آهات الحب

بارت 2

وفالليل رجعني سمير لدارنا ......اليوم يوم الحمام والحنة نضنا بكري انا وكوتر والبنات ديال العائلة وتوجهنا لحمام شدونا البنات انا وكوتر فركونا مزيان الجلدة طيروها هههههه ماخلاو حتى حاجة كل الاعشاب داروها لينا الحنة والغاسول المهم تهلاو فينا ديال بصاح سالينا حمامنا وخرجنا لبيت اللبس لبسنا حوايجنا بينما جابت ماما ومراة خالي الصواني ديال أتاي والشهيوات المغربية المسمن البغرير الحرشة الكيكة الرغايف الملوي و الشهدة والبسبوسة والحلاوي المهم ماخلاو غير لي نساو (التقاليد المغربية ما كاينش بحالها )من بعد ماكلينا داك الخير كلو هههه مع جوع ...رجعنا لدار لبسنا قفطان خضر وجات الكوافورة قداتنا وجلسنا كنقشوا حنا والبنات والعائلة والى جانب الشطيح و رديح الشعبي نايضة ..... ماسالينا حتى وصل الليل غير نشفات شوية طرت عليها حيدتها واخا كولشي خاصم عليا ولكن بيني وبينكم ماكنستحملش الحنة تبقى فيا بزاف كنحس براسي مربوطة جلسنا كملنا سهرة فضحك وتقشاب وانا تاصلت بسمير شدينا الهضرة شوية حتى طاب نعاسي ونعست خليتوا داوي بوحدوا مسكين ..... ......وأخيرا اليوم المعهود يوم الزفاف ......مشينا لعند كوافورة انا وكوتر بقينا 3 سوايع واكتر وحنا كنتصوابو ولكن جينا الحمد الله غزالات بجوج كل وحدة زينها فشكل المهم اليوم خويا وسمير يعواجوا مساكن جا خو كوتر رجعنا لدار دخلنا بسلام وسلام زعما راه العريسات جاو هههههههه لبسنا لباس الحنة غير نتصوروا بيه حيت ديجا ناقشين البروتوكول وصافي تسنينا الاذن ديال النكافة وخرجاتنا بالزغاريت وصلى وسلام برزنا وجا دفوع دخلوا العرسان لقاعة ماشاء الله عليهم خويا وسمير بكوستيم بيض جاو كيحمقوا درنا لبوزات هههه وهكا كملنا 7 لبسات وختمناها بلاغوب قطعنا الحلوى رميت الورد وجا وقت الفراق تفارقنا بدموع والبكى ماسخيتش بدارنا لي شفت معهم احلى ايامي حنانهم ودلعهم وغواطهم خوفهم عليا كولشي غادي نتوحشوا .....مشينا لعين ذياب درنا تصيورات ومن بعد خويا وكوتر نشاو لفندق وحنا مشينا لدارنا طلعنا لبيتنا.
.....شداتني الخلعة والرعدة وليت حمراء فحين سمير كان هادئ وساكت جلست بلاغوب ديالي فوق ناموسية وسمير جالس فوق الفوتوي جلست شحال وهو ما قربش مني يمكن خايف بحالي او حشمان المهم انا جاني احساس فشكل حيت هو كان ديما كيتمنى يجي هاد النهار ودابا مالو 2 سوايع مقربش غير جالس وكيخمم ...شوية جا قرب مني جلس حدايا باسني فجبهتي وخرج ضرب بالباب ...جلست كنتسنى فيه قلت يمكن باغي غير يجيب شي حاجة يمكن خايف عليا يمكن اهئ اهئ ولكن مارجعش ليل كلوا انا كنبكي ونذب على سعدي كنطل من الشرجم وهو غابر ليه الاتر مالو واش مكنعجبوش اش ناقصني انا حتى يعاملني هكا ماشي هكا تخيلت ليلة ذخلة ديالي من صغري وانا كنت كنحلم بهاد اليوم وفاش جا شوف اش وقع خرج ومامسوقش ماقال حتى كلمة اش واقع اهئ اهئ انا معنديش زهر بمرة اهئ اهئ بقيت فهاد الحالة نبكي الكحل تخلط بدموع وسال على وجهي حالتي ولات حالة حتى وذن الفجر عاد ذخل سمير شافني هكاك متسوقش ليا داخل وهو قالب وجهوا دوش ونعس بلى مايقول حتى كلمة ختى انا مهضرتوش خليتوا بخاطروا حتى نفهم مالو وعلاش تصرف هكا واش هو السبب حتى عانلني بهاد البرودة فين هو الحب ديالوا كولشي كذوب ......وصلات 9 وجات حماتي كتدق فالباب نضت من بلاستي مسحت وجهي وحيدت لاغوب لبست بيجامة ذغيا وحليا ليها دفعاتني ودخلات
حماتي:(كتشوف فولدها ناعس)مسكين عيا اوليدي
....عيا ماعرفتش باش انا لي مسكينة لي من نهار الاول عيشني فالقهرة
حماتي:ابنتي عطيني الزيف
