آهات الحب

بارت 4

هكا دوزت 11 شهر تأقملت مع خدمتي ولاو عندي صحابات جداد ديما كنخرجوا وكنترافقوا و علاقتي بعزيز بقات كيف هي كنعتبروا صديق ليا صديق مقرب كنتيق فيه ديما كيوصلني فطريقوا لشركة مرة مرة كنتغداو بجوج ومرة كنخرجوا ولكن ديما محترم راسوا وحتى انا محترمة راسي ....سمير عمرنب نسيتوا بقا كنبغيه وكنموت عليه اه ديما فبالي وفتفكيري كل ليلة كنتفكروا كنبكي وكنصبر راسي بلي يجي نهار ونعاود نتلاقاو مرة اخرى ويرجع ليا ....اليوم عندنا حفلة بمناسبة عيد ميلاد صديقة لينا دوزنا نهار رائع فالحفلة وفالعشية رجعت لدار ....لبست بيجامتي و طيبت العشا وجلست فصالون كنتفرج حتى كنسمع دقان ....شكون غادي يدق عليا وانا حتى واحد ماكيعرفني فهاد المنطقة ...لبست فولاري وحليت الباب وكنتفاجئ ...بعزيز وقفت مهلة كنفكر كانت هاذي اول مرة يجي لعندي لدار ديما محترم راسوا وعمروا جا لداري وحتى انا عمرني عرضت عليه يجي لعندي واخا ديما كيوصلني حدا الموبن ......بقيت واقفة ونسيت راسي حتى نطق
عزيز:سمحيليا على هاد المجية ولكن وكون ماكنتش مجبور مانجيش راك عارفة هادشي اهناء
انا:(اه بصاح عمروا تجرأ يجي وعمروا عمل شي حركة ماشي هي هاديك معيا شاب محترم ومتخلق )ماشي مشكل
عزيز:واش مغاديش ذخليني غنبقى هنا
انا:(تلفت ومعارفت ماندير ولكن انا كنتيق فيه) سمحليا دخل تفضل
دخل وجلس فصالون وجمع ايديه على شكل قبضة ومنزل راسوا عم الصمت بالمكان وانفاس عزيز لي كانت كتجهد كل ما مر الوقت قررت نحرق هاد الصمت
انا:نمشي نحط اتاي ونرجع
حرك راسوا بالايجاب
مشيت عمرت اتاي وحطيت الكرص والمسمن وحلوى والحرشة كنت ديجا مصاوبهوم مع اللوز والكركاع البستاج وحطيتهم فوق طبلة وجلست
انا:تفضل اعزيز شرب اتاي
عزيز:هز الكاس وايديه كيرجفوا
انا:عزيز واش كولشي مزيان ياك معندك شي مشكل
عزيز:(نزلوا جوج دمعات من عينيه)اه عندي مشكل مع دارنا
انا:تقدر تفرغ ليا قلبك ياك حنا اصدقاء
عزيز:انا كنت واعدت اخت زوج ديال اختي زعما خت نسيبنا بالزواج ودرت معها عامين ونتزوجوا ودابا هاد عامين كملات ودارنا مزيريني وحتى راجل اختي مقلق حيت مخلي اختوا معلقة واختي ديما كتخاصم وكتقولي راه راجلها معصب مني
انا:واش المشكل تزوج بيها اعزيز
عزيز:انا منين خطبتها ماشي حيت كنبغيها وانما حيت هي كتبغيني وقلت يمكن نتفاهموا ونولي نبغيها
انا:غير توكل على الله تقدر تولي تبغيها وتفاهموا
عزيز:ولكن انا كنبغي وحدة اخرى سرقات مني قلبي وهي فاش كنفكر
انا:كتبغي وحدة اخرى شكون زعما واش من عائلتك
عزيز:شوفي انا مغاديش ندير داكشي ديال الافلام ونقوليك مكتعرفيهاش وفالاخير نفاجئك بلي انتي لي كنبغي. اه انتي لي كنبغي اهناء
انا:هههههه كتضحك معايا اعزيز ياك
عزيز:(كيبكي)اهئ اهئ انتي لي كنبغي انا كنبغيك وكنموت عليك كنت كنكذب راسي وكنقول لا ولكن قلبي بغاك اهناء
انا:اهئ اهئ اهئ مايمكنش اعزيز انا كنعتبرك صديق ليا
عزيز:انا كنبغيك واش كتفهمي كنبغيك وكنحماق عليك انا على قبلك نقتل راسي
طحت الارض كنبكي
انا:اهئ اهئ اهئ خرج عليا مابغيتش نشوفك مشيت كنجري لبيتي وسديت عليا الباب وطحت فوق نموسية كنبكي ونعاود ...عزيز فتح ليا كل جروحي القديمة خسيت بلي بحال الى غير لبارح فاش طلقني سمير وداني لدارنا وخلاني ...منين ضربني خويا خدعني وخدا الدار وضرب لي ضربني بلى رحمة وبوحشية منين ترجيتهم يفكوني منو منين طلبتهم نخدم وتهموني بلي غادي نلعب بديلي وغادي نشوههم ..كولشي رجع قدام عيني وزدت نهاريت وقلبي حسيت بيه كيتحرق من جديد بكايا كيتسمع من بعيد ...خرج عزيز بعدما حاول باش نحل الباب ورضخ بالباب ......
