مشات عند جاك تأكدات شكوك ديالو
وائل: دابا خاص غير رباب تكون بخير شفت دكتور تعطل عندها
عند فهد
من بعد مامشاو كولهوم مع رباب بقا هو مع ختو وجاك عيط لبوليس وداوه لمقر المخابرات فهد وصل ختو لدار و مشا لحق عليهم لخدمة باش يتفاهم مع جاك
فهد: شفتي اشماتة غير بنت قدرات تغلب عليك دابا طحتي عندي نهايتك علي يدي
جاك: ههههه ماهمنيش دابا نموت ولا لا داكشي لي كنت بغيت خديتو خديتها قدام عينيك واخا ندخل لحبس دابا مايبقاش فيا الحال غنبقي نتفكر الايام والليالي لي دوزت انا وياها و جسم المثير ديالها مهم هي دابا مابقاتش حاملاك علي داكشي لي درتي فيها ماعمرها تسامحك وماعمرك غادي تعيش هاني انا عاجبني لحال حيت خربت ليك حياتك هههه
فهد غير سمع ديك الهضرة ونزل عليه بالضرب حتي سخفو
فهد: رباب ديالي وغتبقي ديما ديالي واخا مشات معاك راه غير باش تنتاقم منك واخا ماتحملنيش هي جابتك حتال بين يدي حيت كاتبغيني انا ماشي انت وكمل علي ضرب ديالو حتي خير
فيه سمو و خرج مشا لدار دوش و تكا فالناموسية حتي دخلات عليه جيهان
جيهان: عادل مالك حالتك ماعجبانيش كتفكر فرباب عاوتاني
فهد: عفاك اجيهان خليني مافيا مايهضر مع شي حد
جيهان: مالك داير فراسك هاد الحالة نساها عليك هي ماكتستاهلكش
فهد: مانقدرش 10سنين وماقدرتش نساها غادي نساها ف يوماين مايمكنش ليا انا كنبغيها اجيهان كنبغيها
جيهان:(علي زهر عند ديك الحقيرة واخا هادشي كولو لي قلت ليه باقي باغيها اووف) تلقاها هي ماكتفكرش فيك حتي شوية وانت داير فراسك هاد الحالة علي قبلها
فهد: ماعرفتس علاش ماكتحمليهاش حتال هاد الدرجة
جيهان: هي داكشي لي دوزات عليا خلاني نحقد عليها
فهد: جيهان خليني بغيت نعس
جيهان : اوكي هاني مشيت تصبح علي خير
👇👇👇👇
من بعد ماخرج دكتور من عند رباب
وائل: دكتور ياك لباس رباب اش عندها
دكتور : جاها انهيار عصابي اي صدمة او ضغط كتأتر عليها انا عطيتها مهدئ
وائل: نقدرو نشوفوها ادكتور
دكتور: لا دابا لا هي خاصها ترتاح و مخصهاش تعصب بزاف حيت هادشي خطار عليها وعلي الجنين مهم نخليكم دابا من بعد تقدرو تشوفوها
وائل: كيفاش الجنين
كارولين : اويلي علاه رباب حاملة
مريم: اه نسيت ماقلتها ليكم
نتاشا : اه هي حاملة نسيت ماقلتها ليكم حتي انا
وائل: اييه وإمتي كنتو ناوين تقولها حتي تولد و يتمشي علا رجليه و يولي يهضر ياك
مريم: هي قالت لي مانقولها لحتي واحد داكشي علاش ماقلتهاش ليكم نتاشا انتي شكون قالها ليك
نتاشا : قالتها ليا ول لبارح
كارولين : هي انا بوحدي لي مافراسيش وشكون هو باباه
مريم: اكيد فهد
نتاشا: اه فهد هو بابات ولدها
كارولين: دابا فهد مافراسو والو خاصنا نقولوها ليه
نتاشا: لا ماتقولوهاش ليه حتي تبغي هيا تقولها ليه واخا مايستاهل كاع يكون اب طلع اناني لا هو لا ختو مسكينة رباب ضحات براسها علي قبلها و ودارت لمستحيل باش هي تبقي حية وهادشي بش جازتها
مريم: كيفاش ضحات علي قبل ختو مافهمتش