انا:(باستغراب)اش من ويف اخالتي
حماتي:(عاقدة حجبانها)راك فاهمة علاش كنهضر المهم طلقيني راه العيالات كيتسناو
انا:والله اخالتي مافهمتكش علاش كتهضري
حماتي:(بعصبية وكتصوت )الزيف ديال العذرية ديالك عطيها بيا راك عارفة التقاليد خاصني نحني شرفنا وشرف ولدي طلقيني دغيا راه كيتسناو
انا:ممم خالتي راه والله حتى حماتي:(قاطعتني)ما كاين ما ولكن اويلي بغا تشوهيني ولا شنو غادي طلقي الزيف ولا غادي نشوهك قدام العباد ويضحكوا عليك الناس انتي ودير الشوهة لداركم فهماي يلاه طلقيني
انا:(حذرت راسي)واخا هاني نلبس ونجيبوا معايا
حماتي:(بالنفخة)ما تعطليش تلقينا راه الهضرة غادي تبدا
خرجات وخلاتني فدموعي اش نعمل فين نلقى ليها الزيف وانا اصلا ماوصلنيش مشيت كنفيق فيه وهو كيغوط ويرجع ينعس بفيت كنحاول معاه حتى دفعني ....هو علاه عندوا سوق كيبقى راجل ومغاديش يتشوه كيتي انا بقيت ندور فافكاري ونفكر فشي حل واخير لقيتوا هزيت زيف بيض دخلت لدوش وجمعت شجاعة وضربت ايدي بسكين حاد خرج دم وعمرت ليهم الزيف خصوصا انا دمي مايل لوردي وعلى ماسمعت دم ديال العذرية هكا كيكون لونوا ادويت جرحي ودموعي مابغاوش يحبسوا هذا زهري ومكتابي اهئ اهئ ياه شحال حلمت بهاد الليلة ولكن حدت عكس لي حلمت بيه ...خديت دوش ولبست قفطان فالابيض لي مكيدلش ابدا على حالتي نشفت شعري ودرت مشطة ومكياج خفيف خليت سمير ناعس ونزلت لعنده شافو الزيف قلباتوا وحدة وطلقات تزغريطة وتبعوها لاخرين جات حماتي كتعنقني وتبوس ليا راسي الله عجبتها ووليت مزيانة حيت هادشي هو المقصود جلسوني وفطرنا انا مادازش ليا غير بززوه عليا عطاوني العيالات والعائلة ديالهم الهدايا بمناسبة الزيف هههههه تقاليد معندها حتى علاقة بدين ديالنا غير الله يهدي وخلاص بقينا هكاك حتى جابت ماما الفطور طلعوني لبيتي وبداو بالاسئلة ديالهم هي وبنات العائلة
ماما:حبيبتي واش تقصحتي
انا:الصمت(تقسحت بالهواء متلا )
البنات:هاي هاي على الحشومية ديالنا وعاودي لينا
مانا:الله يهديكم اش غادي تعاود ليكم خليو جبيبتي تكيد غادي تكون عيانة من البارح ياك ابنتي
حركت راسي بالايجاب
دوزوا الفطور فاجواء ديال الضحك والشطيح و اللعب حتى وصل الليل انا تعشيت وطلعت لبيت ما كانش سمير دهنت شي كريمات ولبست شوميز دونوي فالابيض مع دوبياس فنفس اللون درت مكياج صارخ عطر انتوي وشعري لحتوا على جنب و صاوبت البيت وجلست نتسنى فيه ربما يشوفني وميقدرش يقاومني منها نيت نفهم المشكل ديالوا وعلاش كيتصرف هكا
دخل سمير وبقا كيشوف فيا شوية انا غير شفت نضرات ديالوا تبورش لحمي عليا جا كيقرب مني بشوية بشوي جلس مقابل معايا شظني فايظي وكيتلمس فيها حسيت باحساس زوين شاف جرح وتخلع
سمير:مالك اهنلء لش هاد الجرح
انا:اهئ اهئ
سمير:عضري اش هاد الجرح
انا:ماناك جات اليوم فصباح بغات زيف ديال العذرية وقالتي الى معطيتوش ليها غادي تشوهني انا خفت ومشيت كنفيق فيك ولكن انت دفعتيني ونالقيت ماندير وضربت ايدي وعطيتوا ليها اهئ اهي
سمير:(نزلوا جوج دمعات من عينيه)سمحيليا ولكن ماتوقعيش مني اني نقرب ليك
خرج مرة اخرى ومارجعش حتى لصباح .....خرج و مرة اخرى من البيت وخلاني بوحدي كيفاش متوقعيش مني نقرب ليك اش كتغني هاد الكلمة اشنو الغلط لي درت معاه واضلا علاش تزوج بيا الى ما كانش يبغي يقرب ليا ياربي وريني طريق صحيح اشنو ندير واش نسكت ولا نهضر معاه خاصني نفهم سلب ديال رفضوا ليا ولش مكنعجبوش ولا شنو دخل ليا الشك فراسي اهئ اهئ اهئ يافرحة ماتمت انا لي كنت فقمة سعادة حيت غادي نازوج ب اجل لي كنبعي ولكن متةقعتش الزمان يقلب لي الفرح قرح.