بقيت نبكي نبكي ونبكي وحورية كتاصل وانا مكنجاوبهاش ......من بعد كل محاولات لي دارت حورية باش تهضر مع هناء تاصلت بعزيز لي خبرها بكل ما وقع تصدمات وكانت عارفة هناء غادي تكون مجروحة وخاصها تواسيها عاودات تصلات بيها من جديد وهاد المرة جاوبتها
انا:حورية اهئ اهئ
حورية:صافي اختي عفاك حبسي من البكا انا عارفة كولشي عزيز قاليا كل ما وقع
انا:ختي انا كنحس بقلبي كيضرني دموعي مابفاوش باغيين يحبسوا اهئ اهئ
حورية:هناء علاش متعطيش لراسك فرصة اخرى عزيز انسان مزيان متخلق ومن الفوق كيبغيك اختي
انا:ولكن انا باقي كنبغي سمير وكنحماق عليك اه ماقدراش ننساه
حورية:كتبغي واحد عذبك جرحك هانك وزاد وخلاك مشا عايش حياتوا وعمروا سول عليك كتسنايه يرجع ياك كتحلمي وكون بغا يرجع مغاديش يمشي اصلا حيت مهما وقع ماكانش عليه يهينك ويطلقك بديك طريقة فيقي اهناء صافي سمير بااااح مشا عمروا يرجع هو داير حياة جديدة وانتي بقاي ضيعي شبابك وحياتك على قبلوا
انا:اهي اهئ حورية والى رجع
حورية:حتى لميت غادي يرجع لحياة سمير مكيستحقش الحب ديالك اختي كنتمنى تفكري فكلامي وتعطي لعزيز ولراسك فرصة ربما يكون هو سبب سعادتك لقدام
......قطعت معاها وجلست كنخمم اه حورية عندها لحق سمير شكون قاليا غادي يرجع هو تخلى عليا واخا كنت مستعدة نصبر معاه ونعيش معاه على الحلوة وللمرة ... اش ندير واش نعطي لراسي فرصة اخرى ونحاول نلقى السعادة مع واحد كيبغيني انا عارفة اش ناهية تبغي واحد ويرفض حبك وانا مابغيتش نكون سبب فعذاب انسان وخصوصا بحال عزيز ....انا حرت وماعرفت ماندير ......بعدما دوزت الليلة كلها فتفكير لغدليه مشيت لخدمة كيف العادة رجعت لدار فطاكسي دخلت لداري وانا مقررة نهضر مع عزيز دوشت نشفت شعري ولبست بيجامة طويلة فالوردي درت فولار و وجدت الكسكروط وعيطت على عزيز طلبت منو يجي لعندي ماكملات حتى جوج دقايق وكنسمع دقان ابتسمت لا اراديا حيت جا بسرعة .وهذا كيدل على حبو ليا ...حليت ليه الباب ذخل وهو حاذر راسو
انا:بغيت نقوليك القرار ديالي
عزيز:انا عارف ماقبلتيش الحب ديالي ومابغاش تزوجي بيا صافي مغاديش نتقلق حيت كنت متوقع كولشي
انا:كول بعد ونهضروا
كيوصل لقمة حتى لغمو بصعوبة وكيعاود يحطها فوق الطبلة
انا:عزيز انا موافقة
هز عينيه شاف فيا نزلوا دموع من عينيه فرح بزاف ومابقاش قادر يصبر ناض كينقز كيف الاطفال
عزيز:متصوريش قداش فرحتيني اهناء كنواعدك تكوني اسعد بنت فالعالم
طلب مني نصاوبلوا معكرونة بالكفتة قالي كيحماق عليها وانا كنصاوبها هو مقابل معايا وكيشوف فيا بعينيه لي كيلمعوا من الفرح حطيت ليه المعكرونة وطاح فيها عمة عمر حالتوا و كياكل وكيضحك ......
يمكن حتى عرفني موافقة عاد تفتحات ليه الشهية بقيت كنشوف كيف فرحان وعينيه كيلمعوا تفكرت راسي كيف كنت حتى انا فرحانة منين طلب مني سمير زواج منين قالي غادي نجي نطلبك من داركم كنت فقمة سعادة نفس الحركات الطفولية لي كنت كندير نفس ضحكة كولشي كنشوفوا من خلال عزيز لي عايش دابا نفس الحالة لي مريت بيها من قبل......... تفكرت العذاب باش حسيت منين تخلى عليا سمير واختفت الضحكة من على وجهي ولكن انا مغاديش نخلي عزيز يتعذب وتختفى ضحكتوا بسببي ....لا..... واخا انا مكنبغيهش ولكن يكفيني نكون سبب فسعادت انسان
...تعشا ومشا لداروا انا تاصلت بحورية وطمأنتها بلي انا وافقت فرحات ليا بزاف وتمنات ليا السعادة واكدات ليا بلي عزيز غادي ينسيني فسمير ويسعدني ويفرحني هادشي لي كنتمنى حتى انا كنتمنى نكون فرحانة وفقمة السعادة نسى كل ماوقع ليا حيت انا كنبقى انسانة ومحتاجة شخص يكون معايا يبغيني ويخاف عليا وهاد الشخص اكيد هو عزيز .......اليوم فالعشية لقيت عزيز حدا باب شركة كيتسناني ركبت معاه ووقفنا حدا واحد الدار كبيرة نزلنا
انا:عزيز فين حنا
عزيز:هاذي داري بغيت تشوفك ماما وتعرفي عليها
.....ذخلنا كانت دار كبيرة غير من ذخلة كتذوخ الاتات والديكور الفخم الفراش عصري وانيق مجهزة بكل الاجهزة الحديتة والمرفهة صراحة حمقاتني ...كيف ذخلنا بدا يعيط لماماه ......نزلات مع دروج شافتنا وجات تسالمات معانا وبطبيعة الحال دارت ليا سكانير بعينيها كطلع فيا من صبعي الصغير لراسي بشوفات ناقصين خلعوني صراحة كحازت وتخبيت ورا عزيز
عزيز:(حس بيا وبغا يعتق الموقف)ماما كيجاتك هناء
ماماه:(دايرة ضحكة صفرة وكتعوج فمها )زوينة ما شاء الله عليها اولدي
غزيز:يلاه ندخلوا
ذخلوني لواحد صالون كبير مفرش بفراش بلدي جلسنا وبداو كيضحكوا
طلبات مني ماماه نقرب حداها وهي كتشوف فيا بطريقة مافهمتهاش خلعاتني ...........