نتاشا: علاه نتي ماعرفتيش علاش رباب جات هنا
وائل؛ لا حتي واحد ماعرف واش انتي عارفة
نتاشا: هي عاودات ليا كولشي انا صحاب ليا فراسكم
كارولين : واش عاودات ليك كولشي كولشي
نتاشا :اه قالت لي بلي جيهان كان خصها عملية علي القلب كتحتاج فلوس كتيرة و شي واحد من الرجال ديال جاك جا قال ليها تخدمي معانا فواحد المهمة تجيبي شي وراق من عند فهد بلا مايعيق بييك و حنا نتكلفو بماصاريف العملية ديال جيهان و قبلات تخدم معاهم وخاطرات بحياتها علي قبل حياة صاحبتها وخطرات بحياتها علي قبل فهد حتي هو وجابت ليه جاك حتال بين يديه
كارولين: (علاش ماقالتش ليها بلي امين هو لي جابها لهنا لعجب )مسكينة رباب طلعات بنت الناس وماعندها زهر
وائل: اويلي هادشي كولو واقع لا مايمكنش هي دارت هادشي علي قبلها و جيهان قالت بلي كانت كتعدا عليها وكاتكرفس عليها هادا هو لحماق اوي شوف الصحبة هاديك البنت واقيلة مريضة
كارولين: لا هي كدابة حيت انا كنت معاهم فالمغرب واحد الاسبوع كانت رباب كاتعامل مع جيهان مزيان و مكتخسرش ليها خاطرها
وائل: انا لي محيرني هو كيفاش جاك طاح علي رباب هادشي باقي غامض كاينة ان تما و دابا حتي فهد مافراسوش هادشي كامل ختو قدرات تلعب بعقلو طلعات حمارة ماكتسواش
كارولين : من بعد نفهمو كولشي اه نسيت ماقلت ليكم بلي امين فاق من الغيبوبة مع هادشي تلفت
مريم : بصح الحمد لله دابا خاصنا نمشيو نشوفوه
وائل: ياله نهبطو نشوفوه ومن بعد نطلعو عند رباب مكتاب علينا حنا نبقاو غير ندورو غير فهاد صبيطار
مشاو عند امين بقاو جالسين عندو شحال عاد فاق اول حاجة نطق بيها هي راباب
امين:(بصوت مقطع) فين هي رباب ياكما وقعات ليها شي حاجة
وائل : غير تهدن اصاحبي هي بخير
امين: بغيت نشوفها
كارولين: من بعد حتي تولي انت لباس وديك ساعة غادي تشوفها
امين: لا انا بغيت نشوفها دابا
كارولين: واخا احبببي غير تهدن انا غادي نجيبها عندك تشوفها
مريم: علا سلامتك اأمين خلعتينا علييك
امين: فين هو فهد مابانش ليا
وائل: هو عندو خدمة كتيرة ملي يسالي غادي يجي
امين: عفاك قول ليه بلي بغيت نهضر معاه ضروري
وائل: اوكي رتاح دابا ملي يتاصل بيا نقولها ليه
امين: اوي دابا عيطو لرباب فين هي
كارولين : واحد شوية وتجي
امين: كارولين انا كنعرفك الي كتكدبي قولي لحقيقة ياكما واقعة ليها شي حاجة انا حاس بشي حاجة
👇👇👇👇
عاودات كارولين لأمين كلشي داكشي لي طرا منهار تضرب برصاص حتال ليوم بالتفصيل لممل
امين: لحقيرة كيفاش قدرات دير فيها هادشي هي لي خاطرات براسها علي قبلها تفو كون غير خلاتها تموت ولا دير فيها هادشي وداك شماتة حتي هو كيفاش قدر يغلط فيها و يهينها بهاد الطريقة هاديك احسن بنت شفتها فحاتي مايستاهلوش داكشي لي دارت عليهم ديك لحمارة نسات خيرها وداكشي لي دارت علي قبلها وداك شماتة لعبات ليه بعقلو انا عارف فهد مايقدرش يدير هاكة خصوصا فرباب ولاكن هاديك لحقيرة ديال جيهان هي سباب حتي خلاتو يشك فيها ولله الي طلعات رباب ب 20 راجل داكشي لي ماقدرناش نديروه حنا دارتو هيا مسكينة لله ياخد فيهم الحق كاملين