وصل الفجر وعاد ذخل كيف العادة كيدوش وكينعس بلى كلمة بلى جوج وصل الصباح وناض فطر وخرج من دار انا غير كنشوف فيه ودموعي شلال معرفتش اش هاد التغيير المفاجئ لي وقع اليوم طيبت الغدا انا وحماتي تسنينا سمير يجي وجلسنا كنتغداو مجموعين
سي محمد(اب سمير): ولدي سمير ابنتي هناء خاصكم امشيو دوزوا شي وقيت بوحدكم اش ضهر ليكم
انا:(بالفرحة)اه واخا ابابا
سمير:(مفوبش)انا مابغيتش عندي شغالي وممساليش نسافر
سي محمد: سمير اش هاد الهضرة غادي تمشي لخدمتك تجيب الاذن وتشد اسبوع وراه غادي نتكلف بوراق الطيارة غادي تمشيو لباريس
انا:(ما مصدقاش راسي غاظي نسافر مع سمير بوحدنا لمدينة الحب يمكن يحن ليا ويتقبلني)
سمير:لا باريس لا انا غادي نوافق اه ولكن ندوزوا هاد اسبوع غير فالمغرب
سي محمد:واخا سيروا لمراكش راها زوينة
سمير:(ناض من بلاستوا وهو معصب)يكون خير
....اما انا فكيف سمعت هضرت بابا محمد فرحت طلعت نقز لبيتي جمعت حوايجي وكل مايخصني وتاصلت بكوتر
انا:سلام
كوتر:وعليكم السلام اش خبارك كيف جاك الزواج زوين ياك عرفتي اهناء انا فرحانة بزاف خوك مهلي فيا وشاد ليا الخاطر وديما مدلعني
انا:اهئ اهئ اهئ سعداتك اختي
كوتر:مالك اختي علاش كتبكي واش لاباس
انا:اهئ اعئ سمير تبدل عليا بزاف ولا واحد اخر غمروا قرب مني ولا قاسني كيخرج بالليل وماكيدخلش حتى لفجر وينعس انا كرهت راسي اختي اش ناقصني حتى يتجاهلني ويهملني بهاد الشكل
كوتر:اواه سمير لي كيموت عليك تبدل اوووووف المهم انتي ماتستسلميش اختي ديما قادي راسك وكوني واجدة وسيري انتي قربي منو
انا:واخا غادي نحاول المهم نخليك دابا
وصل الليل ومشيت تقاديت صاوبت سبولة فشعري ودرتها على جنب ولبست بيجامة قصيرة فوق ركبة ومديقة بزاف كتبرز ليا فورمتي بشكل جداب ومعرية من الدرعان درت ماكياج خفيف وجلست كنتسناه ذخل وقف تاني كيشوف فيا قلت صافي غادي يحن ولكن هو مشا الماريوا هز مانطة ومخدة وحطهم فالارض
سمير:من اليوم غادي تنعسي فالارض
انا:بغيت نعس حداك انا عفاك
سمير:انا قلتليك نعسي فالارض ولا خرجي من البيت وحدة منهم
انا:ولكن
سمير:هنينا
...قاديت الفراش فوق الارض ونعست وانا كنتنخسس انا لي قلت غادي يحن ويميل ليا صدق مبعدني عليه حتى فالفراش.... ضرباتني الفيقة مع الفجر نضت توضيت وصليت وطلبت الله ينور لي حياتي ويخرج هاد الزواج على خير جمعت زربية وحيدت العباية بغيت نمشي لبلاستي وبان ليا سمير ناعس فوق ناموسية قربت لحداه وحطيت ايدي على وجهوا حيدت ليه الغطا وتخشيت فصدروا ودموعي نازلين توحشت ريحتوا تكمشت حداه وهو غارق فنوم نعست وانا مرتاحة واخا يدير فيا لي بغا ولكن كنبغيه وكنحماق عليه بقيت ناعسة على صدروا حتى لصباح لقيت راسي فحضنوا فرحت بزاف جلست كنشوف فوجهوا ومن بعد رجعت تخشيت فيه وهو ما كاينش هنا كنحس بشي حاجة تحطات على عنقي مسيتهم كنلقى دموع سمير كيبكي مصدقتش ورجعت نعست حتى حسيت براسي مليوحة فالارض سمير دفعني بجهد ولاحني بلى رحمة تقسحت فضهري ولكن نضت دغيا وانا ما فهمة والو كان كيبكي وشوية لاحني من فوق نموسية
انا:اهئ اهئ سمير علاش كتصرف معيا بحال هكا اشنو درت ليك اش هو الغلط ديالي
دخل لدوش بلى مايجوبني
طلعات آمال لعندي دقات ودخلات
امال:ختي لبسي باش نخرجوا لسوق نتقداو شي حاجة واخا عفاك خرجي معيا
انا:واخا نلبس ونزل
لبست كولون فلون البشرة ديالي مع كسيوة فالكحل حد الركبة ولافيست فالسومو وصباط عالي فالكحل مع حقيبة يد شعري درتوا بوكلي
خرج سمير من دوش وشافني لابسة جلس وتكا على الفوتوي
انا:سمير انا غادي نخرج انا وآمال نتقداو شي حاجة فسوق
سمير:بديك الحالة من اليوم داك تللبس حيديه غادي تلبسي جلابتك و فولار
انا:هادشي لي عندي ماعنديش حتى جلابة
سمير:سيري عند امال تعطيك جلابة وفولار حتى تهرجوا وفصليهم
مشيت لعندها وعطاتني جلابة فالباج وفولار فالوردي مع بلغة فلوردي وطلعت لبيتي دخلت لدوش ولبستهم ودرت ماكياج قاسح شوية والفولار دورتو على راسي ولكن نصف ديال شعر كيبان
خرجت وطلع عينيه كيشوف فيا بقا كيطلع وكيهبط
سمير:غطي شعرك ونسحي داك الفم
انا:ولكن ما نقدرش
سمير:غطي شعرك واش كتسمعي ونقصي داك العكر
انا شداتني الضحكة خيت عرفتوا كيغير عليا اه باينة
سمير:قلت شي حاجة كتضحك
صاوبت الفولار وغطيت شعري كامل ومسحت العكر وقربت ليه ولكن تفاداني وخرج من البيت
مشينا لسوق شرينا لي بغينا وفصلت جوج جلابات ورجننا فوقت الغدا تغدينا وشدينا الطريق لمراكش...
