آهات الحب

بارت 14

اش عندي ماندير غير البكا مابجهدي والو هو خو راجلي الكبير هو لي ولات هضرتوا ميموعة فدار الاوامر ديالو هما لي كيتمشاو ياربب كيفاش نتصرف نخاف نقولها لعزيز ومايصدقنيش اهئ اهئ اكيد غادي يكذبني ويتيق خوه حيت بالنسبة ليه ماشي غير اخ راه اب للاسف طلع واحد ممزيانش وانا جالسة كنبكي تاصلات بيا مجدولين حاولت نخبي حزني طمأنتني بلي علاقتها تقادات مع سمير وبلي غادي يمشيو لشهر لعسل فامريكا وتدير عملية لعينيها فرحت ليها بزاف حيت لقات السعادة لي بغات ....اما انا مامكتابش ليا نفرح ضروري تخرج لي حاجة من جنب ازوووووف عييت من المشاكل نضت مشيت عند ولدي عطيتواا البيبرون ورضعتوا جلست كنلعب معاه حتى جا عزيز دخل وتلاحيت عليه عنقتوا
عزيز:توحشتيني احبيبة
انا:اه توحشتك كنر من القياس والله
عزيز:جبت ليك كادو
انا:كادو شكرا احبيبة .
.....حليتوا ولقيتو جايب ليا كولي ديال الذهب زوين مرصع باحجار كريمة حمقني وخلاني بلى عقل
انا:شكرا احياتي
عزيز:لبسيه ليا فليلتنا
انا:اش من ليلة
عزيظ:بقات ليك 9ايام وتكملي 40 يوم الغزالة ديالي
انا:(كنحاول نحبس دموعي)اه بصاح
....مشا يدوش وانا نزلت نوجد العشا حطينا العشا وسعد غبر مابانش الحمد الله تعشينا ومشا عزيز يوصل ماما عائشة لعند بنتها ومنين جا طلعنا انا وحبيبي لبيتنا نعسني اليوم فاحضانو وولدي نعستوا فالكونة حدايا ونعست ضرباتني الفيقة مع الفجر نضت توضيت وصليت عزيز خرج المسجد يصلي وانا صليت وجلست كنتسنى عزيز جا وكمل نعاس اليوم السبت ماطاينة خدمة انا نزلت لكوزينى حيت الخدمات اليوم كيمشيو جلست كنطيب الفطور وكنغني جا وقف عليا سعد
سعد؛حبيبة توحشتك
انا:توحشك الموت الحيوان
شدني من شعري ......شوفي جمعي فمك ولا نهرسو ليك
انا:يععععد مني الحيوان .
عطاني تصرفيقة وشادني من وجهي ........انا بغيت غير ليلة وحدة نستمتع بهاد الجمال ومن بعد مرة مرة نزورك اش ضهر ليك اتفاق زوين وغادي نخليك تعيشي فالهنا
انا:دفلت عليه .......انت حيوان انت محال تكون بنادم
سعد:انا اليوم نوريك بنادم هاد الليلة وجدي راسك بغيتك
انا:واش انت مريض اش من ليلة
سعد:9 ليل نلقاك واجدة
مشا وخلاني كلي كنترعد اويلي اش ندير
كملت الفطور غير بزز عيطت على عزيز وجلسنا كنفطروا .
سعد:خويا نطلبك طلب
عزيز:وي خويا تفضل
سعد:اليوم عندنا عشاء عمل وغادي نتعطلوا شوية انا وهناء واش يمكن تمشي معايا هناء
انا سمعت هضرتوا وهي توحل ليا الماكلة كح كح كح عزيز عطاني الماء وشربت
عزيز:خويا كلمتك مامنهاش جوج والى بغيتي هناء فالاجتماع ماشي مشكل
سعد:ربي يحفظك اخويا
انا طلعت لبيتي ودخلت لدوش وجالسة كنخمم كيفاش ندير حتى نهرب من هاد الليلة
لقيت حل ندير راسي مريضة مشيت خربقت راسي بالماكياج حتى وليت كنبان بحال الميتة هههه ونعست ففراشي طلع عزيز لقاني ناعسة
عزيز:حبيبة مالك
انا:(شفتو وبديت نبكي) اهئ اهئ
عزيز:مالك
انا:اهئ اهئ انا مريضة
عزيز:البوحاطية ديالي عارف فيك غير العجز ومابغاش تمشي لعشاء المهم غادي نخرج وراه ماتسناينيش فالليل عندي غرض وغادي نمشي لمراكش غدا فالصباح نكون هنا
انا:لا متمشيش عفاك
عزيز:ضروري احبيبة انتي سعد معك متخافيش
انا كندوي فراسي سعد مناش خايفة سعد اهئ اهئ
انا:ديني معك عفاك
عزيز:وفؤاد خاصو ميخرجش من دابا والسفر صعيب عليه
مشا وانا جلست فبيتي ماما غبرات بقيت حاصلة فبيتي حتى ل 8 ديال الليل حطيت ولدي فبيتوا وقلت ندوش يمكن سعد ماكاينش الحمد الله ....يمكن فهم بلي هادشي لي كايدير ممزيانش دوشت لويت عليا الفوطة وخرجت وانا نلقى داك الحيوان شفتو وتخلعت وانا نرجع لدوش سديت عليا الباب وقلبي كيضرب لبست لحوايج لي كنت خلعت
سعد:الحلوة ديالي حلي الباب انا بدلت الرأي ديالي غادي نسهروا هنا فبيتك هاهاها
انا:اهئ اهئ بععععد مني انا راه مرات خوك الحيوان
ماجيتش فين نكملها حتى كنسمع الباب كيتهرس
سعد:غادي تحليه ولا غادي نهرسوا
داكشي لي دار هرسوا ولقاني هازة مقس
انا:تقرب ليا نقتل راسي وتمشي فيها انت الحبس فهمتي
سعد:يلاه كنتفرج قتلي راسك نشوف
انا هزيتوا وهو يخطفوا مني وشدني من عنقني ورماني فوق نموسية
سعد:ليلة وحدة معك احياتي .