وائل: تهدن اصاحبي راك باقي مريض
نتاشا: مسكينة عنات بزاف و فالخر يهينوها بقات فيا
امين: انا بغيت نشوفها دابا ماتقولش ليا لا
وائل: ولكن هي راه طبيب قال لينا حتي تفيق عاد نقدرو نشوفوها
امين: واش عندها شي حاجة خطيرة
مريم : لا راه غير جاها انهيار عصبي وسخفات غادي تولي لباس نشاءلله
وائل : دابا نعس رتاح وغدا فالصباح نمشيو نشوفوها
مريم : حنا غادي نخليوك ترتاح دابا من بعد ونجيو باش نمشو كاملين نشوفوها
مشاو كاملين و بقات كارولين مع امين
كارولين؛ رباب عاودات لنتاشا كلشي لقصة من للول حتال لخر والكن ماجبداتش سميتك فيها
امين: هاديك البنت ماكينش بحالها هي عارفاتني عزيز عليا فهد وانا عزيز عليه و الي عرف عندي يد فهادشي و كنت مشارك مع جاك ماغاديش يحملني باقي ونخسرو بعضياتنا داكشي علاش ماقالتش بلي انا لي سبابها فهادشي وانا لي جبتها وخا ندير لي درت ولله مانرجع ليها حتي شوية من داكشي لي دارت علي قبلنا
كارولين: هي خلاصاتنا من داك شماتة لي كان منكد علينا حياتنا دابا غادي نعيشو هانين ولله الي ديك جيهان ماعرفاتش قيمت رباب باقي غادي تندم علي هادشي لي دارت واخا مافهمتش علاش دارت هاكا اشمن مصلحة عندها فهادشي
امين: % 100غادي تكون حسداها حيت هي زوينة و ضريفة وكلشي لي شافها كيبغيها بنات و دراري واخا حتي جيهان زوينة ولكن رباب زوينة عليها بزاف من برا ومن لداخل قلبها بيض و كتبغي لخير لناس اما ديك شيطانة قلبها كحل و ربي غادي يجازيها
كارولين: وي واقيلة داكشي علاش هي كانت محظوظة حيت كانت عندها صاحبة بحال رباب اما كون كانت شي وحدة خرا كون خلتها تموت
امين: حتي ولدها غادي يكون محظوظ حيت غتكون عندو ام حنينة بحال رباب مهم غدا بغيت نشوفها
كارولين: اوكي حياتي رتاح دابا و غدا نمشيو نشوفوها
فالصباح جات نتاشا و مريم و وائل عند امين وكارولين و جلسو شوية ناض امين بزز مسند علي وائل و مشاو يشوفو رباب
وائل: دكتور كيف صبحات رباب واش نقدرو نشوفوها دابا
دكتور : لبارح فلليل فاقت من تأتير المهدئ وتفكرات شي حاجة فقداتها السيطرة علي راسها وبقات كتغوت و كتبكي ضطريت نعطيها مهدئ اخر صحتها مدهورة خاصها راحة هي دابا ناعسة تقدر تفيق من هنا لساعتاين وتقدرو تشوفوها
امين: عفاك ادكتور انا خاصني ندخل نشوفها ضروري
دكتور؛ سي امين انت باقي مريض علاش نضتي من لفراش
امين: عفاك ادكتور نشوفها ومن بعد نمشي نرجع لفراش حتي عام مهم نشوفها دابا
دكتور : اوكي 5 دقايق صافي
امين: واخا ادكتور
دخل امين عند رباب لقاها ناعسة باسها فراسها و جلس حداها كيشوف فيها وكيتأسف من هادشي لي وقع ليها اطمأن عليها غطاها وخرج
وائل:شفتيها كيف بقات
امين: ناعسة ماهضرتش معاها مهم شفتها
دكتور :اوي دابا اسي امين رجع لفراش ديالك انا كنواعدك الي فاقت غادي نجي نقولها ليك