....وصلنا بعد ساعتين ونصف حطينا حوايجين فالفندق ومشينا تسارينا شوية مراكش كتكون اكتر من رائعة بالليل بقينا ندوروا حتى عيينا تعشينا ولكن هو ديما بعيد تمنيت غير يشدني فايدي بحال كل مزوجين هو يا إما كيسبقني وكيخليني اللور ولا كيبقى هو اللور وانا لقدام وحتى فاش تعشينا كل لي جالسين كيوكلوا بعضهم انا هزيت نوكلوا ولكن رفض وحرجني قدامهم ....رجعنا لفندق دخلت وقررت نبادر انا دخلت لدوش غسلت حالتي ودهنت لحمي بكريمات وخليت شعري سارد لبست شوميز فالاحمر درت ماكياج زوين وخرجت من دوش لقيتوا كيتفرج مشيت لعندوا بدلع جلست حداه حطيت ايدي على ايدو بان ليا تجاوب ومن بعد بستوا ففمو بوسة حارة شفت فعينيه ولقيتهم حمرين هز ايديه ولاحني بقوة من صدري وخرج من البيت ماتسوقش ليا مخليني بوحدي فالغرفة ماخافش عليا اهئ اهئ اهئ جلست فبلاستي كنبكي هو لي فجهدي طلع ليا الدم هرست البيت كاملة عاد بردت شوية ونعست وصل صباح وهو ما كاينش غابر ختى العشية دخل ولاح ليا لي فاليز فالارض و هز فاليزتوا وغادي
سمير:جمعي حوايجك غادي نرجعوا لكازا اليوم
انا:اهئ اهئ ياك قلتي غادي نبقاو اسبوع اش نقول لناس الى رجعنا عفاك خلينا نبقاو
سمير:عندك جوج دقايق تلبسي وتهزي حوايجك ولا نمشي ونخليك
داكشي لي درت دغيا جمعت حوايجي ولبست جلابتي وفولار ونزلت لقيتوا خلص وشدينا طريق وحنا ساكتين حتى وصلنا لمحطة الاستراحة نزلنا نتعشاو تعشينا و مشا يخلص وانا قلت نربح الوقت ومشيت نصلي صليت وجلست نتسنى فيه حتى عييت مالقيتوش دورت كنقلب وكيبان ليا شاب بعيد فواحد فلبلاسة معزولة يمكن هو سمير مشيت كنجري لعندوا وقفت وانا نعيط ليه
انا:سمير واخا نمشيو تعطلنا
.....الشاب دور وجهوا وياريت ما دوروا ماشي سمير شمكار وجهوا كلو مشرط واخا زوين وقلدة ولكن وجهوا كلو امارات وعاد ريحت الشراب كتفوح منو انا بقيت نرجع بلور ولكن وجا دغيا شدني من شعري
الشاب:جيتي لعندي برجليك الزين و نهار زين هذا
انا:بببعد مني خليني نمشي...