انا؛اهئ اهئ عفاك لا بععد مني ماتوصلنيش اهئ اهئ
سعد:مانوصلكش انا اش كندير هنا جاي نشطحوا متلا
انا:حيوان حمار قليل الرجلة ماجيت فين نكملها حتى تلاح عليا ومشا لفمي كيبوس فيا ونزل لعنقي وانا كندفعوا وكنضارب معاه وكنغوط ونبكي و بععععععد مني اهئ اهئ حرام عليك بعععععععد مني الحيوان
سعد مابقاش هنا ولا كيشوف فيا بحال الاسد منين كينقد على فريستوا مكيرحمش وماكيحنش بحال ه الحيوان حسيت بفمي تقطع وعنقي كلو ضرابي وعضان انا عاطياها غير البكا والغواط كنضارب معاه يطلقني ...بغا يقطع ليا اشورط باش ينزل بصدري.... وانا كنحاول نفلت ايدي حتى كنشوف سيد طاير فسما و تلاح الارض هزيت عيني لقيت حبيبي وحياتي عزيز تلاح على خوه كيضرب بجهالة ولا سعد كلو دمايات انا نضت كنجري لعند عزيز .....وانا كنبكي ..عزيز عزيز ......اهئ اهئ
وصلتوا وصرفقني ودفعني حتى تلاحيت للارض
انا:اهئ اهئ انا اش درت ليك حتى كضربني
عزيز:(معصب بزاف وكلو كيترعد وكيغوط) علالالاش ما عاودتي ليا كولشي دوي علالالالاش كتخبي عليا واش بحال هادشي كيتخبى
انا:اهئ اهئ راه خفتك ماتصدقنيش وتيق خوك
.....نوضني وشدني من كتافي وهو كيزعز فيا
عزيز: انا وعدتك بلي مهما يطرى غادي نكون بجنبك وغادي نتيق فيك واش فهمتي مهما يكون من اليوم اي حاجة خاصك تقوليها ليا
كنهضروا وسعد غارق فدمو ولكن حال عينيه وكيشوف فينا وكيسمعنا
عزيز مشا لعندو
عزيز:(كيبكي وكيغوط) خويا ياحسرة انت من دمي انت لي كنحسبك فمقام الاب ديالي دوي كيفاش قدرتي تخون تقتي وتحاول تغتصب مراتي ما متوقعتش هادشي يخرج منك انا اصلا كنت فاهم كولشي غير بغيت نشدك وانت متلبس باش متلقى باش تنكر
انا:كنتي عارف وسكتي ياك اهئ اهئ اهئ
عزيز:ماشي هكاك انا مكنتش متاكد كفاية ولكن ديك المرة فاش نعست فالبيت لاخر ضرباتني الفيقة مع 4 نزلت لقيت الحليب مكبوب فدروج والبيبرون ديال فؤاد مليوحة انا مافهمت والو....بما ان الكليب مكبوب هنا بعني انتي كنتي هنا ..ولكن علاش الحبيبرون مليوحة وانتي ماهزيتيها..... و فاش نزلت كيبان ليا سعد فبيتوا كلها هرسها وطالع ليه الدم ...خليتوا قلت يمكن غير تفكر يسرى ومنين بغيت نعطيك البيبرون سمعتك كتبكي وكتدعي على شي واحد الصراحة ذخلني شك ولكن مكنتش متأكد ....و فاش نزلتي اليوم تصاوبي لفطور جيت لقيت سعد خارج من الكوزينة هو ماشفنيش سمعتو فاش قال ليك 9 ديال الليل نلقاك واجدة ...و منين طليت عليك بتخبية لقيتك كترعدي وكتبكي وفاش كنفطروا لاحظت نظرات لي كيدير فيك سعد ماشي طبعيين وفاش طلب مني الاذن باش تمشي معاه ورفضتي انا جبرتك تقبلي وفهمت بلي كاينة شي حاجة ماشي طبيعية حاولت نكذب شكوكي ولكن طريقة باش كيشوف فيك ماعجباتنيش وحتى الخوف والحزن لي فعينك فهموني كنت كنتسناك تجي تعاودي ليا كولشي ولكن ماعاودتيش ليا انا درت راسي بحال الى مسافر ولكن انا مشيت بعدت شوية على دار وصلات 7 ديال العشية وقررت نرجع لدار ولكن لسوء حضي الطوموبيل🚘 خسرات ليا والبلاضة فاش كاين ماكاين فيها حتى ميكانيك وحتى طاكسيات ماكينينش بقيت تماك كنتمشى ولكن غير الخلى بقيت واقف وداير auto-stop ولكن حتى واحد مابغا يهزني بقيت واقف بزاف ...حتى قررت يا إما نموت ولا نحيى وقفت وسط شانتي وجاي كاميو وقف منين شافني طلبتوا يطلعني معاه وافق وجابني جيت كنجري دخلت وكنسمع الغواط ديال فؤاد وصراخك والبكاء ديالك ومنين دخلت لقيت خويا عيب تقول هويا عدويا والعدو مايدير لي دار .......
