نعست فحضن حبيبي اول مرة كنعس دغيا و نحس براحة بحال الي نعسا فالسحاب لله علي إحساس ماسخيتش بييه راحة واشمن راحة منهار ماتت ماما وبابا ماحسيت ببحال هاد الراحة فصباح فقت علي تقرقيب ديال فهد مرضني فراسي (ملي فقت نشوفو اش كيدير بان ليا زين ديالي لابس سروال كحل و تيشورت كحل مزير عليه من دراع مبين ليه العضلات ديالو وشويا ديال لوشام و برودكان كحل داير كاسكيط و نضاضر اول مرة نشوفو بهاد ستيل جاه كيحمق اصلان هو كيجي معاه لكحل و ديك لبارفان لي كيدير دوخاتني فهاد صباح هي و مولها )
انا:ناري افهد ضريتيني فراسي فهاد صباح
فهد:ههههه سمحي ليا حبيبة والكن راه ملي كنقلب علي شي حاجة ومكنلقاهاش كنتعصب
انا: علاش كتقلب
فهد :كنقلب علي الفردي وسوارت طوموبيل
انا:😴راه واقيلة حطيتيهم لبارح فطبلة لي فلتحت ماشي فالبيت هنا
فهد: اهههه بصح ياله تفكرت واش انا ناعس حدايا هاد زين لليل كولو و منتلفش فهاد صباح
انا: فين غادي بعدا
فهد :غادي لخدمة احبيبة مالي بحالك عاطيها غير نعاس
انا: ياله سير خليني نعس حتي ترجع وفيقني
فهد: او متقوليش ليا غادي تبقاي نعسة من دابا حتال داك الوقت ههه حبيبتي نعاسة
انا: محساد مكرهتيش تنعس حتي انت هههه
فهد: نو نو نو واخا مانكونش خدام منقدرش نعس بزاف كنعس غير شوية صافي
انا: انت راه فيك الحب هو لي مكيخليكش تنعس اما انا ماعندي لي إطير عليا نعاس ههههههه
فهد : ياك راه قلت مايدار هي لي كادير النعاس
انا: واخا عليك ياله سير خليني نعس عافاك
فهد: لا ماغادي نمشي حتي ناخد بوسة ديال صباح
انا: واش انت لباس طالع بوسة نازل بوسة فلليل بوسة فصباح بوسة
فهد: وانتي مالك كتخلصي عليهم ضريبة هادشي كنطلب غير بوسة و ندمتيني كون طلبت شي حاجة خرا ماعرفت اش غاديري
انا: ههههههههههههه و حشوما عليك خليني نعس عافاك
فهد : اشنو ناخد بوسة نمشي مانخدهاش غانبقا هنا ماعندي مايدار
خرج فهد و فقت انا كنقلب علي تيليفون ديالي لقيتو و تاصلت بأمين
انا: الو امين
امين: وي رباب ياك لباس
انا: لا لا والو فين كاين
امين : انا غادي لخدمة علاش
انا: غير بغيت نقول ليك بلي انا لبارح مامشيتش لدار مشيت مع فهد لدارو
امين: نعااام دارو دارو متأكدة كيفاش زعما بهاد سرعة تاق فيك وداك لدارو لا كاينة تما إن
انا: وي هي مي ماشي كيما وصفتيها ليا لحراس و لكاميرات وداك لعجب انا مابان ليا والو من داكشي
امين : لا لا مايمكنش انا متأكد كلشي داكشي كاين غير ردي بالك اقدر فهد اكون عايق بيك ولا بغا يجربك ولا شي حاجة
انا : معرفتش منين غادي نبدا نقلب علي داك لعجب ديالكم
امين : لا لا لا لا ماشي دابا حتي دوز شي يوماين و 3ايام عاد بداي تقلبي ولكن اقدر يكون شي نظام ديال لحماية فشي بلاصة و حتي الكاميرات غيكونو انتي فاش إكون حداك بداي تقلبي و ديري راسك بقشاشة و عزيز عليك لفضول باش تعرفي لبلايص لي فيهم الكاميرات و البلايص لي مافيهم والو وحتي هو مايشك فوالو الي شافك كتقلبي قدامو عادي واي خطوة بغيتي ديريها قوليها ليا باش نعاونك وردي بالك ارباب راه واخا هكاك مزال ماعرفاش مع من كاتعاملي راه قلت ليك اش كاين ديري فراسك بلي هداك رائيس مخابرات ماشي ضابط مرور
انا:واقولها لراسك قبل ماتلوحني هاد لوحة انا بعدا مانسمح ليك لا انت لا داك زفت ديال جاك
امين: حشوما عليك اختي رباب راه حتي انا بحالك علاش ماتسمحيش ليا
انا:ههههه غير كنضحك معاك واخا هكاك راك عزيز وحتي كارولين اما داك جاك دعيتو لله ياخد فيه لحق
امين :هه حتي انتي ولله الي راكي عزيزة غير ضروف و صافي
انا:اوي هانتا شوف الفال راه كنتسامحو و نتوادعو وقيلة هادي لخرا ليا اسيق ليا فهد لخبار اصفيها ليا ههههه
امين :شفتك كضحكي واش ماخيفاش
انا : ولله ماخيفا كنت خيفة مي دابا نونو اوي خليني نمشي نكمل نعاسي
امين: نخليك دابا بسلامة
انا: اوكي بسلامة
رجعت كملت نعاسي في سلام بلا تبرزيط لله ماكين ماحسن من نعاس
دخل فهد وانا باقي ناعسة هههه
أنت تقرأ
معاناة الراقصة الجميلة
Storie breviفميريكان مريم : سي فهد مسيو جاك كيدير المستحيل على قبل الوراق لي عندك فهد :معمرو يحلم يوصل ليهم ماحدي انا حي مريم :هو كيأدي بزاف ديال الناس علي قبلهم ماعندو لا شفقة ولا رحمة إقدر إيدير أي حاجة باش يوصل ليهم فهد :حتي أنا مابقا عندي مانخسر كلشي خسرتو...