جرني من شعري وانا كنغوط ...عتقووووووووووني اعباد الله .....ولكن هاد البلاسة معزولة حد مايسمعني هنا للاسف هو خشا راسو فعنقني وكيشم فيه وانا كنغوط
بعععععععد مني اهئ اهئ عفاك بععععععععععععد مني اهئ اهئ
كيقرب ليا وريحتوا خانزة بريحة الكارو والشراب ويمكن حتى الكالة جاني رضان ضربتوا برجلي للغار جيت نهرب وعاود جرني من شعري
بلى رحمة حسيت بشعري غادي يتقطع كلو هاد المرة حاوطني بايديع على كرشي زيرني لعندوا وهو كيشم فشعري
انا:اهئ اهئ اهئ عفاك طلقني احمباك اهئ اهئ سميييييييير عفاك عتقني سميييييييييييييييير اهئ اهئ
الشاب:ههههه سمير ياك ما كاين لا سمير لا سميرة كاين غير انا فهاد الساعة هاهاهاهاها
ماجاء يكملها حتى كيبان ليا شي واحد كيجري لعندنا فرحت وبديت نغوط عتقونيييييي اعباد الله عتقونييييي اهئ اهئ اهئ وقف علينا سمير غير شافو الشمكار وجبد موس من شوفة كيخلع
انا:اهئ اهئ سمير عفاك عتقني
....بقا واقف كيشو فيا بلى ردة فعل انا كنبكي وكنرغب فيه وكلي كنترعد وخايفة
انا:احمباك اسمير فكني منو انا كنترجاك انا مراتك عفاك اهئ اهئ
دور ليا داك شمكار وجهي وجلس كيشم فوجهي وانا كنبكي وكنطلب فسمير لي بقا غير واقف
دفعتوا بجهد ولكن حكمني بإيديه ..وكيهدد فسمير بلي غادي يتقلوا الى قرب .....داكشي مناش خفت وقع سمير شفتوا دار وغادي راجع ماتسوقش ليا وخلاني معا هاد الشمكار لي فرح وكيضحك
انا:ياك اسمير هذا هو الحب غادي ومخليني معاه اهئ اهئ حرام عليك اسمير اهئ اهئ عفاك رجع عفاك متخلينيش معاه عفاك انا كنترجاك اهئ اهئ
ولكن بدون جدوى باقي غادي وانا فقدت الامل فيه ونزلت راسي كنبكي وكنتسنى لي تابعني هذا زهري ومكتابي راجلي وحبيبي تخلى عليا فالوقت لي حتاجيتوا اهئ اهئ
كنسمع خطوات كتقرب طلعت راسي كيبان ليا سمير جامع ايديه وقاصدنا كيقرب بشوية بشوية انا فرحت حيت مخلانيش بوحدي وصلنا وطلع الشمكار الموس جرني سمير لعندوا ومشا كيضارب معاه وانا كنغوط وكنطلب فناس يعاونونا كنجري من هنا لهنا منين لقيت الناس جيت راجعة لقيت سمير تضرب لكرشوا بموس والشمكار هرب تخلعت وتحط للارض من صدمة و الناس تلفوا كلها اش كيقول
انا:وعيطووووووووا لللاسعاف اهئ اهئ عتقوا ليا راجلي اهئ اهئ
داكشي لي داروا جات الاسعاف واخا معطلة ومشيت معاه وانا شادة فايديه وصلنا لمصحة و نزلوه دخلوه العمليات وانا بقيت كنتسناه حتى خرج طبيب
انا: عفاك كيف الوضع ديال راجلي
الطبيب:الحمد الله العمليات نجحات %100 وراجلك بخير دابا
انا:يمكن نذخل عندو نشوفوا
الطبيب:اه يمكن دخلي
دخلت وحبيبي خال عينيه لاويين عليه بزاف ديال الخيوط والاجهزة دايرين بيه مشيت لحداه شافني وبدا كيبكي تلاحيت عليه عنقتوا وهو كذلك بادلني العناق
انا:اهئ اهئ حبيبي سمحليا انا السبب
سمير:شششش متقوليش هكاك الله يحفضك
انا:اهئ اهئ الحمد الله على سلامتك احبيبي
مسحت دموعي وشديت فإيديه وكنبوسهم
سمير:كليتي شي حاجة
انا:لا ماكليت والو مغاديش دوز ليا اصلا وانت ناعس هنا
سمير:سيري كولي شي حاجة ورجعي صافي
انا:صافي دغيا نرجع
مشيت خديت قهوة وسندويتش وجلست كليتهم فالكافيتيريا وطلعت فلاسونسير بقيت غدا فالكولوار لغرفة فاش كاين سمير وصلت جيت نذخل وسمعت لي عمروا خطر ليا فالبال الكلام لي سمعتوا بحال الى خويتي عليا الماء بارد جاني كيف الصاعقة على قلبي ما يمكنش سمير يكون مريض وانا لي كنت كنلوموا وكنقول مالو ولكن هو مريض وساكت ما قايلها لحتى حد