..... شوية طلبات عائشة(أم عزيز) من ولدها يطلع ويخلينا نهضروا بجوج
طلع لبيتوا وخلانا حطات ايديها على فخادي
عائشة:شوفي ابنتي لي نطولوه نقصروه انا مابغيتكش لولدي انا خاطبة ليه خت راجل ابنتي مجدولين بنت زوينة متخلقة ومأدبة واصولها معروفة بنت دار الكبيرة وانا متأكدة غادي تنسي ولدي فيك وانا مغاديش نخرج علىزواج بنتي بسببك راك فاهمة ...ماعرفتش منين خرجتي لينا انتي ...وانا غير درت لولدي خاطروا وصافي باش نقوليك واحد جوج كلمات
انا:الصمت
عائشة:غادي ديري بحال الى عمرك عرفتي ولدي ولا شفتيه تفارقي عليه ومتحلميش تذخلي لداري قلبي فشي بلاسة اخرى من غير هنا اما ولدي يومين وينساك المهم انتي تغبري
انا:(حبست دموع من عيني حيت ديما كنتهان وكنتجرح حتى لإمتى انا عيييت)سمخيليا وبسلامة
خرجت كنجري شديت طاكسي ومشيت لداري خديت نمرة اخرى هاديك هرستها وخدمت جديدة ...ومشيت نعست عند واحد صاحبتي حيت عارفاه منين غادي ينزل ومايلقانيش غادي يجي لعندي.........
غزيز من بعد مانزل ومالقاش هناء سول ماماه قالتليه بلي مشات بلى ماتقول حتى كلمة وبلي ماعرفاتش علاش جا تبعها لدار لقاها ماكايناش تاصل بيها وكيلقى غير لعلبة الصوتية بغا يحماق وماعرف مايدير صبر حتى لوقت الغدا مشا لشركة وتسناها تخرج تغدا ويهضر معاها......
.....انا منين وصل وقت الغدا خرجت مع صحاباتي نتغداو فالمقهى لمعتاد وتلاقيت بعزيز لي كان واقف بعيد وكيشوف فيا طلب مني بالاشارات نجاوبوا فتيليفون ونخلتوا بقا واقف حتى عيا ومشا وفالعشية لقيتوا كيتسناني مشيت بزربة وقفت طاكسي شديتوا وقفني حدا الباب مشيت كنجري فدروج حليت الباب ديال الدار ذخلت و بغيت نسد الباب وحبسوا برجليه دخل لدار وسد الباب وهز سوارت وكيشوف فيا بطريقة غريبة ......
انا:عزيز لاش تابعني اش بغيتي بعد مني ...........
عزيز:(كيقرب ليا وانا كنبعد)
انا:بب عفاك اعزيز متقربش ليا اهئ اهئ متوصلنيش خرج وعطيني بتساع عفاك
عزيز:انا ماخرجش حتى نفهم منك علاش مشيتي لبارح بلى كلمة بلى جوج
انا:خليني عفاك ماعندي منقوليك عفاك خليني بعد عليا انا منليقش ليك انا ما مناسباش ليك
عزيز:كيفاش ممناسباش ليا اشنو ناقصك انا كنبغيك اهناء
انا:مجدولين على ماسمعت بنت زوينة ضريفة وكتبغيك سير كمل حياتك معها انا نساني عفاك
عزيز:ماما هي لي قالتليك هاد الهضرة ياك انا فهمت علاش طلبات مني نطلع ونخليكم بجوج هضري واش هي عندها علاقة
انا:ماماك بغات مصلحتك ومصلحة بنتها هي كتبقى ام خايفة على مستقبل بنتها مالها اش فيها انت دير بحال الى عمرك عرفتيني
عزيز:ختي الى كان كيبغيها راجلها مغاديش يتخلى عليها على قبل سبب تافه انا مكنبغيش اختوا واش نتزوج بيها بزز ندمر سعادتي على قبلها هي ياك.
انا:كنترجاك تبعد مني انا كتافيت من الاهانات والعذاب ومابقيتش بغا نزيد نتعذب صافي عفاك اهئ اهئ اهئ عييييت من العذاب علاش ديما خاصني نتجرح ونتعذب علاش انا اهئ اهئ اهئ اهئ اهئ
عزيز:(شدني من دراعي)هناء انا كنبغيك اهناء و أش من عذاب عشتيه عاودي ليا عفاك
انا:العذاب اهئ اهئ الاهانة اهئ اهئ الحكرة ....
عزيز:هناء عاودي ليا كولشي
انا:انا كنت كنبغي واحد الشاب وهمني بالحب تزوجنا ومن بعد 5 ايام طلقني اهئ اهئ طلقني ومشا خلاني اهئ اهئ اهئ ...انت كيفاش غادي تبغي تزوج بيا وانا مطلقة واش تبغيني واخا عرفتي كولشي هادشي
طحت على ركابيا كنبكي .... عزيز بقا غير كيردد ....مطلقة بعد 5 ايام كيقولها ويعاودها
انا:دابا منين عرفتي كولشي خرج عطيني بتساع بلى ماتعذب راسك وتزيد دقيقة خرررررررررج عليا
.......نضت كنجر فيه يخرج وماحسيت حتى طحت من طولي عرفت طونسيون طاح ليا اصلا غير منين كنتعصب شوية كيطيح ليا ديما هزني عزيز وحطني فوق سداري بقا كيضرب فيا وجهي حتى حليت عيني شد ليا ايديا وقاليا
عزيز:انا كنبغيك كيفما كنتي حبي ليك عمروا يتغير من جيهتك كنبغيك وكنموت عليك
وخرج ........انا نعست غير فوق سداري حتى لصباح
.....اليوم مشيت لخدمتي كيف العادة واخا مقلقة ومارشقاش ليا من بعد ماوقع لبارح خرجت فالعشية ولقيت عزيز كيتسناني مشيت لعندوا........
