معاناة الراقصة الجميلة

الجزء 5

نهار جديد و أحداث جديدة ليوم للول ليا فالخدمة وجدت راسي و شديت طاكسي مشيت لقييت لبنات كيتسناو تعارفنا مزيان دربتهوم و ديك سليعفانة ديال اميمة جمعات راسها ولات كتعامل معايا مزيان دوزنا ديك 4سوايع فضحك و تقشاب سالييت خدمتي و رجعت لدار لقييت جيهان كتفرج
جيهان :صافي رجعتي دغيا
انا :وي راه غير 4سوايع تاع تدرييب باش لبنات فلليل مايعياوش هههه
جيهان : مزايان بعدا عندك لوقت فاش تصممي شي رقصات فدار ياك
انا: وي انا غادي نقاد programme باش نبقي نمشي علييه حييت بغييت ندخل ل شي صال فنون القتال
جيهان : اويلي اش بغيتي بشي صال وفنون لقتال باقي حماقتي
انا: من شحال هادا كنفكر ندخل لفنون لقتال و لا لصال دالحديد ولا بجوج باش ندافع علي راسي عارفاني عزيز عليا داكشي ديال الاكشن
جيهان : ههه لحديد ولا فنون القتال ولا بجوج هداكشي راه ديال دراري احبيبة
انا: راه بحال دراري بحال لبنات مالكي اصاحبتي قديمة واحد لبنت خدامة معايا حتي هي دايرة هادشي ولله لاطاي ديالها زوينة ولي حاول إقرب منها كاتورييه شغلو و هي لي قتارحات عليا ندخل لداك لصال فاش كاينة
جيهان : اه اه حتي هادا نظار اوي كيغاديري و انت حياتك كلها نعاس
انا: هانية نفيق مع 11 و نجمع دار و نتدرب علي شي رقصات و مع 1 نمشي لاصال نرجع مع 4 ونعس حتال 6ونمشي لخدمة 10 نرجع لدار و نعس انا عجبني هاد progerame اش بان لييك
جيهان : زويين و انا ماغاديش اكون عندك وقت ليا
انا: لا احبيبة حاشا اصلان قررت تبقاي تمشي معايا لخدمة بلاصة ماتبقاي فدار بوحدك ومنها تعلمي معانا ههه و نهار روبو ديالي غادي نتساراو فيه مزيان شفتي
جيهان : حتي هادا حل زويين
بقيت علي هاد الحال 4 سنين دبا عندي 24 سنة نفس روتين لاصال لخدمة نعاس حتال واحد نهار خدامة حتي جا عندي هشام طالع ليه دم )
انا: سي هشام ياك لباس مالك بنتي ليا ماشي هو هداك
هشام :(بغضب ) هاديك الق... ديال اميمة خلاتني حتال هاد ليامات لي محتاج ليها و خوات بيا بنت لحرام
انا: مالها اش دارت حتي ليوما مابانتش ليا واش مجاتش
هشام : مجاتش و ماباقيش غادي تجي
انا: كيفاش فهمني راه مافاهما والو
هشام : اميمة غادي تزوج و مشات مع رجلها لبلاد خري مابقاتش غادي تخدم هنا
انا: هههههه اوي صافي واش هادشي علاش مقلق غيير حيت غادي تزوج
هشام : لله إهديك ارباب واش كضحكي عليا انا مهماتنيش تزوج ولا طلق
انا: اوي مالك علا هاد لحالة
هشام : خلاتني حتي محتاج ليها ومشات راس لعام بقات ليه يومين شكون غادي تكون بلاصتها حتي وحدة ماكتحمر لوجه