رجعو كاملين لبيت فاش كاين امين و بقاو جالسين كيهضرو حتي جا طبيب
دكتور: رباب راه فاقت دابا الي بغيتو تشوفوها غير ماتخليوهاش تنفاعل راه كترت الانفعال خطار عليها
وائل: شكرا ادكتور
انا: شوفي حالتك ارباب كيف وليتي اكتر وحدة تقت فيها و خاطرت بحياتي علي قبلها خدلاتني و جرحاتني طعناتني فكرامتي علاش اجيهان علاش اش درت فيك حتي ديري فيا هاكا بقيت كنفكر و كنبكي حتي دخلو عليا ومعاهم امين غير شافني جا عنقني عاد مازدت فالبكة عنقتو بجهد حتي وعتو فالضربة
امين: اي اي
انا: (كنبكي)سمح ليا امين انا سباب فهادشي علاش عرضتي حياتك لموت علي قبلي كون غير خليتيني نموت ونتهني من هادشي كامل
امين:(بابتسامة) اش كتقولي الحمقة انا علي قبلك نموت ماشي غير مرة 10 ديال لمرات
👇👇👇👇
وائل: اويلي علي تموتي انا يالله فرحت ملي غادي تولدي بنت كتشبه ليك و صغيرة نلعب بيها و كاتقولي تموتي ولله حتي نتسطي
مريم: كتر من هاكة راك مسطي خلوق واش كاين شي واحد كيلعب بدراري صغار
كارولين: وشكون قال ليكم ماشي ولد و يكون كيشبه ليها
وائل: لا لا انا بغيت بنت الي كان ولد غادي يلقا ماشاكيل مع المعجبات
نتاشا: حشوما عليك اصاحبتي خلعتينا عليك علاش ديري فراسك هاد الحالة علي وحدة ماتستاهلش مافكرتيش فينا حنا كلنا و فولدك
انا: بصح خسرت واحد الصاحبة والكن ربحت 3 ديال صحابات و 2 خوت
وائل: اييه و انا غادي نربح شي كتكوتة صغيرة
انا: الي كانت بنت غادي نخليك انت تسميها
وائل: راه بنت انا حاس بيها حيت انا كنحس بالبنات زوينات
مريم: اوي دابا نضربك بركلة حتي تفقد هاد الاحساس
كلشي كيضحك نساو راسهوم واش فصبيطار هههه
وائل: اوي حنا غنمشيو دابا حتال لعشية و نجيو نشوفوك
مريم : بسلامة احبيبة علي سلامتك
مشا وائل و مريم و احد شوية تبعاتهم نتاشا بقيت انا و امين و كارولين
امين:ماقادرش نتيق هاد لقالب لي درتي لجاك
انا: اوي شفتي علاش قادة
كارولين: انا بعدا وليت نخاف منك ههههه
امين: خطيرة مع راسك رباب سمحي ليا علي كلشي بلا مانحس دمرت ليك حياتك والكن كنتي الامل ديالي لواحيد
انا: لا امين بلا ماطلب مني سماحة حتي اناكون كنت بلاصتك غادي ندير بحالك وكتر حتي انت عرضتي راسك لموت علي قبلي و بهاكا راك كفرتي علي دنبك وكتر دابا تعادلنا انت عتقتيني و انا عتقتك
امين: واخا تقولي لي قلتي انتي ماحساش بهادشي لي درتي واخا نخدمك حياتي كاملة مانردش حتي شوية من هادشي لي درتي انا غادي نشوف فهد و نعاود ليه لحقيقة باش يفيق جيهان لحسات ليه مخو بالكدوب
انا: شغلك هاداك مهم متقوليهش بلي انت لي جبتيني لهنا تقدر تقول ليه بلي تلاقينا فراس لعام و كارولين بقات معانا و ملي عارفات بلي انا رباب جات تقولها ليك و سمعها خوها وصيفت شي واحد من رجالو هو لي جابني لهنا انت بلا مادكر راسك اامين
كارولين: وي بصح بلا ماتخسر صديق ديالك اصلان ماغادي يكون حتي فرق الي قلتيها ليه من غير عداوة داكشي علاش من الاحسن بلاش مادكر راسك فهادشي
امين : والكن ..