عزيز:هناء سمحيليا على البارح عفاك
انا:ماشي مشكل
عزيز:(شد ليا ايدي)بغيتك تمشي معايا لعند اختي عفاك بغيت نهضر معهم بوجودك........
انا:عزيز انا خايفة من ردة الفعل ديالهم مابغيتش نكون انا سبب فالمشاكل
عزيز:هناء بما انك عطيتي فرصة لعلاقتنا كنتمنى تكوني معايا فأي خطوة غادي نخطيها من هنا لقدام
انا:واخا اعزيز انا معك
ركبنا فطموبيل ومشينا لدار اختو دقينا وحلات الباب كانت مرأة فثلاتينات يقدر 36 عام تقريبا زوينة بحال عزيز نفس الحروف ديال الوجه ونفس لون شعر بشرة بيضاء لبسها شبه عاري سميتها < بهية >رحبات بينا ذخلنا وهي كتسول فعزيز عليا هو اكتفى بصمت فقط وصلاتنا لشي صالون من كترة صالونات مابقيت عارفة انا فين ههههه جلسنا وجا زوج ديالها لي كان فربعينات ولكن جداب وانيق ولبسوا كلاسيكي ....حتى هو رحب بينا وجلس معنا وعلامات الاستغراب فوجههم
حميد:شكون هاد الانسة
عزيز:هناء ....المهم خويا حميد كيفما كتعرف وكنعرفوا جميع الحب لي كان بينك وبين اختي كبير تحديتوا لعائلات بجوج دابزتوا وعانيتوا حتى تزوجتوا وصراحة الحب ديالكم ولا كيتضرب بيه المتل
حميد:اييه بصاح ومن بعد اشنو كاين
عزيز:صراحة اختك مجدولين بنت ناس متخلقة ومؤدبة ومحترمة وانا كنعزها بزاف وانتما كلكم عارفين هادشي
حميد:اه عارفين ولكن غير جيني من الاخير
عزيز:(شد فإيديا)سمحوليا على هادشي ولكن انا كنبغي هناء وباغي نكمل حياتي معها
بهية:اويلي حماقيتي كيفاش كتبغيها ومجدولين واش باغي تخرج عليا
عزيز:ختي القلب مكيشاورش انا بغيتها بلى سابق انذار عشقتها ومستعد نموت على قبلها
ناضت بهية لع خوها صرفقاتوا
بهية:اش من حب اخويا صافي وليتي اناني كتفكر غير فراسك ولكا هي سبب المشاكل جات كتجر فيا باش تخرجني وحبسها حميد وعزيز
حميد:طلقي من البنت اشنو ذنبها هي وحتى هو ما عندو حتى ذنب ولا نسيتي راسك فالماضي حنا راه ما عايشينش فالعصر الحجري نرغموا الشاب يتزوج بختي بالفصب انا اختي نزوجها باحسن راجل فهمتي....عزيز انا مانزيدكم غير الخير
عزيز:(مشا عنقوا وكيتضحك)انا عارفك اخويا غادي تفهمني لهلا يخطيك
حميد:ماشي مشكل راك فمعزة مجدولين وهذا وتجب الاخوة
بهية عيطات على مجدولين لي نزلات ودموعها سابقينها دغيا مسحاتهم باش مايعيقش حتى واحد اكيد غادي نكون سمعات كل الهضرة كانت شابة متوسطة فطول غليوضة ولكن غلض زوين بيضاء البشرة شعرها كحل وطويل وعينيها صغار شوية ولكن عندها حقها فزين جلسات وهي كتلعب بصبعانها وكتشوف فيا
حميد:عيطت عليك باش
مجدولين:مامحتاجش اخويا تقولي والوا انا سمعت كولشي ...انا ببساطة ما نقدرش نعيش مع واخد كيفكر فوحدة اخرى وكيبغيها .....عندي كرامة وكبرياء منقبلش نكون حاجة استتنائية يا إما الكل ولا نبعد حسن وانا كنتمنى ليكم الخير ومبارك ليكم الله يكمل عليكم باش ما تمنيتوا
.......ناضت بخطوات بطيئة وطلعات مع دروج سمعنا غير الباب كيتسد وانما بشوية ......