..الطبيب:سي سمير عندك اي مرض عضوي
سمير:اه عندي انا دابا عام هادي درت حادت بسيارة وعلى اتر هاذ الحادت نصابت فالعضو ديالي ووقع لي مشكل ومابقيتش نقدر ننتصب يعني ولا عندي عجز جنسي
طببب:شخصتي حالتك غند طبيب مختص
سمير:اه قالي الاوعية الدموية مابقاتش كتنقل الدم للعضو ديالي وبالضبط لاوعية لمختصة فالانتصاب
الطبيل:للاسف مشكلتك صعيبة وعسيرة وعلاجها ضعيف الى ما قلت منعدم
سمير:كنحاول ماخليت حتة طبيب كان ديما عندي امل نتعالج ونشفى ونرجع طبيبعي ولكن نفس الهضرة كتعاود العلاج منعدم
الطبيب:اش غادي نقوليك اولدي انت باقي شاب وهاد المشكل صعيب وماعندوا حل من الاحسن تقبل هاد الموضوع وتعايش معاه
.اهئ اهئ سمير عندو عجز جنسي عليها ما كيقربش ليا و كيتجاهلني ولكن علاش ما يصارحني من الاول اكيد كنت غادي نتفهموا علاش خبى عليا هاد الموضوع الخطير
حاولت نتفهموا ونقلبلوا على اعذار ذخلت لعندو بعدما هرج طبيب كان كيبكي غير شافني مسح دموعوا سكتت ماقلت والوا حيت عرفتوا غادي تكون حالتوا متأزمة خصوصا بعد كلام الطبيب لي كيأكد ليه بلي العلاج منعدم جلست حداه ودور وجهوا وغمض عينيه
انا:حبيبي
سمير:عفاك خليني بغيت نعس
انا:واخا نخليك على خاطرك
خرجت وخليتوا على خاطروا جلست شوية حدا الباب ودخلت نعست فوق الفوتوي لي فالغرفة ديالو حتى لصباح نضت على صوت الممرضة خليت عينيا لقيت سمير كيشوف فيا شديتلوا فايديه وبستوا فجبهتوا
انا:كيف بقيتي شوية باش كتحس دابا
سمير:الصمت
انا:حبيبي واش كتحس راسك مزيان
سمير:نزلي تفطري
انا:لا بغيت نبقى معك مانخليكش بوحدك
الممرضة:غير سيري انتي انا كاينة هنا غادي نعتني بيه هادي خدمتي
انا:واخا هاني غادا احبيبي نفطر ونرجع واخا
سمير:اه واخا سيري دابا
نزلت لكافيتيريا فطرت وقلت نخرج الجردة يضربني شوية ديال البرد جلست فوق كرسي وشمس ديال الصباح كتداعبني بقيت هكاك حتى نسيت راسي وسمير طلعت بجرى فلاسونسير وصلت لغرفة ولكن صدمة كانت مالقيتش سمير بقيت نقلب فالغرف وحدة بوحدة ولمن ولكن والوا سولت عليه وقالوالي حتى واحد ماشافوا وعاد بدل حوايجوا ومخلي لحوايج فالمستشفى فالغرفة تخلعت عليه حيت باقي مريض جلست كنتسنى لعل وعسى يبان ولكن والو ماعرفت ناندير كنتاصل بيه ولكن تيليفونو طافي تشل دماغي على تفكير من بعد مادازت 5 سوايع وانا كنقلب ونتسنى قررت نرجع لكازا ركبت فكار ورجعت لكازا شديت طاكسي لدار وصلت ومشيت نجري حليت الباب ودخلت كنتسكل فدروج حيت خفت يشوفني شي حد وانا طالعة حتى كنسمع صوت حماتي
حناتي:اهلا لالة فين غدا كتسكلي اش واقع فين هو ولدي وعلاس رجعتوا
انا:(حاذرة راسي) ماعرفتش فين هو انا جيت بوحدي فالكار
حماتي:(كتغوط وتنذب)اويلي على شوهة جاية ليا بوحدها فالكارين ومخليا راجلها اميمتي على مراة خدا ولدي وااااااااااااااااااااا سي محمد اجي تشوف ولدي مسكين مع من طاح
جاو كلهم بجريو
سي محمد:اش واقع اهاد المراة
حماتي:مرات ولدك جايا بوحدها فالكيران ومخليا راجلها اناري على فضيحتي لي يسوى ولي مايساوش غادي يشمت فينا
سي محمد:انتي سكتي قتلينك غير الناس ...بنتي هناء علاش جيتي بوحدك فين هو سمير
انا:اهئ اهئ انا ماعرفتش فين زاد وخلاني بوحدي بقيت نتسنى فيه ولكن مارجعش وجيت اهئ اهئ...