انا مشيت تلاحيت عليه عنقتوا
انا:اهئ اهئ سمحليا عفاك والحمد الله منين جيتي عتقتيني اهئ اهئ
سعد بغا ينوض ولكن عزيز عاود ضربو
عزيز:انت حيوان انت عيب وعار على البشرية طمعتي فزوجة ديال خوك الصغير على قلة النساء في العالم دوي هذا اصلك ولكن والله وكون ماخايف على الوليدة توقع ليها شي حاجة الى عرفات اش درتي حتى ندمك ونصيفتك فين تربى لللاسف انا من اليوم خويا الكبير مات ودفنتوا ومن اليوم مانبقاش نشوف كمارتك غادي تهز حوايجك وخرج عليا فهمتي والى جاب الله شفتك شي مرة ولو غير بصدفة فبرا ولا هنا غادي نقتلك بايدي ونشرب من دمك فهمتي
سعد ناض غير بزز و هو كيتمشى وكيعرج وحالتو حالة ...
عند سعد:《 من اول مرة شفتها تفكرت يسرى سبحان الله كتشبه ليها فمها ولونها ضحكتها ووقفتها جسمها حتى هضرتها ولات كتبان ليا يسرى فيها وكل مرة كنشوفها كنحس بلي يسرى رجعات ليا اه هي لي رجعات يمكن روحها باقي عايشة توحشتها توحشت كل بلاسة فيها توحشت ريحتها ولمستها كانت كتذوب بين ايديا بمجرد نحط عليها ايديا كتذوب ...شفايفها الحمر وعنقها وكل بلاسة فجسمها كانت كتهبلني وكتيرني ولكن ضاعت بين ايدي والحمد الله دابا رجعت اه رجعت هي دابا قدامي ....وليت كنحماق على هناء كنحماق على كل حاجة فيها .....ديك الليلة فاش خرجنا انا وعزيز وفاش رجعت وسبقتوا شفتها نازلة مع دروج وهي لابسة غير شوميز ماقدرتش نتحكم فراسي حيت تفكرت يسرى استغليت الظلام ومشيت كنبوس فيها ماشي كهناء مي كيسرى تخيلتها يسرى ونسيت كولشي نسيت انها مرات خويا ولغدليه نزلات تاني فدروج هزا بيبرون لفؤاد لابسة اللون لي كان مفضل عند يسرى ونفس الطريقة لي كتدير فشعرها وحتى المشية مشيت كنجري لعندها وماعقلت حتى شديتها وحطيت ايديها على الحيط وكنتلذذ بجمالها ....انا وليت كيف الحمق وبغيتها بزز منها وليت نستغل سكاتها وخوفها انا ماشي ممزيانش ولكن توحشت حبيبتي يسرى وهناء نسخة عليها كنشوف فيها يسرى اليوم هددتها وطلبت منها ليلة واحدة رفضات وبدات كتبكي ولكن انا محنيتش فيها وحتى خويا خنت تقتوا ولكن شي حاجة كتحكم فيا ماشي لخاطري جلست كنخمم وفاش ضربات 8 ديال الليل مشيت لعند هناء نطلب منها السماحة حيت هي مرات خويا وخاصني نحترمها ونعتذر على هاد شي لي صدر مني ... ولكن فاش دخلت لبيتها مالقيتهاش جيت نخرج وشوية كتبان ليا خارجة ومدورة عليها فوطة قصيرة رجليها كاملين كيبانو حتى من صدرها معري وكرشها كتبان شوية وشعرها فازك حوالو عينيا ومابقاتش كتبان ليا هناء وليت كنشوف غير حبيبتي ...رجعات لدوش وليت كلي كنترعد هرست الباب وجريتها لحتها فناموسية وتحط عليها كنبوس و كنعظ وهي كتبكي وكتغوط وماحسيتش حتى تهزيت لسما درت نشوف لقيت خويا كيضربني بلا عقل عاد رجعت الوعي ديالي تصدمت كيفاش حتى درت هادشي لمرات خويا علالااش متحكمتش فراسي الشيطان خليتو يلعب بيا
نزلت مع دروج بعد ما بهدلني خويا وعيرني اه كنستحق كنستحق 》
... ......انا من بعد ماجاء عزيز وعتقني عنقتوا وكنبكي علل صدروا هو عنقني وكيسكت فيا نزل داك الحيوان مع دروج حتى كنسمعوا شي واحد طاح مشينا كنجريو لقيناه تكركب مع دروج طاح على راسو وجاه نزيف ماعرفنا مانديروا مشيت لبست عليا عباية وفولار ومشينا هزيناه واخا ماكيستحقش ولكن
... الانسانية ماتسمحش لينا نخليوه فهاد الحالة هاذي سعفناه وديناه لاقرب مصحة دخلوه للعمليات بقينا 4 سوايع كنتسناو ماحلتنا لي وقع ليا ولا لي وقع دابا بقينا كنتسناو حتى خرج الطبيب .. مشينا كنجريو لعندوا
عزيز:اش وقع دابا
الطبيب سمح لينا درنا كل مابجهدنا والعملية نجحات 100 %...ولكن هو دابا باقي مارجعش لوعي ديالوا .....