.....بهية:غادي نتاصل بماما نقوليها كل ماوقع
.......تاصلت بيها وطلبات منا عائشة منا نمشيو عندها لدار داكشي ما كان شدينا الطريق ومشينا لعندهم نزلنا من طموبيل وانا قلبي كيضرب مخلوعة حيت تفكرت الهضرة لي قالت ليا بلى ما نحسش صدري تزير عليا .......ذخلنا وجات ماماه كتجري عنقاتني والفرحة مرسومة على وجهها تبدلات 180 درجة الفرحة ضاهرة على عينيها ماتقولش هي نفسها المراة لي بهدلاتني البارخ ولكن فهمت الانر هادي هي الانانية ديال الام اكيد خايفة غير على مستقبل بنتها لايضيع واكيد عندها قلب بيض وكبير دخلاتنا نتعشاو جلسنا على الطبلة تعشينا وكنضحكوا ومن بعد العشا جلسنا فصالون كنحتاسيو الشاي
عزيز:ماما بغيت نقوليك شي حاجة مهمة
عرفتوا غادي يهضر على طلاقي
عائشة:اها اولدي كنسمعك
عزيز:ماما هناء حبيبتي كانت ديجا تزوجات وطلقات بعد زواجها بمدة قليلة واخا هكاك انا بغيتها
بهية:اويلي على مصيبة مخلي نوارة ولالات لبنات بحال مجدولين على قبل وحدة مطلقة فايتة مخدومة لهاد الدرجة معندكش قيمة
....انا حطيت داك الكاس ديال الشاي .....كنت فاستعداد نفاجر ودموعي ينزلوا ونخاف يغرقوا العالم كلو...... .....حبست دموعي بزز قسحت قلبي باش مانضعفش قدامهم
عائشة:وانتي مالك ياك هو بغاها كيفما هي اش دخلك انتيا
بهية:ماما خويا ماشي رخيص خويا سيد رجال باشارة منو كل بنات العالم ينزلوا عند رجليه يجي يتزوج بمراة مراة اعباد الله على قلت البنات
....ماقدرتش نزيد نحبس راسي ونفاجرت هبطوا دموعي وبدين كنبكي ونشهق هزيت صاكي وبغيت نخرج حيت مابغيت حتى واحد يشوفني وانا ضعيفة ودموعي مغطيين وجهي شدني عزيز من ايديا دورني لعندوا مسح ليا دموعي
عزيز:هناء انا كنبغيك كنتي بنت ولا مراة
....هضىتوا زادت المتني كيفاش مراة ولا بنت هكا كتقاس الانثى كولشي لي كيهم هو العذرية اهئ اهئ انا اش ذنبي ديما نتجرح ونتهان
عائشة:بصاح ابنتي سواء كنتي بنت ولا لا هادشي غادي يبقى بينتنا حنا
انا:(كنغوط بكل جهدي وكنبكي)انا عذراء اهئ اهئ واش سمعتوا انا عذراء عذاراء اهئ اهي اصلا على هادشي طلقت اهئ اهي اهئ
غير سمعوا هضرتي كلهم نقزوا من الفرحة وعزيز جا طاير هازني وكيدور بيا وانا جتة كتحرك ......اكيد غادي يفرحوا حيت هادشي لي مهم عندهم ماكيشوفوش بلي كاينة انثى فداخلي انثى صبورة قلبها كبير وبيض كتبغي كل ناس انثى محتاجة للحب والاحترام ....ولكن كل همهم انني نكون عذراء .....خليتهم فرحانين وكيضكوا وخرجت شديت طاكسي ومشيت لداري تلاحيت فوق ناموسيتي وكنتنخسس وحورية كتاصل بيا جاوبتها حيت كنت محتاجة نفرغ هادشي باش كنحس
حورية:حبيبتي توحشتك بزاف
انا:حتى انا احبيبة كنت نيت محتاجة نهضر معك راك انتي لي عندي
حورية:هناء صوتك مبدل واش واقعة ليك شي حاجة
انا:عاودت ليها كولشي بديتاي
حورية:والله اختي هناء هكا المجتمع ديالنا ديما الانثى كتهان والمطلوب منها تصبر وتسكت ومتعترضش ولا تشكى والا كينبذها الكل ....حبيبتي متقلقيش ومتهزي فبالك واخا عزيز كيبغيك متنسايش كيبقى رجل شرقي هادشيكيجري فعروقهم حب تملك معشش فالذاخل ديالهم ...انتي غير صبري ونساي كولشي وكملي حياتك عفاك نساي اختي كولشي غادي يدوز وغادي تبقى غير تعاويدة
انا:كنتمنى المهم انا بغا نعس دابا غدا ماكايناش لخدمة ولكن حاسة براسي عيانة وبغيت نرتاح بسلامة
.. ...صيقتلي عزيز رسالة جابتلي ضحك زعما ضحكاتني فراسي (حبيبة انا فرحان بزاف متصوريش شخال ماما وختي فرحتيهم الله يفرحك انا ممصدقش بلي راكي ديالي انا بوحدي تخلقتي ليا وانا وكنأكد ليك غادي تكوني فرحانة معايا كيف فرحتيني اليوم) ..واخا حاولت ننعس ولكن ماقدرتش كنخمم فلي وقع لقيت راسي فمتاهة كبيرة وماعندهاش باب كتافيت بدعاء ونعست على امل يكون غدا افضل
......اصبحنا واصبح الملك لله....
...من بعد مافطرت لبست حوايجي لي عبارة عن بدلة رياضية ومونطوا فالكحل من الفوق مع سبرديلة فلون البدلة اللون الرمادي وفولار فالكحل هزيت قرعة ديال الماء ... ومشيت لبحر كنجري وكنمارس رياضة صباحية كيف كندير كل عطلة اسبوع ....المهم بعض ماحسيت بالارهاق والعيا جلست فصخر وكنتأمل فجمالية البحر بالامواج ديالوا بلونوا الازرق الفاتح حسيت براحة كبيرة وجبدت دفتر الخواطر كنكتب فشعر ماعرفتش علاش كيكون عندي الالهام منين كنتقابل مع البحر .....قاطعني تفكير صوت تيليفون هزيتوا كتبان ليا نمرة عزيز ما كنتش بغا نجاوبوا ولكن بلى شعور جاوبتوا ....بعدما عرفني كاينة فالبحر طلب يجب لعندي وانا سمحت ليه ...
بسرعة كبيرة وصل
عزيز:سلام حبيبتي
انا:وعليكم السلام
جا جلس حدايا وكيشوف فيا بطريقة مختلفة طريقة خلاتني نحس بالرعب منو
عزيز:ما مصدقش اهناء بلي هاد الجمال كلو (كيشوف فالجسم ديالي لي كيبان منحوت مع البدلة الرياضية )ما مايقش بلي انا اول كائن غادي يتمتع بهاد الجمال رباني انا اول واحد غادي يقسك
انا:(تلوى ليا الفم حيت ...ماتخيلتش تفكيروا يكون بهاد الطريقة... انا كيشوف فيا غير الجسد اهئ اهئ اهئ واش انا ماشي انسانة عندها قلب وكتحس...