انا: ماكين ما والكن الي كنت بصح عزيزة عليك دير هادشي لي قلت ليك
امين:اوكي
👇👇👇👇
كارولين: نخليكم دابا بغيت نمشي نجيب تيليفوني خليتو
فشومبر فين ناعس امين
امين ؛ اوكي
مشات كارولين لشومبر و هزات تيليفون تاصلات بفهد
كارولين: الو فهد
فهد: الو كارولين ياك لباس امين وقعات ليه شي حاجة
كارولين : لا لا غير بغيت نقول ليك بلي امين فاق وبغا يشوفك
فهد: بصح انا جاي دابا
كارولين :اوكي
بقات جالسا واحد شوية فالشومبر ملي تمات جاية عندنا تلاقات مع فهد
فهد: كارولين فين غادية
كارولين: دخل تسناني لداخل انا غادي نجيب امين ونجي
فهد: علاه فين مشا هو
كارولين :حتي يجي هو و يقولك
جات كارولين عندنا لقاتنا كنهضرو
كارولين: امين واحد ضيف بغا يشوفك راه كيتسناك فشومبر ديالك
امين: رباب انا غادي نمشي واحد شوية و نرجع عندك واخا كارولين اجي عاونيني نوقف
جات عاوناتو باسني فجبهتي ومشا دخل لشومبر و لقا فهد هاز تيليفون كيلعب فيه غير شافو فهد و جا عنقو
فهد: كيبقيتي اصاحبي خلعتيني عليك
امين: (ببرودة) لباس الحمد لله (خلاه واقف ومشا نعس فالفراش
فهد: مالك اصاحبي شفتك ماشي هو هاداك
امين: انت لي مالك اش قال ليك راسك
فهد: سمح ليا اصاحبي انا ماكنتش بغيت نضربك انت لي تعرضتي لرصاصة
امين: انا ماكنهضرش علي هادشي علاش درتي فالبنت هاكاك وهي دارت فيك لخير انت وختك وفالخر هنتوها
فهد: عفاك انا جاي نشوفك كيبقيتي مابغيتش نهضر فهاد الموضوع
امين : هاد الموضوع هو فاش غانهضرو وانت غادي تسمعني
عاود امين لفهد كلشي من للول حتال لخر وبلي هو لي جاب رباب واخا قالت ليه ماتقولهاش ليه قال ليه الحقيقة كاملة فهد تصدم بحال الي خويتي عليه ماء بارد ماعرفش باش تبلي دموع قربو يخرجو من عينيه وكيزير علي يديه طاح الارض وبقا شاد فراسو مانطق بحتي كلمة دنيا كادور بيه ماعرف مايقدم ولا مايوخر لسانو تربط كيهضر معاه امين وماقادرش يجاوبو
امين: شفتي اصاحبي زربة ديالك فين وصلاتك
فهد: علاش اجيهان دارتي هاكا
امين: تبعتي ختك حتي خرجات عليك هانت خسرتي رباب مرة خرة انت تكرفستي عليها وضربتيها و غتاصبتيها و مع دالك جات عندك ولكن ماكفاكش داكشي عاودتي طيحتي بكرامتها وهنتيها انت لي خاصك تحميها وتخاف عليها درتي فيها هادشي حشوما عليك ولله
فهد مانطق بحتي كلمة مابقا عندو مايقول تصدم وقف وخرج وهو محطم رجليه ماهازينوش
امين: ياكما يدير فراسو شي حاجة
كانعسات
: باينة تصدم من هضرة لي قلتي ليه هو تاق فختو و هي كدبات عليه
امين: سيري سيري لحقي عليه لايمشي يدير فيها شي حاجة
مشات كارولين لحقات علي فهد وصل لدار مشا عند جيهان ديريكت
فهد: رباب كانت كاتعدا عليك
جيهان: مالك اعادل
فهد: رباب كانت كتعدا عليك ياك