عزيز:غيبوبة ياك لعملية نجحات مافعهتش
الطبيب:العملية نجحات %100 ولكن هو مابغاش يستاجب رافض ينوض يمكن كيحاول يبقى قدر الامكان مغيب هادشي لي قدرنا نفهموه
عزيز:شحال غادي تدوم الغيبوبة
الطبيب:هادشي بايد المريض هو لي غادي يتحكم فمدة الغيبوبة منين يكون باغي يفيق غادي يفيق
مشا الطبيب وحنا جلسنا كنخمموا اش نديروا كيفاش نقولوها لماما اش نقولوا ليها علاش هو فغيبوبة
انا:عزيز كيفاش نتصرفوا اش غادي نقولوا ليها بالضبط هي اليوم غادي ترجع واول غادي تقلب عليه سعد
عزيز:مابغيتش نسمع سميتوا فهمتي انا ماشي حيت جبتوا لمصحة ماكيعنيش اني سامحتوا (هز صباعوا)وحتى انتي باقي حسابك ماخلصتيهش فهمتي
انا:الصمت
عزيز:انتي سيري لدار راه بزز باش مشات نجية تشدوا سيري قابليه هي اليوم عندها راحة فهمتي يلاه تحركي
انا:ولكن
عزيز:(كيغوط بجهد)ماكاين ما ولكن نوضي تحركي هاد الفشوش هو لي خرج عليك فهمتي
انا:(حادرة راسي)واخا سمحليا هنا غادا
عزيز:خودي سوارت ديال طوموبيل وسيري فيها
انا:واخا
مشيت لدار كنجري لقيت ولدي محيح غواطو كيتسمع من بعيد طلعت كنجري هزيتوا
انا:صافي احبيبي صافي ...نجية شكرا اختي ربي يخليك سمحي لينا
نجية:هذا واجبي بغيت نسولك الى كان ممكن
انا:اها تفضلي
نجية:الدم لي فدروج
انا غير قالتها تخلعت
انا:مسحيه عفاك عاد سيري وعندك نسمعها فشي بلاسة صافي
نجية:واخا انا ماشفت والو
انا:مزيان مشات نجية وهزيت ولدي دوشت ليه وبدلت ليه حوايجوا رضعتوا وحطيت فالكونة ينعس وانا مشيت دوشت ولبست حوايجي قلت نتاصل بعزيز هزيت تيليفون نتاصل وهو كيقطع عليا مافعمتش علاش تبدل تاني عاود تاصلت بيه وهاد المرة جاوبني
انا:السلام
عزيز:(قطعني بالغواط)اش بغا تاني
انا:(حبست البكية)والو بغيت غير نسولك واش
عزيز:شنو شفتك خايفة عليه ياك
انا:لا ماشي هكاك بغيت نقوليك تجي لدار ترتاح شوية حيت خالتي شوية وغادي تجي وغادي تجيب معها حميد وسمير ومراتو
عزيز:تكلفي بيهم انتي الى سولتك قوليليها مسافرين لمراكش فغرض اوكي
انا:اوكي و ....
طيط طيط
دمعوا ليا عيني حيت خسيت بالحكرة انا ماندير والو وفالاخير كنتعاقب مسحت دموعي ونزلت لتحت شوية كيصوني الفيكس جاوبت ولقيت حميد
حميد:السلام عليكم
انا:وعليكم السلام
حميد:هناء مابقيناش جايين
انا:علاش
حميد:تزاد الحال على بهية وغادي نديوها لمصحة دابا بلى متسنايش
انا:(وليت كنترعد وكنتفتف فالهضرة حيت المصحة لي غاديين ليها كاين فيها سعد وعزيز والى شافهم تماك غادي يعرفوا ماوقع وغادي توقع شي حاجة لماما عائشة)ا ا م م
حنيد:مالكي كتفتفي فالهضرة ياك لاباس
انا:لا والو صافي الله يشافيها
...قطعت و هزيت تيليفون نتاصل بعزيز وكيقطع عليا مالقيت ماندير وتاصلت بيه بلى مانطلعش النمرة جاوبني
انا:عزيز اويلي على مصيبة خاصك تخرج دابا من تماك راه بهية تزاد عليها الحال وجايبينها لمصحة
عزيز:بصاح واخا هاني خارج
انا:سربي راه غادي يكون قربوا يوصلوا
قطع وخرج من المصحة شد طاكسي وجا لدار
غير دخل وانا نجري لعند بغيت نعنقوا وهو يدفعني
عزيز:انا طالع لبيت ندوش وجدي ليا ماناكل راه من صباح ماكليت والو
انا حدرت راسي
انا:واخا
مشيت لكوزينة كنوجد ليه شي حاجة وكنبكي
نزل حطيت ليه ياكل
انا:عزيز مالك علاش كتصرف معايا هكا
عزيز: خليني نعرف منين كتدوز هاد النعمة
انا:سكتت
....تاصلت بيا مجدولين
مجدولين:اختي لاباس عليكم شوفي راه خالتي عائشة كتسول عليكم انتي وسعد وعزيز
انا: مم
مجدولين:فيناهما عزيز وسعد
انا:مسافرين لمراكش عندهم غرض تماك ...كيف بقات بهية