حماتي:وجه الويل وجه النحس انتيا لا لا ولدي ماعرفت فين مشا اعباد الله جيبوا ليا ولدي
سي محمد:سكتينا وخلينا نفكروا فشي حل .. وانتي ابنتي طلعي لبيتك رتاحي
طلعت لبيتي وجلست نتسنا فيه حتى الليل عاد جا دهل كيف العلصفة شفتوا وعطيتها البكا بغيت نمشي نعنقوا حيت خفت عليه توقع ليه شي حاجة و دفعني كيف ديما وقف وقاد الوقفة تنهد
سمير:ه الكلام لي نقول ليك دابا راه كلام المعقول وانا واتق من قراري
انا:الصمت
سمير:انتي مطلقة
انا:(طلعت راسي برعب)اشنووووو مطلقة
سمير:اه مطلقة انتي مطلقة ومابقيتيش على ذمتي
سمعت هضرتوا وفقدت الوعي كنسمع كولشي ولكن ماقداش ندير حتى ردة فعل
هو شافني فقدت الوعي وزاد كيف ديما وخلاني مليوحة فالارض ونزل مشا لكوزينة عند ماماه
سمير:الوليدة طلعي عند هاديك راه سخفات راني طلقتها حماتها ماتسوقتش ليها ولكن آمال سمعت الهضرة لي قال ومشا كتجري لعندها قلتها مليوحة فالارض هزاتها بصعوبة حتى حطاتها فوق نموسية نعسات حداها ومعنقاها حتى لصباح وصل صباح والبنت ولات حالتها حالة عيانة ومسخسخة
....حليت عيني فصباح ولقيت آمال معنقاني وناعسة تخركي وفاقت
آمال:ختي على سلامتك.خلعتيني عليك
انا:اهئ اهئ سمير طلقني اهئ اهي
آمال:ماتبكيش اختي ماتخافيش غير كان واقيلة معصب من شي حاجة ودابا يتنادم معاه الحال
دوزات آمال نهار كلو وهي حدايا انا خسيت براسي وليت شوية ونضت دوشت ولبست بيجامة ونشفت شعري كليت لي قسم الله وجلست فبيتي حتى جا سمير دخل وداز لدوش دوش ولبست سورفيتما ديال دار
ومشا ينعس
مشيت لعندوا وجريت الغطا
انا:صافي عيقاي هادشي بزاف وااااه صبرت حتى عييت واش مريض فعقلك ولا مالك اش هاد قلة العقل متين مابغيتينيش علاش مزوج بيا انا عارفة مالك عرفت كولشي
ماجيت نكملها حتى نقض عليا بالضرب زهز حوايجي ولاحهم فدروج وجرا عليا حتى انا .......رجعت كندق عليه وكنطلبوا يحل ليا الباب نذخل
انا:اهئ اهئ عفاك حل ليا الباب خليني نذخل علاش كتعاملني بهاد الطريق عفاك باراكا عليا من الشوهة احمباك اسمير حل لباب اهئ اهي
جاو كيجريو كاملين لقاو حوايجي مليوحين فالارض وانا جلسة كنبكي
سي محمد:اش واقع ابنتي شكون لاح ليك حوايجك وعلاش جالسة هنا كتبكي
انا:اهئ اهئ سمير طلقني البارح ودابا خرجني من البيت ولاح ليا حوايجي اهئ اهئ
آمال:صافي اختي صافي ماتبكيش عفاك
حماتي:من نهار دخلتي لهاد الدار وولدي مسكين معصب وعايش فالويل
سي محمد:انتيا حسابك من بعد على داك اللسان السليط والطويل
مشا كيدق على سمير باش يحل ليه الباب حشم منو وحل ليه الباب.
دخلني انا واخا سمير معصب وطالع ليه الدم
سي محمد:واش ماحشمتيش شوف كيف رديتي البنت لي كانت كيف الوردة المتفتحة شوف عينيها لي تنفخوا بدموع وجها لي ولا صفر وحناكها لي باقي مصورة فيعم ايدك هادي تربيتي ليك هما علمتك تعامل مراتك هضر وزايدها مطلقها صحابليك بنات ناس لعبة تزوج بيها وقتما بغيتي وطلقها وقتما بغيتي
انا:اهئ اهئ اهئ حرام عليك اسمير حرام عليك انا مانستاهلش هادشي لي عملتي فيا
اهئ اهئ اهئ
سي محمد:عيب تكون ولدي عيب البنت كتبغيك وصابرة لكل هادشي وانت جازيتيها بهاد الطريقة دابا غادي تردها على ذمة ديالك
سمير:لا مابغيتش مابقيتش باغي نشوفها هنا
سي محمد:حنا كنلعبوا هنا واقيلة قلت ليك تردها تردها ولا والله حتى تشوف وجه اخر عارفني منين كنتعصب ياك
.......حماتي:اويلي على مصيبة طاحت علينا
سي محمد:مالك اش وقع تاني
حماتي:غدا غادي يجيو دارهم وجيران عندنا لدار والى عرفوا لي وقع غادي يقتلوا ليا ولدي اهئ اهئ اهئ
سي محمد:عفاك ابنتي هناء صبري وسكتي ماتقولي ليهم والوا على وجهي انا حسبيني فمقام الاب ديالك غير يدوز غدا ونلقاو الحل
انا:اهئ اهئ اهي واخا ابابا غادي نسكت
جا باس ليا راسي ورضى عليا وخرج
وحماتي ولات كتشطح حيت عارفة خويا بدر وبابا غادي يصفيوها لسمير جات لعندي باستني ومشات جابتلي الماكلة وكلاتني وجابت شي مسكات دارتهوم ليا لوجهي ولعيني باش يتفشوا مهلية فيا وهي محملانيش النفاق والغدر غير خافت على ولدها عاد جاية تهتم بيا اما انا مكنتصرطش ليها نعست ديك الليلة حدا آمال حتى لصباح نوضاتنا حماتي وهي كتضحك الضحكة الصفرة
حماتي:يا الله احبيبتي نوضي تدوشي وتوجدي راسك راه شوية ويجيو داركم
انا:واخا اماما هاني غادي نوض
نضت بمساعدتها دوشت وجابتلي قفطان فالموطارد و كولي ديال الذهب قاداتلي آمال الماكياج ونزلت بينما جاو دارنا شافوني شبعوني تعناق وماما لي غير شافتني كتبكي.