جيهان : اه علاش كتسول (ماجات فين تكملها حتي صرفقها و برك عليها بالضرب حتي كان غادي يقتلها كون ماجات كارولين وفكاتها من يديه
فهد: ماعمرني شفت شي كدابة و منافقة بحالك لنتي اكيد ماشي بنادم من ليوم نساي واش عندك شي خوك عتابريه مات كيما حتي انا متي بالنسبة ليا مايشرفنيش تكون عندي اخت بحالك نكارة الخير
جيهان: (كتنخصص) هادشي كولو علي قبل ديك الق... فهد تعصب وضربها عاوتاني
فهد: هاديك حسن منك هي ضحات بحياتها علي قبلك كون انتي بلاصتها كون بعتيها برخيص حيت لي بحالك ماكيعرفوش اشناهيا صداقة لله يستر قلبك كحل انتي مافيهاش تموتي محروقة انا لي حمار لي تقت فيك و درت فيك عقلي تفو عليك
منبعد مابرد سمو فجيهان ماخلا فيها حتي بلاصة صحيحة خرج و فليل رجع سكران حيط كيلوحو لحيط دخل لبيتو و تلاح فالفراش و نعس
كارولين كانت رجعات لصبيطار عاودات لامين اش وقع و طمأنات عليه هو و رباب و مشات لدار بدلات حوايجها و نعسات
👇👇👇👇
فالصباح فاق فهد و دوش لبس حوايجو ياله كان خارج و هي تعرض ليه جيهان
جيهان: عفاك اخوية بغيت نهضر معاك
متسوقش ليها تم خارج وهي تشدو من يديه و بقات كتبكي
جيهان: عفاك اخوية سمح ليا انا ماكنتش عارفة اش كاندير لحسد ولحقد عماو عينيا نسيت بلي هي البنت لي هزاتني بعد موت وليدية تعدبات علي قبلي كانت ديما كتفكر فمصلاحتي قبل من مصلاحتها كفحات علي قبلي ماخلات مادارت معايا باشما يخصني حتي خير و انا كنت كنعدب فيها ماكنتش كنبغي ليها لخير ماعرفتش بلي الي خطاتني هي غادي يهزني الماء كنت كنحسدها علي زهر لي عندها ونسيت بلي لله يعلم مافي الصدور و كيجازي كل واحد علي قد نيتو انا لي كان قلبي كحل من جيهتها كان اي واحد كيبغي يخطبها كنقول ليها ترفضو حيت ماكنتش بغيتها تعيش مرتاحة و هي حيت كانت كتيق فيا كادير داكشي لي قلت ليها واخا كنت كنجرحها ماكنتش كادي عليا وملي عرفت واش انت عادل لحقد سيطر عليا و شيطان لعب بعقلي و حلفت حتي نشوه صورتها قدامك باش عمرك تكون معاها كاع داكشي لي قلت ليك عليها كدوب هي ماعمرها تعدات عليا و لا مشات مع شي راجل منهار مشيتي و انت لواحيد لي فبالها ماعمرها نساتك هي كاتبغيك و ماعمرها بغات شي راجل من غيرك و انا كنطلب من لله يسمح ليا علي هادشي لي درت
فهد : جاية تقولي هاد لهضرة من بعد مافات لفوت ماعندها باش تنفع دابا
أنت تقرأ
معاناة الراقصة الجميلة
Nouvellesفميريكان مريم : سي فهد مسيو جاك كيدير المستحيل على قبل الوراق لي عندك فهد :معمرو يحلم يوصل ليهم ماحدي انا حي مريم :هو كيأدي بزاف ديال الناس علي قبلهم ماعندو لا شفقة ولا رحمة إقدر إيدير أي حاجة باش يوصل ليهم فهد :حتي أنا مابقا عندي مانخسر كلشي خسرتو...