مجدولين: بهية دابا الحمد الله عندها الوجع والحرارة زايدة عندها قالينا ضروري هادشي عادي بعد العملية
انا:الحمد الله وخالتي مغاديش تجي
مجدولين:لا غادي تنعس مع بنتها فالمصحة هي وحميد حنا لي جايين انا وسمير عندكم دابا
انا:اشنو جايين
مجدولين:مالك بغيت نودعك انا وسمير غدا بكري عندنا طيارة ومسافرين
انا:واخا مرحبا
طيط طيط
انا:عزيز سمير ومجدولين جايين دابا خاصك تمشي لشي بلاسة حتى يمشيو
عزيز:هاني غادي لبيت لي فجردة نجلس تماك حتى يمشيو
انا:واخا
...جاو سمير ومجدولين توادعنا وهما فرحنين طلعوا شافو فؤاد ومشاو انا خرجت عيطت لعزيز وجا دخل لبيتنا ...دخلت لبيت وجلست كنشوف فيه .... انا :حبيبي كيف بقيتي شوبة دابا تهدنتي
عزيز:الصمت
انا قربت ليه وعنقتوا من اللور ...حيد ايديا و نعس فبلاصتوا وطلب مني نطفي الضوء انا تجمدت فبلاستي بقا فيا الحال اه حيت حبيبي مقلق مني تاني
نعست فجنب ديال النموسية وكنتنخسس وكنبكي.....جلست هكاك حتى ضرباتو الفيقة مع 4 سمعتوا كيتحرك قلت غادي يجي ويحن فيا ويهضر معايا ولكن هو تجاهلني واخا سمع بكايا وعرفني جالسة هكا منين نعس مشا جاب قرعة ديال الماء وشرب ورجع نعس ماداهاش فيا طلع ليا الدم نضت مشيت كنجري لبيت ولدي نعست فيها حتى ضرباتني الفيقة على صوت ولدي لي كيف ناض وهو كيضحك شفت فساعة لقيت 6 دصباح هزيتوا وحطيتوا بين ايديا وانا كنضحك كيف نهزوا وكنشوفوا كنسى هموم الدنيا وكنسى عذابي هزيتوا دوشت ليه فبيتوا ومسحت ليه جسموا بحليب تجونسون ولبست ليه جبادور ورضعتوا وحطيتوا كيلعب انا مشيت كنتسكل لبيتنا نهز حوايجي باش نجي ندوش فدوش ديال ولدي دخلت لقيتوا ناعس مشيت كنتسكل حتى هزيتهم ورجعت لبيت قؤاد دوشت وبدلت حوايجي ونشفت شعري ودرت الكحل لعيني اصلا الحمد الله مامحتاجاش لماكياج نزلت وولدي بين ايديا لقيت سعدسة باقي ماجاتش صاوبت اومليط بالغورماج وعصير الليمون وجلست كناكل حتى وقف عليا عزيز نضت وقفت
انا:صباح الخير حبيبي
متسوقش ليا هز فؤاد وطلع لبيت خلاني مسمرة بلاستي نزلوا دموع فعيني خيت انا مجروحة وجرح كبير الله قلت نسيت العذاب لي داز عليا قبل مع سمير جا سعد حتى هو جرح كرامتي وهان شرفي انا حسيت براسي مسخة اه مسخة وماعندي قيمة حيت كولشي كيشوفني كجسد ماشي كامراة عندها كرامة و شرف انا عمرني فكرت يوقع ليا هادشي اه عندو الحق يتقلق حيت هذا تاني شاب يقيسني من غيروا ويحط عليا ايديه هدا تاني شاب يشاركوا فيا هذا تاني شاب يتمتع بجمالي هذا تاني شاب يلمسني اهئ اهئ اهئ ولكن شنو ذنبي واش انا بغا هادشي انا كنتحرق كتر منو انا وليت عار عليه وليت كنجيب ليه العار وسخت ليه شرفوا بلى مانقصد هو ماجا فين ينسى داكشي لي دار ليا سمير حتى خرج لينا سعد من جنب وللاسف خوه الكبير لي بالنسبة ليه بنقام الاب ديالو انا فهماه ولكن شكون يفهمني انا اهئ اهئ اهئ
مسحت دموعي وجمعت المواعن فاش فطرت وغسلتهم صاوبت ليه الفطور وكنتسناه ينزل حتى عييت وطلعت ليه الفطور فبلاطو دخلت لقيتوا كيلعب مع ولدوا وميضحكوا شفتهم وكنضحك حتى سمع ضحكتي وجمع ضحك حطيت ليه الفطور
انا:حبيبي ها فطورك كنتسناك تنزل وانا نطلعوا ليك
عزيز:الصمت
انا ماقدرتش نتحكم فراسي حيت كيعاملني بجفاف وبحال الى ماكايناش وانا نطلق لعنان للبكا نبكي ونقول مابكيت
اهئ اهئ اهئ