ماما:اهئ اهئ بنتي خويتي علينا الدار ولات كيف الخلى بلى بيك توحشتك كيف دايرا واش فرحانة لقيتي خاطرك
انا:ماما انا بخير وفرحانة مع راجلي ومع دارهم كيتهلاو فيا
ماما:الحمد الله ابنتي
ذخلت لكوزينة نطيب كسكس حيت هكا التقاليد ولكن آمال ماخلاتنيش هي لي طيباتوا واخا حماتي مابغاتش وتقلقات وكتخنزر فيا ولكن انا حاسة براسي عيانة حيت نفسيتي مريضة طيبات آمال كسكس وتغدينا شطحوا ونشطوا وانا غير جالسة وساهية كنفكر فكريرتي وأش ندير فالمشكلة ديالي .....وصلات 6 دالعشية ومشاو دارنا وجيران وانا رجعت لبيتي بدلت حوايجي ولبست كندورة فالكحل لي كتدل على نفسيتي وجمعت شعري كعكة وجلست .....ذخل سمير وهاد المرة ذخل وكيصوت ومخنزر مكمش جبهتوا ومطلع حجبانو مشا الماريو جمع حوايجو و حطهم فليفايز ديالو انا:سمير علاش كتجمع حوايجك قوليا فين غادي
سمير:الصمت
انا:عفاك احبيبي فين غادي ديني معك عفاك سمير هضر ماتبقاش ساكت
سمير:(معصب)انا غادي نخلي ليك هاد الدار بمرة انا غادي لخارج ومن بعد ايام غادي يوصلك طلاقك من المحكمة
نزلت عند رجليه كنطلبوا
انا:اهئ اهئ عفاك احبيبي متخلاش عليا اهئ اهئ كنبغيك اسمير عفاك ماتمشيش انا مانقدرش نعيش بلى بيك متعاقبنيش اسمير متعاقبنيش هاد العقاب صعيب قلبي غادي يسكت الى بعدتي عليا اهئ اهئ ماتمشيش ماتمشيش
...دفعني برجليه ونزل نضت كنجري تابعاه فدروج
انا:عفاك احبيبي ماتمشيش وتخليني عفاك سمييييير ماتخلينيش اهئ اهئ اهئ
سمعوا غواطي وجاو كيجريو
شافوه هاز ليفاليز ديالوا
حماتي:ولدي فين غادي
انا:اهئ غادي يخليني اهئ اهئ بابا ماما عفاكم حبسوه ماتخليوهش يمشي اهئ اهئ
سي محمد:فين باغي يمشي انا مافهمت والو
انا:باغي يمشي الخارج بمرة ومايبقاش يرجع
سمير:بصاح غادي نمشي لخارج وعمرني باقي نرجع سمحوليا ولكن هاذي اخر مرة تشوفوني فيها
حماتي:اويلي اش درت فحياتي حتى تسلط علينا هاد المصيبة انتي السبب اوجه النحس خرجتي على ولدي اقليلة الحيا خرجتي على كبيدتي دعيتك لله
جات صرفقاتني.... اهئ اهئ كملات ليا لي خاصني واخا هكاك متسوقتش ليها ومشيت نطلب فسمير ولكن بدون جدوى ...ومسكين بابا غير واقف وكيبكي تصدم فولدوا وآمال كتنخسس ودموعما نازلين .....لاح سمير ليفاليز ديالو وطلع جاب ليا فاليز ديالي وهز ديالو جرني من ايدي وطلعني فطموبيل وداني لدارنا نزلني وهو ليفاليز ديالي وحطهم حدا الباب ديال الدار شافيا للمرة الاخيرة دق الباب ومشا خلاني بلى كلمة بلى جوج مشا صافي حبيبي مشا مابقيتش نشوفوا اهئ اهئ سمير ما تخلينيش راه نموت بلى بيك انا غير جتة كتمشى وانت ماشي حدايا
حلات ماما الباب لقاتني غارقة فدموعي وكنشوف فشارع وليفاليز ديالي حدايا دخلاتني وانا غير ساكتة كيسولوني كلهم اش واقع
انا:اهئ اهئ سمير طلقني اماما وجابني ومشا اهئ اهئ
ماما:اويلي اش هاد المصيبة ياك كنتوا كتضحكوا اليوم وكولشي مزيان اش وقع ابنتي
طلعت لبيتي وخليتها كتبكي وكلهم كيسولوا دخلت لبيتي وسديت عليا وجلست نبكي نبكي حتى لصباح ........
....هكا ولات حالتي البكا بالليل وبنهار مكنخرجش من البيت ولا كنهضر مع حد ديما هزا صورة سمير وكنبكي دازت 10 ايام على اخر مرة شفت سمير ...ليوم جاوني وراق طلاق من المحكمة وتاصلات بيا آمال لي قالتلي بلي سمير منين خرجنا بجوج من دار مابقاش رجع وعرفات بلي مشا الخارج ولكن فين حتى حد ماعرف ................