عزيز:(حط ايديه على ايدي)ناري اهناء فيك شي حاجة كتخليني نفقد عقلي
......خشا يديه مورا ضهري ...حسيت بروحي غادي تطلع هو كيقيسني قلبي كيتحطم ....زير ليا على يدي وغفلني بقبلة على شفايفي بغيت نحيد ولكن شاد ايديا بجوج بايد وحدة والايد الاخرى شاد بيها راسي بقيت كنبكي وكنحاول نقلت منو وهو مسافر لعالم اخر روحي كانت غادي تخرج من بلاستها ...شعور خايب ماعرفتش نفسروا ....كنشوف فيه بعينيا لي ملاهم دموع وكنترجاه يطلقني وللاسف مع من هو مشا غيب وبقا كيجبد فشنايفي بقسوة ...مافيقوا غير واحد راجل لي داز قدامنا ودفل علينا .......طلق مني انا نضت من بلاستي فاتجاه البحر ماشي باش نتحر لا مغاديش نغضب الله بغيت غير نغسل فمي لي كنحس بيه تلوت دموعي نشفوا مابقاوش باغيين ينزلوا هادشي لي زاد اللمني على الاقل هما كانوا كيريحوني غسلت فمي بقيت نغسل ونعاود وهو مراقبني من بعيد فهاد اللحضة مرهت راسي كرهت شي حاجة سميتها الانوثة ...الرغبة...الجمال...
كولشي كرهتوا ...
....رجعت بخطوات بطيئة وهو تابعني كيطلب مني نسامحليه ...كتافيت بصمت حيت الى حليت فمي غادي نحرق الاخضر واليابس ...جرني من ايدي وركبني فطموبيلتوا حيت انا كنت مغيبا عقلي طاير متخيلتش يجي نهار بخال هذا اهانة ورا اهانة وعذاب ورا عذاب ...هكا ولات حياتي وهكا غادي تكون ....غادي نولي جسد بلى روح نحقق رغباتوا ونمتعوا ماشي مشكل اصلا هذا مصيري نضحي الى راجل لي بغيتوا وتخلى عليا والعائلة لي تقت فيهم وحتاجيتهم فضلوا يغدروني يعذبوني ويزيدوا يألموني اش كنتوقع باقي ....كولشي ممكن وانا مابقيتش نتشكى من احد لي وقع ليا لقدام ماغاديش يأتر عليا كيفما اتر عليا فراق حبيبي سمير
......وصلني عزيز لدار طلعت و نعست حتى تاصلات بيا عائشة لي خبراتني بلي بعد غدا غادي يجيو يخطبوني وبلي خاص عائلتي تكون ......
تجمعت كل احاسيسي خوف ورعب اشتياق الم حزن الوحدة كآبة .....
......كيفاش عائلتي اش نقوليهم عائلتي تخلاو عليا عائلتي فاش حتاجيتهم يوقفوا بجنبي ويشدو بيديا وينسوني فحزني وفعذابي هما لي آلموني وجرحوني غادي يتفهموا هادشي ؟؟؟...نصارحهم بلي كاين ونقوليهم انا مقطوعة من الشجرة؟؟؟....ولا اش نعمل .......الحل الوحيد لي لقيت هو نتاصل بحورية وتعطيني حل مناسب عقلي تشل على تفكير .....تاصلت بيها وهضرنا شرحت ليها المشكل وعطاتني حل مناسب كيف ديما واخا صعيب عليا وكنظن خاصني شجاعة كبيرة وقوة و صرامة ولكن عندها الحق هذا احسن حل فهاد الوقت.......كتسائلوا اش هو الحل ... انا قررت نتاصل بعائلتي ....واخا دازت كل هاد المدة ولكن انا سمحتليهم ومن حقهم يعرفوا بلي غادي نتزوج بالرغم من العذاب والقهرة لي شوفوني وانما كيبقاو عائلتي ......
استنشقت الصعداء وطلبت من الله القوة والصبر باش نتجاوز هاد المرحلة الصعيبة ........بعد تفكير طويل هزيت تيليقون وطلبت نمرة ديال اختي سناء(عطاتها ليا حورية كانت ديجا عندها فمذكرة قديمة )...كيصوني (حمدت ربي حيت مابدلاتش نمرة )....مدة طويلة وهو كيصوني....وعاد جاوبتني ...سمعت صوتها لي دخل كيف سهم لقلبي توحشتها بزاف هي الوحيدة البريئة لي عمرها اداتني واخا صغيرة كانت كتحس بيا ولكن مافجهدها والو ...
سناء:السلام عليكم شكون معايا
انا:اهئ اهئ ختي سناء حبيبتي
سناء:ختي هناء واش ختي هناء هادي اهئ اهي اهئ
انا:اه انا هناء ختك احبيتي توحشتك بزاف بزاف
سناء:انتي كذابة ماتوحشتينيش علاش مشيتي وخليتيني بوحدي اهئ اهئ اهئ
انا:اهئ اهي اهئ لا والله حتى توحشتك وانا مابغيتش نخليك ولكن ظروف اختي
سناء:توحشتك انا توحشتك بزاف
انا:حتى انا والله ....ختي سناء سيري عطي لماما تيليفون بغيت نهضر معها
سناء:واخا هاني نمشي لعندها لكوزينة ......