وتقول واش حن فيا ولا حتى شافيا..... خرجت كنجري مشيت لجردة وجلست فزعلولة وكيف العادة كنبكي حتى صونا الجرس ديال الدار مشيت خليت وكنلقى خويا ومراتوا فرحت منين شفتهم عنقتهم وذخلنا انا خبيت احزاني وكنصطنع الضحك دخلوا وجلسنا كنهضروا قاليك حتى هما غاديبن يسافروا لباريس بلد الحب ههههههه جاو يتشاوروا معايا انا نصحتهم حيت كنت ديجا مشيت ليها شي 4 سنين هاذي فعمل وعجباتني ونصحتهم فين يمشيو و شجعتهم نزل عزيز وفؤاد هزوه كيلعبوا معاه تغداو معنا ومشاو يوجدوا الحقائب ديالهم حيت فليل غاديين ....تغدينا وتوادعنا ومشاو سعداتهم بالفرحة لي ظاهرة فعينيهم ياربي دومها عليهم
عزيز خرج لجردة وهز ولدنا تبعتهم وجلست حداهم
انا:عزيز عفاك هضر معايا ماتحرمنيش من صوتك انا بلى بيه مانقدرش نعيش
عزيز:الصمت
انا:عزيز انا حاسة بيك ولكن حتى انت حس بيا
عزيز مشا وحط ولدنا فبيتنا و مشيت تابعاه بحال التابعة هههههه خرج من بيت فؤاد وبغا ينزل من دروج وانا نجروا لبيتنا بزز منو دخلنا وعنقتوا هو بقا لايح ايديه مابدلنيش لعناق وفلحضة دفعني
انا:ماتعملنيش هكا حسن ليا تقتلني ولا تبعدني عليك بحال هكا عفاك عفاك اهئ اهئ
عزيز:الصمت
انا:الله يرحم ليك الوالدين ماتعقبنيش على شي حاجة مادرتهاش انا شنو ذنبي انا كنبغيك انت وماكيهمنيش حتى واحد انت لي معرفت مالك مابيغيش تفهم هادشي
عزيز:(انفجر عليا فوجهي وكيغوط بكل جهدوا) وعيييييييييييت ابنادم عييييييييت مايمكنش مايمكنش باقي نحط عليك ايدي من اليوم
انا:اهئ اهئ وانا اشنو درت
عزيز:انتي لي درتييييييي كولششششييييي فهمتييي كيف كنقيسك كنتفكر المنضر لي للقيتك فيه انا مابغيتش نتفكر داكشي لي وقع حيت قلبي كيقطع
انا:وانا قلبي مكيتقطعش انا من الحجر ياااااك دوي
عزيز:انتي السبب انتي
انا:(كنغوط )ااااااااااه انا سبب حيت عند بالي مزوجة براجل يحميني حتى من نفسوا ساعا غلطت انت بزااااااااااااف عليك تكون راااااااااجل
....ماكملتها حتى طاح عليا كيضرب فيا بلى رحمة وانا كنطلب فيه
انا:اهئ اهئ اهئ اهئ عفاك باراكا صافي
وهو ماكينش هنا بقا كيضربني وحشية ..... حتى عيا وضرب الباب .....خلاني مليوحة فالارض وخرج ماحنش فيا اهئ اهئ اهئ مارحمنيش اهئ اهئ اهئ ضربني بلى شفقة نضت غير بزز حيت عظامي كلهم مهرسين ووجهي كيعgرني شفت فالمراية ولقيت عيني زرقا و وجهي منفوخ عنقي مطراسي وايديا فيه الخطوطة باش كان كيضربني بسمطة بقا فيا راسي اه بقا فيا راسي واش هادشي لي كنستاهل هذا جزائي حيت بغيتك اعزيز ماحنيتيش فحبيبتك ومشفقتيش عليها ماهانتش عليك الدمعة لي فعيني ولا صراخي واخا
انا دابا شنو نذير الى شافني شي واحد هكا غادي يتخلع وليت بحال الحبسات كاي زرقة عمرني تخيلت شي نهار نولي بحال هكا اهئ اهئ
دخلت لدوش وطلقت عليا وجامعة رجلي اش غادي نكون كندير فنظركم غادي نبكي ونتنخسس
بقيت نبكي حتى بردت شوية وخرجت بدلت عليا لحوايج حيت عمرتعم بالماء درت بودر باش يغطي زروقية شوية ولكن والو فمي مشرg ومنفوخ الزروقية بقا كتبان وبزاف مشيت عند ولدي لقيتوا ناعس ونزلت نجبد شوية ديال الخيار وتلج نبرد بيه هادشي وللا سف تلاقيت مع ماما عائشة لقاتني هكاك تخلعات وجات كتجري لعندي
عائشة:اويلييييي ابنتي اش هادشي شنو دار فيك هاذ الحالة
انا:غير طحت من دروج ووقع ليا هكا
شظاتني من ايدي وانا نغوط حيت كتعgرني
عائشة:مالك اشنو كيضرك
طلعات ليا لبودي ولقات الخطوط مرسومين فايدي وفهمات كولشي
عائشة:واااااااااش عويز لي دااااااار فيييييك هاد الحال هضرييييييييي
انا:الصمت ودموع نازلين
عائشة:واخا ديري ليه لي درتي ماعندوش الحق يدير فيك هكا هذا ظلم
انا:(بغيت ندوي ولكن فمي كيضرني ) ما ....