انا: ماشي مشكيل نقلبو علي شي وحدا خرا و ندربها
هشام : لله إهديك علي ماتقلبي علي شي وحدة و دربيها إكون راس لعام داز بشهر و انا ماباغيش شي أغلاط اصلان هاد لعام غيكونو هنا شي ناس صحابي مهمين من ميريكان هما حجزو من داك لعام مابغييتش شي حاجة تخسر داك نهار راه شفتي من إمتي و انا كنوجد لييه
انا: ولله إلي مشاكيل زعما ماكيناش شي وحدة كتعرف تشطح بحالها مايمكنش
هشام : كاينة وحدة كتعرف تشطح حسن منها
انا: اوي قولها من صباح فين نلقاو هاد البنت اسيدي
هشام : انت ارباب
انا:( مصدومة ) انا لا لا لا مانقدرش و انت كتقول ناس مهمين لا لا مايمكنش نقدر نخسر ليك لحفلة ولله
هشام : ماتخافيش ارباب انا تايق فيك ماغاديش تخسري حتي شي حاجة
انا: ناري ولله ماقدرة واش زعما ماكينش شي حل اخر
هشام : لا انت لحل لواحيد لي كاين
انا: اوووووف ( اوي هشام مسكين ديما كيعاوني وقتما حتاجيتو كنلقاه حدايا مافيها باس نعاونو هاد لمرة
هشام: اوي اش قلتي ارباب غير زعمي زعمي اصلان ماغاديش ايكونو بزاف ديال ناس ولله غير شي 5 ديال رجال و شي 3ديال لعيالات
انا: ايه واخا والكن كل خدمة و لمقابل ديالها
هشام : هههه واخا اطماعة غيير حمري ليا وجهي ولله حتي نتهلي فييك
هشام : اه غادي ديري داكشي ليكانت غادير اميمة رقصة بوحدك و رقصة مع البنات
انا: أوكي انا نختار اش غاندير
هشام : انا همي هو تشطحي اوي نخلييك يلله توجدي راسك
وافقت نعاونو وياريت ماوافقتش من هداك نهار غادي تقلب الموازين ديال حياتي لمعانات غادي غير تكتار و لقدر كيلعب لعبة ديالو مي لحمد لله مكتاب لله كيتصرف
ليوما راس لعام فقت كما العادة شربت كاس ديال القهوة تدربت شوية قدام المرايا مشيت لصال رجعت دوشت و ضربتها بنعسا حتي جا عندي هشام دخلاتو جيهان لصالون وجات فيقاتني
جيهان :رباب فيقي راه هشام جا عندك ماعرفت اش بغا
انا: 😴شحال فساعة
جيهان: 5 هادي
نضت بزربا غسلت وجهي و سناني و مشيت عندهم لصالون
انا: هشام ياك لاباس
هشام : لا والو باس غير جيت نديك انت وجيهان تشريو شي كساوي باش ملي تسلي خدمتك نحتافلو مجموعين
👇👇👇👇
جيهان: واو ربي إخلييك ا هشام
هشام : تستاهلو كل خيير ازين اوي ارباب اش قلتي
انا: اش عندي مانقول ماشي موشكيل انا غادي نبدل حوايجي ونمشيو اه والكن قبل مانمشيو لشي بلاصة هو اللول غادي نمشيو ناكلو حيت فيا جوع
جيهان :انت لله احفظ يا إما تاكلي يا إما تنعسي
انا: اوي هاداكشي باش عايشا ههههه لماكلة و نعاس
هشام : صافي صافي دابا تبداو عاوتاني غير سربيو راه حتي انا فيا جوع
مشينا لبسنا و خرجنا كلينا فواحد ريسطو من بعد مشينا لواحد البوتيك خديت كسوة سواغي بيضة طويلة و مفتوخة من لتحت و سباط عالي كحل و ساك ديالو
جيهان خدات كسيوة قصيرة فدهبي و سباط وساك كحل
رجعنا لدار حطينا داكشي لي شرينا و مشيت انا وجيهان لكوافورة قادينا شعرنا و مكياج خفيف وصلات 21 جا لينا هشام مشيت انا نوجد راسي دربت شوية مع لبنات حتي وصل لوقت لبست داكشي باش غادي نرقص قدات ليا صفا شوية مكياج حيت ديجا كنت دايراه بدينا انا و البنات رقصة للولة كانت غربية و كيما قال ليا هشام ماكانوش بزاف ديال ناس كانو قلال و غيرلgور
سالينا رقصة و مشيت بدلت لبسة وصل الوقت لرقصة ديالي بوحدي لي كانت شرقية كلشي عجبو رقص ديالي ساليت و مشيت نلبس حوايجي بانت ليا جيهان مندامجة مع دوك الناس كتهدر مع واحد شهبة
جيهان : مرحبا بيك فالمغرب
كرولين : شكرا انا كايعجبني المغرب جيت ليه 2 مرات صافي كنسافر مرة مرة مي اغلبية حياتي غير فميريكان
جيهان : حتي انا كنت ساكنة فميريكان تما فين تزاديت
كارولين: اه ودابا ستقريتي فالمغرب
جيهان : اه ملي كانت عندي 14سنة و انا فالمغرب
كارولين : اه المغرب بلاد زويين مكرهتش ندوز فيه شي عطلة كانجي غير علي قبل الخدمة ماعمرني ما درت فييه
جيهان : مرحبا بيك الوقت لي بغيتي تجي تساراي انا معاك نساريك المغرب مزيان
كارولين : شكرا انا نيت قررت ندوز شي أسبوع هنا جيت جيت نستغل الفرصة
جيهان : أوكي هدا نيميرو ديالي وقتما حتاجيتينني تاصلي بيا
كارولين : شكرا