......كنسمع خطوات سناء لي كتقرب لعند ماما .....ااااه اماما توحشتك بزاف توحشت صوتك وهضرتك توحشت حنانك ولمستك الحبيبة ديالي توحشتك بزاف...... ....سمعت سناء كتهضر مع ماما غير بشوية طولات الهضرة بينتهم عاد نطقات ماما
ماما:سلام
انا:اهئ اهي اهئ ماما حبيبتي اهئ اهئ اهئ
ماما:نعم اش بغيتي علاش كتاصلي دابا الله تفكرتي عندك عائلة
انا:ماما انا عمرني نسيتكم ديما فبالي .....اهئ اهي اهئ
ماما:مزيان داكشي علاش غبرتي عام بلى ماتسول فينا ولا تعرفي واش ميتين ولا باقيين عايشين
انا:اهي اهئ انا اماما كنت مجروحة منكم بزاف انتما تخليتوا عليا فاش كنت محتاجة ليكم اهي اهئ خليتوا خويا يعذبني ويضربني وانتما وقفتوا كتفرجوا فيا اهئ اهي كنت محتاجة لحب ديالكم وحنانكم بغيتكم توقفوا بجنبي ولكن اش درتوا جرحتوني ودرتوا ليا بضهركم اهئ اهئ اهئ.
ماما:اهئ اهئ اش بغيتي ندير ابنتي صحابلك كنت فرحانة بلي وقع ليك كنت كنتقطع من الداخل ولكن خوك كان شادنا من الإيد لي كتضرنا هو لي كان هاز المصروف ديال الدار والكراء ومكلف بالقراية ديال اختك وراك عارفة باباك لانتريت ديالو الله كيقدوا فدوى السكر ومرض الكلاوي وطونسيو عاد البرودة فالمفاصل كيف بغيتينا نتصرفوا اهي اهئ اهئ
انا:وكون وقفتوا بجنبي حتى نوقف على رجليا انا لي غادي نخدم عليكم ونتهلا فيكم وعمركم ينقصكم خير اهئ اهئ
ماما:شحال قدك ولا بدا غادي تزوجي وتمشي لدارك واش غادي يخليك راجلك تصرفي علينا
انا:ماغندي ماندير بزواج اماما انتما لي مهمين عندي
مانا:من نهار مشيتي باباك مرض لينا وانا بنتي تعذبت ديما خايفة عليك بعض المرات كنحس بقلي كيتزير وكيضرني كنخاف توقع ليك شي حاجة ومنبقاش نشوفك اهئ اهي انتي وهوك ابنتي عذبتوني بزاف كبرتكم وربيتكم وتعذبت عليكم فاش كبرتوا هكا تجازيوني اهي اهي اهئ اهئ
انا:اش دار خويا اماما
ماما:خليتينا انتي وحتى هو ماشا وخلانا
انا:اويلي اماما امتى وكيفاش .....
ماما:منين ولدات كوتر 40 يوم وانا مقابلاها نجيب ليها الماكلة حتى لحدا رجليها لي طلباتوا يوجد وعمرني قلتلها لا وليت نجري بالليل وبنهار بنتها ديما انا لي مقابلها وفالاخير فاش برات هزوا حوايجهم وبنتهم شراو دار جديدة ومشاو استقروا فيها خلاونا بلى ريال وبلا جوج اهي اهئ اهئ
انا:اهئ اهئ ماما حبيبتي كيفاش خلاكم بلى ريال بلى جوج شكون لي كيصرف عليكم دابا منين كتاكلوا اماما جاوبيني
مانا:انا لي خدامة ابنتي
انا:اويلي اماما علاش خدامة انتي كبيرة فالعمر واش باقي قادة على الخدمة ...فاش خدامة اماما
ماما:(تنهدات )خدامة فالميناج ابنتي فالمدارس والشركات وفالفيلات ..... دار لي كنا فيها خرجنا منها حيت الكراء ديالها غالي وختك مقدرناش نخلسوا ليها فلوس المدرسة ديالها ولات كتقرا غير فديال المخزن دابا
انا:اهئ اهئ سمحيليا اماما ما كنتش عارفة واقع هادشي كلو سمحوليا اهي اهئ اهئ ولكن كنواعدك غادي نجي نجيبكم وتسكنوا معايا مغاديش نخليكم كتعذبوا بوحدكم وانا بقا عايشة اهئ اهي اهئ
ماما:الله يرضي عليك ابنتي ولكن انتي دابا يسهل بيك الله فراجل وتزوجي
انا:مابغيت حتى راجل اماما بغيتكم غير انتما وانا بعد غدا غادي نجي نجيبكم اماما كنواعدكم ....
ماما:ان شاء الله ...ايوا كيفاش حتى تفكرتينا ابنتي اليوم واش بغا تقولي شي حاجة
انا:لا اماما ما كاين حتى حاجة بغيت غير نسول فيكم ... ...ماما كيداير بابا لاباس عليه
ماما:الحمد.الله هاهو غير مع دواء... نخليك ابنتي راه باباك كيعيط عليا خاصني نقطع
طيط طيط طيط
.......حطيت تيليفون وليت نصرفق فراسي ونبكي ونلوم راسي حيت انا انانية كيفاش حتى جلست عام بلى مانفكر نتاصل بيهم ولا نسول فيهم اهئ اهئ ماما وبابا وختي كيتعذبوا وانا ماجايبة لدنيا خبار كنلوم فيهم وهما مساكن ربي لي عالم بيهم وماما حبيبتي لي عمرها ظربات تمارة واخا كنا على قد الحال ولكن عمرها عرفات الخدمة اش هي كانت كيف الاميرة ودابا مسكينة كتعذب فالميناج اهئ اهئ اهي
صافي انا قررت مغاديش نتزوج بعزيز غادي نتكلف بعائلتي ونحميهم نحقق ليهم كل متطلباتهم ونجيبهم يسكنوا معايا اما هو الله يعاونوا ............