...دخل عزيز وحنا كندويو وتلاحت عليه ماما عائشة بتصرفيقة
عائشة:دويييي اولدييي هادي هي تربيتي ليك هكا كيعاملوا الرجال عيالتهم
عزيز:الصمت
عائشة:شوف كيف رديتيها راك زعما متقف مربي الاجيال هادشي لي غادي تعلمهم كيفاش يضربوا عيالاتهم هضرررر
عزيز هز فيا عينيه شافني بحال هكاك وايدي متراسية وتخلع ونزلوا الدموع من عيني جاي كيقرب لعندي وانا كنهرب منو بقا خايفة منو اه بقا خايفة منو حتى عكلاتني طبلة وطحت جا يهزني وانا نغوط عليه
انا:بععععععععععععد منيييييي ماتقيسنييييييييييش
عائشة:فرقها عليك صحابليك العيالات لعب ضربهم وقتما بغيتي وتجي وتسمح ليك
عزيز:وبلالالاش بنقص من سماح ديالها وطلع لبيت ولدوا
هزاتني ماما وداتني كتداوي ليا جروح ولكن لي فقلبي شكون يداويه اهئ اهئ اهئ
عائشة:نسحيها ابنتي فوطهي هو راه بحال المرحوم على اقل حاجة كيضربني عفاك ابنتي سمحي ليه وانا غادي ندوي معاه مابقاش يحط عليك ايديه
انا:سمحيليا اخالتي منقدرش اهئ اهئ اهئ
عائشة:انتي لي تعرفي ابنتي
طلعت لبيتي ولقيتوا الله خارج من دوش لاوي عليه فوطة شافني وانا دورت وجهي مابغيتش يبقا يشوف فيا وانا دايرا هكا
حدرت راسي ومشيت لماريوا نهز كريم نديروا لوجهي يبرد عليا خيت كيحرقني هزيتها وجا لعندي بغا يشدني من خصري ودفعتوا
انا: بعد مني ماتقيسنيش انت ممزيانش وظالم انت حقير مرحمتينيش شوف كيف درتي ليا
عزيز:انتي هنتيني كيفاش قدرتي تقولي ليا ماشي راجل انا متحكمتش فراسي مكفاكش داكشي لي وقع ومسني فروجلتي وسكتت وصبرت وجايا تقولي ليا ماشي راجل ولكن صدقتي وكون كنت راجل غادي نوريك شغلك شحال هادي
انا:الصمت
عزيز:دابا خرجي عليا باغي نتكا شوية
خرجت ونزلت عند ماما كندويو حتى وجد العشا نزل تعشينا كاملين واخا مكنقدرش نحل فمي وناكل كنغوط عاد كناكل وعزيز مراقفبني وعينيه وعينيه مدمعين ....الله بقيت فيك حتى بليسيتيني
تعشينا ومشيت نعست مع ولدي
وصل صباح وعظامي تقال عليا داك الضرب كلو الله رجع عليا بالعيا بقيت حالة عيني ولكن مقاداش نتحرك ولدي كيبكي بغيت نوض كنجي نهز راسي ونحرك رجلي ومكنقدش.... عزيز سمع ولدو كيغوط وجا حل لباب لقاني حالة عيني وولدو كيغوط يمكن صحابلوا واش هملت ولدي مشا لعند فؤاد وعيط على نجية داتو تبدل ليه وجا كيغوط عليا
عزيز:ااااااااش هاااد قلة المسؤولية تعرفي غير تولدي صافي علالالاش كتسمعي فؤاد كيغوط وماقدرتيش تهزيه
انا غير كنبكي بغيت ندوي وماخلانيش ندوي جا شدني من ايدي بتش ينوضني بزز ولكن بدون جدوى كيهزني وكنطيح
عزيز تخلع
عزيز:(مخلوع)مالكي اهناء دوي
انا:اهئ اهئ ماقاداش نتحرك عظامي كلهم كيضروني بغيت نقولها ليك ومكتخلينيش ندوي اهئ اهئ
عزيز:سمحيليا انا مافهمتكش اهئ اهئ
عنقني وانا غوطت حيت عظامي كلهم كيضروني هزني بين ايديه وداني لبيتنا حطني فوق نموسية وحيد ليا البيجامة وشاف ايدي كلها متراسية حط ايديه على رجلي وكنغوط قلبهم لقاهم حتى هما هكاك خيد ليا كولشي وجاب تلج ميديروا ليا وكيداويني وهو دموعوا نازلين ......لبسني وتكا حدايا وعنقني مامشاش الخدمة وبقا مقابلني سمحتليه اه واخا ضربني حيت كيبغيني واخا عصبي ويديه سابقاه ولكن كيبغيني ....... طلعات خالتي طمأن عليا ولقاتنا هكاك حشمنا وهي كتضحك ورضات علينا وخرجات طلعات لينا سعدية لفطور وكيوكلني وانا كنضحك كلينا وجلس كيشوف فيا
عزيز:سمحيليا احبيبتي هاذي اخر مرة مانبقاش نحط عليك ايدي كنواعدك
انا:حتى انا سمحليا مابقيتش نقلقك مني
جلسنا نهار كامل فابيت وعرفنا بلي سعد باقي فغيبوبة وبهية رجعها حميد لدار ومجدولين وسمير تاصلوا بينا وهما فرحانين ......
اليوم فقت قدرت نتحرك واها بقا كنتوعت دوشت و لكن وجهي باقي منفوخ وضربة بقا زرقة لبست بيجامة فالكحل وشعري جمعتوا كعكة و نزلت لكوزينة لقيت ماما عائشة وعزيز هاز فؤاد و جالسين كيتسناوني بست لماما راسها وتسالمت مع عزيز وبست ولدي
انا:صباح الخير عليكم
عزيز:صباح نور بغيت نفيقك قلت نخليك ترتاحي
ماما:كيف بقيتي شوية
انا:حمد الله شوية
وحنا كنفطروا طلع عزيز يحط فؤاد و كنسمع دقان حلات نجية وصدمة كانت ماما هي خالتي نعيمة (خت ماما جات عندنا فاش تزوج خويا وبقات معهم )
انا كيف شفتها وقفت من الخلعة وحتى عزيز تصدم وماما عائشة ولات كترعد
ميمتي شافتني وجات كتجري
ميمتي:مالك اش هادشي واقع ليك شكون دار فيك هاد الحالة
انا:حتى واحد اميمتي غير ضربني الماريو
ميمتي:هههه دابا انا بنت ليك كنرضع صبعي وليتي تكذبي عليا انا راه مك فهمتي ودابا الى ماجوبتي غادي نوريك شغلك مزيان هضرررررري
انا:م مم
ميمتي:ياكما عزيز لي حط عليك ايديه تاني
انا:لا لا ببب باب د الماريو
ميمتي:شوفي فيا هزي عينيك نشوفك واش كتكذبي.انا مابغيتش نطلعهم حيت هي من ديما كتحصلني من عينيا
طلعات ليا وجهي ولقات عيني حمرين ودامعين
ميمتي:عزيز مول هاد الفعلة فين هو دوي هضري
انا:ماما صافي راه سمحت ليه راه كنبغيه وحتى هو هذاك حبيبي
ميمتي:حبة فلسان كتبغيه هذا هو الحب هو يتكرفس عليك ويعذبك الخب ابنتي الى مادارليك القيمة وشان ماشي حب هذا راه الذل والغباء هذا قلة العقل
عائشة:سمحيلينا الالا رقية صافي ميبقاش يعاودها
ميمتي:(وهي طالع ليها الدم)قولي ليا اختي تبغي راجل بنتك يدير ليها هاد الحالة تقبلي وتسكتي ولا غادي تصفقي ليه
عائشة:اه بصاح الله يلعن الشيطان ويخزيه راه دغيا كيتعصب ويديه سابقاه
ميمتي:الى سابقاه دابا نقطعها ليه عندكم بسحابليكم غير ساكتة راه هبيلة
نزل عزيز منين سمع صداع شاف ماما وهو يتسمر بلاستوا
ميمتي:(وحاطة ايديها على جنابها)جيتي امولاي السطان تبارك الله عليك هاذي هب الامانة لي غادي تهلا فيها هاذي هي تربيتك
عزيز حدر راسو بلا كلمة بلا جوج
ميمتي مشات عندو وصرفقاتوا جوج تصرفيقات هو ماتحركش وحتى ماما عائشة سكتات
ميمتي:ماقدرتيش تهلا فالامانة انا ربيت بنتي على الفشوش عمرني ضربتها كبرناها وتعذبنا عليها باش تجي انت ودير فيها هاذ الحالة دوي انت تبغي اختك تشوفها هكا تشوفها فهاد الحالة ولكن انا لي غلطت خيت سامحتليك دابا هاذي ثالت مرة كضربها وهاد المرة زدتي فيه بزااااف واش محنيتيش فيها مارحمتيهاش هذا هو الحب تعدى عليها تشوه ليها وجها دوي
عزيز:سمحيليا الوليدة مابقيتش نعاود
ميمتي:الى خليتها ليك غيى عاود الله يجعلك تقتلها وتقددها شوفي انتيا طلعي جمعي حوايجك وجيبي ولدك يلاه تحركي
انا: لا اماما لا غير خليني
عزيز:عفاك الوليدة والاه مابقات تعاود ماتفرقينيش على مراتي وولدي
ميمتي:مراتك مالك ماتفكرش منين ضربتيها الله ولات مراتك
عائشة:لالا رقية الله يحفظك سمحي ليه ماتحرميهش من مراتو وولدوا
ميمتي:لا هي لا سمحت ليه المرة الاولى والثانية وهاذ المرة ماغاديش نسامحوا صافي عيق بزاااف ماشي يشوفنا ساكتين يصحابلوا البنت ماعندها حد الحمد الله باقيين عايشين وقولي ليا كيفاش نقدر نعيش وانا عارفة بنتي معاه فأي وقت يضربها
جراتني من ايدي وانا كنطلبها .. عفاك اماما صافي مابقاش يعاود هي ماسمعتنيش جمعات ليا حوايجب وطلبات من خالتي نعيمة تهزها نزلاتها وهزات ولدي ونزلات وعزيز تابعهاهو و ماما عائشة كيطلبوا فيها وهي صافي تعصبات ماما منين كتعصب ماكتبقى تشوف حتى واحد خرجاتني وعزيز طاح الارض بقا فيا آه حبببي بقا فيا طاح الارض كيبكي وانا جراني ماما و دموعي نازلين خرجنا شدينا طاكسي ومشينا لدار وانا كنتنخسس وماما كلها كترعد بالفقسة عنقتها وكنبكي على صدرها عارفاها خايفة عليا وعلى مصلحتي وصلنا لدار ودخلنا شافني بابا بحال هكاك تخلع ولكن هدناتو ماما لقثنا ولد هالتي نعيمة منتصر كنا انا وياه كي التوأم فطفولة ديالنا شافني وجا عنقني
منتصر:اختي مالك شكون دار فيك هاد الحالة
ميمتي:راجلها ضربها وقالتليك باقي كتبغيييييه
منتصر:(غمزني)اش هاد الحب اختي باينة تحطي على زنفورتك
انا:هههه ضحكتيني خليني عليك هاد الساعة بغا نطلع لبيتي نرتاح
ميمتي:يلاه طلعي رتاحي
بابا:طلعي ابنتي وحساب عزيز هو الاخير المهم رتاحي ومن بعد نهضروا
خالتي:حبيبتي يلاه طلعي وفؤاد هاهو معايا متخافيش
طلعت لبيتي وسديت الباب وجلست كنبكي بقا فيا عزيز وماما عائشة ولكن ماما عندها الحق يمكن خاصني نبعد عليه شوية هكا احسن ....