نضت دوشت و تغديت غسلت لمواعن وجمعت دار وجلست كنخمم فش طريقة باش نواجع عزيز ونقوليه بلي مايجيش لدارنا حيت مابقيتش بغا نتزوج .....تاصلات بيا حورية يمكن بغات تطمان عليا بعد ما هضرت مع دارنا
انا:سلام
حورية:حبيبتي امنظرا هضرتي مع عائلتك
انا:عاودت ليها كولشي بتفاصيل
حورية:اه عندك الحق داركم هو الاولين ومحتاجين ليك دابا وانتي لي عندهم وخاصك توقفي بجنبهم ...ولكن قوليها لعزيز قوليليه بلي تصالحتي مع داركم وغادي تجيبهم يسكنوا معاك وغادي تبقاي تخدمي عليهم واخا تزوجتوا الى وافق راه مزيان غادي تعرفي كيبغيك ديال بصاح والى مابغاش صافي تفارقوا
انا:داكشي نيت لي غادي ندير اختي انا على كل حال وافق ولا لا عائلتي هما المهمين عندي ...
حورية:تاصلي بيه وخرجوا فالعشية وهضري معاه على الموضوع صافي
انا:صافي غادي نتلاقاه ونقوليه كولشي ومن بعد نرد عليك الخبار
........لبست حوايجي لي عبارة عن كولون سخون مع ليبوط وتريكوا طويلة....
هزيت صاكي ودرت نتلاق معاه فالكورنيش اكيد كيف العادة جا كيجري وصلت لكورنيش جلست بينما جا هو جلس حدايا وكيتغزل كيف العادة
انا:بغيت نهضر معاك فواحد الموضوع اعزيز
عزيز:اها انا كلي لك اذن صاغية
انا:تصالحت مع دارنا
عزيز:خبر زوين هذا الحمد الله
انا:ولكن عندي حاجة اخرى
عزيز:كنسمعك احبيبة
انا:ماما وبابا وختي صغيرة محتاجين ليا فهاد الوقت هما بوحدهم ماعندهم لاحنين لا رحيم انا لي بقيت ليهم من بعد الله سبحانه وتعالى وعاد والديا كبار فسن وبغيت واخا نتزوجوا نبقى خدامة ونصرف عليهم
عزيز:(تبدلوا فيه الالوان ولا يصفار ويخضار)اممم ولكن ا هناء انا مابغيتكش تخدمي راك عارفة هادشي انا من ديما كنتمنى المرأة لي غادي ناخد تكون جالسة فدار باش فينما نجي نلقاها فدارها واجدة وكتسناني
انا: حتى انا ماكرهتش ولكن دارنا فأمس الحاجة ليا مايمكنش نتخلى عليهم فهمني هما رباوني وكبروني باش منين يحتاجوني يلقاوني واقفة بجنبهم انت انسان واعي وكنتمنى تفهم هادشي
عزيز:ماعرفتش ولكن صعيب عليا اهناء والله
انا:عزيز انا عائلتي مغاديش نتخلى عليهم فهمتي هما اولى عندي مايمكنش نجلس مربعة ايديا وانا عارفة كيتعذبوا المهم انت الي عارف الى ماكنتيش قابل صافي الله يع
ماجيت فين نكملها حتى حط ايدو على فمي
عزيز:عمرك تذكري الفراق والله حتى نموت بلى بيك عرفتي اش ناهية نموت على قبلك ...صافي نمشيو دابا نهضروا مع ماما على هاشي ويكون خير
انا:اوكي.....
......مشينا لعند عائشة وللاسف لقينا اختو بهية تماك ذخلنا وطلب عزيز من مو تجلس معنا باش نهضروا
عزيز:ماما بغيت نقوليك بلي هناء من بعد زواج غادي تبقى خدامة حيت خاصها تكلف بعائلتها هي لي بقات عندهم من بعد الله سبحانه وتعالى وهما ناس كبار فسن
بهية:هاهاهاها ومراة واش من مراة هادي كل نهار طالعة لينا بمشكلة ولكن فهمتها بغات تخرج لطريق ودايرا سبة بالخدمة ولكن مع من راني عقت بيك
انا نضت من بلاستي وقفاتني خالتي عائشة وعزيز مشا عندو اختو عطاها تصرفيقة فاعلة تاركة
عزيز:حترمي راسك ابهية ديك المرة مابغيتش نطول عليك ايديا حيت كنحترمك ولكن حتى واحد مايتجرأ يهين حبيتي وحياتي قدامي اخر مرة ولا ضربي على هاد الدار
مارضاتش نزلات وجهها وطلعات مع دروج
عائشة:عفاك ابنتي ما تديش عليها وانتي وراجلك حتى واحد ماعندو الحق يتذخل بينتكم لي لقيتوه مناسب ديروه وانا مانزيدكم غير الخير
عزيز:حبيبتي حتى انا ماعندي حتى مشكل عائلتك هما عائلتي ويمكن ليك تخدمي غير كوني ليا على خاطرك
انا:ربي بخليكم اخالتي انتما ناس قلوبكم كبيرة ومتفهمين كنشكركم من قلبي
.....توادعت مع خالتي عائشة ذخلات لقلبي حيت انسانة متفهمة وحتى عزيز حسيت بيه حتى هو مبدل واعي ومتفهمني وخايف يخسرني ...من ناحية حسيت براحة من جيهتهم واخا بهية واعرة وفمها خايب ولكن راه بدارها ......
......وصلني عزيز لدار دخل وانا مشيت وجدت لكاسكروط لبست بيجامة بسروالها فالازرق الفاتح وفولار درت ريحة وجلست وهاد المرة جلست حداه ماعرفتش علاش ....